亂皂𥴊仔店 ⓂⒺⒾⓃⓀⒾⓄⓈⓀ

講著德國進口米，我 ê 茶鈷呻甲伊 mā 喝厭𤺪 buaih 閣出聲。

講著德國魚臊鞏金閣框金，m̄ 管我按怎下性命骨力手面趁食猶是骨頭含梢 buē 鞏紅毛塗。

講著牛肉、火雞肉、下水(hā-suí)、Tshì-sù、牛奶、優格遮 ê 交咱臺灣相比並是少缺閣大碗閣滿墘 ê 食物，我是喙白家己做得來。

講著𠕇果、種子抑是菜子，我愛食𪜶總是驚大箍 mā 驚惶 kā Omega-3 食甲變 Omega-6 hōo 家己發炎，所致一日加加食 10g。

Uī-tio̍h 免系疫統守門員鋅講甲規一大拖沙我 mā 蓋𠢕，總是這 mā 表示我認真面對家己 ê 喙白並學習喙白帶來 ê 缺欠愛按怎 uī 家己敆藥 hōo 家己 ê 日子過甲較四序並快活。

咱人類 tī 目前 ê 自然生態是金字塔上頂層 ê 掠食者，咱交別 ê 生物相𫝛有血有肉，不過咱人類卻比別 ê 生物頇顢，咱無才調倚靠空氣、水、塗抑是孤食物來得維持魂舒 ê 機能運作，咱人類需要動物抑是植物替咱人類補充礦物質佮維生素。

成做自然分類 ê 女性，咱加加少少齊有欠血 ê 問題，特別是紅肉食無西方人 tsuē ê 亞洲人，所致咱加加少少攏有這个觀念，食下水(hā-suí)補血，食魚顧骨。寫著食魚顧骨 hōo 我想著自來就愛食魚 ê 我，囡仔時上無愛 ê 魚，魚油。

交食魚油記錄片相拄進前，我 tuì 囡仔時呔討愛食魚油 ê 因端捎無摠，這久交食魚油記錄片相拄搪，我想著這是阿爸佮阿母 uī-tio̍h buaih hōo 囡仔行向無法度節 ê 未來，像親情佮厝邊 ê 囡仔，準做手面趁食喙齒根咬 leh mā bueh hōo gún 補魚油。臺灣底時開始食魚油，請教網路眾神講是 1970 年代，拄拄好是我 ê 年代。魚油 ê 出世 uī-tio̍h 改善「英國病」厝內 ê 親情交厝邊 ê 囡仔敢是英國病，時過遮 tsuē 冬無紗線通㨨 m̄-koh 記錄片中 ê 英國囡仔有 ê 跤形若拍叉仔，有 ê 胸崁若水雞，交我囡仔時 tuì 親情 ê 印象有鬥峇。

囡仔時食 ê 魚油交飯頓愛食 ê 肉鯽仔、白帶魚、蛤仔遮 ê 魚臊 tuì 我 ê 骨頭敢有幫贊，我無啥理解，總是按倒手脫輪兩斗搪著天氣變化無成做氣象局來講，食魚交曝日頭較確實有幫贊。生活踮臺灣無感覺金烏有啥特別，徙岫到德國數念金烏，數念甲連做夢攏 ē 夢伊彼頭那阿波羅 ê 頭鬃順風輕輕仔捊過我魂舒 ê 感覺。

頂日仔 uī-tio̍h 送阿菇出門，小面神成做規張紙晝觀音：大面神，烏仁目鏡掛好，bueh 出 ê 菜蔬一項一項款去磚坪，Yoga 音樂揤落，那做日頭花那沓沓仔切菜，阿波羅金爍爍 ê 頭鬃順天地恬靜一絲一絲勻勻仔捊過我 ê 毛管空，捊入我 ê 心肝穎，幸福 ê 感受無需要銀兩，幸福 ê 感受 tī 天地自然之中。

德國人人有五分一抑是六分一有關節炎問題，少年就骨頭含梢 ê 問題 mā 勻勻仔行向英國病 ê 年代， 勥母因為喙白愛收集 Omega-6 無愛收集 Omega-3 hōo 伊猶少年就漚少年自動成做氣象局，食藥仔控制 ê 關節炎 mā tī 幾冬前成做若樹椏 hōo 伊無法度恬靜食老，翁 ê 朋友 mā 因為追求自然療法沓沓仔行向欠這欠彼 ê 連家己 mā kiōng-bueh buē 記得。我因為遮 ê 例開始驚惶，m̄ 管目今如何，無好好仔注意猶是食老無效，挖無塗豆，開始繩無論自來抑是後到 ê 喙白，畢竟遮是德國 m̄ 是臺灣，準做醫療利便，一想著做囡仔就開始學習 ê 華語聽講到今猶是 2266，半路 tsiah 學習連半桶師齊無 ê 德語...我甘願事先預防，莫激皮皮像翁兜勥母按呢，認為外表妝娗媠媠，生膿、孵膿、化膿、脹膿就 buē 出膿 ê 自動消失。

Mā m̄ 通捎做現代醫療萬項萬代齊有法度治療就無要意身體 ê 警告，像翁 ê 朋友心梗塞救轉來猶是匪類 ê m̄ 驚。我 ê 膽比鳥鼠仔閣較細粒，我 ê 褲袋仔永遠袋磅仔無銀兩，我規魂舒上有經濟價值 ê 部份就是好好仔 kā 家己照顧好勢莫造成別人 ê 困擾。論真講，這个向望自自囡仔時代就綿豉 bueh 實踐 ê 目標，畢竟看阿爸交阿母 uī-tio̍h 病疼來拖磨過日子，我 buē 向望家己 tī 這項代愛哭愛綴路，特別是我出世 ê 年閣醫療無需要行向𪜶 ê 無 ta-uâ 。所致，m̄ 通好好仔鱟刣甲屎那流，像翁兜勥爸勥母。

頂站仔翁 hőng 褒嗦講看 buē 出有歲，真𠢕保養 hōo 我成做貓斟酌 tuì 伊貓貓相。伊確實愈看愈少年，本底焦蔫若樹皮 ê 面肉沓沓仔飽水，本底無法度 ê 亞洲跍因為 Omega-3 食比 Omega-6 tsuē 交跟綴牽手有事無事做 Yoga 抑是 Pilates 有才調沓沓仔做亞洲跍閣進步甲坦倒英雄式(Lying hero pose) hōo 我 tuì 伊臭頭仔包布，防蠅(風神)講「認真食補比認真妝娗假無意閣較重要。」

Gún 兜有一張全家福，𪜶老爸 uī-tio̍h 修圖 kā 我修甲若火炭 hōo 人認 buē 出來，kā 𪜶翁仔某修甲一絲皺痕攏看無，特別是𪜶兜若「陽婆婆」胭脂水粉頓甲若壁 ê 好牽手。人生行到這个歲我無驚娘仔絲 mā 無驚無頓粉出門，起因我 ê 想法交張鳳書小姐 tī《醫師好辣》分張 ê 想法相仝，食比妝閣較重要。

「自你家甲做來德國我 ê 身體有無相𫝛 ê 變化」翁笑微微滿足仔講。

「自我家甲做來德國我 ê 身體 mā 有無相𫝛 ê 變化，m̄-koh 好里佳哉我耳空重無 hőng 恁人牽 m̄ 行，鬼牽溜溜行舞死家己。」

「你敢有讀我透早寄 ê 新聞」翁緊 kā 話題交換手 hōo Telegram，準做咸豐愛講三，我 mā 無興講到今隨𫝻手機仔讀伊分張 ê 新聞。

Täglich Eier essen: Laut Studie können Sie damit Demenz-Risiko senken 逐日食卵，根據研究會使得減少失智風險，順這个話題我請教網路卵除了維生素 B、D 交膽鹼(Cholin, Choline)閣有啥物特別維生素抑是礦物質交失智有相干，網路眾𠢕人賜我這个智慧鋅，我順這个鋅繼續請教𠢕人發見我敢若無啥食著鋅。起因，德國魚臊鞏金閣框金 hōo 我久久食一斗，紅肉類 ê 牛、羊我罕得食，豬肉 mā 是，白肉 ê 火雞肉交我是門扇枋鬥 buē 峇，金瓜子、腰果、杏仁有食 m̄-koh 逐日食無一湯匙，Tshì-sù kan-ta 愛食寮仔 Tshì-sù 彼類，優格逐日 mā 食無 250g，一項一項巡巡甲無巡無代誌，巡甲入大厝，驚死家己。

繼續巡我敢誠實食無夠額？

蘑菇、菠薐仔、紅豆、鴟鴞喙豆、燕麥片、青豆仁、糙米...我齊有食食 ê 小等一下「糙米」。

「這久咱有食北非小米、土耳其麥仔米(Bulgur)、秮仔，糙米會使得提掉」嫌德國進口米䆀味 ê 我自翁接受這三款麥仔米我開始按算 kā 糙米按五穀提掉，這久搪著僫食著 ê 魚臊鋅需求，卵、蘑菇、鴟鴞喙豆遮 ê 物無可能逐日食，燕麥片一日 mā kan-ta 食 10g niā-tiānn，人 ê 年歲愈添，營養愈𠢕 phàng-kìnn，我猶是莫喙白乖乖仔繼續食糙米，畢竟維生素 A 需要鋅，我 ê 目睭需要鋅鬥相共，食糙米𫝛時 mā 食著交鋅相款 m̄ 是僫食就是喙白 ê 銅佮硒 。

一項一項巡，一項一項 tuì 翁講「向時真𠢕 hōo 爸母 ê 恁，這久願意食菠薐仔、鴟鴞喙豆、麥仔米等等有鎂 ê 天然食食，恁爸母較 buē 來上童 m̄-koh 滓猶原僫清。腰尺需求 ê 胰島素，皮膚需求 ê 金滑、免疫系統守門員 ê 鋅佮銅，你自本就愛食大丈夫，m̄-koh 我較僫一千賒 m̄ 值八百現 ê 好替換，不過我比你較幸運，我無遐爾仔喙白，所致按植物猶是有才調食著鋅佮銅，硒 mā 是。」一條一條巡，一項一項欠 hōo 伊聽 mā 補 hōo 伊捌「恁爸母啥物齊欠，唯一無欠藥仔。你會使得繼續愛哭愛綴路，跟綴𪜶 ê 跤步，然後講好好仔鱟刣甲屎那流是大自然 ê 變化。」

「有媠某扞家交扞鼎，我真僫行向彼个目標」伊笑講。

「僫講哦，茶滓、油滓、尿滓 m̄ 管啥物滓，無好好仔清，食仙藥 mā 無較縒」我講。

德國進口 ê 糙米食 buē 敆喙又閣煮 buē 出印度米彼款氣味，uī-tio̍h 鋅、銅、硒遮魂舒無法度家己合成我又閣喙白抑是僫食著 ê 礦物質，我 ē 繼續食糙米，起因我清楚知影家己無戰車 ê 體質，像翁兜勥爸佮勥母按呢。

窮真講，𪜶兜爸母有才調好好仔鱟刣甲屎那流猶 m̄ 驚惶，講社會福利無鬥相共，彼是騙人--ê。總是社會福利 m̄ 是萬能丹，抑無德國 buē 按算 kā 法定退休年歲繼續搝懸交一禮拜工課四到五日改做六日並降低公民贊助金，一人一月日 400€。

德國有 tsuē-tsuē 人 m̄ 做穡，通月日倚靠公民贊助金交兒童贊助金過日子，gún 前厝邊少年翁仔姐就是按呢過日子。

日子是家己選擇，身體健康除了沐著拍馬膠(Pech gehabt)掠外 mā 是家己選擇，簡單一句，身體健康交金錢財寶齊是家己栽一欉，較贏看別人，無想 bueh 活甲八十倒 tī 病床哭呻別人 tuì 家己無友善，就好好善待家己 ê 健康，莫好好仔鱟刣甲屎那流，像翁兜勥母。

德國進口糙米無敆喙 mā 煮 buē 出印度餐廳 ê 味素，就順德國人慣勢 ê 喙斗攢米，果真 kā 米按亞洲人轉做歐洲人，無敆喙隨敆喙甲 bueh 繼續巡食譜來綴 leh 做。

花豆糙米沙拉

…… 材料 ……

…… 步數 ……

Ehrlich sagt, ich mag nicht den Reis in Europa und für das Problem ich habe die Beschweren auf hier über das Rezept Couscous Salat geschrieben, aber wenn ich  darüber nachdenke, Reis hat Zink und das Zink ist wichtig für Insulin, Haut, Stoffwechsel, Haare und Torwart für Immunsystem. 

Das Zink hilft dem Plasmaprotein für Vitamin A für die Augen, insbesondere für die Menschen mit Nachtblindheit, meine Augen haben das Problem, ich brauche Zink, aber ich kann Zink nicht einfach bekommen, weil Meeresfrüchte in Deutschland ist Gold und ich bin Wählerisch.

Zink am meisten im Fleisch, wie Rind, Lamm, Puten, Interne Organe und Meeresfrüchte wie Fisch, Austern, Muscheln, ich esse keine inneren Organe, ich habe kein Problem mit Fisch und Muscheln, aber ich habe Problem mit Austern, ich habe kein Problem mit Fleisch, aber ich habe Problem über Pute, Lamm und Rind. Rind und Lamm sind leckeres aber jeder ist den Geschmeckt als Kind gewohnt. Puten…Nein, Nein, NeIN, er ist Feind in meine Welt wie meinen Mann, aber ich liebe ihn noch, Puten, NEIN, NEIN, NEIN bis ich einschlafe.

Ich brauche das Zink, ich suche wo ich es bekommen kann. Ich kann das Zink aus Pflanzen bekommen, wie Nüsse, Kerne. Der Profi sagt, die Nüsse und Kerne jeden Tag ca. 25g 1 Esslöffe, Ich weiß nicht ist das Essen genug für Zink, aber ich bin ganz sicher die ich nicht viele esse, weil ich davon nicht satt werden. Man kann das Zink aus Joghurt, Käse und Milch bekommen, aber leider, ich habe gleiches Problem. Ich mag kein Käse, ich trinke die Milch nur für den Kaffee, ich esse den Joghurt für mich nur als Süßigkeit. Über der oder das Joghurt muss ich mich beschweren, Joghurt ist Joghurt, warum brauchts du die der das und macht die Menschen wie mich so verwirrt, in Deutschland ist der Joghurt, in Österreich und in der Schweiz ist der Joghurt, ist das oder der Joghurt. Wenn die Menschen mir sagen, du hast großes Problem mit der Grammatik, finde ich ein gute lösung. Sind Sie sicher, dass Ihre Grammatik in einem anderen Land dieselbe ist?

Ich mag nicht den Reis in Deutschland, aber für meine Augen ich will den Reis weiter essen und suche weiter das Rezept für den Reis in Deutschland.

Für das Problem bin auch neugierig, warum den Reis in Indischen Restaurant schmeckt so gut, mein Reis schmeckt nicht, warum? Aber ich muss nochmal sehr ehrlich, der Reis für den Salat passt sehr gut, wahrscheinlich der Reis in Deutschland passt nur zum Salat, oder?

Reissalat mit Kidneybohnen

…… Zutaten ……

…… Zubereitung ……

Honestly, I don’t like the rice in Europe and for that problem I’ve written the complaints on here about the couscous salad recipe, but when I think about it, rice has zinc and the zinc is important for insulin, skin, metabolism, hair and goalie for immune system.

The zinc helps the plasma protein for vitamin A for the eyes, especially for people with night blindness, my eyes have the problem, I need zinc, but I can’t just get zinc because seafood in Germany is gold and I am picky.

Zinc most in the meat, such as beef, lamb, turkeys, internal organs and seafood such as fish, oysters, mussels, I don’t eat internal organs, I have no problem with fish and mussels, but I have a problem with oysters, I have no problem with meat, but I have a problem with turkey, lamb and beef.Beef and lamb are delicious, but everyone tasted as a child. Turkey … no, no, no, he is enemy in my world like my husband, but I still love him, turkeys, no, no, no until I fall asleep.

I need the zinc, I’m looking for where I can get it. I can get the zinc of plants, such as nuts, kernels. The professional says the nuts and kernels every day about 25g 1 tablespoons, I don’t know the food is enough for zinc, but I’m definitely that I don’t eat a lot because I am not fed up with it. You can get the zinc of yogurt, cheese and milk, but unfortunately I have the same problem. I don’t like cheese, I only drink the milk for coffee, I only eat the yogurt for myself as a candy. I have to complain above the yogurt, yoghurt is yogurt, why do you need that and make people like me so confused, in Germany the yogurt, in Austria and in Switzerland, is yogurt, this is or yogurt. If people tell me that you have a big problem with the grammar, I find a good solution. Are you sure that your grammar is the same in another country?

I don’t like the rice in Germany, but for my eyes I want to continue eating the rice and continue to look for the recipe for rice in Germany.

I am curious about the problem, why the rice in indian restaurant touches so good, my rice does not good good, why? But i have to be very honest again, the rice for the salad fits very well, probably the rice in germany only fits the salad, right?

Red Beans and Rice Salad

…… Ingredients ……

…… Method ……