掜咖哩粉 ê 豆腐是娘仔樹絡，菠薐仔是娘仔青蘢蘢 ê 飯頓，黃甜番薑仔交番麥是鹽酸仔青春少女金黃閃爍 ê 畏羞禮，紅甜番薑仔 ê 紅絳絳交花豆 ê 紫紅是少女十八變 ê 獨立美麗。食譜原文 ê「豆腐白汫無素？若是按呢生，你 ê 出菜手路凡勢愛調整。來，試這鹹汫看覓，伊 hōo 你 Das Auge isst mit（雙目做伙食）閣飽滇 ê 元気」是 gún 跟綴伊 ê 推薦所經出來 ê 絲線。
近來那做運動那收聽《公視台語台Podcast節目》無聽過 ê 部份，伊 hōo 我聽著《語言學家解破台語》劉承賢副教授 ê 訪問 mā hōo 我聽著央廣《台灣夜市》主持人曾偉旻 ê 訪問，這兩个訪問 hōo 我留下深甲若菲律賓海溝 ê 印象，當然猶有其他印象深刻 ê 訪問，總是𪜶 ê 訪問直拄直泅入我 ê 心肝穎，特別是劉副教育針對搪著台語漢佬仔先交若人民聖教堂 ê 台語學習團體 ê 破解，阿旻先生 tuì 外來辭 ê 想法交堅持，遮 ê 議題是 mā 是餾甲變脯，連咸豐 mā 喝莫閣講三到今，所致 kia̍p 甲遮為止就好。這久 ê 我 kan-ta 想 bueh 喋這代誌，針對國名抑是人名我 mā 是堅持以彼國語言抑是強勢語言英語為主 buaih 閣食菜脯搵豆油。
最後寫著桑椹抑是鹽桑仔這項代，因為書寫部落格我 tsiah 有機會發見家己從來 m̄ 知影桑椹 ê 德語交英語按怎講，是講我 ê 華語 mā lòo 甲捷 hőng 糾正，德語交英語愈免交代，所致合該然免遮爾仔致意這兩个比華語閣較 lòo ê 語文按怎講鹽桑仔，總是五穀王四界食，我 tuì 語言 ê 態度 mā 相仝，我 ê 語言食桌有台語、華語、英語、德語、西班牙語、客語，所致呔討 buaih 有樣看樣，有例趁例，準做後尾兩語是臭生荒，我猶是興趣趣想 bueh kā 𪜶學習轉來。
客語 ê 鹽酸仔號做桑仔子、酸仔子。
德語 ê 鹽酸仔號做 Maulbeeren。
英語 ê 鹽酸仔號做 Mulberries。
西班牙語 ê 鹽酸仔號做 Morus。
德文 ê Maul 是動物 ê 喙，我順這个辭愖鹽酸仔交洋刺波 ê 大細，紲落來提醒家己轉去台灣愛斟酌觀察這兩个在我眼內是大細腎，無宛二體 ê 植物。
寫到遮食物交語言 mā 大細腎，𪜶是有著來，無著汰，有著學，無著煞 ê 按怎分絡湠椏，開花結子 mā 愛鉛粉掖有夠額 tsiah 有緣份通相牽相祓，抑無正港是十萬八千里，像客語囡仔時有彼个環境交客家阿姨破豆，猶 ē 曉聽講，這久無彼个環境賰𠊎毋知上𠢕講，賰 ê 百分之九十九是鴨仔聽雷。
西班牙語愈免講，無彼个經濟需求自然臭生荒，去年 2025 翁仔姐做陣去西班牙𨑨迌我 mā 一二三四五六七，這个語言八九隨伊去，無致意，起因 gún 翁 ê 西班牙語是西班牙人掠伊家己人，我這个西語漚古者就免卸世眾，不而過當我探討 m̄ 捌 ê 字詞，猶是 ē 好玄伊 tī 西語按怎講，起因伊交客語相仝是我人生 ê 一部份。
是講步頻有這个變化 mā 是按寫部落生湠，無寫部落格我 buē 去愖遮 ê 問題，起因海水闊闊，閣甲船頭正港相拄 buē 著。
啊，閣一斗正港愛感謝面冊 ê 普魯仔賜我這个智慧揣著適合家己 ê 角勢，順紲敨放驚得失人 ê 白汫無素情緒叨撚。
因為寫部落格，我開始思考 Tex-Mex 這類 tī 華語講「美式」、「法國風」ê 形容詞 tī 台語 ē-sái 按怎形容。進前骨力做膨鼠請教 Google 揣無答案，這久因為《公視台語台Podcast節目》牽線 hōo 我認捌《這是台灣款》，紲落來我得著海水闊闊，船頭也 ē 相拄著 ê 智慧，美國款，法國款，墨西哥款，像這出菜是德國人按墨西哥食物生湠 ê 食譜，我就順這个理路 kā 伊號做墨西哥款，賰 ê 是我家己做畫家 kā 豆腐想做鹽酸仔樹絡，kā 紫掛紅 ê 花豆想做按囡仔轉烏貓 ê 桑椹。啊，咱 ê 世界愛按怎 tsiah 有趣味 mā 是家己主意，敢 m̄ 是。
墨西哥款豆腐桑椹碗
...... 材料 ......
| 豆腐，切長篙形 | 400g |
| 罐頭花豆 | 1 |
| 沙拉瓜仔哖：1/2 削片，1/2 切絲 | 1 |
| 罐頭番麥 | 30g |
| 紅甜番薑仔，切塊 | 1/2 |
| 黃甜番薑仔，切塊 | 1/2 |
| 櫻桃 Kam-má-tooh，剖四分一 |
160g |
| 小葉菠薐仔 | 125g |
| 紅洋蔥，刴幼 | 1 |
| 蔥仔，刴幼 | 1 |
| 鱷梨仔，切片 | 1 |
| 塗豆仁，鹹 | 30g |
| 豆油 | 10g |
| 印度咖哩粉 | 1/4TL |
| 糖 | 1/4TL |
| 橄欖油 | 30g |
| Lê-bóng 汁 |
20g |
| 蜂蜜 | 15g |
| 芥辣醬 | 15g |
| 蒜頭，刴幼 | |
| 鹽、胡椒 |
...... 步數 ......
| 1. 花豆 kā 水渧 hōo 焦，沖水洗清氣。 |
| 2. 豆油、糖、胡椒、鹽濫做抐 hōo 散，透落去豆腐摵 hōo 逐搭食著醬，咖哩粉濫做去，摵 hōo 逐搭掜著粉，落平鼎仔煎 hōo 赤芳。 |
| 3. 橄欖油、Lê-bóng 汁、蜂蜜、芥辣醬、鹽、胡椒濫做伙抐 hōo 散，分做兩份。 |
| 4. 紅洋蔥、蔥仔、蒜頭、小葉菠薐仔、甜番薑仔、am-má-tooh、瓜仔哖絲濫做一伙，第一份 Sòo-sù 摻落去搜甲沙拉葉金滑油光。 |
| 5. 沙拉鋪底，番麥、花豆、瓜仔哖鋪頂懸，第二份沙拉 Sòo-sù 淋落去，豆腐、鱷梨仔鋪落去。塗豆仁掖落去。祝你好喙斗。 |
Tofu mit Curry sind die Zweige für die Maulbeeren. Spinat ist das Grün der Seidenraupe. Die gelben Paprika und Maulbeeren sind Schüchternheit der Jungfrau. Die roten und violett-roten Kidneybohnen und Paprika sind der Schönheit der Jungfrau nachempfunden. Der Tofu ist langweilig, wenn möglich, wahrscheinlich haben Sie seine Schönheit noch nicht entdeckt, probieren Sie das Gericht, vielleicht werden Sie die Schönheit des Essens entdecken.
Tofusalat mit Kidneybohnen
...... Zutaten ......
| Tofu in Stifte schneiden |
400g |
| Kidneybohnen aus der Dose | 1 |
| Gurken | 1 |
| Mais aus der Dose | 30g |
| Kirschtomaten vierteln |
160g |
| Rote Paprika in Würfel schneiden | 1/2 |
| Geld Paprika in Würfel schneiden | 1/2 |
| Baby Spinat | 125g |
| Avocado in Scheiben schneiden | 1 |
| Fein gehackte Zwiebel | 1 |
| Fein gehackte Lauchweibel | 1 |
| Erdnnuss, gesalzen | 30g |
| Sojasoße | 10g |
| Currypulver | 1/4TL |
| Zucker | 1/4TL |
| Olivenöl | 30g |
| Zitronensaft | 20g |
| Honig | 15g |
| Senf | 15g |
| Fein gehackter Knoblauch | |
| Salz & Pfeffer |
...... Zubereitung ......
| 1. Kidneybohnen und Mais abtropfen lassen und waschen. |
| 2. Tofu mit Sojasoße, Currypulver, Zucker gut vermischen, in die Pfanne geben goldbraun braten. |
| 3. Gurken in 2 Portionen teilen, 1 Portion in Scheiben schneiden, 1 Portion in Streifen schneiden. |
| 4. Olivenöl mit Zitronensaft, Senf, Honig, Salz und Pfeffer gut verrühren, in 2 Portionen teilen. |
| 5. Den Spinat mit Kirschtomaten, Paprika, Gurkenstreifen, Mais, Zwiebeln, Lauchzwiebeln und Soße gut vermischen. |
| 6. Den Salat in die Schüssel geben, mit Kidneybohnen und Gurkenscheiben belegen und mit der Soße beträufeln, Tofu mit Erdnüsse und Avocado hinzufügen. Guten Appetit! |
Tofu with curry are the branches for the mulberries. Spinach is the green of the silkworm. The yellow peppers and mulberries are shyness of Virgo. The red and purple-red kidney beans and peppers are modeled on the beauty of the Virgin. The tofu is boring, if possible, probably you haven't discovered its beauty yet, try the dish, maybe you will discover the beauty of food.
Tofu with Kidney Beans Salad
...... Ingredients ......
| Tofu cut into sticks |
400g |
| Canned Kidney Beans | 1 |
| Canned Corn | 30g |
| Cucumber | 1 |
| Baby Spinach | 125g |
| Quarter the cherry tomatoes |
160g |
| Cut the red peppers into cubes |
1/2 |
| Cut the yellow peppers into cubes |
1/2 |
| Slice the avocado |
1 |
| Finely chopped red onion | 1 |
| Finely chopped green onion | 1 |
| Peanut, salted |
30g |
| Soy sauce | 10g |
| Curry powder | 1/4TL |
| Sugar | 1/4TL |
| Olive oil | 30g |
| Lemon juice | 20g |
| Honey | 15g |
| Mustard | 15g |
| Finely chopped garlic | |
| Salt & Pepper |
...... Method ......
| 1. Drain and wash the kidney beans and corn. |
| 2. Mix the tofu with soy sauce, curry powder and sugar well, add to the pan and fry until golden brown. |
| 3. Divide the cucumbers into 2 portions, cut 1 portion into slices, and cut 1 portion into strips. |
| 4. Mix the olive oil with lemon juice, mustard, honey, salt and pepper well, divide into 2 portions. |
| 5. Mix the spinach well with the cherry tomatoes, peppers, cucumber strips, corn, onions, spring onions and sauce. |
| 6. Put the salad in the bowl, top with kidney beans and cucumber slices and drizzle with the sauce, add tofu with peanuts and Avocado. Enjoy your meal! |
請先 登入 以發表留言。