那款早起頓那聽 la-jí-ooh 聽著主持人請教無按起頭收聽所致這久無才調按伊 ê 回答來斷定（tuàn-tīng），受訪者是出版社或是作者「以降價 ê 方式來揣新讀者，你認為伊 ê 應效如何？ 」
「彼是治標無治本 ê 想法，起因現此時 ê 利便改變閱讀 ê 定義」我耳那聽受訪者回答，喙 mā 跟綴回答「價數無重要，重要 ê 是冊帶來 ê 價值，抑無伊 kan-ta 是美麗 ê 符號，像 Anne with E Jerry Baynard 分張 hōo Diana Barry 閱讀 ê Frankenstein。」
台灣目今 ê 閱讀環境成做如何，倚 bueh 十冬無轉去 mā 無 teh 使用任何社群媒體 ê 我無法度以自身觀察做舉例，不而過以人 tī 德國來來去去到家甲做踮遮 ê 觀察做舉例，以一台客滿 ê 車幫有 7 ~ 8 成 ê 人頭犁犁專心閱讀轉做無夠一成 ê 閱讀變化，德國 uī-tio̍h 救冊市所做 ê 調整確實宛然廣播節目受訪者 ê 悲觀，有發水泱（iann）m̄-koh 無久長，畢竟 Radi 是 Rettiche，Rüben 是 Rote Beete ê 無宛 2 體，tuì 愛食菜頭類 ê 人來講，無論𪜶 ê 稱呼按怎改變，喙斗 buē 若「阿英都無愛你矣，你猶閣綿死綿爛咧求伊，你哪會遮戇啦！」，冊價降稅金按 7% 轉做 19% 龜跤龜內肉，大丈夫。
聽廣播討論向時行 tī 路裡是一塊看板無細膩落落來隨摃著閱讀行路人，這久是滿天看板四界落猶是摃 buē 著閱讀行路人，我 mā 拄好無閒咸豐三，講到今 ê 出聲哼呻 mā 感覺𤺪 ê 料理。
價數無重要，重要 ê 是冊帶來 ê 價值 --- 我拄拄好 teh 料理，準做猴齊天拄著如佛來，變無輾 mā buē 撏錢去投資 ê 食譜冊料理。
好奇心刣死一隻貓，uī-tio̍h 知機 Maultasche 伊 ê 歷史背景敢有延續， tuì 食譜冊是一个錢拍 48 个結 ê 我冇手甲連家己 mā 感覺成做邱罔舍是一項好投資，紲落來 ê 日子宛然這久設定 ê 20 分鐘，電烘箱開始唱歌 hōo 我聽，我 mā 唱歌 hōo 問啥攏應 keine ahnung m̄ 知影 ê gún 翁聽。
「冇手換答案 mā 是非常 lohnt sich（大碗閣滿墘）」gún 翁笑微微那享受自囡仔就認捌 ê 菜色，那 tuì 我𤉙 mā 是踅冊市無愛投資 ê 雞湯。
確實，向望厝內有玫瑰田卻 m̄ 願手䘼撆起來骨力拍股栽欉，有機會見著向望是得著一隻豬（Schwein gehabt 好字運），無機會是自然，感謝 lohnt sich 引𤆬我認捌 m̄ 捌接觸 ê 階層。
一座庇里牛斯山分隔西班牙交法國 ê 氣候，本底若烏狗兄熱情 ê 日頭 tī 霜降後 mā 沓沓仔行入換年時寒時熱 hōo 我若 teh bué 彩券，總愛等到伊正港來行踏 tsiah 知影今仔日出 ê 菜色交伊有對同無，畢竟我 tuì 翁 ê 愛準做迒過太平洋來到大西洋，我 ê 脾土到今猶原是烏水溝，僫泅到𪜶 ê 東北海，交伊日日幸福食生冷。
「Tī 若小雪 ê 日子食這味，上敆喙」翁手那焐烘瓷仔那講，我 ê 頭殼 mā 閃過十外冬前對面厝邊翻厝，來遮做客鳥牽手 ê 我一个人坐 tī 無日鬚行踏 ê 角勢那食沙拉那想辦法敨熱，對面一陣建築工程實習生坐 tī 無遮閘 ê 角勢心靜自然涼自在閱讀，「你感覺 hōo 西班牙人講德國人想傷 tsuē ê 慣勢➀，敢有法度踅轉去一轉角就搪著尼采 ê 年代？」我問食甲喙斗變菱角 ê 翁。
「你搪著 ê 少年人𪜶按怎享受 TikTok」伊問。
「一支短甲凡勢無十秒 ê 影片，𪜶看無 3 秒就換片」我講。
Gún 翁動一下仔鴟鴞肩來表示，按呢我就知影答案矣，無論冊價按怎調整，德國冊市搪著 ê 頭疼交臺灣相𫝛，準做降價水泱猶原僫楦闊。
向時僫得 ê 平等呔討行到這个地步？
挖一湯匙肉敆酸酵母麭，頭殼踅轉去 Die Deutschen 虔誠又閣認真寄付 ê 婦人人𤆬致心向服務神 ê 查某囝去修道院請求修女收伊做學生 hōo 伊跟綴伊 ê 跤步服侍神。一間修道院無民間 ê 寄付僫得延續，所致修女骨力轉彎踅角好禮向婦人人推辭，婦人人畢竟是世俗人無法度理解修女 ê 挨推，修女放棄踅金龜磨直接回應「神 kan-ta 接受貴族 ê 服侍。」
咱平民老百姓按修女講 ê「階級」變化到今咱總算交𪜶平權 ê 短短幾百冬，咱人類敢若猶原較愛《驚驚袂著等》「彼个國家的人民大部份毋捌字，所以無用選票，是共珠仔囥入去有貼候選人相片的票箱，選完了後才共珠仔鋪佇有空的水泥板頂頭計算，板有兩百个空和五百个空兩種規格。當然珠仔較濟的人贏。➁」，一想著這我感謝家己有機會受栽培，畢竟 m̄ 是每一个人有機會受栽培。另外，本底無法度敨放 ê 罪惡感，認為家己是閱讀歪喙雞無好 ê 想法，自彼日 tī YouTube 聽「我靠閱讀改變了一生」講故者瓦基 ê 這段話「無佮意就莫讀」，我總算消敨這个 hōo 我捎無摠 ê 情緒叨撚，呔討遮爾仔無禮貌一搪著人講食譜冊，我 ê 神魂隨走甲賰一个空殼 ê 無禮貌。
冊櫥空間有限，四常 buē 閣翻頭相揣 ê 冊，準做按臺灣來 mā 慣勢 kā 伊送去無料分張冊櫥交人結緣。這本 buē 敆喙 mā 是唯一一本撏錢投資 ê 食譜冊，我需要時間消化伊獨獨一本捙拚過德國花車價 ê 四本小說。
➀ Ich bin dann mal weg，作者 tī 朝聖之路搪著 ê 點拄：順其自然莫綿精。
➁ 劉靜娟的台語時間《驚驚袂著等》之〈用珠仔選總統〉
Für mich, die Bücher in Deutschland sind teuer, sehr teuer.
Aber ich verstehe, warum und denke das ist ein gute Idee.
Weil in Taiwan, Bücher wie quickly fashion.
Heute morgen ich koche das Rezept, mein first Rezeptbuch, dem Radio aus SWR1 hat das Themen Gespräche --- Die Menschen lesen nicht wie frühen, dann kommen die Bücher als Sonderangebot ist dass eine gute Idee?
Die Anworte ist nein!
Ich denke das auch.
Ich liebe Bücher und ich werde sie kaufen ob es teuer oder nicht.
Stimmt, Deutsches Buch für mich sind teuer aber ich habe Geduld, ich warte bis die Bücher im Angebot sind.
Aber, ich muss ehrlich sagen, wenn die Bücher im Angebote sind, das bedeutet nicht ich kaufe alle.
Ja, jede hat sein eigenes Hobby.
Ich weiß nicht wieviele Deutsche Bücher pro Jahr veröffentlicht werden.
Aber ich kann sagen, in Taiwan machen wir viele Angebot, die Bücher Market ist noch klein.
Warum?
Weil die Menschen lesen nicht, aber das nicht bedeutet die Menschen haben Zeit für YouTube oder TikTok zu gucken.
Ich sehen viele Jung mit TikTok auch keine Geduld zuschauen. Obwohl nur 1 Minuten.
Oh, ja, warum schreibe ich das Thema.
Weil, ich kocht das Rezept mit dem Radio.
Und ich muss sagen, ich kaufe das Buch weil ich bin sehr Neugierig, ist das Klosteressen noch wie Maultauschen, ich mein Maultaschen Geschichte. Nein, das Klosteressen ist jetzt nicht mehr gleich.
For me, the books in Germany are expensive, very expensive.
But I understand why and I think that's a good idea.
Because in Taiwan, books like quickly fashion.
This morning I cook the recipe, my first recipe book, the radio from SWR1 has the topics talks --- People don't read like early, then the books come as special offer is that a good idea?
The answer is no!
I think so too.
I love books and I will buy them whether they are expensive or not.
True, German books for me are expensive but I have patience, I wait until the books are on sale.
But, I have to be honest, if the books are on sale, that doesn't mean I buy them all.
Yes, everyone has their own hobby.
I don't know how many German books are published every year.
But I can say that in Taiwan we make a lot of offers, the book market is still small.
Why is that?
Because people don't read, but that doesn't mean people have time to watch YouTube or TikTok.
I see many young with TikTok also have no patience to watch. Although only 1 minutes.
Oh, yeah, why am I writing this topic.
Because, I cooked the recipe with the radio.
And I must say, I buy the book because I am very curious, is the monastery food still like Maultauschen, I mean Maultaschen story. No, monastery food is no longer the same.
睏天路車日子 Camping mit Caddy (21)