亂皂𥴊仔店 ⓂⒺⒾⓃⓀⒾⓄⓈⓀ

熥食譜餾文章又閣踅 buē 出彼个敢若設定好勢 ê 這是食譜，你是按怎見寫就寫寡交食譜無底代 ê 代誌？

(繼續閱讀...)

文章標籤：

紅菜頭食譜 胡蘿蔔食譜 薑湯食譜 Suppe Soup

詹美樹 發表在 痞客邦 留言(0) 人氣(1,810)

目睭已經慣勢手機仔一𫝻攏是若 VOGUE、GQ 遮 ê 食食面肉，準做我憢疑這久敢有人 ē 按呢食一頓飯，像一碗湯邊仔囥一支生 ê 蔥、生 ê 馬鈴薯、生 ê 蘑菇，總是遮 ê 相片就是媠甲 hōo 你 buē 去愖好心 m̄ 免食菜，朋友好 m̄ 免結拜 ê 一跤好鼎比過萬矸花瓶(hue-pân)。

(繼續閱讀...)

文章標籤：

Grumbeersupp Potato soup 德國馬鈴薯濃湯 德國馬鈴薯羮湯

詹美樹 發表在 痞客邦 留言(0) 人氣(1,828)

本底掠伊是麻煩，這久擘腹玻璃罐仔沓沓仔 teh 收水我愛按怎 kā 伊飼甲膨皮交肨奶，本底掠做莫 kā 紮出門就 buē 因為伊來心狂火著，押尾猶是千萬算萬，m̄ 值天一劃。

(繼續閱讀...)

文章標籤：

絞肉食譜 肉豉仔食譜 鴟鴞喙豆食譜 鷹嘴豆食譜 Kichererbsen Chickpeas

詹美樹 發表在 痞客邦 留言(0) 人氣(1,652)

公視台語台 S4EP11 - 出名人請借問 - 台語話恐龍其中一段話 hōo 我想著咱是 bueh 生湠語文抑是限制語文 ê 過了代 mā 想著早前孤一人 tī 法國 ê 見笑代。

(繼續閱讀...)

文章標籤：

林檎食譜 蘋果食譜 菜擴食譜 大頭菜食譜 Kohlrabi

詹美樹 發表在 痞客邦 留言(0) 人氣(2,083)

Tsuē 冬前佮朋友做陣去奧地利𬦰山。
Tī 當地田庄人兜食著這碗有肉、塗肉林檎、卵白質遮豐沛甲 hōo 我那食那詬詬唸 Sehr lecker, sehr lecker➀。

(繼續閱讀...)

文章標籤：

雜菜湯食譜 什錦湯食譜 Bauerntopf Farmer's Pot

詹美樹 發表在 痞客邦 留言(0) 人氣(6,792)

第一斗出這碗湯，gún 翁食無幾喙就隨傱便所間一百輾迵交哭呻我是阿市（殺夫，李昂，1983），伊這款非鎂乏 ê 起磺火燈 hōo 我心狂火著，總是彼日 ê 稀微到今猶未離跤手，我猶是選擇交伊這隻骨力工課 ê 貓相放伴，隨在伊去詈，由在伊去褒嗦連青盲--ê mā 看出出，伊 tuì 𪜶兜心愛--ê 褒嗦有偌爾仔假影。第二斗出這碗湯，gún 翁 kā 湯食甲碗看起來 buē-su m̄ 捌貯過湯，清氣啖啖閣那食那褒嗦 hōo 我想著教典「舊數」例句，隨句造句。「舊數無清，褒嗦 buē 生母金。」「啥物意思？」捎無寮仔門 ê 伊問。「Gún 兜無做 Tshì-sù（wir machen kein Käse，做代誌 buē 走縒），若是有 Tshì-sù 絕對是別人兜--ê，因為這碗湯你詈我是阿市。」我講。無愛做田螺，總是德國阿媽有交代，盤仔無食清氣，大晡日 buē 來（Wenn du deinen Teller leer isst, gibt es morgen gutes Wetter，舊 ê 不去，新 ê 未來），雪女講 ê 雪是溫暖，冰是燒烙（夢ゆめ，1990）這類芥辣醬分張（Seine Senf dazu geben，發表個人意見）ê 情緒叨撚、藐視齊大丈夫。不而過 gún 翁 m̄ 是別人，伊是我會得兩人睏仝枕，較好露水凍冰心，所致伊食慣勢 ê 毒我 buē 使放伊繼續食，起因我向望 gún 這難得 ê 姻緣會使得互相尊存到大厝，m̄ 是睏破草蓆百萬領猶是掠君心 buē 著 ê 假影。是講愛我假影我 mā 無彼个才調。「我講過啥物話...」俗語講會生得囝身，buē 生得囝心，這个問題 tī gún 翁𪜶兜是若倒 tī 加護病房插管維生 ê 病人，我是 hōo 伊凝閣慼一四界投訴建議伊放手 ê 醫護人員，好心 hōo 雷唚一百輾迵，我齊需要按呢假仙假觸「我先 kā 你會失禮，總是這件代誌我需要請恁爸母出來鬥相共搬一下仔戲。」「Gún 翁無食薟，而且牛肉無人按呢燖，你愛.....」紲落來 ê 一萬字簡化做雙脣兩片肉，好 ê 齊是我，䆀 ê 齊是你「烏漉肚低路人。」，事先明品 ê 神歸龕，佛歸廟隨人付米隨人落鼎，因為𪜶爸仔囝和齊造反講「晏矣，美樹有燖一鼎牛肉，下昏飯咱就食這鼎牛肉湯」，hōo 我彼暝大腸告小腸一路告到貓霧仔光，情緒閣柴樠點火較光油到𪜶離開。

(繼續閱讀...)

文章標籤：

馬鈴薯食譜 Kartoffeln Potato 羮湯食譜 濃湯食譜 白脫牛奶食譜

詹美樹 發表在 痞客邦 留言(0) 人氣(2,048)

Maravillos
一路按 Hermosa、Guapa、Linda、Bonita 唸到 Maravillos，西語比母語閣較輾轉 ê 翁講「著」。

(繼續閱讀...)

文章標籤：

林檎湯食譜 蘋果湯食譜 胡蘿蔔湯食譜 紅菜頭湯食譜 Möhrensuppe Carrot soup

詹美樹 發表在 痞客邦 留言(0) 人氣(1,719)

有嫌有哭呻果真有差，林檎總算無閣 tshan-tshiūnn 水龍車 bueh 拍火一路無擋按呢直直衝衝衝 hōo 我 kā 林檎當做架頂鼓仔燈一爍紅一爍青順伊 ê 青紅燈變化平安行過斑馬線(pan-má-suànn)。

(繼續閱讀...)

文章標籤：

Potato 林檎湯食譜 蘋果湯食譜 馬鈴薯湯食譜 Kartoffel

詹美樹 發表在 痞客邦 留言(0) 人氣(2,310)

近來翁 teh 挐我家己做優格，我知影這个挐是按𪜶小妹遐來，𪜶小妹開六月日做一塊 Weißerkäse 兼攝一張若 LECKER ê 相 hōo 伊參考，這个尾句我窮真是想 bueh 寫風神 m̄ 是參考。

(繼續閱讀...)

文章標籤：

咖哩食譜 白草花食譜 甘藍食譜 Weißkohl White Cabbage 烏克蘭水餃

詹美樹 發表在 痞客邦 留言(0) 人氣(1,844)

這出菜按第一斗出菜到今合該然有出五斗，不而過伊從來 m̄ 捌出現網路圖像 ê 色緻，青蘢蘢閣白蒼蒼，色水分明，呔討按呢生？當然 mā 按呢生，我無照起工來行。著，我無照起工來行，我慣勢煏洋蔥做芡芳，所致洋蔥一煏規碗湯 bueh kā 伊維持甲若霜雪 ê 色緻，彼是較早睏較有眠 ê 代誌，所致免閣叨撚家己追求網路相片 ê 美感。寫到遮我 mā 想著這段代誌，絞肉落鼎炒絞肉倒落去色水 buē 反烏，彼 mā 較譀古 ê 代誌，除非分開落鼎，平鼎炒肉，湯鍋仔煮湯。當然啦，這是我 ê 想法無表示網路美圖攏按呢生。睏去 ê 毛利小五郎 kā 前因後果分拆結束，我身軀邊 ê 德國人隨講「我無膽通閣繼續試這出菜。」我越頭看無膽 ê 人雄雄想著一件代誌「恁歐洲人愛咖啡色，gún 亞洲人愛白色，我兩色攏佮意不而過我閣較佮意做貧惰骨。」文化無相仝 ê 兩个人無 kā 草蓆睏破三領猶是掠有對方 ê 傳統文化，無膽 ê 講「無論你是咖啡色抑是白色，我攏愛，這久愈愛你 ê 貧惰骨。」

(繼續閱讀...)

文章標籤：

鴟鴞喙豆食譜 鷹嘴豆食譜 韭蔥食譜 大蔥食譜 Porree Leek

詹美樹 發表在 痞客邦 留言(0) 人氣(2,046)

敏豆或是敏豆仔？

(繼續閱讀...)

文章標籤：

烏克蘭水餃食譜 varenyky Wareniki

詹美樹 發表在 痞客邦 留言(0) 人氣(1,982)

3 冬前款這碗湯，翁 ê 態度佮恁老母掠著牛肉麵內底有薟隨做出「我誠知機你想 bueh 毒 gún 翁」ê 表情，3 冬後因為我 ê 痟貪險 bueh 軁雞籠進前想著 Blog 有記錄一篇番仔薑湯隨搜出來消化彼袋 3 公斤 1.99€ ê 番薑仔。遮 ê 番薑仔金常一袋 500g/1.59€(特價)，烏露戰爭拄開始捌起甲紅色規包 2.29€，三色番薑仔 3.49€。

(繼續閱讀...)

文章標籤：

甜番薑仔食譜 甜椒食譜 Paprika Bell Pepper

詹美樹 發表在 痞客邦 留言(0) 人氣(2)