亂皂𥴊仔店 ⓂⒺⒾⓃⓀⒾⓄⓈⓀ

• 媠花 tī 別人欉，向望 tī 別人厝

觀念若 ē 通，趁錢規碗公

觀念若 buē 通，做人就兩光

個性若 m̄ 改，永遠騎 Oo-tòo-bái

個性若有改，賓士牽來駛

少年時見著時行物無 bué 轉來規魂舒神魂離體，迒過上卌見著時行物規魂舒賰目尾願意交伊相放伴，呔討按呢生？我想我愛感謝大牛無張持 ê 翻肩，雖罔我向望伊永遠 buē 來行踏。 德國有一段時間時行到佗巴爾幹瓷仔碗 mā 綴到佗 hōo 我起心動念想 bueh 撏錢攑香綴拜，總是一想著搬厝 ê 齷齪交瓷仔較使用 mā 彼幾个，生理人向望 ê 消費者規嚾規黨隨走在無見人，紲落來無論網路抑是商店交伊見面連目尾攏 buē 䀐一秒，我想我有達成佛家講 ê 苦 m̄ 是苦，樂 m̄ 是樂，攏是一時 ê 執決爾爾，若會當放下，心就自在囉。

2022 落南巴爾幹睏天路車日子，德國生理人 ê 向望 tī 巴爾幹 ê 四常甚至會使講是乞食碗，應該然按呢講，當地人 kā 伊挈來做飼狗飼貓碗，呔討遮冇手？𪜶 ê 優格是使用德國生理人 ê 向望做包裝。德國 ê 優格是貯 tī 塑膠杯仔，巴爾幹 ê 優格是貯 tī 相片彼塊瓷仔。

巴爾幹 mā 有塑膠杯仔包裝，不而過價數交瓷仔差無偌 tsuē，唯一 ê 差別是優格按羊奶來抑是牛奶來，羊奶價格比牛奶懸。我 tī 巴爾幹骨力食優格，食甲押尾德國生理人 ê 向望成做我齷齪 ê 鎮地。這正港是媠花 tī 別人欉，向望 tī 別人厝 ê 驗證。

Als ich Jung war, die Dinge die ich gesehen habe und denke es ist interessant die zu haben, ich kaufte es sofort, dann Zuhause immer enttäuscht gewesen, weil ich die nicht brauchte. Ich weiß nicht, ob es das Alter ist oder ich ein bisschen mehr Zeit zum überlegen, brauche ich oder nicht.

Heute ich war im Tedi, ich sehe kleine Kästen, sie sind so schön, mein Mann fragt mich willst du die einkaufen? Ich sage nein, ich gucke nur, weil sie sind so schön, und obwohl sie so schön sind, ich brauche die nicht, das ist alles, Zeit ist läuft, ich auch.

When I was young, the things I saw and think it's interesting, i want to have one, I bought it right away, then always been disappointed at home, because I didn't need it. I don't know it's getting older or I am willing to take a moment to think about it, do I need it or not.

Today I was in the Tedi, I see little boxes, they are so beautiful, my husband asks me do you want buy one? I say no, I only look because they are so beautiful, and even though they're so beautiful, I don't need them, that's all, time is running, so do i. 

• 月仔光燚焱，賊仔偷挖壁

昨昏骨力做膨鼠無閒𩑾𩑾做倉頡 ê 文字敢若月仔光燚焱，賊仔偷挖壁，無見半个字。Was ist denn los？電腦 mā 有剪蟲？食一喙茶安搭鬚聳目降 ê 心情，電腦有剪蟲是天若紅雨，龜山 ē 越頭代，換一个角度看問題，這是一个 Sign 一个 Zeichen 一份禮物，伊 hōo 我學習日出著積雨來糧無表示一切就 ê 大丈夫，日本仔保正，好勢。所致搪著孔明氣死周瑜代，我愛冷靜 m̄ 通 hōo 這款代牽去做山精 Mǹg-sǹg 對付家己。

徛起去廚房燃一鈷茶，沖一杯捷克花草茶，本底日花閃閃 ê 四角窗步頻幔烏衫，自然無千日好，人呔討遮爾仔綿死綿爛要求花愛日日紅？啊，m̄ 驚代誌難，就驚不耐煩，轉來激頭腦。

俗語講十肥九呆，無呆狀元才，我清楚知影家己是九呆其中一呆，總是我閣認為家己是無呆彼个狀元才，呔討按呢生？這个性地按佗落來？我明明行出虛華 ê 磅空，呔討猶原遮爾仔愛做鵝仔叨家己？

If necessary, please learn to let go.（若是有必要，請學 ē 曉放手）

von Frozen

我已經放手矣，呔討猶原做鵝叨家己？

Das Schlecht, was man von sich sagt, findet immer glauben, das Gute nicht.（你 tuì 家己講 ê 歹話總是 hőng 相信，好聽話煞 buē）

von Montesquieu

原來如貓，我猶原活 tī 無出聲就有人寫訊息來問「你發生啥物代誌」ê 世界。

意念所具有的力量，超乎我們想像。在醫學史上，身心互相影響的情況，其實比我們以為的還要多。這些例子告訴我們，疾病有可能是受到意念而觸發，相對地，我們也有機會透過意念，改變內在，從各種病痛中痊癒。

von 啟動你的內在療癒力，創造自己的人生奇蹟

You Are the Placebo： Making Your Mind Matter

我無讀這本書，不而過踅博客來讀著這本書 ê 簡介 hōo 我想著地牛換肩 ê 龜叨鱉趖，特別是我愛忌改這件代誌「你無交我修行，你活 buē 過二八歲。」彼陣 ê 我 m̄ 知影是落衰甲隨在「師父」去講抑是我相信人是世間上恐怖 ê 鬼就文文仔笑 tuì 伊講「閰王註定三更死，絕不留我過五更我閣較骨力修行 mā 是無較縒。」紲落來 ê 故事就是朋友骨力洗我腦，我骨力交𪜶一人行一路到有人精神告對方是 bueh 食 m̄ 討趁，世間寄生蟲 ê 諞仙仔 tsiah 沓沓仔閣行做伙。這久翻頭看彼久，除了師父 m̄ 是我 ê 菜 hōo 我無才調交伊修行掠外，我呔討 buē 致意四箍輾轉 ê 磺火燈應效？我想這个清醒交彼个好里佳哉是無緣 ê 男朋友有關係。

我交這位無緣 ê 交往無到一冬，伊隨講「Gún 阿母算咱 ê 八字講你頂世人欠我，所致這世人愛還我情債，閣講你是歹物小鬼 m̄ 通交你來往。」我低路人總是引底里 ê 華文文法猶是有才調按伊炊 ê 紅龜見著猶未趖出來 ê 蟲。

前男朋友 ê 故事是撥一肢指頭仔 uī 伊做倉頡連無趣味，不而過翻頭看這段情感，伊凡勢是天跋落月，起因無這段戲虎哈燒茶，司公虎穿破鞋 ê 人生經驗，我 ē 全心全意接受塗豆炒過火，苦仁（可憐）ê 龍鳳生活。唉，人真龜怪，m̄ 知是彼張紙重要抑是面子重要，總是我清楚知影當我搪著問題我 buē 致意彼張紙抑是面子，我 kan-ta 要意人生自由 ê 清心像這久。

我非常確定面冊生湠 ê 慣勢是草花 buē 造成大箍① ê 代誌，總是我接受伊若癌症，需要面對伊理解伊處理伊，日子 tsiah 有才調好好仔過落去。

這段心行尞是底時做記錄？Tī 這段若捙盤雞母 ê 時間 buē 記持 kā 伊安日子就據在伊，起因我家己清楚知影遮 ê 人生變化。部落格 ê 月仔光燚焱，賊仔偷挖壁換一个角度思考是一件好代，起因伊 hōo 熥啥物號做破--ê m̄ 去，新--ê m̄ 來 hōo 路愈行愈楦闊。

① Das macht den Kohl nicht nett 無重要 ê 代誌，免要意 ê 代誌

Ich weiß nicht was passiert mit der APP hier, weil was ich gestern geschrieben habe, alle verschwunden, ich möchte vor Wut kochen, aber leider die Artikel niemals zurück kommen. So, let it be, weil, wenn du deinen Teller leer isst, gibt es morgen gutes Wetter, den Muse wird mir besuchen.

Ich gucke auf die Waage und denke warum, mein Gewicht ist über 3 Tage und noch gleich, wie so? ich gucke mein Mann, er hat es fast 72 erreicht, das ist nicht fair, er isst mehr Süßigkeiten als ich, dann das Gewicht ist noch weiter runter gegangen, warum? ich muss die Frage suchen, dann habe ich die Jeans von vor zehn Jahren anprobiert.

Oje, oje, oje, die Nummer auf der Waage nicht so schön, aber ich sehe die Antwort schon.

I don't know what happens to the APP here, because what I wrote yesterday is all gone, i want to get angry, but unfortunately the article still won't come back to me. So let it be, because out with the old, in with the new, the muse will visit me.

I look at the scales and think why, my weight is over 3 days and still the same, how come? I watch my husband, he got it almost 72, that's not fair, he eats more candy than I do, then the weight went down even further, why? I have to look for the question, then I tried on the jeans from ten years ago.

Oh dear, oh dear, oh dear, the number on the scales is not so nice, but I got the answer.