亂皂𥴊仔店 ⓂⒺⒾⓃⓀⒾⓄⓈⓀ

(減肥早起頓 木瓜 Mozzarella サラダ，木瓜莫茲瑞拉起司沙拉)

出發波蘭進前。

德國豬步頻來揣 gún 翁破豆 hōo gún 翁某閃避踮波蘭 ē 搪著 ê 病疼，彼个一直捎無摠頭 ê 腹肚疼。

Sóo-tí，現此時 uī-tio̍h bueh 感謝德國豬來相揣。

𫣆(enˊ)暫(qiam)時(siiˇ)，毋著(mˇ cog)係吾(ngaˊ)老公。

伊 iōng 暫時無食豬肉 ê 方式，來表達伊 tuì 德國豬 ê 感謝。

才怪...

伊著是因為平常時食傷過腥臊。

Kā 甜路、粿路、糋路當做三頓食又閣愛啉水或是啉茶。

這回 tsiah-ē 搪著 tsham 𪜶阿母相𫝛 ê 問題。

Kā 膽結石飼甲肥朒朒，只好綴伊愛食 ê 豬肉成做一隻豬 mā hőng 開腸剖腹來解決伊 ê 問題。

往過佮伊做陣討論食食問題，伊攏 ē 講「Gún 歐洲人佮恁亞洲人食食文化無相𫝛，gún 歐洲人就是按呢自透早食甜到暗頭 bueh 睏進前閣愛食一回，一日三頓加點心，一日愛食六頓。」

「我頇顢我無法度綴恁按呢過日子」見聽伊按呢講，我攏 ē kā 恁放大表示 kan-ta 恁兜 tsiah 有 ê 傳統。

是，這个傳統 kan-ta 出現 tī gún 翁𪜶這个真特殊 ê 家庭，一人無魚食全家無魚 thang 食。

這無魚 thang 食 m̄ 是扞灶 ê 人無料理就無地食，是你 ê 喙斗 m̄ 是你 ê 喙斗是扞灶 ê 人 ê 喙斗。

是，gún 翁有一个逐家攏認為伊是全世界上 buē 曉料理，m̄-koh 伊家己認為伊是全世界上𠢕扞家佮料理 ê 阿母。

𪜶阿母 ê 特殊，拆白講就是利用家己 ê 權利來張箍仔內 ê 人愛跟綴伊 ê 幻想按呢 niā-tiānn。

Gún 翁自紅嬰仔就 hōo 伊張慣勢，自然 buē 感覺𪜶爸母按呢 kā 𪜶敲油起毛ち有啥物 m̄ 著，Sòo-pái，按𪜶爸母遐湠過來 ê 慣勢一直是一枝吞 buē 落腹 ê 魚刺㧎 tī gún-ê 四常。

所以，我真感謝膽結石 ê 出現，起因伊解脫我若三藏 ê 講經 mā hōo 我對抗伊原生家庭帶來 ê 食食觀念「革命」成功。

感謝膽結石，無膽結石我想 gún-ê 姻緣 ē 沓沓仔行向田無溝，水無流，準做 gún 2个人猶原真愛對方，總是「愛」m̄ 是妝娗家己 ê 壓霸。

這斗因為疫情病院無開放探病 hōo 伊凡勢無聊甲連掠蝨母相咬攏無法度消放靜卒卒 ê 時間，sòo-pái 伊就骨力寫 Telegram hōo 我。

「先生講食食愛較汫寡，甜粅粅 ē-tang 食 m̄ 閣 m̄-thang 食傷 tsuē，菜蔬佮滾水攏愛加食加啉寡...」

讀著遮 ê 分張，我簡單一句回應「一耳空入，一耳空猶原是無較縒。」起因，𪜶老母就是按呢生。

不過，愛講𪜶老母按呢生 tī 我 ê 觀察內底確實無搪著 tsham gún 老爸相𫝛 ê 問題，sóo-tí 我無法度講伊綴𪜶老母按呢過生活敢是連蠻皮癬(sián) mā 驚。

總是，我清楚知影我是來佮伊成做龍鳳 m̄ 是來增加𪜶爸母 ê 慾望佮成做伊日後 ê 看顧者，𫝛款伊 mā m̄ 是。

遮 ê 問題 tī 伊猶未 hőng 𠞭肉進前，我已經沓沓仔講甲嘔酸水 mā bueh 無感覺，sóo-tí 正經愛感謝膽結石即時救援。

「我 buē 閣賊仔較惡人」伊講。

「這我 m̄ 知--looh，總是我向望你 buē 閣鯽魚食水腮(tshi) ē 過➀」我講。

病院蹛三暝轉來厝進前，伊𠢕扞鼎灶兼扞家 ê 阿母敲電話來交代愛按怎照顧𪜶後生 bueh 掛電話進前閣客氣仔分張「我食 ê 鹽比你較 tsuē」ê 提醒。

今仔日款 ê 早起頓 hōo 我想著肉減 bueh 伊慣勢 ê 8成隨 tuì 翁講「真害，我誠不受教」 ，翁知影我 teh 剾洗𪜶老母不過這斗伊無隨成做《大士爺厚火氣》 ê「鬼王」顛倒反成做「Martin Luther」講「天霸王 uī-tio̍h 幻想壓迫我，現在事實 iōng 這个方式 uī 我解脫天霸王 ê 壓霸，另外我無想 bueh 繼續喙食 hōo 尻川坐數➁，起因我 ê 膽結石只是較慢行跤到。」

 Tsuē-tsuē 人講後生一娶某是某--ê，這件代誌我無確定。

M̄-koh 我真確定，當 gún 翁𪜶爸母要求我 mā 綴𪜶 kā gún ê 龍鳳四常成做𪜶 ê 管輤「你愛 kā 恁翁講，彼簞笥無好愛換 Ikea tsiah 好 tsiah 媠。」

「這是恁 ê 需求，恁愛家己講 hōo 恁囝聽」我講。

➀一个人 kā 食過抑是經過 ê 苦難隨放 buē 記

➁ 凡事 kan-ta 要意隨提 ē 著 ê 快樂抑是享受就愛有準備，苦難mā-ē 行跤到。

木瓜 Mozzarella サラダ

...... 材料 ......

木瓜　1

Mozzarella　1

橄欖油　

國王芳料草/Königskraut(羅勒）

...... 步數 ......

1. 木瓜、Mozzarella、國王芳料草 lām 做伙，橄欖油淋落去，樂暢來食。

(Frühstück zur Gewichtsabnahme. Papayasalat mit Mozzarella)

Ich bin Mayo.

Ich muss eine Kuh sein.

Weil ich esse Gemüse immer wenig und ich wohne fast wie ein Kaktus.

Deshalb habe ich eine kostenlosen Diamant bekommen.

Ich möchte meine Frau den Diamant als ein geschenken geben.

Sie sagt, nein, ich liebe bar mehr als Steine.

Ja, sie ist richtig.

Bar ist wichtiger als Diamant.

Weil ohne Gesundheit, bar ist nichts.

Ich bin Frau.

Also..was soll ich sagen?

Ich hoffe dass mein Mann kann aus diesem Fall etwas lernen.

Gesundheit ist keine Einbildung.

Wie seine Mutter das immer gesagt hat;

Ich esse Gesundheit.

Ich wohne Gesundheit.

Ich trinke Gesundheit.

Oder ....

Man musst das nicht essen.

Man musst das essen.

Sie sind...

Mein Mann und seine Mutter denken sie essen und wohnen gesund.

Aber, die Wirklichkeit ist....

Zum Beispiel, wenn ich mit ihnen esse.

Ich liebe Fleisch aber ich kann nicht von Frühstück an bis zum schlafen essen.

Mein Mahlzeit ist nur Fleisch und Zucker.

Fast kein Gemüse und muss Kaffee trinken.

Und die Mutter meines Mannes wird immer wieder sagen; 

Du musst den Kaffee mit Kaffeemilch trinken....

Nur so kann man Kaffee trinken.

Ich habe kein Problem für mein Mann's Familie Stil.

Weil, als seine Mutter sagte, du musst so essen, so kannst du nicht essen.

Ich habe meinen eigenen Stil zu Essen.

Wenn ich das Essen nicht mag.

Weil ich muss die Fantasien anderer nicht akzeptieren.

Kurzum, ich hoffe dass mein Mann nach dieser Zeit er seine Fantasie verlässt .

Oje, das ist ein Frühstück für mein Mann.

Papayasalat mit Mozzarella

...... Zutaten ......

Papaya　1

Mozzarella　1

Olivenöl　

Basilikum

...... Zubereitung ......

1. Papaya, Mozzarella und Basilikum gut mischen. 

2. Mit Olivenöl beträufelt. Guten Appetit!

(Breakfast for weight loss. Papaya salad with mozzarella)

I am mayo.

I have to be a cow.

Because I always eat little vegetables and I live almost like a cactus.

That's why I got a free diamond.

I would like to give my wife the diamond as a gift.

She says no, I love cash more than stones.

Yes she is right.

Cash is more important than diamond.

Because without health, nothing is cash.

I'm a wife.

Well .. what should i say?

I hope that my husband can learn something from this case.

Health is not imagination.

As his mother used to say;

I eat health.

I live health.

I drink health.

Or ...

You can't eat this, it's unhealthy.

You have to eat this, this is very healthy.

They are ...

My husband and his mother think they eat and live healthy.

But, the reality is ...

For example, when I dine with them.

I love meat, but I can't eat from breakfast until I sleep.

My meal is all meat and sugar.

Almost no vegetables and have to drink coffee.

And my husband mother will keep saying;

You have to drink the coffee with condensed-milk....

It is the only way to drink coffee.

I have no problem for my husband's family style.

Because when his mother said, you must eat like this, you can’t eat like that.

I have my own style of eating.

When I don't like the food.

Because I don't have to accept other people's fantasies.

In short, I hope that my husband will leave his imagination after this time.

Oh yes, this is breakfast for my husband. 

Papaya salad with mozzarella

...... Ingredients ......

Papaya　1

Mozzarella　1

Olive oil　

Basil

...... Method ......

1. Mix papaya, mozzarella and basil well. 

2. Drizzled with olive oil. Enjoy your meal!