亂皂𥴊仔店 ⓂⒺⒾⓃⓀⒾⓄⓈⓀ

(2022.03.01 早起頓)

M̄ 知是受著 tsham lán 做陣去踅田園 ê 影響。

抑是 koh 揀食，規氣做仙好--ah。

致到，tsit-pái 做陣買菜 lóng m̄ 免我請教抑是攢耐性「參詳」，翁家己捾兩包非洲來 ê 荷蘭豆講 tsit-pái ê 減肥食食 bueh 食 tsit 項。

聽伊按呢講我 suî 著生驚 mā suî kā 手 tah tī 伊 ê 額頭。

一位徛踮 gún 身軀邊有一 ta̍p 睏仔 ê 先生，看我按呢 tuì gún 翁掠做伊人身體無爽快，人客氣 kah ná 徙位目睭 mā ná 貓貓仔相 tshan-tshiūnn teh 提醒我，tsit 位太太你 thài-ē iáu-buē 敲電話叫 112（Euronotruf/歐洲緊急救助電話)。

「Ich bin ganz normal und nicht krank(我猶原正常，神經無拍結)」gún 翁紅膏赤蠘(tshì)聲 koh 若摃鐘回答。

聽--著家己 ê 苳蒿(Tang-o)按呢回答，這位本底神經絞 kah ân-tu-tu 先生 phû 一聲笑出來。

「原來如貓，tsit 位太太 m̄ 是十二月食菜頭，六月 tsiah 轉嗽」我微微仔笑 koh tuì tsit 位應當是按呢想 ê 先生 tìm 一下仔頭 mā suî 想--著「文化衝突」好耍 ê 所在。

我 tuì 別人身體無爽快 ê 反應無 tshan-tshiūnn tsia--ê 人 hiah-nī-á 大，總--是我搪著𪜶幔人皮衫 tī 溪岸或是海沙埔烘肉，我 ê 反應 suî tshan-tshiūnn tsit 位德國先生𫝛款，客氣仔 suî 徙位。

轉到厝下昏飯攢好，tī 我 iáu-buē 搬 tsit 齣「請教先生 lán kám 有啥物代誌 bueh 建議?」

Gún 翁家己 suî 先搬「Tse 豆仔 ê 色緻 m̄-nā 青 líng-líng ê 媠 koh 芳兼脆，lán 愛捷捷 bué  tńg--lâi 食。」

「色緻媠應當是我換豬油 lueh 炒 kah 金滑金滑 tsiah kā 滾水淋 落--去翕一睏 ê 因端」我講。

聽--著「豬油」伊 ê 目睭褫 kah buē-su 千里眼 hiah-nī-á 大蕊 teh kā 我 tsîn。

我 mā 知影 tse 伊是啥物意思，總--是天地萬物有伊家己 ê 特殊，伊認為 ê「歹物」是伊家己 ê 標準 m̄ 是眾人 ê 標準。

伊看我無反應，我看伊 tshan-tshiūnn《NAPOLA》tī 結凍 ê 水底藏水沬 ê Friedrich Weimer suî tuì 伊講「我 m̄ 是 Albrecht Stein ê 老爸，你 ē-tàng 延續恁爸母 ê Ne」。

「Ne, Schweineschmalz ist besser als Butterschmalz(豬油比無水バター koh-khah 健康)」伊刁意故 kā NE 調懸。

「我無意見，huînn-tit 我 m̄ 是姓恁兜 ê 姓 mā 無食恁父母 ê 喙瀾」我喙無噴火 m̄-koh 濆鹽酸。

按第一日佮 gún 翁熟似，我 ê 耳空一直聽--著「tse buē 食--tit，tse 愛加食寡」因為我清楚知影𪜶 ê 食食文化 tsham lán 無相𫝛，sóo-tí 我從來 m̄ 捌 tuì 伊 ê 詬詬唸有啥物意見。

起因，我家己 m̄ 食 ê 物件 mā 真 tsuē 精差我 buē tshan-tshiūnn 伊按呢唸 buē-lī。

落尾手搪著𪜶爸母，我 tsiah 理解 uī-hô 伊有 tsit ê 症頭。

「Tse m̄-thang 食，tse 愛 khah 捷食...」

因為臺灣 mā 有一捾跟綴 tshan-tshiūnn《57健康同學會》、《食在有健康》tsia--ê 節目 e 朋友，sòo-pái 我 tuì「專家講」無啥特別刺鑿。

總--是無啥刺鑿搪著我 mā 愛纏綴別人 ê 意愛佮喙斗過四常，he 是另外一款無法度清彩 kā 準過 ê 代--looh。

起因，我尊存別人 ê 想法佮需求，自然 mā 意愛別人無法度理解 lán-ê 想法 mā 愛尊存 lán-ê 需求。

Sòo-pái 愛我纏綴 gún 翁 ê 性地搪著爸母無意愛 ê 代誌 m̄-thang 反抗 kan-tann 纏綴𪜶 ê 跤步過日子 he 是兔仔望月，痟想。

總--是，人 lóng 是按呢 tī iáu-buē tsiânn-tsò 一家伙仔小鬼仔殼仔 tì kah koh-khah 翕 buē 爽快 uân-á tì 牢牢，tsiânn-tsò 一家伙仔連胭脂 mā buē 點。

不過，距離是安全 ê 基本，sòo-pái tī 我 iáu-buē 結束過冬鳥生活進前，guá tuì 見 tńg--lâi tsia lóng-ē 見著 hia 減一項 tsia 加一物 uân-á 有法度 tsiânn-tsò tái 著白內障按呢 kā 準過。

畢竟 lán 佮人 ê 後生牽手 suah 無蹛 tiàm tsia ka̋ng 照顧，tse tsiann-si̍t m̄-thang。

Sóo-tí lán tsiann-si̍t 真感謝蹛 tiàm 北爿 ê 大家官𪜶願意一 tsuā 路行高速上少愛9點 guā 鐘 ê 路來到 tsia uī lán 款翁 ê 三頓佮摒厝內，lán-ê 物件 phàng-kìnn tsiann-si̍t 無 hiah-nī-á 嚴重，起因 koh bué 抑是 koh 按臺灣紮來 tō 擺撥。

總--是，tng lán 釘根 tī tsia 𪜶 uân-nā 按呢幫贊 he tō 真僫 kā 目睭繼續 iōng kah 眵眵(tshuh)、耳空鬼仔 kā 伊送走、喙 tsiânn-tsò Hello Kitty koh 自斷跤手筋佮有體無魂 ê 尪仔 hōo 𪜶牽 teh 弄。

Sòo-pái uī-tio̍h tsit 个問題 gún 翁某 bueh 冤 kah 天篷掀起來 mā 捌冤 kah huah 離緣。

我 huah 離緣，gún 翁 koh 問講 uī-hô 愛離緣，tse 曷 m̄ 是啥物大代誌，只要我吞忍 suî 過。

「甘蔗無雙頭甜➀(華：凡事無兩全其美，你 ê 幸福快樂是要求我 tsiânn-tsò 你佮恁老爸 ê 性地來滿足恁老母 ê 惡霸。」

「恁小妹 tsham 恁 iáu 有血緣關係，伊 tō 無法度接受 tsit 款愛徙 kah 遠遠遠 m̄ 願 tńg--lâi，你是看著佗一點認為我有才調 tsiânn-tsò 恁爸仔囝 ê 個性來滿足恁老母 ê 特殊。」

我 m̄ 知影別 ê 翁仔某按呢對話 ē 姻緣 ē tsiânn-tsò 啥物生張，總--是話拆白講了後。

Gún 翁 m̄ 捌繼續搜揣理由來窒𪜶 lóng 知知 ê 問題。

新婦明明 tō tī 德國，朋友 mā 無人按臺灣來 sio-tshuē-tsē uī-hô 需要出門食 Ka-pi 到𪜶 tńg--khì 北爿抑是𪜶 tiàm tsia 蹛幾工新婦 tō 無 tī 厝幾日。

幸福是家己攢 m̄ 是聽別人 ê 喙 tsiânn-tsò 𪜶意愛 ê 款。

Tse 是 tng gún 翁 uân-á 無認為𪜶爸母 ê 姻緣無問題 mā 無影響著 gún ê 姻緣 ê 時我 tuì 伊講 ê 話。

起因，我家己真清楚家己無可能 uī-tio̍h 驚人講話 tō 假做啥物 lóng 大丈夫抑是一日到晏 tuì 囡仔哭呻另外一个人 ê 問題。

家己 ê 情緒家己需要先消化，家己 ê 面 kan-tann 家己有法度好好保養，tse 是我一直足清楚 ê 界線。

自佮 gún 翁熟似，我一直 lóng 笑講伊佮𪜶爸母 lóng 是按未來來 ê 好心人。

一回 tī 電視台看著 tsit 支影片 sui 上 YouTube 揣 hōo 伊看。

一个準備 bueh 食早起頓 ê 作穡人𪜶兜 hiông-hiông 出現一位按未來來 ê 人 tuì 𪜶 huah 聲講「Stop，tse buē-tàng 食，因為伊有啥物問題 é 造成啥物病等等...」

作穡人某 suî 聽 suî 換款，換到落尾手作穡人講伊 buaih 食，𪜶某 mā m̄ 知影愛款啥 hōo 翁食越頭問 tsit 位按未來來 ê 人講「Bueh 食 Ka-pi m̄？」

「Bueh，koh-bueh 摻5粒糖，勞力」按未來來 ê 人 suî 應。

「早起頓著是愛食バター、パン、ハム、果子醬...Ka-pi 著是愛 lām 牛奶漿，一日著是愛食六頓，正頓三頓，甜路三頓 m̄-tsiah 健康」慣勢早頓無食甜，食飯飽 mā buē koh 掠外食甜路，一日食2頓，食 Ka-pi iū-koh kan-tann 早頓食飽後 koh kan-na ē 透牛奶 ê 新婦 tī gún 翁𪜶老母 ê 目睭內 tshan-tshiūnn 彼个不受教 ê 作穡人 hiah-nī-á 無關心翁婿佮家己 ê 健康。

重 thn̄g 一斗 tsiânn-si̍t 佩服家己 ê 勇氣 kánn 投稿。

不過，mā 感謝投稿 ê 單位猶 buē 刊登。

Sui-bóng 𪜶有討原稿...hōo 我 hit 陣掠做寫 kah 真好。

現此時想想 leh tsiânn-si̍t 愛笑。

歸結，萬事著是按呢有翻頭 tsiah 有翻草。

現此時重新修正一斗 uân-á 無講 kài 媠，總--是有 khah 進步--ah。

稿名：未來 ê 好心人

---2023.06.07

➀華：凡事無兩全其美

卵包菜蔬

...... 材料 ......

卵包　2

罐頭番麥　200g

荷蘭豆　200g

紅菜頭，切片　1

蒜頭，刴幼　1

洋蔥，刴幼　1　

滾水

鹽、胡椒

...... 步數 ......

1. 洋蔥、蒜頭、紅菜頭落鼎煏芳，下荷蘭豆、番麥、滾水搜齊，崁蓋，煮3~5分鐘。

2. Tiàu 寡鹽、胡椒，完成。

(2022.03.01 5:2 Frühstück)

Ich muss das schreiben.

Mein Mann hat mir gesagt, lass uns die Zuckerschoten mal probieren.

Als wir im Lidl einkaufen waren.

Bist du sicher, ich denke meine Ohren haben Problem deshalb Frage ich dich nochmal.

Ja, ich bin sicher.

Die siehe nicht so groß, sagt mein Mann.

Die sind immer gleich, antworte ich.

Ja, das ist sehr sehr sehr interessant für mich.

Mein Mann isst Erbsen, aber er isst nicht Zuckerschoten.

Er sagt mir, sie sind "UNTERSCHIEDLICH".

Ja, ich muss eine nicht standardisierte deutsche Grammatik schreiben.

Weil das so wahnsinn ist.

Ich weiß nicht, was ich zu unseres Abendessen kochen kann.

Ich suche in den Internetseiten und ich hoffe eine Idee zu bekommen.

Aber leider, ich kann nicht viel Ideen finden.

Wahrscheinlich, mein Mann hat Recht.

Die deutschen essen keine Zuckerschoten?

Ich weiß nicht.

Aber, in Taiwan wir haben viel unterschiedlich Gerichte von Zuckerschoten.

Zum Beispiel, Zuckerschoten mit Fleisch oder Pilze und so weiter.

Aber leider, mein Mann mag keine.

Er sagt das immer.

Sie sieht seltsam aus.

Ja, wie seine Mutter.

Zum ersten, ich habe das gehört, ich bin nicht glücklich.

Aber, langsam, ich finde das ist Interessant.

Er kennt die nicht nur.

Das ist ganz unterschiedliche wie seine Mutte.

Seine Mutter... vergiss...mehr diskutieren.

Das ist nur verschwenden meiner Zeit.

Dann denke ich an das Gericht aus Taiwan.

Es war nicht so schön. Aber du kannst im Imbiss probieren.

Besonders zum mitnehmen.

Ich meine "Piān-tong"(便當) oder " Pn̄g-pau"(飯包).

Ein Henkelmann mit Reis oder Nudel und 3 Gemüse.

Der Henkelmann normalerweise ist mit eine Spiegelei oder Lóo-nn̄g(Ei mit Sojasoße über Stunden zum gedämpft).

Mann, Ich vermisse Piān-tong so sehr.

Lecker.....

Ok, lass uns heute Piān-tong essen, aber ohne Reis.

Weil mein Mann mag nicht Reis.

Aber, kein Problem, ich bin eine Person liebe jedem das seinen.

Dann essen wir mit Roggensauerteigbrot.

Und was sagt mein Mann.

Lecker, sehr lecker.

Die Zuckerschoten Frabe so Grün und lecker, sagt er.

Ich bin Blau, sage ich.

Mein Mann lacht, weil er weiß was ich sagen.

Und da gibt's Schweineschmalz, oh ....mann,  ich vergesse deine Familie isst kein Schweineschmalz, weil es nicht gesund ist.

Hier ist Lin's Familie, und Schweineschmalz macht mein Abendessen bunte und lecker, sagt mein Mann.

1 Lila (500€), bitte, sage ich.

Mann, lacht mein Mann.

In Deutschland nichts kostenlos, das ist erste im was Kurs ich gelernt habe, sage ich.

Oh, übrigens, wir sagen Niederlandbohnen für Zuckerschoten.

Gemüse mit Spiegelei

...... Zutaten ......

Spiegelei　2

Mais aus der Dose　200g

Zuckerschoten　200g

Möhre in Scheiben schneiden　1

Fein gehackter Knoblauch　1

Fein gehackte Zwiebel　1　

Wasser

Salz ＆ Pfeffer

...... Zubereitung ......

1. Zwiebel, Knoblauch, Möhre in die Pfanne geben und anbraten bis sie goldbraun sind.

2. Zuckerschoten, Mais und Wasser in die Pfanne geben und gut mischen, dann Deckel drauf und auf kleiner Stufe ca. 3~5 Minuten kochen.

3. Mit Salz und Pfeffer abschmecken. Guten Appetit!

(2022.03.01 Breakfast)

I have to write this.

My husband told me let's try the sugar snap peas.

When we were shopping at Lidl.

Are you sure I think my ears have a problem so I'll ask you again.

Yes I am sure.

They don't look that big, says my husband.

They are always the same, I answer.

Yes, that's very, very, very interesting to me.

My husband eats green peas, but he doesn't eat sugar snap peas.

He tells me they are "DIFFERENT".

Yes, I have to write a non-standardized German grammar.

Because it's so crazy.

I don't know what to cook for our dinner.

I search the internet and I hope to get an idea.

But unfortunately, I can't find a lot of ideas.

Probably my husband is right.

The Germans don't eat sugar snap peas?

I do not know.

But, in Taiwan we have a lot of different dishes from sugar snap peas.

For example, sugar snap peas with meat or mushrooms and so on.

But unfortunately, my husband doesn't like any.

He always says that.

They look weird.

Yes, like his mother.

For the first time, I heard that, I'm not happy.

But, slowly, I think that's interesting.

He just doesn't know them.

It's very different like his mother.

His mother ... forget ... discuss more.

This is just wasting my time.

Then I think of the dish from Taiwan.

It wasn't that nice. But you can try it in the shop.

Especially to take away.

I mean "Piān-tong" (便當) or "Pn̄g-pau" (飯 包).

A lunch box with rice or noodle and 3 vegetables.

The lunch box usually has a fried egg or Lóo-nn̄g (egg with soy sauce that has been steamed for hours).

Oh my dear, I miss Piān-tong so much.

Yummy.....

Ok, let's eat piān-tong today, but without rice.

Because my husband doesn't like rice.

But, no problem, I am a person who always respect the needs ofothers.

Then we eat with rye sourdough bread.

And what does my husband say.

Delicious, very tasty.

The sugar snap peas are so green and tasty, he says.

I am blue, I say.

My husband laughs because he knows what am i talking about.

And there's lard, oh ... dear, I forget your family don't eat lard because it's not healthy.

It's Lin's family here, and lard makes my dinner colorful and tasty, says my husband.

1 purple (500 €), please, I say.

Oh my dear, laughs my man.

Nothing for free in Germany, that's the first thing I learned in the course, I say.

Oh, by the way, we say Dutch beans for sugar snap peas. 

Vegetables with Fried Egg

...... Ingredients ......

Fried egg　2

Canned Corn　200g

Sugar snap peas　200g

Cut the carrot into slices　1

Finely chopped garlic　1

Finely chopped onion　1　

Water

Salt,pepper 

...... Method ......

1. Add the onion, garlic and carrot to the pan and fry until golden brown.

2. Add the sugar snap peas, corn and water to the pan and mix well, then put the lid on and cook on a low level for about 3 ~ 5 minutes. 

3. Season to taste with salt and pepper. Enjoy your meal!

臺灣教會公報/TÂI-OÂN KÀU-HŌE KONG-PÒ

刊登日期：2023.06.29

期別：3722