(2022.05.29 減肥早起頓 德國田庄肉捲。德國鄉村肉捲)

翁分張謝大使接受德國 N-TV 電視採訪 mā 呵咾謝大使 ê 德語講甲實在有夠讚， 只不過腔口重甲 hōo 伊無法度踅神。 

「你 bueh 講幾句仔英文抑是臺語無」我講。

「謝大使 m̄ 是德國人，伊講 ê 德語有外國人腔彼是足正常 ê 代誌」伊知影𪜶某 teh 剾洗伊佮𪜶爸母無宛 2 體 ê 有喙講別人無喙講家己 ê tī hőng 𠞭甲骨攏看無進前緊收煞。

總是，病按喙食，禍(ē) mā 按喙來，伊掠做按呢就 ē-tàng kā 代誌挲掉，伊就正經 kā 我當做佮戇 ê，掠做我佮伊相仝，只要𪜶爸母出喙 m̄ 管正經抑是不答不七攏 ê 認真收藏閣 kā 當做聖旨來守護。

「你 bueh 寫批請恁德國大使重錄品味歐洲 無」我講。

「德國篇已經結束是按怎這久又閣愛重錄」伊問。

「恁大使徛 tī 臺灣人 ê 土地，無講德語 gún 理解，總是 gún-ê 國家語言現此時無包括英語」我講。

伊恬恬無出聲，起因伊知影某 ê 一段話掃著一大捾人，包括真𠢕嫌家己人腔口 ê 伊在內。

以前我 m̄ 知愛按怎治伊這个症頭，押尾我學著這个智慧「恁爸母笑別人 ê 腔口，是按怎搪著講這个腔 ê 人，𪜶攏 m̄ 出聲？」

伊家己 mā 知影，m̄ 管伊按怎學彼个腔口，伊猶 m̄ 是彼个族群，tshan-tshiūnn 伊掠做伊 ê 腔口是標準，講這个腔口 ê 人一聽就知你 m̄ 是家己人。

這款問題，正經 m̄ 免閣咸豐三，講到今，足厭𤺪。

「不過，我愛感謝恁 ê 大使，因為伊我 tsiah 想著我 ē-tàng 按怎處理冰箱遐 ê 貪心。」

是，我猶原有這个症頭搪著落價 buē 斟酌愖需求就款轉來囥，押尾拚勢齷齪佮後悔汰 ē tsiah 目睭掛斗概，見人物就愛。

「是講款這項料理進前，我 mā 愛先品明，我 m̄ 是德國人，sóo-tí 我款 ê  Rinderroulade in Schwarzbiersauce mit Kartoffelbrei 絕對無法度佮恁兜 ê 專工比並」我講。

「北爿 ê 伊若是專家，我就 m̄ 免成做伊 ê 副本一日到晏 tuì 伊 Nee buē 離」翁應。

「這我無確定，起因我見著 ê 事實 m̄ 是按呢，總是咱䆀話品 hōo 明 tsiah-buē 米糕𣻸」我講。

「另外，你 mā 知影我有 tsuē-tsuē 德國料理是按恁東爿遐 ê 朋友學來，sóo-tí 我若一直講 Bauernrouladen 你就莫一直 Nee Nee Nee」m̄ 知為啥物搪著 Nee Nee Nee 我 ê 喙隨歪斜，目睭隨吊吊，準做我 m̄ 知按按呢 ê 我有偌爾仔䆀，我猶是足想 bueh 舂家己 ê 面，紲落來刴做肉餅飼豬。

「德國佮臺灣仝款，每一个角勢有家己慣勢 ê 講法，gún 兜講 ê 版本 m̄ 是唯一 ê 標準」翁應。

「彼我就無清楚--looh，畢竟我 m̄ 是專家 mā m̄ 是德國人」我講。

「我真向望你講話 ē-tàng 莫遮爾仔利」翁講。

「我只是實話實講，tshan-tshiūnn 恁一直 teh 做 ê 代誌，只不過我無活 tī 家己 ê 世界」我應。

德國田庄肉捲

...... 材料 ......

絞肉　400g

洋蔥，礤簽　1

火鍋肉杮仔　6

糋麭粉　30g

卵　1

芳料草

敏豆

鹽、胡椒

...... 步數 ......

1. 絞肉、洋蔥、卵、芳料草、糋麭粉、鹽、胡椒濫做一伙鋪踮肉杮仔中央囥菜蔬捲起來。

2. 落鼎煎 hōo 赤赤，樂暢來食。

(29.05.2022 Frühstück zur Gewichtsabnahme Bauernrouladen)

Gucke mal, mein Mann teilt ein Interview von N-TV.

Und fragt verstehst du?

Natürlich, wie mein Mutter Sprache.

Wirklich, lacht mein Mann.

Natürlich, anworte ich.

Der Botschafter, seine Deutsch ist sehr gut aber so exotisch, dann muss ich sehr aufpassen, sagt mein Mann.

Oh, möchtest du eine der taiwanesischen Sprachen ausprobieren? Zum Beispiel Amis oder ....

Nein....

Oh, ich habe das vergessen.

Möchtest du ein Brief nach Deutschland Botschafter schicken?

Wie so, fragt mein Mann.

Jede muss deutsch sprechen, aber er spricht Englisch von Video, sagt ich.

Das ist ok, sagt mein Mann.

Ja, ja, natürlich, was ist richtig, sagt deutscher.

Ist mein Mann Nase zu hoch wie seine Mutter.

Ich denke nicht.

Er ist es so gewohnt als er Kind war, was Eltern sagen. 

Jeder ist nicht gut, aber wir sind gut.

Ja, wenn es ein Problem gibt, dann muss jemand anders nicht ich.

Naja...ich bin müde zu das Thema wiederholen.

Das ist sein Problem.

Er möchte nicht wechseln, ist sein Problem nicht mein Problem.

Oje... spricht über Botschafter.

Ich habe ein Idee.

Lass uns kopieren was er von Video kocht hat.

Bauernrouladen

...... Zutaten ......

Hackfleisch　400g

Geraspelte Zwiebel　1

Schinken　6

Semmelbrösel　30g

Ei　1

Kräuter

Bohnen

Salz ＆ Pfeffer

...... Zubereitung ......

1. Hackfleisch, Zwiebel, Ei, Kräuter, Semmelbrösel, Salz, Pfeffer gut mischen bis es Hackteig ist.

2. Die Teig in 120g teilen und ausrollen, die Bohnen in die Mittle legen und einrollen, dann Schinken in die äußere Schicht wickeln.

3. Die Rouladen in die Pfanne anbraten bis sie goldbraun ist. Guten Appetit! 

(29.05.2022 Breakfast for weight loss Beef Roulades)

Look, my husband shares an interview from N-TV.

And asks do you understand?

Of course, like my mother tongue.

Really, my husband laughs.

Of course, I answer.

The ambassador, his German is very good but so exotic, then I have to be very careful, my husband says.

Oh, Would you like to try out one of the Taiwanese languages? for example Amis or ....?

No....

Oh, I forgot.

Would you like to send a letter to Germany's ambassador?

Why, my husband asks.

Everyone must speak German, but he speaks English from video, I say.

That's ok, says my husband.

Yes, yes, of course, what is right, says German.

Is my husband nose too high like his mother.

I think not.

He is so used to what parents say when he was child. 

Everybody is not good, but we are good.

Yes, if there is a problem, then someone else must not me.

Well...I'm tired of repeating the theme.

That's his problem.

He doesn't want to change, it's his problem not mine.

Oh, talk about ambassadors.

I have an idea.

Let's copy what he cooked from video.

Beef Roulades

...... Ingredients ......

Minced meat　400g

Geraspelte Zwiebel　1

Ham　6

Breadcrumbs　30g

Egg　1

Herbs

Green beans

Salt＆ Pepper

...... Method ......

1. Mix the minced meat, onion, egg, herbs, breadcrumbs, salt and pepper well until it a dough. 

2. Divide the dough into 120g and roll out, place the beans in the middle and roll up, then wrap the ham in the outer layer. 

3. Fry the roulades in the pan until they are golden brown. Enjoy youar meal!