亂皂𥴊仔店 ⓂⒺⒾⓃⓀⒾⓄⓈⓀ

(2023.10.24 早起頓 敏豆蘑菇雞肉カレー + 清飯 + Yogur/1031kcal)

翁 tī「To good to go」bué 著頂港有名聲，下港上出名 ê 有機超市所拍落來 ê 食物一箱。

箱仔內 ê 物食窮實 buē 講䆀，總是人攏愛看媠姑娘緣投兄，gún 遮 ê 橐袋仔無夠深 ê 人 m̄-tsiah 有機會 bué 著青春無 bueh 閣翻頭 ê 頭篩仔。

箱仔內 ê 頭篩仔論真講佮平價超市 bueh 相𫝛，無啥物較特殊 ê 菜蔬。

當然，這佮我家己 ê 幻想有牽連，是我家己 kā 目標設定甲比天閣較懸 m̄-tsiah 有 tsiah-nī-á 大 ê 失落。

Kā 猶原沐塗 ê 紅菜頭、馬鈴薯、菜擴佮洗甲清氣啖啖閣貼媠 tang-tang ê Bio 貼紙 ê 大同仔、甜椒按箱仔挈出--來隨笑 tuì 翁講「你問我感想按怎，我散赤人無法度理解食 Bio 伊會𤆬 hōo 我啥物特殊 ê 健康，不過看著這我 buē 感覺無彩錢」。

伊綴我手指 ê 所在看過去隨講「這規捾攏是你--ê」。

「感謝--neh」我笑應。

啥物是料小，啥物是珍貴，我 m̄ 知影，不而過我知影遮 ê 定義敢若 teh 喝 Pha-la-kheng，喝贏 ê 人準講「事實」無 hiah-nī-á 特殊原仔有人 ē 綴 leh 行 綴 leh 做，起因我一直攏相信𠢕喝 Pha-la-kheng ê 人，𪜶 ê 膽在喙水媠又閣有生理頭腦。

起因，我 mā 有這个個性真𠢕攑香綴拜。

不過，現此時 ê 我較 buē 按呢綴人相喊相趁，這 m̄ 知佮我清楚知影家己 ê 橐袋仔 lú 來 lú 坐底甲連磅子攏僫捎有相干無。

早前 tī 遮看著 Austernpilz(照德文原汁我 kā 翻譯做「生蚵菇(華:秀珍菇)」)，看伊 ê 價數 ē-tàng hōo gún 翁仔某做伙食餐廳，我就家己燉豬腦補腦講「mā 著，這按咱亞洲來 ê 物食呔 ē 鞏金甲足夭壽貴」。

押尾有機緣讀著文獻 tsiah 發現，落臉(lak-lián)--ah，人阿菇伊自本就是在地人，我卻直透掠伊做外埠人閣四界 ka̋ng 宣傳伊是過鹹水--ê 鞏金。

總是，好里佳哉我搪著 ê 本埠人 mā 掠做伊是「過鹹水--ê」。

本埠人是按怎會按呢想，我想這應當 mā 佮咱番薯島有相𫝛 ê 症頭，無佮意 ê 物件攏愛烌掉。

這是別人兜 ê 代 tsham 我無底代 m̄ 免 tī 遮寫作文，不過簡單紹介一下。

生蚵菇是歐戰年間，德國 uī-tio̍h 解決糧草不足改良 ê 救命丹。

Kā 救命丹按箱仔挈出--來，我又閣想--著「垃圾無好物」ê 講法隨越頭 tuì 翁講「恁 ê 垃圾 mā 有分階級，平平攏是按塗肉湠出來 ê 菜蔬果子，減一个 Bio ê 菜蔬果子無 kā 伊清甲無牢塗肉恁就隨講垃圾物 buē bué 得，咱幸運有人 tsham 咱分張一塊土地 bueh 成做 BIO 上少愛歇百冬外....」。

話講到遮雄雄感覺誠無意思隨越頭轉去廚房繼續我 ê 垃圾食，垃圾大佮斟酌繩(tsîn)阿菇 ê 尾溜。

久年前，我猶 tī 外埠地做小工，工廠款 ê 三頓我食 buē 合，油湯賣--ê 又閣無我 ê 緣，sòo-pái 動念家己扞鼎灶。

彼陣 m̄ 捌行過廚房灶跤 ê 我，唯一會曉 ê 代誌就是佮阿母去踅菜市捾菜。

請教當地朋友𪜶 ê 菜市 tī tueh 隨 tī 天拄拆箬就行踏菜市 bué 菜，隔轉日透早當地朋友發現我人無出現 tī 工廠隨傱來宿舍揣人順紲叫人 kā 我𤆬去病院掛急診。

我一直掠做料理就是按呢，水沖沖 leh 就 ē-tàng 落鼎煮火鍋，結果代誌 m̄ 是我這个戇人想 ê tsiah-nī-á 簡單。

無髡(khun)鬚 ê 阿菇 tshan-tshiūnn 無髡喙鬚 ê 阿爸 tī 幼嬰仔 ê 肚腹桶子按呢趖 hōo 幼嬰仔艱苦甲一直吼。

彼陣 ê 我就是按呢生，食飯飽無 luā 久就隨佮馬桶誠懇(先睏)到陣到朋友揣人開門 tsiah kā 我按馬桶徙到眠床好好仔唔(onn)唔睏。

有彼斗 ê 經驗，見搪著各位阿菇我攏蓋尊存 m̄ 敢潦(ló)草。

按印度餐廳學來 ê 料理，味素好甲喙白無愛阿菇無愛、阿豆 kan-ta 愛生菜 ê 翁講，料想 buē 到阿菇佮阿豆做伙是 tsiah-nī-á 好食。

我 mā 是按呢想，料想 buē 到阿菇佮阿豆 mā ē-tàng 煮カレー雞肉。

敏豆蘑菇雞肉カレー

...... 材料 ......

敏豆，切橛　300g

蘑菇，切片　400g

雞肉，切塊　400g

臭杮仔，切塊　2

洋蔥，刴幼　1

カレー粉　1TL

滾水　300ml

クリーム　50g

蒜頭，刴幼

鹽、胡椒

...... 步數 ......

1. 洋蔥、蒜頭落鼎煏芳，臭杮仔摻落--去炒軟。

2. 蘑菇、敏豆、雞肉 lām 落--去炒熟，カレー粉、滾水摻落--去抐 hōo tsiâu， 煮10分鐘。

3. クリーム lām 落--去攪 hōo tsiâu，tiàu 寡鹽、胡椒，樂暢來食。

(24.10.2023 Frühstück Hähnchen-Curry mit Bohnen und Champignons - Reis - Joghurt/1031kcal)

Mein Mann hat ein Paket bei Alnatura auf den To good to go gekauft.

Das gibt's Radieschen, Karottfel und mehr.

Das Paket für mich ist nicht so interessant außer "BIO".

Aber!!!

Ich glaube, wir haben großes Schwein gehabt.

Da gibt's viele Austernpilze.

Ich liebe Austernpilze sehr, egal ob gebraten oder Suppe. 

Alle sind super lecker.

Den Tag, ich glaube, als ich das Paket gesehen habe

Ich bin sehr aufgeregt.

Deshalb ich vergesse eine wichtige Sache....

Die Wurzel abschneiden.

Denn  ich habe das gleiche Problem wie früher....

Ich koche Enoki mit Hotpot, dann gehe ich zur Notaufnahme wegen Lebensmittelvergiftung

Den Tag, ich koche nicht.

Dann kenne ich dieses Wissen nicht....

Aber, jetzt nochmal?!

Ich kann das nur sagen.

Ich habe großes Schwein gehabt, ich lebe noch.

Weil ich wurde nicht durch meine Nachlässigkeit getötet.

Hähnchen-Curry mit Bohnen und Champignons

...... Zutaten ......

Bohnen in Stücke geschnitten　300g

Champignons in Scheiben geschnitten　400g

Hähnchenbrust in Stücke geschnitten　400g

Tomaten in Stücke geschnitten　2

Fein gehackte Zwiebel　1

Currypulver　1TL

Wasser　300ml

Sahne　50g

Fein gehackter Knoblauch

Salz & Pfeffer

...... Zubereitung ......

1. Zwiebel und Knoblauch in die Pfanne geben und anbraten bis sie goldbraun sind.

2. Tomaten dazu geben und anbraten bis sie weich ist, Champignons mit Hähnchen und Bohnen dazu geben und anbraten bis sie goldbraun sind.

3. Wasser und Currypulver dazu geben und gut mischen, ca. 10 Minuten zum kochen.

4. Sahne dazu geben und gut mischen.

5. Mit Salz und Pfeffer abschmecken. Guten Appetit!

(24.10.2023 Breakfast Chicken curry with beans and mushrooms - Rice - Yoghurt/1031kcal)

My husband bought a package from Alnatura on the To good to go.

There's radishes, carrots and more.

The package for me is not that interesting except for "BIO".

But!!!

I think we were very lucky.

There are a lot of oyster mushrooms in it.

I love oyster mushrooms very much, whether fried or soup.

All of them are delicious.

The day I think I saw the package

I am very excited.

So I forget one important thing ...

Cut off the root.

Because I have the same problem as before ...

I cook enoki with hotpot then go to the emergency for food poisoning

The day I don't cook.

Then I don't know this knowledge ...

But now again ?!

I can only say that.

I'm really lucky, I'm still alive.

Because I wasn't killed by my negligence. 

Chicken Curry with beans and mushrooms

...... Ingredients ......

Beans cut into pieces　300g

Mushrooms cut into slice　400g

Chicken breast cut into pieces　400g

Tomatoes cut into pieces　2

Finely chopped onion　1

Curry powder　1TL

Water　300ml

Cream　50g

Finely chopped garlic

Salt ＆ Pepper

...... Method ......

1. Put the onion and garlic in the pan and fry until they are golden brown.

2. Add the tomatoes and fry until they are soft, add mushrooms with chicken and beans and fry until they are golden brown.

3. Add water and curry powder and mix well, about 10 minutes to boil.

4. Add the cream and mix well.

5. Season with salt and pepper. Enjoy your meal!