亂皂𥴊仔店 ⓂⒺⒾⓃⓀⒾⓄⓈⓀ

交翁熟似十外冬，我總算理解生菜窒倒街 ê 德國，伊呔討 kan-ta 愛這味：西洋萵仔菜。

「我 tī 美國看人無洗就剺來食隨想著這款生菜真敆德國人喙斗就 kā 伊引進到德國，市場 hōo 我 ê 反應 mā 交我當初設想 ê 一模一樣無走精，伊成做德國上時行 ê 菜蔬到今」電視頂 ê 農夫分張伊 ê 故事，身軀交我𤲍燒 ê 人 mā 紲話「就是這个因由我 m̄-tsiah 愛食西洋萵仔菜，免洗隨食。」

西洋萵仔菜敢誠實 m̄ 免洗 kā 外葉揀掉就會使得隨食，這个問題到今猶 m̄ 捌試過，總是 gún 翁 ê 心情告白總算 hōo 我捎著摠頭，生菜少缺 ê 德國呔討 kan-ta 興西洋萵仔菜一味 ê 紅龜生蟲，龜怪。

我個人自第一斗交西洋萵仔菜相拄搪就無愛食伊，這个無意愛這久翻頭來想，合該然是喙斗按囡仔開始捏，我囡仔時無這項菜蔬，大漢準做愛食美國食食 mā buē 孤食這味，像 gún 翁按呢一葉一葉剺，一葉一葉搵彼若糊仔 ê 沙拉醬。

猶踮臺灣翁仔姐做陣去大象牛排食飯，伊 ê 菜蔬永遠是紺草花、西洋萵仔菜、紅菜頭絲、瓜仔哖片敆若滇流 ê 沙拉醬，我 ê 菜蔬絕對 buē 出現遮 ê 冷吱吱。

這久 ê 我家甲徙到德國，慣勢 ê 雙人一雙箸 bueh 食無仝味無法度接續，褲底袋銀角仔贏過貯磅子，入人門，順人意無愛食冷吱吱 ê 我開始學習食生菜 mā 開始學習搵醬做伙食，總是人 ê 喙斗交性地𫝛款，自來 ê 慣勢 ê 喙斗準做動手術換一个胃，彼个自來 ê 喙斗就是僫改。我無才調跟綴 gún 翁 ê 喙斗 m̄-koh 我發見 tī 法國 Djion 試芥辣醬食著 ê 蜂蜜芥辣橄欖油醬，伊薄薄仔甜 ê 蜂蜜、氣味薄薄仔 kàng ê 芥辣醬、tiàu 味 ê lê-bóng 薄薄仔酸做陣泅入若太平洋 ê 橄欖油，晟養碗盤萬物 mā 改善我 ê 脾土 buē 合。

無寫部落格進前 buē 成做貓好玄我慣勢 ê「美生菜」呔討目今成做「結球萵苣」，我慣勢 ê「羅美生菜」呔討目今成做「羅蔓」跟綴上下游行一逝萵仔菜 ê 前世佮今生猶原捎無摠，隨放棄總是順我認捌 ê 英德語我 kā 向時號做「羅美生菜」ê 伊號做「羅馬萵仔菜」，目今 ê「結球萵苣」向時 ê「美生菜」伊跟綴公視台台語新辭庫 kā 伊號做「西洋萵仔菜」，不過我 mā 捌順伊 ê 美國名 kā 伊號做「冰山萵仔菜」。

我無愛食西洋萵仔菜，烏露戰爭進前 ê 西洋萵仔菜價數 mā 若林連鍠老師《屁窒囡仔的謝師宴》〈望後冬〉ê 番薯佮菜頭，只不過西洋萵仔菜較好字運，伊有財團包贌伊 ê 一切 hōo 伊準做敗價到台票一粒無到 20 塊，農民猶是免驚惶愛過林連鍠老師囡仔時 ê 人生。 

寫著財團包贌，窮實 mā m̄ 是每一个農民攏按呢好字運，tsuē 冬前交翁去別庄款雞牢雞卵，彼搭 ê 農民信任財團簽契約，押尾財團搪著閣較俗價 ê 菜蔬隨喝 buiah 收，農民 tsiah 知影無家己倩律師鬥相共，契約頂 ê 字讀有猶是青盲牛一隻。 

彼當時搪著 ê 序大，𪜶 ê 問題敢有解決，平常老百姓 ê 我有心鬥相伨，猶是捙拚 buē 過財團 ê 包贌價 kan-ta 交觀過彼改 m̄ 捌閣探訪。

本底掠做 gún 翁愛食西洋萵仔 ê 因由是大碗閣滿墘，押尾發見伊佮意食這味 kan-ta 因為我人無 tī 遮這味是上好處理 ê 菜蔬就開始大大典典遮試遐試，搪著伊成做茶鈷呻「彼足食塗，愛洗」隨好笑神紲話「大丈夫，我洗，免驚。」

烏露戰爭開始，德國欠電閣欠水 hōo 𠢕欶水 ê 西洋萵仔 mā 框金，一路按若跤球大細 0.59€/粒漲懸價甲若女子棒球大細 ê 1.59€/粒 hōo 我 ê 耳空清悠甲 tsín。

今年穀雨本底漲懸價 ê 瓜仔哖、Kam-má-tooh、番薑仔等等屬好鬥陣價數 ê 菜蔬又閣踅翻頭轉來到烏露戰爭進前 ê 價數，唯獨西洋萵仔菜猶原徛懸價 hōo 我又閣閒甲掠蝨母不三時行去超市 hui-hui 蹓蹓看伊 ê 銷路，烏露戰爭進前見交伊相拄搪是賰無好幾粒媠通揀，烏露戰爭到今是見交伊相拄搪伊敢若按媠囥甲䆀，紲落來規陣送去敗價區卸貨底。猶原漲懸價 ê 伊準做換牌價做促銷猶是稀微，無啥人 bueh 交觀。一直到頂禮拜 m̄ 知是財團包贌甲倒貼抑是 uī-tio̍h 摒貨底價數落價甲一粒 0.89€ 大細若跤球，喙斗牽 m̄ 行，價數牽溜溜行隨揀一粒轉來囥，囥甲伊看我 buē 生菇，我看伊阿菇大四界，齷齪，隨上網海請教網路眾大神賜我智慧，押尾發見猶是家己 ê 部落格較好請教。

2021.11.19 我捌記錄一篇敆青豆仁、紅菜頭、番麥 ê 五彩西洋萵仔菜生菜盤，彼張相片這久嫌伊䆀 tsi-tsi 愛換新拄好會使得徙來遮使用，彼久 ê 番麥這久欠貨，換林檎滿山坪...我痟貪軁雞籠，罕得食林檎見著無著時 ê 林檎凡勢 uī-tio̍h 摒二等貨底所致一公斤賰無到 1€ ê 0.89€，隨無要意彼一袋三公斤愛食甲底時，捾一袋轉來，押尾阿羅按合作社又閣𢯾一箱福利林檎 hōo 我，疊甲比玉山閣較懸 ê 林檎山拄拄好會使得做生菜盤。

這斗處理西洋萵仔菜，我想著捌看人用刀切絲隨上網請教眾大神敢有這个手路，網路眾神真聖一跋跤隨聖杯，就順這个方法處理西洋萵仔菜，那切那叨撚家己呔會遮爾仔頇顢 m̄ 較早學這招。刀仔切西洋萵仔菜，形 m̄-nā 仔媠閣緊。

早起頓款好請翁做陣來食飯，一看著久年不見 ê 西洋萵仔菜，伊笑講「お 元気 ですか？」

「你中毒傷深」我笑應。

聽 Podcast 罕得翻頭自第一集，不過 Hái！佇遮啦 hōo 我步頻有耐性願意踅翻頭按第一集開始聽，因為按呢 m̄ 捌日語 ê gún 翁 mā 知影節目頭句 ê お 元気 ですか是啥物意思。

我 tuì Hái！佇遮啦 ê 第一斗印象無好，因為彼集洘旱甲 hōo 我無耐性揣水源，準做伊是講我 ê 城市。押尾有機會交伊再次 tī Podcast 相拄搪，凡勢是我捌聽過 ê 臆你佮意，這斗 ê 臆你佮意 kā 我 ê 耳空吸牢牢，隨按無訂閱成做訂閱者並翻頭揣第一集開始聽到今。

我 tuì 西洋萵仔菜 ê 意受宛然收聽 Hái！佇遮啦 ê 態度，因為內克 ê 對談者 hōo 我成做忠實聽眾，西洋萵仔菜因為林檎 hōo 我願意接續請教網路眾神西洋萵仔菜 ê 菜譜，準做伊猶原 m̄ 是我上意愛 ê 萵仔菜。

林檎五彩西洋萵仔菜生菜盤

...... 材料 ......

西洋萵仔菜(se-iûnn ue-á-tshài)　100g

罐頭青豆仁　100g

紅菜頭，礤簽　200g

林檎，切片　1

紅洋蔥，刴幼

橄欖油　1EL

Lê-bóng 汁　1/4TL

芥辣醬　1/4TL

蜂蜜　1/4TL

蒜頭，刴幼

鹽、胡椒

...... 步數 ......

1. 橄欖油、芥辣醬、Lê-bóng 汁、鹽、胡椒、蜂蜜、蒜頭濫做一伙抐 hōo 齊。

2. 西洋萵仔菜、洋蔥、紅菜頭、青豆仁、Sòo-sù 濫做一伙搜齊。

3. 林檎鋪落去，樂暢來食。 

In meiner Kindheit man musste das Gemüse erst kochen und dann essen.

Ich weiß nicht wann kommt der Wendy's und Hardee's, und was esse ich im Wendy's und Hardee's, ich habe keine Idee nach fast 40 Jahren, aber ich weiß, ich bin mega aufgeregt wenn das Lunajahr kommt. Weil das ist 1 mal in Jahr.

Warum, sage ich Wendy's und Hardee's? Ich bin ein Katze, habe ich den Eisbergsalat gegessen? Weil über das Amerikanische Essen, ich kann mich an die Pommes erinnern, für das restliche Menü kann ich mich erinnern, bis Mcdonald's nach Taiwan kam, dann lerne ich was Eisbergsalat ist, und die Tomaten müssen nicht gekocht werden, man kann sie roh essen. Und das Rohkost Gemüse mit cremige soße essen, und ich mag das Gemüse nicht, obwohl die Menschen sagen, das ist typisch Amerikanisches Essen und das ist Mode, Bauern, es ist mir noch egal, ich liebe gekochtes Gemüse.

Seit ich mein Mann getroffen haben, wir haben großes Problem über den Essenstyl, ich mag kein Salat, er liebt Salat, besonders man muss ihn nicht waschen und kann ihn sofort essen, der Eisbergsalat. So faul, oder? Ja!!! Bestimmt.

Für das Problem haben wir Milliarden Streit, besonders als ich in Deutschland wohne. Ich mag Eisbergsalat bis jetzt noch nicht, aber für die Liebe, 1 Jahr 1 mal ist ok, wenn ich das Rezept finde.

In Deutschland da gibt es viel leckeren Salat, Feldsalat, Rucola, Kopfsalat und so weiter, so man muss ihn nicht waschen dann sofort essen den Eisbergsalat, du hast die Zeit wie als ich Kind war. 

Menschen, plötzlich fühle mich wie mein Mann so wählerisch, aber  bin ich nicht. Das Gemüse mag ich nicht Rotkohl, Eisbergsalat, Süßigkeiten, nicht so viel als mein Mann. 99% Gemüse ist Feind, 100% Süßigkeiten ist liebe. Siehst du, ich bin nicht wählerisch.

Bunter Eisbergsalat mit Apfel

...... Zutaten ......

Eisbergsalat in Scheiben schneiden　100g

Erbsen aus der Dose　100g

Geraspelt Möhren　200g

Fein gehackte rote Zwiebel　

Fein gehackter Knoblauch

Apfel in Scheiben schneiden　1

Olivenöl　1EL

Zitronensaft　1/4TL

Senf　1/4TL

Honig　1/4TL

Salz ＆ Pfeffer

...... Zubereitung ......

1. Öl, Knoblauch, Salz, Pfeffer, Zitronensaft und Senf gut mischen.

2. Möhren, Erbsen, Eisbergsalat, Zwiebel und Soße gut vermischen, Apfel dazu geben. Guten Appetit!

In my childhood you had to cook the vegetables and then eat.

I don't know when the Wendy's and Hardee's is coming, and what do I eat at Wendy's and Hardee's, I have no idea after almost 40 years, but I know I'm super excited when the Luna years comes. Because that's once a year.

Why, do I say Wendy's and Hardee's? I'm a cat, did I eat the iceberg lettuce? Because about the American food, I can remember the fries, for the rest of the menu I can remember until Mcdonald's came to Taiwan, then I know what iceberg lettuce is, and the tomatoes don't have to be cooked, you can eat them raw. And eat the raw vegetables with creamy sauce, and I don't like the vegetables, although people say that's typical American food and that's fashion, peasant, I still don't care, I love cooked vegetables.

Since I met my husband, we have big problem about eating style, I don't like salad, he loves salad, especially you don't have to wash it and you can eat it immediately, the iceberg lettuce. So lazy, right? Yes!!! Definitely.

For the problem we have billion argument, especially when I live in Germany. I don't like iceberg lettuce until now yet, but for the love, 1 year 1 time is ok if I find the recipe.

In Germany there is a lot of delicious lettuce, lamb's lettuce, arugula, butter lettuce and so on, so you don't have to wash then immediately eat the iceberg lettuce, you have the time like when I was a child.

Oh, dear, suddenly i feel like my husband so picky, but I am not. The vegetables I don't like only, yes, only, red cabbage, iceberg lettuce, sweets, not as much as my husband. 99% vegetables is enemy, 100% sweets is love. You see, I'm not picky.

Iceberg Lettuce with Apple Salad

...... Ingredients ......

Iceberg lettuce cut into slices　1/2

Canned Peas　100g

Apple cut into slices　1

Grated carrot 　200g

Finely chopped garlic　

Finely chopped red onion　100g

Olive oil　1EL

Honey　1/4TL

Mustard　1/4TL

Lemon juice　1/4TL

Salt ＆ Pepper

...... Method ......

1. Mix the oil, lemon juice, salt, pepper, honey, garlic and mustard well. 

2. Mix the carrots, peas, iceberg salad, onion and sauce well, add apple. Enjoy your meal!