亂皂𥴊仔店 ⓂⒺⒾⓃⓀⒾⓄⓈⓀ

2022.03.29 

感謝相分 ê 朋友，你 ê 相分 hōo gún 有一个豐沛閣飽脹 ê 早起頓。

Das Brot vom Fairteiler

2021.10.09

本底是 bueh 送厝邊 ê 麭，因為 buē 記得 kā 熟鐵鼎捋寡油致到規粒烘甲媠媠 ê 麭牢鼎。

Kā 無牢鼎 ê 部分清出來請翁試食，伊講麭真好味素 m̄-koh 較澹寡。

聽伊按呢講我想著往過猶 tī 面冊 lōng-liu-lian 綴朋友參加伊愛 ê 社團學著 ê 智慧「麭就是愛燒燒仔食 tsiah 好食」彼陣 ê 我較 m̄ 捌人情世事 mā 較愛展風神捷捷 ka̋ng 講「甜箍仔➀這款甜麭適合燒燒仔食，法國 Baguette 抑是 Petit Pain 遮 ê 麭攏愛囥 hōo 冷 tsiah 好食」經過彼个社團 ê 洗禮教宗，這久 ê 我 buē 按呢 tuì 翁講。

「麭拄洗好身軀，猶未挈浴巾仔 kā 伊拭 hōo 焦」我那講那 kā 麭囥踮鐵格仔頂懸 hōo 伊綴自然恬靜 kā 水份食入身軀。

翁看我按呢做 mā 隨喝一聲「著--hiooh！呔 ē buē 記得這件代誌」伊那講猶原那捏(liap)一角窒喙空 mā 那交代「這粒無張持䆀去 ê 麭 m̄ 通 kā 擲挕捒，伊 ē-tàng 挈來做丸子。」

那鑢鼎那擘腹呔 ē 揣無方法消菜底 ê 方式，翁 ê 交代隨消敨我滿腹無想 bueh 按呢抾惜 mā 無想 bueh 按呢討債 ê 擘腹。

「明仔早起 ê 早起頓咱來食 Semmelknödel，bueh m̄？」我問翁。

「當然 mā 是好」翁應。

➀ 我無「選擇艱難症」總是見擺若搪著台語就隨夯起來，起因 tuì 外來物我較慣勢講第一擺聽著 ê 講法，tshan-tshiūnn「優格/iu-keh」我自第一斗熟似伊，gún 阿姊就講若「腰骨」ê「Yogur」m̄ 是 Yoghurt 抑是後來 ê「優格」抑是「優酪乳」sòo-pái 大部份 ê 外來物請教線頂字典揣無合軀 ê 講法，我就寫第一記持。

甜箍仔 tī iTagi愛台語捌看過，總是彼陣 ê 我感覺誠 buē 合軀，sóo-tí 寢頭仔是寫 Doughnut，這久 tī 公視台語台台語新辭庫看著伊隨感覺合軀，我 buē 講我有偏見，總是我清楚知影這是一陣專家𠢕人討論 ê 結果，sòo-pái 我 m̄ 免家己造新辭，總是 Baguette 我猶是慣勢講 Baguette，Petit Pain 細粒圓麭我猶原佮意講 Petit Pain 抑是 Brötchen，選擇按呢講 m̄ 是我排斥這个講法，是我蹛 ê 環境就是按呢講，轉去臺灣我 ē 轉做法國細粒圓麭抑是德國細粒圓麭按呢講，除非對方有興趣 bueh 捌閣較 tsuē ê 講法，像按拉丁語抑是古德語 Simila 轉化 ê Semmelbrötchen 抑是 ē hőng 認定是玻璃罐仔名 ê Weck。

接枝 --- 2023.12.10

麭丸仔/Semmelknödel

...... 材料 ......

麭，切塊　400g　

燒滾滾 ê 牛奶　250g

洋蔥，礤薟　1

卵　1

芳料草　1EL

鹽、胡椒

...... 步數 ......

1. 麭、洋蔥濫做伙，牛奶摻落去， 捉(tshiok) hōo 𣻸𣻸膏膏。卵、芳料草、鹽、胡椒濫落去搜齊做麵粞。

2. 麵粞分做每一份 100g，挲圓，落燒水鼎煠熟，樂暢來食。

2022.03.29

Vielen Dank für das teilen.

Ihr teilen macht uns einen schönen Tag und ein super leckers Frühstück.

2021.10.09

Das Joghurtbrot ein Geschenk für meine rumänischen Nachbarn.

Es war Perfekt.

Aber, leider...

Ich vergesse....ich muss etwas Butter in den Gusseisentopf streichen.

Deshalb das Brot sieht schön aus, aber leider kann ich es nicht rausnehmen.

Dann ist es kaputt.

Aber, das Brot ist noch ok und geschmeckt gut.

Was kann ich tun?

........

Ach so!

Ich habe eine Idee.

Semmelknödel zum Frühstück.

Sehr lecker, sagt mein Mann.

 2020.10.22

In Taiwan, was machen wir mit altem Reis?

Wir machen gebratenen Reis oder Congee.

In Deutschland, die deutschen machen aus altem Brot oder Brötchen, Paniermehl, Arme Ritter oder Semmelknödel.

Semmelknödel

...... Zutaten ......

Altes Brot oder Broetchen in kleine Stücke geschnitten　250g　

Sehr heiße Milch　250g

Gebratene Zwiebel　1

Ei　1

Kräuter　1EL

Salz ＆ Pfeffer

...... Zubereitung ......

1. Brot und Zwiebel gut mischen, dann heiße Milch dazugeben und gut mischen bis das Brot wie ein Teig sehr weich ist.

2. Ei, Kräuter, Salz und Pfeffer zu Schritt 1. geben und gut mischen, dann den Teig zu 90g oder 110g teilen und zu Kugeln formen.

3. Den Schritt 2. ins heiße Wasser geben und 10~20 Minuten kochen. Guten Appetit!

2022.03.29

Thank you for sharing.

Your sharing makes us a nice day and a super leaks breakfast.

2021.10.09

The yogurt bread a present for my Romanian neighbors.

It was perfect.

But unfortunately...

I forget ... I have to put some butter in the cast iron pot.

That's why the bread looks nice, but unfortunately I can't take it out.

Then it's broken.

But, the bread is still ok and tasted good.

What can I do?

........

Oh I see!

I have an idea.

Bread dumplings for breakfast.

Very tasty, says my husband. 

2020.10.22

In Taiwan, what do we do with old rice?

We make fried rice or congee.

In Germany, the Germans will make aged bread into breadcrumbs, French toast or Semmelknödel.

Semmelknödel/German Bread Dumplings

...... Ingredients ......

Aged bread cut into small pieces　250g　

Very hot milk　250g

Fried onion　1

Egg　1

Herbs　1EL

Salt＆ Pepper

...... Method ......

1. Mix the bread and onion well, then add hot milk and mix well until the bread is very soft like a dough.

2. Add egg, herbs, salt and pepper to step 1. and mix well, then divide the dough into 90g or 110g and shape into balls.

3. Put step 2. into hot water and cook for 10 ~ 20 minutes. Enjoy your meal!