頂站仔看公視台語台《台灣話話台灣》金山蹦火仔「火光會吸引青鱗仔來倚」，青鱗仔是啥物？隨請巧機仔 kā 我鬥相共，維基百科講伊沙丁魚一款，臺灣魚類資料庫講伊是鯡(hui)魚 ê 一款。
- 6月 26 週四 202518:00
七彩鰮仔魚意大利麵▪Bunter Salat mit Spaghetti und Sardine▪繽紛沙丁魚義大利麵
頂站仔看公視台語台《台灣話話台灣》金山蹦火仔「火光會吸引青鱗仔來倚」，青鱗仔是啥物？隨請巧機仔 kā 我鬥相共，維基百科講伊沙丁魚一款，臺灣魚類資料庫講伊是鯡(hui)魚 ê 一款。
- 6月 17 週二 202518:00
魚指菜蔬塗肉林檎盤 ▪ Fischstäbchen mit Gemüse und Kartoffeln ▪魚柳條青蔬馬鈴薯餐
離開若廟埕開講 ê 面冊 4 冬，按翁遐得著 ê 點揬 Instagram 使用無到2禮拜致著落吐症(làu-thòo-tsìng)隨註銷保性命，Pixnet 屬我個人消敨齷齪挽瓜揫藤兼自在孤𣮈 ê 天堂，我無交人宣傳 mā 無大四界骨力貼電火柱，除了彼个 uī-tio̍h bua̋i 閣 hőng 掠做我是 buē 曉衰 ê 寄生仔所申請 ê 愛料理(I-Cook)，我合該是一个無網路身份 ê 人。
- 3月 22 週六 202517:00
魚指番薯沙拉▪Süßkartoffelsalat mit Fischstäbchen▪魚柳條地瓜沙拉
踅有機超市看來 ê 食譜。
- 3月 07 週五 202517:00
檀島沙拉 ▪ Salat Honolulu ▪ 檀香山沙拉
緊緊 kā 下昏飯送入腹肚，緊緊換車幫到戲園，緊緊拆一張，緊緊傱入影戲廳對號入座。怪奇，已經 8:20 影戲呔猶未開始？當我認真思考這个問題，四位德國人互相討論號碼問題，煞落來客氣請教我「請問你敢 mā 5 排 6 號？」緊 kā 票撏出來，五个人互相䀐一下，繼續討論敢是工作人員拆 m̄ 著位。我 mā 因為這个現象感覺紅龜生蟲，龜怪，Bridget Jones: Verrückt nach ihm 合該然較合女人脾土，呔討遮 tsuē 男人來贊聲，敢是因為這場是特別場，原音播出。當我成做貓 tuì 戲廳貓貓相。
- 3月 01 週六 202517:00
魚指青花仔菜秮仔飯▪Fischstäbchen mit Brokkoli und Hirse▪魚柳條花椰菜小米飯
近來魚指 m̄ 知受著啥物因端影響又閣按漲懸價行向大落價 hōo gún 翁無法度無成做 Hamster 豬仔鼠 kā 冷凍庫櫼甲 buē 喘氣。
- 2月 10 週一 202517:00
林檎鯡魚馬鈴薯沙拉▪Heringssalat mit Kartoffeln und Apfel▪蘋果鯡魚馬鈴薯沙拉
計畫永遠趕 buē 赴變化。安歇日前一暝交翁頓印仔講「來食鰮仔魚意大利麵」隔轉工目蚶猶瞌瞌隨反僥講「我 ê 胃 kā 我講伊今仔日愛食塗肉林檎。」
- 11月 21 週四 202417:00
鯡魚紫頭菜沙拉▪Heringssalat mit Rote Beete und Apfel▪鯡魚甜菜根沙拉
喙咂一喙 Ka-pi 目借烏仁目鏡 ê 妝娗向窗仔外有淡薄仔黃、淡薄仔青、淡薄仔紅、淡薄仔烏 ê 街路金金相，阿章「我朦朧理解到這世界有些假惺惺的東西被裝飾得外表美麗➀」像一粒金含 tī 捎無摠 ê 金色 Blue 透甜蜜。
- 10月 30 週三 202410:00
三文魚塗肉林檎菜蔬滷▪Lachs mit Gemüse und Kartoffeln▪鮭魚煮青蔬馬鈴薯
「這 mā 蓋趣味，鮮沢三文魚家己裁比裁好冷凍 ê 閣較框金，呔討按怎生？」我問 gún 翁。
- 10月 06 週日 202400:00
三文魚菜蔬烘▪Ofengemüse mit Lachs▪鮭魚烤青蔬
肉鯽仔佮三文魚，論真講我較意愛肉鯽仔。臺灣鯛佮三文魚，論真講若是猶未改良 ê 臺灣鯛，我愛三文魚，起因三文魚 ê 臭塗味較 buē 遐爾仔羶遐爾仔腥。總是這个經驗 kan-ta 會使得箍 tī 臺灣我食過 ê 三文魚，起因這是我家己 ê 感想。貓無愛徙岫，總是愛情使貓一斗閣一斗跟綴主人徙岫。 Gún 翁 m̄ 是我 ê 主人，不而過愛情是。按臺灣徙岫到德國，愛食魚 ê 我因為褲袋仔袋磅仔 ê 現實 mā 跟綴 gún 翁𪜶小妹 ê 貓仔狗改喙斗。Gún 翁𪜶小妹 ê 貓仔狗按自來 ê 肉食者轉做素食者，我按自來 ê 半素食者成做百分百 ê 肉食者。按臺灣到德國 m̄ 捌見過伊俗價 ê 挪威三文魚自中國宣佈伊致肺炎，伊就成做溥儀 hőng 請出皇宮，過平民四常。總是溥儀是政治，三文魚是生理，m̄ 管伊按怎做平民，伊猶原是生理錯賣，bué 錯賣 ê 這久一公斤 14€，彼久一公斤 12€ 釣我胃口，總是我褲袋仔 ê 磅子猶是重過銀兩，菜錢齊固定，家己閣 m̄ 願撏錢就莫數想。
- 6月 22 週六 202406:00
三文魚鱷梨仔沙拉▪Avocadosalat mit Lachs▪鮭魚酪梨沙拉
YouTube 推薦我看為什麼我要減重？！ X《地表最大減肥營》｜唐綺陽Ｘ 王雅涵｜〈公視主題之夜SHOW〉，剾板膋這个議題 tī 歲數行到準備換年，伊已經 m̄ 是頭名敵人，不而過我猶是好玄記錄片生做啥物面肉隨揤落去，紲落來 mā 跟綴記錄片離開。起因我已經行出磅仔數字 ê 罩雺，不而過往時因為體格 hőng 訕𣸛卻踅翻頭擛手 hōo 我恬靜 ê 透早步頻成做 gá-suh buē 記持關，好好 ê 滷鼎燒甲雺煙散霧閣臭 mo-mo。總是遐 ê 人，遐 ê 事齊是過了代，燒甲臭火焦 ê 滷味倒潘桶，烏 mà-mà ê 滷鼎棕洗仔攄 hőng 白爍爍，我 ê 世界又閣充滿日花交鳥聲。「咱今仔日 bueh 食啥？」接紲我跤步 tī 客廳做 Yoga ê 翁問。我手指準備攝相 ê 三文魚鱷梨仔沙拉交伊 ê 相放伴，「遮腥臊，我實在有夠幸福」伊笑甲牛目變做鳥鼠目。我喙開開準備六月蚶，開喙臭「合該是按呢講，遮爾仔 tsuē，gún 德國人食足健康閣足少--ê」，勥母身影隨行倚，放下屠刀，立地成佛，無向望交𪜶米糕𣻸，家己就愛改毒，像家己 tuì 翁講 ê 話，你閣繼續交你爸母仝穿一領褲，你本底是英文 ê Gift（禮物）ē 轉做恁德文 ê Gift（毒藥）。放下屠刀，立地成佛，六月蚶，開喙臭 buē hōo 我得著平靜，不過做木--ê 戴枷，自揣齷齪。「今仔日鈍手，菜出甲無藝術」我盤仔捧 leh 準備伐向食飯廳，「Buaih 啊，這菜出甲會使得做網美」翁講。
睏天路車日子 Camping mit Caddy (21)