亂皂𥴊仔店 ⓂⒺⒾⓃⓀⒾⓄⓈⓀ

我愛食蕎麥仔麵，不而過我 tuì 伊 ê 特性無一个認捌，所致無一斗 kā 伊煠出好味素。今仔日透早我問零下 1 度猶原 bueh 做熱天穿插，押尾只好做懶屍倒踮眠床糾糾叫遮無四序，遐無爽快 ê 老牛展春草押尾 kā 家己舞甲險 bueh 猴行躡跤尾 ê 翁。「無厝邊美國人 ê 體格硬 bueh 相趁相喊，這久做你上意愛 ê 荏懶拄拄好」我那𫝻巧機仔揣 Muse 那 kā 無料洗面，順紲再次鄭重提醒伊較早睏較有眠，我 buē 做伊無料 ê 長照員工。巧機仔𫝻半晡，有興趣 ê 菜色厝內無材料，無興趣 ê 菜色猶有一大堆，西班牙煙腸、白麭、Tshì-sù 等等，越頭問翁「敢猶有喙斗？」，伊 tìm 頭表示「有」，紲落來外甥仔點燈火，一切照舊「我無法度食傷 tsuē。」啥物號做食傷 tsuē？我一碗飯敆青菜、豆腐飽甲下昏飯，伊一粒 500g ê 麭，一盒 Tshì-sù 兼雞卵糕，兩點外鐘後又閣喝腹肚枵愛補給，tsiâ tsiah 食過頭。我無應話掠伊金金相一睏仔，喙脣黏相倚講「好事代，歹事代，觀音祖媽來擺撥，Schnabel 交 Gerd 擲山溝。我是一位善解人意、尊重隨人無相𫝛 ê 人，伊會使得繼續按呢匪類食落去，時到我敢有勇氣 kā 伊捒去養老院 buaih kā 顧？我無比伊較健康，總是我斟酌看待並寶惜家己 ê 健康。

(繼續閱讀...)

文章標籤

豆腐食譜 Tofu 枝豆食譜 毛豆食譜 蕎麥仔麵食譜 蕎麥麵食譜 Soba

詹美樹 發表在 痞客邦 留言(0) 人氣(1,722)

Das Neue ist selten das Gute, weil das Gute nur kurze Zeit das Neue ist.

(繼續閱讀...)

文章標籤

雞肉食譜 麵沙拉 雞肉沙拉 意大利麵食譜 義大利麵食譜

詹美樹 發表在 痞客邦 留言(0) 人氣(3)

頭一擺見著伊是腹肚正枵又閣無想 bueh 食傳統 Balkans 料理 -- 肉、肉、肉佮 tshan-tshiūnn「Papa」四界生湠 ê 義大利料理雄雄一踅身 tī 一間看起來若猶生活 tī 阿祖年間 ê 餐廳門跤口看著一桌三个人食肉閣配一盤飯隨決定踮遮飼枵。

(繼續閱讀...)

文章標籤

絞肉食譜 肉豉仔食譜 希臘粟仔麵 希臘米粒麵 Kritharaki Orzo

詹美樹 發表在 痞客邦 留言(0) 人氣(1)

翁身軀邊有 tsuē-tsuē 追求超級食物顧健康抑是聽專家講 30% 家己做專家 100% ê 朋友，交伊遮 ê 朋友做陣食飯，我捷感覺家己 tī 杜鵑岫(Cuckoo's Nest)，看𪜶遮 ê 人一時仔成做病人，一時仔成做護士長 Nurse Ratched。

(繼續閱讀...)

文章標籤

意大利麵食譜 義大利麵食譜 白花仔麵食譜 白花菜食譜 焗烤食譜

詹美樹 發表在 痞客邦 留言(0) 人氣(2)

敢是我寫 ê 文章誠實遐爾仔紅龜生蟲，龜怪到 hōo 我家己交伊行 tī 路裡無地相出路？總是我 tuì 這層代誌猶原好玄甲若貓，特別是 Flag Counter ê 數字按怎來？這久 ê 數字交往過 ê 數字 bueh 相𫝛，德國永遠徛頭名，因為伊 kā 我本人 mā 算在內。這个計算方法 mā 是紅龜生蟲，龜怪，起因我從來 m̄ 捌登出，除非 CCleaner Browser 要求我筅資料載，我 ê Blog tsiah 需要重新登入。討厭看廣告 mā 無想 bueh 撏錢 hōo Pixnet kā 你閘廣告，英國來 ê CCleaner Broswer 是一个真好 ê 瀏覽器。賰--ê 像車日子露營抑是行跤花 ê 國旗數字我就無啥確定，不過這部份我個人是非常確定，有成做記錄 ê 國家齊有我 ê 跤跡，像波蘭，像捷克，像瑞典。

(繼續閱讀...)

文章標籤

意大利麵食譜 義大利麵食譜 德國尖頭草花食譜 德國尖頭甘藍食譜 麭幼仔食譜 麵包屑食譜 Spitzkohl Pointed Cabbage

詹美樹 發表在 痞客邦 留言(0) 人氣(2)

已經 buē 記得我 tī 佗位認捌「菊花夜行軍」，我 kan-na 知影一聽--著 tshan-tshiūnn 囡仔時 ê 相借問目珠內久年 m̄ 捌發穎 ê 葡萄規捾規捾按焦土結果落地。最後成做我 tī 他鄉是故鄉上好 ê 陪伴。特別是思念天頂 ê 阿母佮其他 mā 轉去塗州賣鴨卵 ê 親人佮其他 hōo 風吹甲無見一粒子 ê 鉛粉就 kā「菊花夜行軍」揣出來，kā「風神125」一遍閣一遍熥 buē 離 ê 放送。 

(繼續閱讀...)

文章標籤

意大利麵食譜 義大利麵食譜 魚指食譜 魚柳條食譜 Fischstäbchen Fish Finger Fish stick

詹美樹 發表在 痞客邦 留言(0) 人氣(3)

俗語講骨力食栗，貧惰吞瀾，我 ê 臭頭仔愛包布，防繩（風神） hōo 我喙白變骨力。情緒是玄學是未知 mā 是 hōo 我 tuì 鹹酸苦汫失智覺 ê 情緒叨撚 PUA。

(繼續閱讀...)

文章標籤

意大利意麵食譜 義大利細扁麵食譜 Kam-má-tooh 醬食譜 番茄醬食譜

詹美樹 發表在 痞客邦 留言(0) 人氣(2,211)

四常睏無 8 點鐘 buē 精神 ê 我 tī 亂鐘仔猶未來挵鼓隨擘金金佮天篷相對看。倒看、正看、直直向前斟酌看，周公、姜子牙、睏神無一个人來行倚，閣按呢戇戇仔等落去 mā m̄ 是辦法，規去來耍部落格。巧機仔𫝻 hōo 光，番仔幔幔肩甲順巧機仔薄縭仔絲光勻聊仔躡跤尾行出房間，步頻感覺家己若 The little Match Girl，小姑娘點火揣向願，我順薄縭仔絲 ê 巧機仔光揣 phàng-kìnn ê 睏神。睏神、睏神、睏神 m̄ 轉來，一个人坐 tī 鱟百冊關甲密喌喌 ê 客廳交部落格相對看，心那唸 Muse, Muse, Muse 請來倚，唸甲 180 回棉襀被湠來 ê 燒烙 mā 沓沓仔轉做小姑娘手頭漸漸廕火 ê 番仔火枝。選舉上驚三跤㧣，無法度唔唔睏 ê 時間我上愛三跤㧣，總是這久 ê 我猶欠兩跤，規去來燃茶 hōo 家己忝到底。無色 ê 水 tī 銀色 ê 湯鍋仔沓沓仔談戀愛，我交窗仔外幔一軀娘仔絲衫 ê 天地相對看。別人 ê 某較媠，別人 ê 翁較緣投，別人兜 ê 景緻好過台灣，我 kā 遮 ê 話唸 108 回，我猶原感覺 gún 翁上緣投，德國交台灣 ê 景緻無宛 2 體，除了天氣，德國八月 ê 紅霞一退溫度若台灣 ê 冬節，台灣 ê 八月紅霞一退溫度猶原若六月天愛情 ê 溫度，燒唿唿。Uī-tio̍h 德文練習所掠 ê Opear News 又閣跳 Tango，我順伊 ê 跤步 kā 收 tī 鞋櫃 ê 懸踏仔提出來穿，跟綴伊 ê 跤步跳 Tango。Deutsche Bundeswehr fliegt nach Afghanistan（德國軍機飛往阿富汗)... 唉，願神祝福這个 hōo 神放捒挕 ê 國家。向 Opear News 說聲 Dankschön 巧機仔畫面回歸自來，銀色 ê 湯鍋仔 mā 開始濆溫泉，貯 tī 玻璃罐 ê 錫蘭紅茶搣一指仔落茶篩仔，若盧山溫泉 ê 燒水勻勻仔沖，紅茶 ê 芳味順水煙成做阿母手頭 ê 粽線 hōo 我喙瀾㴙㴙落。《阿富汗美容學校》、《喀布爾的書商，和他的女人》、《燦爛千陽》ê 故事 mā 若壁角 ê 蜘蛛網按細變大閣湠到窗仔來，遮 ê 蜘蛛網手一𫝻隨無看影，我平靜 ê 世界是輪迴 ê 幸運 mā 是別人犧牲 ê 花蕊，雙手合十，說聲多謝，多謝見 buē 著 ê 輪迴，多謝見 buē 著 ê 挽茶人，多謝這若空氣 ê 自由。

(繼續閱讀...)

文章標籤

絞肉食譜 肉豉仔食譜 意大利麵食譜 義大利麵食譜 紅菜頭食譜 胡蘿蔔食譜 Möhren Carrot

詹美樹 發表在 痞客邦 留言(0) 人氣(1,136)

我慣勢綴食譜出菜 mā 慣勢 tī 仝一个時間無出相𫝛 ê 菜色，所以 tī 這出菜出現進前 Muse 窮實無來相揣，總是我 mā 已經學 ē 曉放過家己莫情緒叨撚 -- 招姜子牙佮周公做陣行棋。

(繼續閱讀...)

文章標籤

焗烤食譜 法國焗食譜 意大利水管麵食譜 筆管麵食譜

詹美樹 發表在 痞客邦 留言(0) 人氣(2,098)

愛是...

(繼續閱讀...)

文章標籤

麻仔葉食譜 芝麻葉食譜 Rucola Arugula 鰮仔魚食譜 沙丁魚食譜 Sardines Sardinen

詹美樹 發表在 痞客邦 留言(0) 人氣(1,853)