自彼暝 gún 翁交代這日 ê 透早伊無法度交我做陣食早起頓，我 ê 頭殼開始做干樂遨仔遨，遨我愛食 ê 早起頓。
大麵焿，彼是較早睏較有眠。
炒麵，遮 ê 大麵框金閣包銀，而且一逝路若火星，我無維京創辦人 ê 手骨莫枵狗數想豬肝骨。
飯丸，手頭 ê 泰國米捏 buē 出𩚨帶黏 ê 口感，另外無菜脯無覆菜無油炸粿 ê 飯丸 m̄ 是我心心念念 ê 飯丸。
天邊海兜 ê 數念斟酌想一輾，嫁雞綴雞飛，嫁狗綴狗走，嫁到德國綴德國人喙斗。跟綴德國人喙斗，這愛等後世人 ê 機緣。
翁無 tī 厝 ê 早起頓我到底愛款啥來食？我 ê 天公伯仔，一件有毛食到棕簑，無毛食到秤錘，二跤食到樓梯，四跤食到桌櫃，有肉食到肉臊，無肉食到糞埽 ê 食就是矣，呔討 kā 我舞甲 kiōng-bueh 規氣欶香火就好，這敢是相呴以溼，相濡以沫 ê 後果？本底就無啥重食，交愈無重食 ê 德國人誠懇相呴以溼，相濡以沫，我 mā 認真實踐 Lebensmittel ê 精神，世間萬物是生活 ê 工具。
Mittel 有意思意思、資源、工具等等 ê 意思，德國人 ê 食食慣勢生做啥物形，我無才調百分之百拍胸坎講，德國人就是按呢食，總是 gún 兜 ê 德國先生 hōo 我按呢解讀 Lebensmittel 送入喙 ê 物件只是維持生存 ê 資源交工具，一屑仔意思攏無。不而過這是較早，這久 ê 伊 buē 閣按呢認為，畢竟伊有一个好牽手，引𤆬伊好好仔食一頓飯 m̄ 是 uī-tio̍h 做好囡就愛食飯配鬱卒兼阿母硬 bueh 楔過來 ê 火氣。
翁無踮厝 ê 早起頓，我到底 bueh 食啥，我 ê 天公伯矣，一件逐日攏愛做 ê 輪迴 ê 四常呔討成做 To be or not to be ê 選擇題 m̄ 是 Wo man Liebe aussät, da wächst Freude empor ê 無論你 tī 佗落掖愛 ê 種子，幸福快樂就 ē tī 遐發穎成長。我 ê 天公伯矣，呔討我 kā 愛 ê 種子掖 tī gún 翁魂舒 hōo 伊幸福快樂，這久 ê 我卻無法度感受這份幸福交快樂，呔討 ē 按呢生？煞煞去，時到時擔當，無米 tsiah 煮番薯湯，這久 ê 我只要跟綴一粒石頭（Einstein）ê 智慧，時間是篩仔，伊 ē uī 我篩出答案。
「M̄ 通 buē 記持你 ê 便當，Nicht vergessen, dein Piān-tong」田螺循舊逝，白枋掛手扞，猶未決定 ê 早起頓交 hōo 明仔載去處理。
Der Weg stellt jedem nur eine Frage : Wer bist du? Das Frühstück für heute stellt nur die Frage, was möchte ich essen, Mann! Das Leben ist so schwierig. 人向聖地牙哥朝聖，一直問伊是 tsiâ，我自彼日知影 gún 翁愛 tī 透早六點進前出門，我就一直 tuì 這日 ê 早起頓踅金龜磨到今，猶是踅 buē 一个答案。雙目做鷹仔目斟酌巡菜櫥，有紅菜頭、玫瑰草花、紅甜番薑仔、Kam-má-tooh...架仔有糙米、意大利麵、秮仔、珠仔豆交去泰國太太遐交觀 ê 韓國白麵，昨昏 buē 記持退冰 ê 雞襟胸猶原規欉好好䖙踮冷凍櫃，卵白質是肌肉 ê 來源，雞襟胸 buē 記持先退冰，按呢有啥物好替換？魚罐頭？一罐 150g 一个人無才調食 hōo 完，雞卵？Tsa̋ng tsiah 食𤺪，uī-tio̍h 無魚食魚指 mā 好 ê 魚指．．．啊，我想著矣，緊來請教 Google 敢有這味素。
敬愛 ê Google 萬事通請你賜我智慧，敢有一份料理是魚片敆咖哩麵？
我親愛 ê 求道者，請看遮 ê 圖片。
萬事有耐性一字一字繩 ê 我，一搪著食譜我 kan-ta 愛看相片...順 Google ê 指示相片一張一張繩，頭殼泅來泅去 ê 魚就是 m̄ 食餌。紅龜生蟲，龜怪矣，英文是目今世界上大 ê 資料庫，竟然揣無一張交我記持相疊 ê 相片。按呢 kā 英文交換手 hōo 德語，畢竟德語 tī 歐洲比英語較好使用。Fischstäbchen mit Curry und Nudeln，Bingo! 就是伊 Mohnyin Nga Phe Thoke 伊交我記持 ê 咖哩麵敆魚片無宛 2 體，是講這是啥物語言？伊讀起來無泰國音 mā 無越南音。好玄刣死一隻貓，彼網址看起來有安全...啊，原來如貓，伊是緬甸料理，做法交泰國料理無啥無相𫝛，齊愛透椰子奶。椰子奶 tuì 我無路，厝內 mā 無椰子奶抑是 Khu-lì-mù 通替換，按呢省起來。賰--ê 材料手頭有 ê 菜蔬會使得替換，若鯛魚片 ê 魚肉我褲袋仔袋磅子食 buē 起，大丈夫我無魚食魚指 。料理手法小小仔繩一下，手機仔隨關機，斡頭好好飼家己。
是洋蔥落甲有夠額，所致 hōo 這白汫無素 ê 英國咖哩加足有氣味，抑是魚指敆麵比塗肉林閣較較好味素？到底是佗一个？舌鈍食 buē 出來，總是我清楚知影家己下 ê 願。敬愛 ê 天公伯，你敢會使得 kā 我鬥相共 hōo gún 翁較捷出張，按呢 kiōng-bueh hōo 我放 buē 記持 ê 食物𪜶 m̄-tsiah 有才調轉來相借問，像這味今我已經無法度分別，我是 tī 日本抑是泰國食過伊，總是這久交伊相拄搪，我又閣學著一个新智識，原來緬甸料理 mā 有這款食法。
魚指菜蔬麵咖哩
...... 材料 ......
| 煠好 ê 白麵 |
150g |
| 玫瑰草花 |
100g |
| 滾水 |
600ml |
| 紅菜頭，切片 |
1 |
| Kam-má-tooh 切塊 |
3 |
| 紅甜番薑仔，切塊 |
1 |
| 魚指 |
5 |
| 洋蔥，刴幼 |
1 |
| 咖哩粉 |
1TL |
| 蒜頭，刴幼 |
|
| 鹽、胡椒 |
...... 步數 ......
| 1. 洋蔥、蒜頭落鼎芡芳，Kam-má-tooh、甜番薑仔濫落去炒軟。 |
| 2. 滾水、紅菜頭、咖哩摻落去煮 20 分鐘。 |
| 3. 玫瑰草花摻落去繼續煮 10 分鐘，tiàu 寡鹽、胡椒。 |
| 4. 麵濫落去，魚指鋪落去，樂暢來食。 |
Ich bin neugierig ist das Rezept Fischstäbchen mit Curry und Nudeln in Google zu sehen, weil ich mich daran erinnere, ich habe die leckeren Nudeln in Japan oder Thailand gegessen.
Ich suche das Rezept in English, Google zeigte mir Indisch Fischcurry, der Fisch ist nicht Fischfilet sondern ganzer Fisch. Nein, es ist nicht das. Wie wäre es mit deutsch? Ich muss sehr ehrlich sagen, weil ich verstärkt glaube, das Rezept für deutschen Geschmack ist nicht Geeignet, dann werde ich es nicht finden.
Überrascht mich, gibt's ein Rezept in deutsch - Mohnyin Nga Phe Thoke, das bedeutet Fisch-Curry-Nudeln, unglaublich, toll, wunderbar. Was gibt's für das Rezept? Kokosmilch, ich habe keine und mag nicht so sehr, die restlichen Zutaten sind ok für mich obwohl ich habe kein Fischfilet. Das ist noch ok. Fischstäbchen ist ein Fischfilet für mich.
Ich folge die Rezeptidee zum Kochen und ich muss nochmal sehr ehrlich sagen, das ist super lecker und lieber Gott, kannst du mir helfen? Geben Sie mein Mann eine Aufgabe immer so dass ich das lecker Essen mehrmal genießen kann, bitte?
Curry Nudeln mit Gemüse und Fischstäbchen
...... Zutaten ......
| Gekochte Nudeln |
150g |
| Möhren in Stücke geschnitten |
1 |
| Tomaten in Stücke geschnitten |
3 |
| Paprika in Stücke geschnitten |
1 |
| Fischstäbchen |
5 |
| Rosenkohl |
100g |
| Currypulver |
1TL |
| Fein gehackte Zwiebel |
1 |
| Wasser | 600ml |
| Fein gehackter Knoblauch |
|
| Salz ＆ Pfeffer |
...... Zubereitung ......
| 1. Fischstäbchen in der Pfanne ca. 5 Minuten anbraten. |
| 2. Zwiebel und Knoblauch in die Pfanne geben anbraten bis sie goldbraun sind, Tomaten und Paprika dazu geben und anbraten bis sie weich sind. |
| 3. Wasser mit Möhren und Curry dazu geben und gut mischen, dann ca. 20 Minuten zum kochen. |
| 4. Rosenkohl dazu geben und weitere 10 Minuten kochen, dann mit Slaz und Pfeffer abschmecken. |
| 5. Nudeln dazu geben. Guten Appetit! |
I'm curious to see the recipe for fish fingers with curry and noodles in Google, because I remember I ate the delicious noodles in Japan or Thailand.
I'm looking for the recipe in English, Google showed me Indian fish curry, the fish is not fish fillet but whole fish. No, it's not that. How about German? I have to be very honest, because I strongly believe that the recipe is not suitable for German tastes, so I won't find it.
Surprises me, there is a recipe in German - Mohnyin Nga Phe Thoke, which means fish curry noodles, incredible, great, wonderful. What's the recipe? Coconut milk, I don't have any and don't like it that much, the remaining ingredients are ok for me even though I don't have a fish fillet. That's still ok. Fish fingers is a fish fillet for me.
I follow the recipe idea for cooking and I have to say again very honestly, this is super delicious and dear God, can you help me?
Will you always give my husband a task so that I can enjoy the delicious food several times, please?
Vegetable Curry Noodles with Fish Fingers
...... Ingredients ......
| Cooked noodles |
150g |
| Brussels sprouts |
100g |
| Water |
600ml |
| Carrots cut into pieces |
1 |
| Tomatoes cut into pieces |
3 |
| Paprika cut into pieces |
1 |
| Fish fingers |
5 |
| Finely chopped onion |
1 |
| Curry powder |
1TL |
| Finly chopped garlic |
|
| Salt& Pepper |
...... Method ......
| 1. Fry the fish sticks in the pan for about 5 minutes. |
| 2. Fry the onion and garlic in the pan until they are golden brown, add tomatoes and paprika and fry until they are soft. |
| 3. Add water with carrots and curry and mix well, then boil for about 20 minutes. |
| 4. Add the Brussels sprouts and cook for another 10 minutes, then season with slaz and pepper. |
| 5. Add noodles. Enjoy your meal! |
睏天路車日子 Camping mit Caddy (21)