亂皂𥴊仔店 ⓂⒺⒾⓃⓀⒾⓄⓈⓀ

Buē 記持這食譜按佗落揣來，總是當人 tī 烏山露營地收著熱情主人家現挽 ê 林檎，因為環境限制 hōo 我扞鼎扞甲 m̄ 知會使得閣變出啥物蠓時，這出菜宛然挪威 Fjord 相𫝛，水洘是一片沙地無半尾魚通釣，飽流規條河齊是海洋 ê 寶藏。

我因為烏山露營地 ê 主人得著一份己經擲去山溝 ê 食譜，紲落來因為這份食譜 hōo 我交瑞士來 ê 家庭成做朋友。

「歹勢 kā 你攪擾，我 ê 囡仔好玄你 teh 煮啥物料理」活力十足 ê 媽媽交囡仔坐踮廚房區，那看總鋪師想辦法烘出 Panini 那 kā 耳仔接去囡仔 ê 喙笑微微仔問。

「林檎肉豉仔咖哩」我以德語回答，瑞士少年媽媽轉法語 hōo 囡仔聽。

「囡仔想 bueh 問，你敢是德國人？」少年媽媽閣一斗 kā 家己 ê 耳做接收器，喙做放送頭問。

「M̄ 是，我按台灣來」我微微仔笑應。

少年媽媽聽煞轉法語 tuì 囡仔講半晡了後，換伊問問題「我 m̄ 知影台灣 ê 山敢有比瑞士較懸，你敢會使得 kā 我講伊有偌懸？」

Tī 我準備 bueh 開喙 gún 翁隨問「是台灣 m̄ 是泰國，一个是島，一个是大陸。」

「台灣首都是台北，泰國是曼谷」少年媽媽清清楚楚講出台灣交泰國 ê 無相仝，紲落來配角硬 bueh 做主角，我就在伊去博士博款下昏飯。

物件攢 bueh 好勢，少年媽媽講「囡仔想 bueh 學台灣你講 ê 語言按怎講 Apfelcurry mit Hackfleisch 你敢會使教𪜶？」

聽著少年媽媽特別強調台灣你講 ê 語言 hōo 我成做一隻貓想 bueh 知影伊呔知影台灣有各種無仝語言。

「台灣交瑞士仝款有無仝族群，所以我確定你除了華語猶有家己 ê 語言」少年媽媽講。

家庭教育正港重要，我微微仔笑 mā 一字一字慢慢仔講，囡仔 mā 綴我講，講煞我解釋林檎按日語來 mā 有人講蘋果，肉豉仔 mā 有人講絞肉，順華語轉台語，咖哩就通世辭 Curry。

囡仔聽煞講足趣味，一个語言有三種語言 mā 有獨立講法，紲落來請媽媽鬥相共敢會使得徛倚看林檎肉豉仔咖哩生做啥物形，虛華 ê 我隨講歡迎，囡仔行倚我隨問敢 bueh 試看覓，大漢查某囡仔隨越頭問媽媽，媽媽 tìm 頭表示會使得，兩个人提一塊小小 ê 碗來貯，我微微仔笑講「這敆 Spaghetti 真好味素」，斡頭行向菜櫥提塊盤撈寡麵，囡仔歡喜甲交阿母做陣分張。

食煞，阿母微微仔笑講我 ê 查某囡仔有話 bueh tuì 你講，查某囡仔開喙講「Sehr lecker, vielen Dank」，我轉少甲倒手伸出來算攏有夠額 ê 法語講「Merci beaucoup」囡仔歡喜甲笑咍咍。

這段短短 ê 緣份轉來到厝 tī 我思考愛嫌佗一張相片䆀才重新攝影，林檎又閣疊甲若山 ê 齷齪 hōo 我想著 tī 烏山 ê 彼眠，我知影今仔日 ê 主角愛揣 tsiâ 來做。

出門遶山花無心緒寫心情，不而過慣勢 ê 巡田水猶是改 buē 掉，所致一搪著露營區有無料 ê 網路，準做忝甲 hōo 睏神拖招去拍麻雀，我猶是愛來遮巡巡看看，看向望 ê 虛華敢有增加。

頂禮拜巡田水見著這篇掠做田塗已經翻新拍新菜股 ê 食譜有人來行踏，時間猶有冗剩就順跤步踅進來準備 kā 文字按 14 改做 16 mā kā 食譜晝格仔 tsiah 發見掠做拍新菜股 ê 田園，一屑仔攏無變 kan-ta 文字較無華語氣按呢 niā-tiānn。

2014 我學習過了代 ê 故事，有意義留落來提醒家己行向閣較自在 ê 家己，無意義 ê 就 kā 伊放水流免搦牢牢惜命命 m̄ 甘放。

2022 巴爾幹車日子 ê 這段故事，無論台文抑是德文攏是需要深深栽 tī 心肝穎 hōo 伊成做樹伯公。

栽欉 --- 2022.01.16

 

林檎肉豉仔咖哩

...... 材料 ......

肉豉仔	250g
洋蔥，刴幼	1
林檎，切塊	2
咖哩粉	1TL
滾水	500ml
豆油	1EL
白酒	1EL
糖	1/4TL
蒜頭，刴幼
鹽、胡椒

...... 步數 ......

1. 洋蔥、蒜頭落鼎煏芳，落絞肉炒熟，咖哩粉濫落去搜齊。

2. 滾水、豆油、糖、酒摻落去搜齊，煮20分鐘。

3. 林檎濫落去繼續煮10分鐘，tiàu 寡鹽、胡椒，樂暢來食。

 

---

---

---

 

Ich habe die Äpfel von dem Campingplatzbesitzer bekommen. Ich liebe Apfel aber nur wenn der Apfel nicht wie ein Apfel aussieht, z.b. Apfelkuchen, lecker.

Willst du die frische Äpfel essen? Sie sind frisch von dem Baum, ich frage meinen Mann.

Wann der Apfel ohne Kerne und kleine Stücke geschnitten,sagt er.

Ja, sein Ziel ist Leben wie Gott in Frankreich, meine Ziel ist wie Warum Beethoven taub wurde. Keine Muse, lass das Problem frei und lass mich den Kater besuchen, er ist meine Traum.

Miau, den Kater zeigt mir die perfekte Yoga position, dann legt er sich auf meine Beine. Oh, mann, Bambi im Herz, Schmetterling im Bauch. Das ist das beste Ding in der Welt.

Wir sitzen auf dem Baumhaus und genießen die Sonne, die Zeit wie Mittelmeer sieht so ruhig aus,ist aber niemals leise, weil wir kennen nicht wirklich die Welt im Meer.

Miau, den Kater auf mein Bein die Yoga Katz nochmal zeigt, die vergessene Erinnerung wie ein Wal aus dem Meer springt. Ach so, ich habe ein Rezept auf meinem Blog geschrieben, ich weiß wie kann ich die frisch Äpfel kochen.

Vielen Dank, mein wunderschöne Muse.

Einmal Tschüß sagt, die Zeit läuft schon 3 Jahre, ich vermisse den Kater und liebe dem Campingplatz. Und ich finde das original Bild so hässlich, die Äpfel, die mein Mann gekauft hat, sind wie ein Berg im Haus. ich vermisse den Kater aus Montenegro, OK, ich weiß was ich kochen kann zum Frühstück.

 

Apfelcurry mit Hackfleisch

...... Zutaten ......

Hackfleisch	250g
Fein gehackte Zwiebel	1
Apfel in Stücke geschnitten	2
Currypulver	1TL
Wasser	500ml
Sojasoße	1EL
Weißwein	1EL
Zucker	1/4TL
Fein gehackter Knoblauch
Salz & Pfeffer

...... Zubereitung ......

1. Zwiebel und Knoblauch in die Pfanne geben, kräftig anbraten bis sie glasig sind.

2. Fleisch in die Pfanne geben kräftig anbraten. Dann Currypulver dazu geben und gut mischen.

3. Weißwein, Sojasauce, Zucker und Wasser in die Pfanne geben und gut mischen, dann ca. 20 Minuten kochen.

4. Den Apfel in die Pfanne geben und gut mischen, dann weitere 10 Minuten kochen.

5. Mit Salz und Pfeffer abschmecken. Guten Appetit!

 

---

---

---

 

I got the apples from the campsite owner. I love apples, but only when they don't look like apples, e.g., apple pie—delicious.

Do you want to eat the fresh apples? They are fresh from the tree, I ask my husband.

When the apple is cut without seeds and small pieces, he says.

Yes, his goal is to live like God in France, my goal is like Why Beethoven became deaf. No muse, let the problem go and let me visit the cat, he is my dream.

Meow, the cat shows me the perfect yoga position, then he lies on my legs. Oh, man, Bambi in the heart, butterflies in the stomach. This is the best thing in the world.

We sit on the tree house and enjoy the sun, Time, like the Mediterranean, looks so calm, but it is never quiet, because we don't really know the world in the sea.

Meow, the cat on my leg shows the yoga cat again, the forgotten memory like a whale jumping out of the sea. Oh, I wrote a recipe on my blog, I know how to cook the fresh apples.

Thank you, my beautiful muse.

Say goodbye once, the time has already been running for 3 years, I miss the cat and love the campsite. And I find the original picture so ugly, the apples my husband bought are like a mountain in the house. I miss the cat from Montenegro, OK, I know what I can cook for breakfast.

 

Minced Meat Apple Curry

...... Ingredients ......

Minced Meat	250g
Finely chopped onion	1
Apple cut into pieces	2
Curry powder	1TL
Water	500ml
Soy sauce	1EL
White wine	1EL
Sugar	1/4TL
Finely chopped garlic
Salt & Pepper

...... Method ......

1.  Add the onion and garlic to the pan and fry until they are translucent.

2. Fry the meat in the pan, then add curry powder and mix well.

3. Put the white wine, soy sauce, sugar and water in the pan and mix well, then cook for about 20 minutes.

4. Put the apple in the pan and mix well, then cook for another 10 minutes.

5. Season with salt and pepper. Enjoy your meal!