你敢相信夢中 ê 你是三魂七魄其中一魂一魄 uī 你完成，你認為這世人凡勢無法度完成 ê 願望？我相信這个講法。
同志婚姻公投彼年，我一个人先飛轉來台灣歇寒，gún 翁等到出發帛琉進前 tsiah 來台灣交我會合。彼陣 ê 我猶原使用面冊，彼陣 ê 朋友 tsuē-tsuē 人 mā 因為公投議題 tī 面冊吵甲朋友情無法度接續 hōo 我思考，若是阿母猶 tī 我魂舒邊，我敢會順伊 ê 意 kā 伊講，你項公投你愛頓佗一搭？假使阿母選擇反對。
這个問題 tī 同志婚姻專法通過後 ê 這久，我猶原維持當初 ê 想法，我 ē tuì 阿母講你愛頓彼格，彼格因為我幸運無行 tī 𪜶彼緣 ê 卯字，所致有才調免迵過別人 ê 目睭 uī 我 ê 選擇閣做一斗決定。
查埔人呔 buaih 愛查某人？
我無滴任何一滴淚珠，我 kan-ta 恬恬掠伊金金相，伊是 m̄ 是查埔人 ê 另外一半猶是查埔人（My Private Idaho）、墨利斯 ê 情人（Maurice）看甲傷過痴迷，愛搬戲 ê 伊 m̄-tsiah 交我搬這出齣，畢竟最後一位 Mohicans（The Last of the Mohicans）ê CD 一放，我是 Cora Munro，伊是 Hawk-eyes，I'll find you 隨閣原地搬一斗。
我 m̄ 知影按怎回應，總是我清楚知影 gún-ê 感情猶未行到男女朋友，但是 mā 勻勻仔伐向愛情 ê 火燒埔，敢 m̄ 是？我無 kā 手伸轉來，我繼續享受伊燒烙若粟子 ê 溫度文文仔笑應「喔」，然後比四常閣較𠢕弄舌交伊做陣行去牽 Oo-tóo-bái。紲落來 ê 食飯會，伊 ê 魂舒邊總有一位美男子交 gún 做陣食飯，伊 mā 猶原牽我 ê 手做陣踅街、看電影、聽音樂，只不過伊 ê 倒手爿永遠有一个伊。
一年情人節，伊約我去 Friday 享受情人節大餐，自 gún 熟似 ê 第一年就做陣過情人節，我從來 m̄ 捌像彼擺遐爾仔斟酌妝娗家己，目眉斟酌畫，胭脂輕輕仔點，頭鬃請人鬥相共 siat-tooh，伊來到 gún 兜門口叫我 ê 名，我一開門伊 mā 隨褒嗦「你今仔日媠比連天星都無地比並」，紲落來 hōo 我一蕊紫色玫瑰。
這 m̄ 是愛情，這是啥物？我心內 ê 甜蜜，甜甲熊交狗蟻攏 m̄ 敢倚近。車停好，照四常伊牽我 ê 手做陣伐向餐廳，我 ê 幸福鹿仔 tī 頂腹蓋弄，挵甲我攏感覺家己三八過頭。
餐廳服務生 tī 伊 kā 我勻勻仔𤆬入去餐廳後問，「請問咱敢有訂位」，伊那講好頭 mā 若 tī 揣人，我順伊停跤 ê 注目看過，本底 tī 玉山尾溜跳 Breaking ê 幸福路鹿仔，直接摔落山崁，連屍體攏無法度見。
「恁兩个實在有夠速配」對方見著我隨褒嗦，我下性命 kā 覕喙轉做菱角仔，「自國中就熟似，無速配 mā 龜怪。」
伊敢若無聽出我 ê 哭聲，伊行向櫃檯捾兩袋紙袋仔轉來講「情人節快樂。」我 kā 禮物按袋仔挈出來是一隻耳仔結一蕊坦笑紅 tsiű-tsiú ê 熊。
「貓仔 kan-ta Garfield 交 Hello Kitty ....」伊歹勢仔歹勢仔講。我愛貓仔，不而過 Hello Kitty 無佮喙。
彼暝 ê 浪漫大餐押尾按怎結束，tī 無日 m̄ 知晝，無鬚 m̄ 知老，一目𥍉就伐 bueh 過三十冬已經殕甲無法度以高科技復原，tshan-tshiūnn 伊仝款，永遠 buē 閣添年歲，不而過我感謝伊迵過無法度解釋 ê 方式 hōo 我知影，伊已經無病無疼無煩惱，mā 感謝伊來我 ê 夢中 hōo 我有機會交伊說再見。
伊是我無緣 ê 初戀 mā 是我這世人到今認為上有神魂合體 ê 另外一半。我愛 gún 翁，總是 gún 翁仔某清楚知影 gún 兩个是無仝世界 ê 人，唯一相仝 ê 世界就是愛四界行跤花，賰--ê 是一个八字揣無兩撇。
「貓仔是足敏感細膩 ê 動物，伊 buē 清彩相信生份人」2022 落南巴爾幹半島車日子停睏踮烏山共和國，露營地主人家見著家己上愛 ê 阿貓交我誠懇睏做伙幾仔暝，刁意故以食醋 ê 氣口笑講。
「凡勢是我驚伊枵 ê 關係」我手那捊阿貓軟軟若絲 ê 毛笑應。
「伊 tī 遮只要無搪著慼貓 ê 人 m̄ 驚無人通飼。」
阿貓敢若聽有 gún-ê 冇談輕輕仔擔頭向主人 Miau 一聲抗議，繼續蝹做一領上溫暖 ê 棉襀被 hōo 我燒烙。
我愛貓，無飼貓，所致無清楚貓 ê 世界，總是這隻貓 hōo 我一種伊交我熟似幾仔冬 ê 感覺，準做 gún 翁一直講「彼是因為你佮意貓」，我猶是感受彼日徛踮人兜門跤口遠看聖家堂 ê 感覺，一種悲傷卻清楚知影彼是幸福 ê 奇妙感覺。
「你呔無飼貓？」阿貓主人 kā 現挽 ê 林檎挈 hōo 我。
「愛一个人合該然放手，因為伊屬於自然」我講。
阿貓主人文文仔笑，另外一隻貓想 bueh 行倚，見著我 tī 遐斡頭隨走，「放心，我 buē kā 你攪擾」我笑 tuì 走甲無看尾 ê 阿貓講。
「遮 ê 貓凡勢 mā 是因為環境 tsiah 成做我 ê 貓」阿貓主人有九隻貓 hōo 我笑 tuì 伊講，伊是掌握「九尾貓」ê 人。
一目𥍉我 tuì 烏山阿貓 ê 記持 mā 賰這張相片，一目𥍉我交伊見面 ê 方式 mā 賰夢人相見。今仔日是我第一斗交伊 tī 夢中相見，伊猶原是遐爾仔古錐，古錐甲 hōo gún 翁嫌二歲就食甲遮爾仔肨奶 ê 猶原無致意，恬靜蝹 tī 我跤兜交我做陣出菜，伴我閱讀 mā 據在我 ê 手 tī 伊 ê 魂舒捊來摸去 。
阿貓，你好無？
我足想你，多謝你來我 ê 夢中交我做伴。
Glauben Sie der Traum ist die Seele beim schlafen?
Ich glaube, ich habe einen Freund, bei dem wir etwas missverstanden haben, und dann haben wir über 20 Jahre lang nicht mehr miteinander gesprochen.
Die Wirklichkeit ist ich weiß nicht wo er ist.
Eine Nacht ich habe ihn in meinem Traum gesehen.
Wir sind glücklich wie früher, aber ich fühle so traurig, ich weiß nicht warum, dann wache ich auf ich suche Facebook, Instagram usw, aber leider finde ich seinem Namen nicht.
Ich denke, ok das ist eine Fantasie die ich habe, weil ich erpicht bin Sorry zu sagen.
Eines Tages, ich besuche einen Film von einer Freundin vorgestellt.
Ich sehe seinen Namen, das ist seltsam für mich, ich klick auf den Link.
Das Video ist von einem Freund.
Er ist gestorben....
Gestern Abend ich weiß nicht was ich Kochen kann, die Katze aus Montenegro kommt in meinem Traum.
Ich bin so überrascht und so glücklich.
Er ist wie früher leise und bleibt und bei mir hört was ich über meinen Mann beschwere.
Am 6 Uhr bin ich aufgestanden.
Ach so, das ist ein Traum.
Katze ist nicht in Deutschland, weil mein Mann mag keine Katze und ich Respektiere was er nicht möchte.
Weil hier ist Deutschland.
Ich bin leise im Badezimmer und mit Herz sage ich zur Katze.
Danke, Süße, ich vermisse dich auch und ich weiß was ich heute kochen kann.
Do you blieve the dream is the soul while sleeping?
I believe, I have a friend where we misunderstood something and then we didn't talk for over 20 years.
The reality is I don't know where he is.
One night I saw him in my dream.
We are happy like before but I feel so sad, I don't know why, then I wake up I search Facebook, Instagram etc but unfortunately I can't find his name.
I think, ok this is a fantasy I have because I am eager to say sorry.
One day, I visit a film introduced by a friend.
I see his name, that's weird for me, I click on the link.
The video is from a friend.
He died....
Yesterday evening I don't know what I can cook, the cat from Montenegro comes in my dream.
I'm so surprised and so happy.
He is quiet as before and stays with me what I complain about about my husband.
I got up on 6 a.m.
Oh, that's a dream.
Cat is not in Germany because my husband doesn't like a cat and I respect what he doesn't want.
Because here is Germany.
I am quiet in the bathroom and with heart I say to the cat.
Thank you, sweet, I miss you too and I know what I can cook today.
睏天路車日子 Camping mit Caddy (21)