Buē 記持這食譜按佗落揣來，總是當人 tī 烏山露營地收著熱情主人家現挽 ê 林檎，因為環境限制 hōo 我扞鼎扞甲 m̄ 知會使得閣變出啥物蠓時，這出菜宛然挪威 Fjord 相𫝛，水洘是一片沙地無半尾魚通釣，飽流規條河齊是海洋 ê 寶藏。
- 10月 13 週一 202512:11
林檎肉豉仔咖哩 ▪ Apfelcurry mit Hackfleisch ▪ 蘋果絞肉咖哩
Buē 記持這食譜按佗落揣來，總是當人 tī 烏山露營地收著熱情主人家現挽 ê 林檎，因為環境限制 hōo 我扞鼎扞甲 m̄ 知會使得閣變出啥物蠓時，這出菜宛然挪威 Fjord 相𫝛，水洘是一片沙地無半尾魚通釣，飽流規條河齊是海洋 ê 寶藏。
- 10月 20 週日 202418:00
雞腿/摸菜蔬烘▪Hähnchenschenkel mit Kohlrabi▪雞腿烤青蔬
「雞腿/雞摸正經好食。」
- 10月 17 週四 202412:00
珠仔豆肉餅 ▪ Hackfleisch-Linsen-Patty ▪ 小扁豆肉餅
- 10月 15 週二 202418:00
肉豉仔 Ma-sá-lah▪Kheema Masala▪印度肉末咖哩飯
早起頓那食我愛食 ê Kheema masala 那配 【台灣新眼界】20230419 "土豆"=馬鈴薯爭議！外來語的交流佮侵略！臺灣按怎面對？hōo 我想著畫虎畫皮難畫骨，知人知面不知心險險 tuì 台語起慼 ê 故事。彼段家己目睭擘無金，耳空洗無清氣 kan-ta 致意「網路好評論」結果行入若人民聖殿堂 ê 台語班所搪著 ê 有錢 m̄ 儉硬 bueh 做散財童子揣風火著代，一目𥍉 mā 2 冬外就免咸豐三，講到今。台灣新眼界 ê 討論 tuì 我來講 mā 無啥好繼續，起因我個人清楚知影彼 kan-ta 是一个稱呼，像青花仔菜，華語號做花椰菜，愛我跟綴中國用語西蘭花，我講 buē 出喙，這个講 buē 出喙交意識形態無底代，kan-ta 伊 m̄ 是我慣勢 ê 語句，簡單來講「土豆」tuì 我 ê 意義就宛然我 tī 德國講 Kartoffel 去到奧地利 mā 照講 Kartoffel，奧地利人卻回答我 Erdapfel 我猶原知影伊是 Kartoffel ê 簡單。
- 10月 14 週一 202418:00
雞腿金瓜烘 ▪ Kürbis-Hähnchenkeule aus dem Ofen ▪ 棒棒腿烤南瓜
前幾日 Google 推薦我看西南電視台近來又閣暫時無放送 ê 節目 hōo 我想著這篇隨越頭 tuì 翁講「你 mā teh 耍好運得時鐘，歹運得龍眼。」
- 10月 07 週一 202418:00
紅菜頭芥辣雞肉 ▪ Senfhähnchen mit Möhren ▪ 胡蘿蔔芥末雞肉
自瑞典轉來，頭殼一直踅這件代誌，我 tuì gún 翁掠做是愛窮實是軟塗深掘 ê 回應是軟汫抑是愛？「你真正好字運，逐日攏有好生活，你愛珍惜」，按挪威落南瑞典停睏徛百八（駝鹿）ê 露營地，翁仔姐雙手鬥來算猶原無才調計算有偌 tsuē 人捌 tuì gún 翁講 Schwein gehabt，特別是食食若沙漠兼萬項是框金閣包銀 ê 瑞典交挪威。正經無腫頷，gún 翁 tī 瑞典交挪威 m̄ 捌食加工食品過日，伊 ê 飯頓雖罔無才調食甲交德國無宛 2 體若神 tī 法國（Leben wie Gott in Frankreich），伊猶原食甲若皇帝，用上少 ê 錢享受上腥臊 ê 飯頓。總是爸母毒食慣勢 ê 伊真𠢕 kā Arthur Schopenhauer ê 點拄 bueh 讀出好 ê 代誌，一个條件就是莫讀出歹 ê 代誌轉換做「喙脣兩片肉，好 ê 齊是我，歹 ê 攏是別人」全世界 kan-ta 𪜶兜上𠢕上有良心閣上有智慧。
- 9月 18 週三 202400:00
敏豆蘑菇雞肉咖哩▪Hähnchen-Curry mit Bohnen und Champignons▪四季豆蘑菇雞肉咖哩
有當時仔 hōo YouTube 抑是 Google 臆你佮意 mā 是得著一隻豬(Schwein gehabt) ê 代誌。自上北到瑞典，糜飯 m̄ 管按怎食甲腥臊，麭佮 I-tá-lih 麵猶原佔含水碳素百分之 90% hōo 從來 m̄ 捌致意筋肉板膋敢捌結實實櫼 ê 我開始自動感受𪜶愈來愈像豆皮 mā 愈來愈像翁 ê 老母，手猶未攑懸懸，蝶仔就四界飛 ê m̄ 是勢，開始請教 YouTube 孤項運動 --- 手部運動，就按呢 YouTube mā 開始臆我凡勢佮意健身(kiān-sin)這類 ê 影片，sóo-tí 推薦我看 Uncle Sean 讓你體態筑漸出色 ê 影片。我佮 Hena Ma(台灣人台灣事) 仝款真罕得行踏社群媒體(這已經是咸豐三，講到今 ê 𤺪) mā 無刁工逐 Podcast 抑是 YouTuber，準做有訂閱 mā 是鉛粉掖夠額 ê 像 SWR1 逐日攏有通仔迵過 la-jí-ooh 收聽𪜶 ê Podcast m̄ 免 uī-tio̍h 這便便 ê 節目閣掠外掠一个 APP 來收聽，總是世間事就是 hōo 你 buē 節 ---《錦荔枝的滋味》von 洪淑昭。Uncle Sean ê 影片我無訂閱 mā 無固定踅翻頭揣來看，總是 YouTube 凡勢有替我 kā 伊點油做記號 hōo 伊三不五時出現 tī 臆你佮意名單內底。昨昏，Uncle Sean 出一支新影片喝水呼吸就會胖！我的身體到底怎麼了？教你打造仙女易瘦體質，本底鼻無鳥鼠敢有洗身軀 ê 我，見著壁角本底臭煬只要熱量掠有齊按怎食甜按怎一日食八頓 mā buē 歕雞胿 ê 翁認真跟綴 YouTube 做運動，隨揤落去聽 Uncle Sean 分拆，那聽目睭仁出現翁規家伙 ê 生張，特別是𪜶老母一支喙食 buē 停 ê 畫面佮情緒失控遮 ê 問題。翁老母情緒𠢕失控 mā m̄ 免我咸豐三，講到今，起因彼是𪜶兜 ê 問題 m̄ 是 gún 兜 ê 問題。
- 8月 25 週日 202412:00
肉豉仔攕▪Hackfleischspieße▪烤肉串
我一直掠做我 ē-tàng 利用出張機會順紲踮 Türkiye(土耳其) 行跤花，m̄-koh 這个願望 uì 我入去公司到辭頭路攏 m̄ 捌實現。公司 m̄ 願 hōo 我這个扞頭 ê 業務行踏 Türkiye 我理解。
- 8月 24 週六 202418:00
蘑菇雞肉塊▪Paniertes Hähnchen mit Champignons▪蘑菇雞塊
翁講下昏飯想 bueh 食抔做伙 buē 因為家己 ê 無聊無賴致到自早到暗攏 tī 想，我愛按怎生 tsiah 有才調 kā 別人 ê 四常舞甲滾蛟龍兼刁古董 ê 阿菇交火雞母料理，順紲閣敆一粒卵包，勞力。
- 7月 22 週一 202418:18
紅甜番薑仔蘑菇雞肉▪Hähnchen mit Champignons und Paprika▪甜椒蘑菇雞肉
聽【寶島全世界】書中自有黃金屋，不當醫師賺更多！ 來賓：楊斯棓 醫師｜鄭弘儀主持 2024/03/13 談著 300 本冊，我 tī 愖自囡仔時到今我 ê 冊櫃仔敢有 300 本冊，我想應當有 m̄-tsiah ē 夢著彼个冊櫥 ê 夢。聽阿愷之聲 EP122 洛津浪音樂：三十鵝麗？咱將臺灣文學變成歌，楊逵的小說世界和時代 ft. 金曲歌王朱約信，金曲歌王豬頭皮講著靈感佮文字記錄 hōo 我想著是按怎我 ē 遮爾仔佮意報導文學佮是按怎寫 buē 出若詩 m̄-koh 屬於我家己 ê 糞埽文字，分張楊逵前輩面對作品 hőng 換面肉 ê 故事 mā hōo 我想著楊斯棓醫師分張 ê hōo 你認為 ê 壓倒投降是 uī-tio̍h 行閣較遠 ê 路，像《大港的女兒》。
睏天路車日子 Camping mit Caddy (21)