亂皂𥴊仔店 ⓂⒺⒾⓃⓀⒾⓄⓈⓀ

近來綿著甜番薑仔就不三時款伊做沙拉 hōo 食頓愛先交伊相借喙 ê 夜間部同學暗時食西瓜，半暝仔反症講 tuì 我傳世佛經，世世(踅踅)唸我自本就愛食番薑仔，只要你 kā 伊切甲若肉豉仔我就 buē 做 Mǹg-sǹg tuì 你傳世佛經，世世(踅踅)唸。」

你敢有這个問題，一出菜準做味素好甲 hōo 你喙瀾㴙㴙津，你猶是無興 hōo 伊翻過工交你繼續相伴？

2.14 情人節，無料 Küss mich 活動又閣開始。

二樓羅馬尼亞厝邊月初鬥一个好，月底準備 uī-tio̍h bueh hōo 後生交查囡仔有一个較曠闊 ê 環境享受一世人 kan-ta 一斗 ê 童年，決定搬新厝 hōo gún 翁仔某感覺誠 m̄ 甘，畢竟千金買厝，萬金買厝邊，準備搬新厝 ê 阿羅交阿珊 mā 有相𫝛 ê 感受，畢竟𪜶交我齊是德國 ê 外國人。

捌字 ê 人笑 m̄ 捌字 ê 人講，你 ê 話是舊漚舊臭又閣兼無衛生 ê 物仔 m̄ 是文化。

當我開始擉 706 篇愛開偌 tsuē 時間調整文字相片，我隨 kā 鑿目轉做順眼....我想有問題 ê 龍鳳生活應當 mā 是按呢處理 - 假臭耳聾，假青盲，龍鳳生活 tsiah 有法度繼續透流。

又閣成做貓好玄世間敢有臭頭囡仔較臭較䆀 mā 是家己--ê 這件代誌。

咱食刺身，德國人 mā 食，不而過𪜶 ê 刺身是咱講 ê 鹹膎。我愛食三文魚刺身，無啥愛食烘抑是煮 ê 三文魚，呔討有這款喙斗，我無啥了解，總是我個人認為秋刀魚、花飛、麻虱目遮 ê 交伊相𫝛一落鼎隨炸油 ê 魚攏比三文魚好食。總是德國 ê 魚臊 m̄ 是一句框金閣包銀就通仔準過 ê 貴。 所致好揣好 bué ê 三文魚猶是愛食魚，噤喙噤甲無法度噤上好 ê 選擇，因為伊一大片猶是比一尾大西洋金頭鯛 hōo 我 bué 著俗貨較贏 leh 做工課。這斗翁仔某做陣去款菜，我見著三文魚薰 hőng 貼紅標仔，表示伊 teh 跳標大拍賣隨行倚繩價數，發見伊確實比四常價格俗 bueh 四成隨囥落去捒車仔繼續揣寶，像優格、牛奶遮 ê 齊落價 ê 商品，當我結束揣寶準備捒捒車仔，內底 ê 三文魚薰走甲無看人，本底交我徛相倚 ê 翁 mā 是，我有一種走去藏 ê 風颱 bueh 出現矣。「三文魚薰若 ē 走甲無看影，敢有人 mā 相著伊，趁我無注意 kā 伊挈走？」我清楚知影代誌按怎發生，猶原牽尪仔補雨傘 m̄ 講重點。做賊 ê 人 mā 喝掠賊講「別間俗十仙，你若 bueh 食咱等个去遐 bué。」Uī-tio̍h 省十仙我愛加行二十分鐘 ê 路，一想著這點我 ê 腹內火隨著，總是我是有家教兼大端 ê 人 buē hōo 伊，人牽 m̄ 行，鬼牽溜溜行。

當我揣無 Muse 請教馬鈴薯愛按怎出菜，Google 請我讀這出食譜，講伊簡單料理閣適合做減肥食食。Google 遮爾仔熱情我無相趁相喊呔會使得。記錄這篇食譜 ê 彼當陣，公視台語台台語新辭庫猶未出現，我順網路請教 ê 字詞 kā Kartoffelpüree 寫做荷蘭薯沙，公視台語台這久有出新辭庫 kā 伊號做馬鈴薯泥，我就跟綴公視台語台 ê 跤步 kā 伊號做馬鈴薯沙。
公視台台語 ê 例句：阿嬌逐工的中晝頓攏會用馬鈴薯泥代替白飯，食較少的熱量，實在真重視身材。

小馬兄是阿奧紹介伊來 gún 兜借蹛 ê 英國少年家。