亂皂𥴊仔店 ⓂⒺⒾⓃⓀⒾⓄⓈⓀ

歹運就假若蜘蛛仝款會佇無意中出現佇花欉，看著，共掠走就好矣。

--- 溫柔的人

 

智識無夠額 ê 我 tuì 這本冊無才調 tshan-tshiūnn 𤆬讀一寫十頁，智識無夠額 ê 我自冊一反無 kā 名人推薦 ê 頁數算在內，自第一頁讀到放風吹 ê 這久倚 bueh 4 冬 ê 重新閱讀，伊猶是 hōo 我讀甲足艱苦。呔討按呢生？《幻影號的奇航》交這復活的人是仝一位作者呔討，幻影號的奇航 hōo 我讀甲 buē 想欲放棄，復活 ê 人停睏 4 冬重新閱讀猶原想 bueh 放棄，是佗一个環節（Khuân-tsiat）出問題，我需要揣出來。

翻頭踅轉去第一頁，順葉國典一路成做江文達，我總算理解讀甲艱苦想捌放棄 ê 原因，我 ê 台文閱讀已經慣勢教育部臺灣台語常用辭典 ê 用字，所致我真僫自由變化心情 kā「揪」讀做「khiú/giú」(搝) mā 無才調 kā 這个「揪」讀做「Tshiû」、「Tsiû」、「liû」遮 ê 按 ChhoeTaigi 台語辭典請教來 ê 解釋，起因順遮 ê 意思來連結文句是豬母牽去牛墟去，無一个峇。低路人無才調過目 buē 擲糞埽桶隨攑原子筆 kā「揪」這類交教典無相仝 ê 用字全部改寫，像《一桶蚵仔》按呢，《復活的人》hōo 我讀甲目 m̄ 甘𥍉，然後真真正正理解文字 ê 力量，準做你 ē 曉講這个語言，文字卻從來 m̄ 捌規範，伊交你猶是生份人，像《台語現代小說選》呂美親 | 編者導言 --- 讀者恐有疑問,同樣是日語,何需再「翻譯」？實際的狀況是：《源氏物語》當時寫就的語言和文字，都與現代日語落差極大，需以現代的規範用字、用語來改寫並加註解說，才能便於現代讀者閱讀理解。因此，說是「譯」，實亦可謂改字、新寫。

復活 ê 人寫 1990 台灣解嚴後 ê 故事，遮 ê 故事引𤆬翻頭看 kan-ta 要意男女感情 ê 年歲，然後感謝 uī 遮故事拍拚 ê 人，起因無𪜶 ê 拍拚無今仔日 ê 台灣 mā 無可能有另類史記 ê 記錄，像復活的人 hōo 人有機會重新翻頭去思考彼个時陣發生啥物代誌交家己呔討 buē 要意遮 ê 問題，然後順這个另類史記 ê 這段話歹運就假若蜘蛛仝款會佇無意中出現佇花欉，看著，共掠走就好矣，成做新 ê 人，一个有同理心 tuì 事項有好玄有思考 ê 人。