世界文化遺產 - Ohrid 奧赫里德湖 佮 Ohrid 舊城
我 tùi 這个國家 ê 印象 kan-ta Before of Rain/Vor dem Regen、有爭議 ê 國名 hām 阿爾巴尼亞僫解 ê 歷史問題，押尾有機會認捌閣較 tsuē ê 伊愛感謝規家伙仔徙岫到德國補德國勞動力不足缺 ê 北馬其頓(tùn)同學，特別是 Mater Teresia 伊到底是北馬其頓人抑是阿爾巴尼亞人這件代誌。
Natürlich, sie ist in Skopje , Nordmazedonien geboren, nicht in Bulgarien oder Albanien，虔誠基督徒 ê 北馬其頓同學手按 tī 胸坎 ê 十字架不可置信 ê 回答。
我 tuì 伊 ê Taiwan 佮 Thailand 分 buē 清 mā 感覺不可置信，押尾 gún 攏接受有這款印象佮第一資源齊是家己熟似 ê 教育有相干。不過我 tuì Mater Teresia 出世 tī 北馬其頓這件代誌猶是憢疑，畢竟多數資料攏講阿爾巴尼亞，少數人講保加利亞➀。
這斗行踏阿爾巴尼亞 mā 確實見著阿爾巴尼亞分張 Mater Teresia 是阿爾巴尼亞人 hōo 我更加憢疑同學 ê 分張，畢竟 kā 十字架安 tī 胸坎前無表示伊無癩 kô、無油肭肭。確定這斗車日子 bueh 按阿爾巴尼亞 Ohrid 湖徙去北馬其頓 Ohrid 湖隨請教網路大神賜我智慧，我就隨決定啥物攏 buaih 設定 hōo 大自然引𤆬我認捌這塊冷戰年間真受西德人意愛 ê 踮沫天堂，佮意愛陸路旅行 ē-tàng 順順一路按自由地區奧地利通關共產國土到希臘 ê 北馬其頓。
因為同學我掠做規个北馬其頓是東正教文化，行踏 Ohrid tsiah 知影遮 mā 接受 Ottoman 帶來 ê 文化 ，因為歐盟非歐盟我 tsiah 理解過往 tsuē 冬 ê Tito(狄托)是按怎到今猶遮爾仔 hōo 人懷念。
平平是歐洲，平平是巴爾幹半島，紅色土地佮 Tito 扞權 ê 土地 tī 紅色大門一開隨看出差異(tsha-ī)。
Tī 北馬其頓 gún 罕得感受揣無物通食佮通貨膨脹帶來 ê 細圓，tī 羅馬尼亞佮保加利亞 gún 捷感覺這个問題，準做歐圓較有價值猶是拚 buē 過實櫼 ê 基礎建設 hōo 霸王恐龍 ê gún 翁 tī 遮較免擘腹冷凍肉 ê 前世今生成做三角恐龍，我 tī 遮 mā 食著好食甲舌觸 buē 離 ê 黑莓果子醬佮價數比別搭閣較好鬥陣並敆喙 ê Štrudle。
北馬其頓佮塞爾維亞攏有生產 Štrudle，我個人是意愛北馬其頓 ê 版本，伊 ê 甜度 tuì 我來講較低餅皮 mā 較軟酥，gún 翁自猶 tī 水帕泅就慣勢 Strudel ê 甜，sóo-tí 伊佮意塞爾維亞 ê 版本。
➀ 我確定 Mater Teresia m̄ 是保加利亞人，總是搪著同學按呢講我猶是慣勢 kā 捎出來話仙。這斗行踏北馬其頓進前想著彼日 ê 練仙隨請教 Wikipedia，tī 德文、丹麥文(看出世城市)、亞美尼亞文(看出世城市)、英文得著仝款 ê 答案，北馬其頓現此時 ê 首都 Skopje，往時 ê Ottoman 科索沃省，阿爾巴尼亞。
Das Einzige, was ich über dieses Land weiß ist, dass sein Name und seine Geschichte im Widerspruch zu denen anderer Länder stehen.
Die einzigen anderen Eindrücke stammen von den nordmazedonischen Schülern aus dem Deutschunterricht.
Allerdings bin ich mit diesem Studenten nicht vertraut, der Grund dafür ist, dass er mich immer wie einen Thailänder oder Chinesen behandelt, so dass ich seine Fragen nicht beantworten kann.
Er konnte jedoch nicht verstehen, was ich über Taiwan gesagt habe.
Alles in allem bin ich mit dem Land nicht vertraut, aber ich habe durch ihn einige grundlegende Eindrücke, Sie sind ebenso Teil der osmanischen Kultur wie Bosnien.
Diese Reise nach Albanien, wir beschlossen ein Land zu besuchen, das für uns alle neu war.
Mir wurde klar, dass sie in den jugoslawischen Jahren visumfreien Zugang nach Deutschland(BRD) gewährt hatte, denn diese Öffnung hat ihnen als sozialistischem Land ein anderes wirtschaftliches Profil gegeben als ihren Nachbarn.
Diese Liberalisierung wird die Auswirkungen der Globalisierung in Zukunft abmildern, zum Beispiel hat der einfache Zugang zur Stadt viele Touristen und viele neue Dinge gebracht. Ein günstiger Zugang zum gleichen Gebirge kann auch unterschiedliche Preise mit sich bringen.
Mein Mann hat sich in Albanien entschieden, Vegetarier zu werden, hier ist mein Mann dankbar für die Bequemlichkeit des Transports, so dass er kein einziges Stück Fleisch essen muss, wovon wahrscheinlich 70 % auf die Transportkosten entfallen.
世界文化遺產 - Ohrid 湖 佮 Ohrid 舊城
北馬其頓第八大城 ê Ohrid tī 10 世紀到 11 世紀是保加利亞帝國 ê 首都 mā 是北馬其頓重要 ê 世界文化遺產城市佮國內國際機場之二 ê 其中一个角勢。
1979 Ohrid hōo 聯合國宣佈是重要 ê 世界文化遺產，1980 正式登入之後 hōo 湖 ê 對岸一个無舊城區、無教堂 kan-ta 一个崩甲看 buē 出伊是 tsiâ ê 拜占庭教堂 ê 田庄，按散赤佮三步一碉堡 ê 田庄出頭做有頭人(Korçë)楗基礎建設佮維護 ê 觀光鄉鎮。
世界文化遺產 - Ohrid 舊城
Ohrid 這个城市字名有遮 ê 講法，1. 按希臘文 Λυχνιδός 來，意思是 ē 透光 ê 珍貴石頭，2. λύχνος 光 ê 城市 3. 是按希臘政治家兼歷史學家 Polýbios tī 第二世紀 ê 記錄，紲落來就按希臘年間行向羅馬年間 ê Lychnidos 佮 Lycnidus 閣繼續行向無仝 ê 字名 Ἄχριδα, Ὄχριδα, Ἄχρις(拜佔庭年間)，一直到 879 年成做保加利亞帝國第一首府 tsiah 定名做現此時 ê Ohrid 奧赫里德。
Osmanlı 經典建築樣式
Ohrid ê 城市變化佮這粒圓棍棍地球各角勢𫝛款，按人類行踏 ê 跤跡成做現此時栽跤花人所理解 ê 生張。
1914 ~ 1918 ê 歐洲戰爭倚我年間上近，sóo-tí 現此時 ê 我擔頭所見 ê 建築佮食食文化攏佮 Ottoman 有相關，像這佮我人 tī 波士尼亞、保加利亞、阿爾巴尼亞見著完全無𫝛款 Konak 建築體風格。
鄂圖曼 Konak 建築敢是鄂圖曼沓沓仔行向西化 ê 新式建築，無研究 ê 我莫 buē 博假博，不過按上出名 ê 厝宅 Robevi family house 來看伊 ê 歷史，伊確實是晏 Gjirokastër 阿爾巴尼亞 幾仔百冬 tsiah 出現。
世界文化遺產 - Ohrid 舊城
Ohrid tī Ottoman 年間並 m̄ 是重要 ê 城市，凡勢是這个因端 hōo 伊有機會保留千外冬 ê 歷史跤跡到前南斯拉夫 ê 工業化，特別是拜占庭佮保加利亞年間 ê 城市建築，像教堂、修道院。
人 tī 希臘看東正教教堂看甲飫 tī 德國看堡寨 mā 看甲𤺪篤篤，跤花一栽到北馬其頓就放遮 ê 文化景點自由 mā 放家己自由。
古董劇院
不過面對馬其頓抑是北馬其頓 ê 馬其頓猶是好玄甲若貓愛揣拜占庭捌 tī 遮 ê 跤跡，總是一看規仙人又閣𤺪篤篤，因為分 buē 清希臘式建築抑是羅馬式風格 ê 我，見著遮行過千外冬 ê 石頭 kan-ta 一个感想，人類遷徙 ê 建築已經證明咱攏承一个文化並生湠這个歷史，是按怎人類到今猶是遮爾惡霸講這齊是 gún 兜孤一人--ê 或是一直想 bueh ka̋ng 同化。
逐个互相學習，互相生湠無仝 ê 角度敢 m̄ 好。
Osmanlı 經典建築樣式
曾經是市草交易 ê Ohrid 佮阿爾巴尼亞𫝛款，自 Ottoman 成做這塊土地 ê 扞權者，遮 ê 人民 mā 按基督徙轉做穆斯林。Ohrid ê 變化敢佮阿爾巴尼亞廚師分師 hōo 我 ê 故事相𫝛 gún 阿爾巴尼亞人 tsuē-tsuē 按基督徙轉做穆斯林有伊 ê 因由 --- 捌接受穆斯林經濟救助 ê 人大多數攏成做穆斯林，gún 兜 ê 歷史就是一例，這無地請教 mā 莫 buē 博假博。
世界文化遺產 - Ohrid 湖 佮 Ohrid 舊城
Ohrid tī 前南斯聯邦進前無任何工業化 ê 跤跡，除了 Robevi family house 這个按商人發展成做現此時 Ohrid 城市象徵 ê 徛家建築。現此時現代化面肉 ê Ohrid 齊是前南斯拉年工業化年間所起造 ê 成果。遮 ê 工業化面肉多數徛位 tī 湖岸四箍圍。
世界文化遺產 - Ohrid 湖 佮 Ohrid 舊城
北馬其頓自 Ottoman 離開 mā 行過保加利亞想捌 kā 𪜶認定 ê 自古就屬於 gún 兜 ê 土地 ê Ohrid 收轉來，tī 世界二次大戰期間佮德國第三帝國徛𫝛位 ê 𪜶 mā 確實捌 kā Ohrid 囥 tī 𪜶 ê 地圖，總是硬 bueh 挽 ê 果子 buē 好食，tī 德國第三帝國宣佈投降𪜶 mā 按 Ohrid 離開。總是人心 ê 複雜到今猶是 m̄ 捌改變。
唉，人類到底時 tsiah 有法度理解，語言是豐沛咱無宛 2 體外形上重要 ê 資產。
像這史前人類 ê 建築 m̄ 是 kan-ta 北馬其頓 tsiah 有，德國 ê Bodensee mā 有相𫝛 ê 建築遺址，閣斟酌看遮 ê 厝宅 mā m̄ 是史前人類 tsiah 使用，敢 m̄ 是按呢生？
北馬其頓成做前南斯拉夫聯邦少數二个無行向獨立戰爭 ê 國家，捌發生跤踏這地土地 ê 人因為無法度理解互相唯一無相𫝛 ê 特殊 kan-ta 按家己音階生湠 ê 聲音搬若 Before the Rain ê 劇情，冤家量債，吵家抐宅。押尾好里佳哉有按罩霧行出來，起因𪜶 ê 問題佮咱番薯島無宛 2 體。
有國名爭議佮目前手骨比家己較大一寡 ê 厝邊一直阻擋𪜶成做歐盟抑是西方聯盟 ê 一部份問題。
這个問題到今看起來是解決，總是猶是有問題...
人類矣，咱 tī 這个世間 tsiah 短短十外冬，敢有必要遮綿死綿爛堅持已經消失 mā 無法度挨拶請教問題 ê 過去。
未來 ê 人看咱遮爾仔綿死綿爛追求過去 m̄ 知影有啥物感想？
𪜶敢 ē tshan-tshiūnn 這久 ê 咱 kā 咱設定 ê 理論當做寶來看？
這个問題是未來 ê 心不可得，放伊自由，我繼續我 ê 今生今世繼續行踏按 Ohrid 湖生湠 ê 世界遺產。
Mā 算 tī 世界文化遺產 - Ohrid 湖 佮 Ohrid 舊城 ê Струга/Struga
Struga 自 1962 一直舉辦詩歌之夜，捌參加 ê 詩人有 Pablo Neruda, Allen Ginsberg 佮 Mahmud Darwisch，Struga mā hőng 號做世界詩歌首府。
Struga 𫝛時 mā 是歐洲考古重要城市之一。
北馬其頓窮實無 tī gún 這逝車日子 ê 路線內底，gún 是人 tī 阿爾巴尼亞 Pogradec 波格拉德茨食好食 ê 鱒魚 tsiah 步頻想著按這間餐廳斡一个角無幾百公里就是北馬其頓是按怎 buaih 順紲行踏這个捌 kā 咱收錢押尾無 bueh tsham 咱成做朋友 ê 國家 --- 北馬其頓 mā tsiah 想著一直捎無 Taiwan 佮 Thailand m̄-koh 清楚認定 Taiwan 是大漢嬰一部份 ê 少年馬其頓同學 ê 家鄉。
這位少年同學敢是按這兩个城市其中一个來 m̄ 捌斟酌聽伊分張家鄉環境 ê 我 m̄ 知影，總是這斗行踏這个佮咱番薯島有相仝問題 ê 國家，我一直 tī 愖這件代誌，要意別人食咱豆腐較重要也是增加家己實力 hōo kan-ta ē 曉情緒叨撚兼膨風水雞刣無肉 ê 人看咱好甲斷腦筋較重要？
我想我已經揣著答案 mā 揣著平靜，因為咱人類就佮這兩隻 tī 水上博物館搪著 ê 阿貓仝款，準做生做相𫝛 mā 無表示𪜶是仝一隻貓。
咱真正無必要因為別人 ê 眼界來氣身惱命，這兩隻阿貓佮我跤兜 ê 眾阿貓，喵喵喵 tuì 我講。
2022 車日子露營總算完全翻塗 kā 家己拍一个噗仔
。
栽欉 --- 2022.09.27
翻田塗 --- 2024.10.27
留言列表
冊 ▪ Bücher ▪ Books (4)
