- ...der Idee vom Leid als dem Schlüssel zur Glückseligkeit.
齷齪是拍開幸福 ê 鎖匙
窮真講我 tuì 作者無一个認捌，當初願意撏錢入戲園看這齣德語聽力無到 0.1% ê 影戲是因為惜花連盆，疼囝連孫。
2013 華語聽無半句 ê gún 翁交我做陣去戲園看「看見台灣」，2015 換我交伊手牽手做伙去戲園欣賞這位八字 m̄ 捌甲一撇 ê 傳奇。
2020 臺灣 ê 舊曆過年，德國 ê 四常日 m̄ 免出外做小工 ê 翁仔姐見窗仔外 ê 日鬚光炎炎甲若熱人隨做肉粽快樂出帆 hōo 金烏炊粽，順紲向 gún 翁分張啥物號做「俗物 bué 破家」交「buē bué 破家」。
設定 ê 行跤花交展風神 ê 俗物 buē bué 破家齊完成，時間猶有冗剩隨斡頭伐向 m̄ 管 gún 偌爾仔久 m̄ 捌相見面，伊永遠保持相𫝛面肉 ê 花車。
Tatrot、Pretty woman...我向望 ê 作品永遠 buē 落價，落價 ê 作品永遠是徛我足遠 ê 浪漫愛情小說抑是逐日電視一拍開就有地看 ê 犯罪現場。當我大大典典 tuì 翁講「m̄ 是我無愛讀德文作品，是恁 ê 作品 m̄ 願 hōo 我接近...」ê 時，我 ê 目尾敢若看著 2015 ê 海報，隨 kā 花車做撈魚桶，一緟一緟 ê 冊做金魚撈。
4.99€，記持若老罔老猶 ē 食塗豆，這本自我交伊相拄搪齊是死豬仔價 ê 搶市冊，這久合該然有減 60 ~ 70% ê 價數。
Tī 電子區等牽手空手戽蝦交伊快樂落帆 ê 翁，久久 m̄ 來相揣隨行倚問「挖著寶？」，我無應話直接 kā 冊皮㧣 hōo 伊讀。
「Es ist lohnt sich」伊講，「Ich denke auch」隨 kā 冊囥入去捒車結數，紲落來展風神做代先 kā 伊翕一張仔相分張 tī Pixnet 15G ê 相簿並 uī 伊寫一篇讀無 3 頁 ê 虛華文，然後回歸臭頭仔包布猶原無才調防蠅 ê 自來。
2025 西方新正翁仔姐那看窗仔外宛然 Hermann Hesse tī Im Nebel ê 這段話 Seltsam, im Nebel zu wandern（怪奇 tī 雺霧行跤花）mā 那互相掰會家己 ê 睏天路線路較有意思，gún 翁步頻徛起身斡頭行向書櫥講「2013 咱跟綴看見台灣環島，2025 換咱跟綴這本冊去 Camino，Punkt。」
因為這段話我 tsiah 想著，剾洗別人臭頭仔包布，防蠅（風神）mā 愛想著家己，隨 tìm 頭表示就按呢決定 mā 請伊紲手 kā 冊挈 hōo 我讀，總是幻想好鬥陣，現實僫牽手，手頭若失散多年 ê 雙生仔再度團圓 ê 再版交初版，人已經車日子到作者朝聖之路 ê 首站 Saint-Jean-de-Port，我猶是維持五冬前 ê 3頁 .... dem Camino Francés mit einem recht steilen Aufstieg über einen Kopfsteinpflasterweg ein.（.... Camino Francés(法國之路)愛 tī 一條非常崎ê石卵仔路𬦰崎），搪著愈來愈 buē 食餌 ê 記持有才調遮爾仔清楚知影家己讀到佗一段真正愛感謝家己無聊 ê 台譯。
我是按影戲認捌 Ich bin dann mal weg 華語翻譯做我出去一下 mā 順影戲 ê 根節做閱讀基礎讀到結束 tsiah 理解維基百科 Deutschlandfunk ê 這段話，簡單來講就是影戲 ê 娛樂性懸過作者家己 tī 冊內分張 ê 大頭症。這个大頭症 m̄ 是愛風神，是指德國人若受咒讖，萬事需要「正題，反題，合題」無事揣事愖 ê 癖。
作者愛成做愖題者，這點我非常確定，其他 ê 德國人，這就在人認為。
我 tuì 德國影戲 ê 理解是薄縭絲，總是當我 kā 按公共分張書櫥紮轉來 ê 初版讀煞，我隨理解 2015 出版 ê 影戲呔討交 2005 出版 ê 原著（guân-tù）成做 La Tresse 毛尾仔 ê 面肉，看起來無相𫝛，窮實是竹篙叉，雙叉所在 ê 根骨原在，只不過必叉甲若基隆到墾丁 ê 距離。我理解這个手路，畢竟 kā 文字轉做影像，猶是愛 kā 伊拍若 Vincent will Meer 這類看起來笑詼卻掛厚厚翻草 ê 影戲手路較有人緣，抑無合該然 ē 成做 Nachzug nach Lissaabon hōo 人看甲揣 Sandmännchen 睏神。
作者自決定進香到伊真正行踏進香之路進前，伊 m̄ 捌生湠 kā 伊進香 ê 四常寫落來，一日伊人 tī 景緻若法國田園光批卻 m̄ 知名 ê 田庄小酒館停睏哺呔討來這逝路，伊彼本䖙 tī 桌跤𫞼 buē 穩 ê 金柑手摺仔簿宛然是伊家己，無定性綴桌行，伊隨決心 kā 這段按算齊跍 11 路並 tī 35 工完成 ê 進香之路寫落來，寫到押尾伊 mā tuì 家己講凡勢會使出冊，一發覺這點伊隨承認虛華徛倚倚，不而過無人知影未來 ê 面肉，斡頭 tuì 虛華告辭，認真面對家己寫金柑所看著 ê 烏面賊交疑問。讀著這段我 ê 頭幌甲交德國今年上搶市 ê 電影 Das Kanu des Manitu 內底彼隻認真啄鼻救 Abahachi ê 啄樹鳥。初寫部落格我 ê 想法 mā 是 mal Dampf abzulassen kā 水煙徙去 hōo 日頭跤熁（消敨情緒），後尾受著 m̄ 捌見過面 ê 烏面賊𪜶 ê 影響，我 mā 行向原來我 mā 有兩步七 ê 膨風。總是幻想是冇心，現實是實腹，我感謝 gún 翁種著𪜶爸母 ê 歹癖 hōo 我 tī 烏鴨笑豬烏閣一擺著頭，部落格是我 ê 弄舌盒仔 mā 是我交 Lara hām Eva 做陣食下晡茶講人尻川後話兼做愖題人 ê 自在角勢。
Lara 是作者 tī 路途搪著 ê 加拿大女子，Eva 是作者 tī 銀兩交現實是兩回事 ê 歇暝站所認捌 ê 瑞典女子，這兩位女子會使講做是作者朝聖之路 ê 心靈導師。
Lara tuì 作者 ê 疑問提出我上意愛 ê ...der Idee vom Leid als dem Schlüssel zur Glückseligkeit. 齷齪是拍開幸福 ê 鎖匙，因為跤傷 tī León 斷站 ê Eva 若作者出世 tī 捷克 Marienbad ê 阿媽，遐爾仔溫暖。
「Tī 這條路你 ē 搪著宛然羅麗萊 ê 歌聲考驗你 ê 意志交情緒，請你 kā 情緒囥一爿，遮日 ê 烏暗沓沓仔 ē 換做日鬚生湠。」聽作者向 Eva 分張金柑手摺簿仔所記錄 ê 龜鱉叨趖，特別是伊 mā 承認 ê Schnabel 性地，Eva 柔柔仔 tuì 伊按呢講。跤帛剪做 4 x 4 ê 桌布意思就是，萬事無法度隨咱意，總是咱愛認捌家己放過家己 tsiah buē 行入別人做 ê 囮。
寫部落格就是我認捌家己，放過家己踅過別人愛我行入去 ê 囮交我家己設 ê 囮，並實踐若作者 tī León 下 ê 願 Hoffentlich treffe ich Schnabbel und Gerd nicht mehr 向望我 buē 閣搪著鳥仔喙（Schnabel）交伊翁婿 Gerd ê 角勢。痞客邦寫 bueh 6 冬，今年因為 APP 延續所生湠 ê 無四序客服 hōo 我決心偷走厝去 Wordpress，後來發現 Wordpress 無網路𠢕人分張 ê 遮爾仔好操作，隨斡頭踅轉來痞客邦重成格並 tī 新發現 ê Vocus 起低厝仔，tī 重新交起新厝 ê 過程，我發覺家己下 ê 願確實有應效。向時 kā 我齪甲逐篇逐咸豐三，講到今 ê 鬼仔古 m̄ 捌閣發生。
跟綴拯救莎曼珊：逃離童年創傷的復原旅程揣一个角勢安弄舌盒子，確實有應效。起因無論是眾人前世齊是罪犯 ê 靈修會，抑是消遣別人悲傷 ê 食飯會 buē 閣 hōo 我心有所感想 bueh uī 𪜶寫論文。不而過，一搪著鳥仔喙我規魂舒就無自在，需要翻頭熥 Eva tuì 作者講 ê 話。總是我感謝鳥仔喙 ê 故事，伊 hōo 我揣著用伊 ê 塗，糊伊 ê 壁，德國事交 hōo 德國人去講。
「Hape 分張 ê 鳥仔喙翁仔某交奧地利女士 hām Bodenseepilger 有面熟無？」我問向望我交𪜶爸母是司公仔象桮 ê 翁。伊無應一句話 tshan-tshiūnn 我聽著伊講爸母代耳空隨做 Warum Beethoven taub wurde - Sketch History。
初初跟綴作者 ê 跤步進香翻草，我掠伊做是 uī-tio̍h 無法度改變自來行向朝聖之路，畢竟 gún 翁 m̄ 捌 tuì 我分張，作者 m̄ 捌要意伊 ê 自來。所致，tī 我猶未讀甲致身命迷眾 tuì 情緒行入低坎 ê 作者講伊講過 ê So'n krankes Publikum haste auch nicht oft, was?（你 mā 無定定搪著遮爾仔痟 ê 觀眾，著無？）我一直用家己交「紐西蘭阿母」無宛 2 體 ê 愛情回應作者 ê Wer bist du。
Meine Schwäche ist auch meine Stärke 我 ê 軟汫 mā 是我 ê 儼硬。Hegel 講世界歷史是自由意識 ê 進步，我 ê 人生歷史順這段故事 m̄ 捌進步，真頇顢。
因為影戲 ê 趣味交簡單 hōo 認定紙本 mā 是按呢生 ê 一日月就有才調 kā 三百外頁 ê 冊讀煞。無疑誤，代誌 m̄ 是戇人想 ê 遐爾仔簡單，我讀甲連龜 mā 閒我傷過𠢕趖。不而過 tī 這个趖 ê 過程我得自在，我 buē 閣目讀德文心綿豉翻譯做華文 tsiah 有才調理解。
因為 kā 影戲當做紙本 ê 延續 hōo 我閱讀紙本捷捷窞落看著榫空卻揣無榫頭 ê 捎無寮仔門到最後一頁 tsiah 想著愛翻頭去揣影片預告，原來如貓。影戲 ê 女記者是一路 hōo 假朝聖真狗鯊訓練出一套斷真假笑微微 ê 英國女子 Anne。代替無機會完成朝聖之路 ê 阿母，是夜行者 ê 紐西蘭阿母。𪜶交作者 mā 確實做陣完成朝聖之路，只不過紐西蘭阿母無 tī 朝聖路途交少年家相疊 mā 無失去查某囝，英國女子 Anne mā m̄ 是散仙 ê 性地。簡單一句，影戲有順原著（guân-tù）生湠主角 mā 有家己加添 ê 枝椏，像悲傷 ê 阿母交少年家相疊，作者 mā 跟綴朝聖者睏布棚。有榫空揣無榫頭 ê 問題得著解答，我 ê 心情宛然作者 tī Nachwort 後序所寫 ê ... hätte ich Annes verknautschtes Gesicht beim Abnehmen des Hörers gesehen! 迵過 Anne ê 留話我 mā 看著伊結做規丸 ê 表情。
影戲看煞 ê 10 冬翻頭想彼久 ê m̄ 捌聽看表情 ê 情緒，除了好笑猶是好笑，準做我有才調感受失去查某囡仔悲傷阿母 ê 悲傷痛苦 mā 跟綴伊滴 m̄ 甘 ê 珠淚，伊猶是無紙本帶 hōo 我深甲菲律賓海溝 ê 感觸。
代替查某囡仔完成伊無法度完成 ê 朝聖之路荷蘭阿母 tuì 作者 ê 祝福，行動無利便 ê 朝聖者恬靜有力 ê 完成連四肢健全者 mā 僫完成 ê 𬦰崎等等是比影戲閣較有力量並引𤆬我跟綴作者閣一斗 tī 人生 ê 道路問我家己，我是 tsiâ，紲落來發現我比家己認為 ê 自在閣較自在，這表示我接受 Der Weg stellt jedem nur eine Frage : Wer bist du。這條路 kan-ta 問你這个問題，你是 tsiâ。
這是我第一斗完完整整 kā 閱讀感想寫 tī 紙頂，紲落來順若蟲 ê 文字轉做一篇總算交原著有相關 ê 閱讀心得 hōo 我又閣成做阿貓一隻問家己，呔討 ē 按呢生？這个答案自這篇文章寫 bueh 3 工猶是感覺無好勢 ê 這久，我放棄成做愖題者，就請作者代替我這位大舌閣興喋者做說明。
- Gott ist das eine Individuum, das sich unendlich öffnet um alle zu befreien.
Und das Gegenteil der Göttlichkeit ist meiner Ansicht nach die Umkehrung dieses Satzes:
Alle, die das ein Individuum erdrucken und sich dabei selber zerquetschen.
上帝是彼个無限開放家己來解脫眾人 ê 個體。就我來看，神性 ê 另外一面是這句話 ê 另外一面：壓迫個體 ê 人，𫝛時 mā 是壓迫並硩死家己 ê 人。
無虔誠信仰 ê 我相信世間有神，這个神是佛祖？是耶穌？是阿拉？是印度象神？無論伊是佗一个神 tuì 我來講齊是神。我 ê 人生道路 m̄ 管是自揣抑是別人硬 bueh 楔 ê 齷齪 tuì 我來講宛然作者 ê 領悟，壓迫個體 ê 人，𫝛時 mā 是壓迫並硩死家己 ê 人。人生行到這个坎站我非常確定我無壓迫別人，總是按別人硬楔 ê 壓迫成做壓迫並硩死我家己 ê 石頭，我需要 kā 伊徙走，並以無傷害 ê 方式來結束這个接力走標，彼就是：
- Jeder Mensch sucht nach Halt, Dabei liegt der einzige Halt im Loslassen.
每一个人攏 teh 追求接力，但是唯一 ê 接力就是放手。
大牛換肩 ê 龜叨鱉趖已經成做過了代，困擾我 mā hōo gún 翁仔姐 uī-tio̍h 𪜶 kā 緣份修甲 kiōng-bueh 無半份 ê 翁兜鳥仔喙爸母 mā 已經成做我放手 ê 走標。
Lieber Gott, danke dir, dass ich nicht so aussehe!
初版
Manchmal ich habe gedacht, viele Leute müssen den Jakonsweg gehen wegen diesem Buch, "Ich bin dann mal weg".
Ich meine in Taiwan.
Aber wirklich ist wie was ich denke?
Keine Anhnung.
Aber, ich muss ehrlich sagen, nach dem Buch in Asien, plötzlich viele Leute sagen mir, ich muss den Jakobsweg gehen.
Vorher gab es das gleiche Buch in NL.
Mich hat der Jakobsweg noch nicht interessiert.
Aber ich bin immer am Buch interessiert, besonders die deutsche original Version.
Und ich muss sagen, ich habe Schwein gehabt, weil nachdem vielen Jahren, endlich der Preis ist ok für mich.
Ich weiß, ich bin geizig.
Wenn das Buch noch original Preis hatte, meine Augen sind Blind.
Wenn das Buch als besonderes Angebot verkauft wird, mein Augen sind ganz gut wie Adler.
睏天路車日子 Camping mit Caddy (21)