亂皂𥴊仔店 ⓂⒺⒾⓃⓀⒾⓄⓈⓀ

拆白講 Phián-khè-khò 交格仔餅無敆我 ê 喙斗，因為甜度超過若大象身材 ê 我有才調接受 ê 範圍。無愛食𪜶 mā m̄ 是驚大象行向恐龍，是甜路 tuì 我正港無路。

部落格捌記錄我學習做麭 ê 因由，這久 ê 我開始愖無愛食甜路呔討做甜路 ê 因端，順記持麭幼仔行轉去 2012 我揣無在水 ê 記持，不過我想合該然交死愛面子佮張面皮有相干，特別是參加面冊煮食社團 ，ē 曉扞鼎是四常，ē 曉做麭做甜路是十八港路行透透 ê 𠢕人。

我無興成做出名人 mā 無彼个才調成做出名人，總是人 tī 羊仔世界無成做羊仔是 Mission impossible，特別是人 tī 虎尾合同廳社讀著「分享文化的溫度」無骨力跟綴煮食社團做羊仔誠對不起逐家。 這久順記持 ê 麭幼仔行轉去攑香綴拜 ê 日子，感覺是舞豬舞狗，不過人生本底就愛舞豬舞狗 tsiah 有才調行向閣較好 ê 家己，像人生食過龍眼好食核烏烏，搪著相𫝛 ê 問題 buē 閣翻頭行仝條路 m̄-koh 知機按怎處理 hōo 家己莫閣成做別人 ê 喙邊肉，委屈過日。

寒人 ê 德國塗肉林檎大出，一袋一袋 2 公斤賣，一袋一袋無夠 1€，特別是外表較無遐媠 ê 塗肉林檎。今年這款塗肉林檎又閣特別 tsuē，所致價數閣較媠，媠甲 hōo gún 翁又閣認為伊是𠢕拑家 ê 人一斗捾 5 公斤轉來講，林檎𠢕囥，免驚。

塗肉林檎 tuì 我來講是飯食過幾仔斗 tī 伊猶未成做 Mn̂g-sng 進前 kā 伊安搭 ê 莫無枷夯交椅 ê 食物。

「你家己 bué ê 塗肉林檎家己銷」見著 gún 翁又閣捾一袋塗肉林檎轉來，我隨 kā 規則品 hōo 明 hōo 伊免數想我 ē 成做伊 ê 角色，𪜶爸母無愛 ê 物齊寄 hōo 伊處理，閣講「遮 ê 物適合你適合甲峇峇峇。」

有頂回硩注 ê 經驗，這斗伊老神在在講「無問題」，總是 gún 雙方齊知機，伊無我 ê 骨力伊 buē 削來食，我見塗肉林檎 m̄ 捌減過一粒 thenn tī 櫥仔內，我規身人 ē 著蛆一四界揣食譜來治療家己 ê 病症。

 「你免向望我著蛆 kā 你鬥相共」我搭胸坎講。

「我知影」伊 mā 頓印仔講。

押尾這場塗肉林檎大戰又閣成做做賊一更，守賊一暝，我一四界揣食譜來銷自伊來 gún 兜做客 m̄ 捌受地動影響猶原懸甲若玉山 ê 塗肉林檎。 

我無愛食甜路 mā 無愛食粿路，總是 uī-tio̍h 塗肉林檎山會使得換新栽就手䘼撆起來，來煎網路揣著 ê 塗肉林檎 Phián-khè-khò。

栽欉  --- 2021.12.25

翻田塗 --- 2025.06.06

 

塗肉林檎 Phián-khè-khò

...... 材料 ......

中黐麵粉　80g

牛奶　130ml

馬鈴薯泥　400g

卵　1

鹽　1/2TL

發粉　1/4TL

 

...... 步數 ......

1. 材料濫做一伙抐 hōo 齊，落鼎煎 hōo 兩面赤赤，樂暢來食。

Ehrlich gesagt, ich mag kein Pancake oder Waffel, weil sie ist süß, sehr süß für mich, dann warum machst du sie immer noch?

Einfach so, die Eitelkeit. Ja, die Eitelkeit.

Ich weiß nicht, dass in Europa die Idee hat, du weißt, wie man asiatische Küchen macht, du bist ein Gourmet, aber leider wir haben die Idee.

Naja, die Idee passt nicht allen, aber viele Menschen haben die Vorstellung, ich meine Taiwanesische, deshalb wenn ich also lerne, wie man backt, muss ich unbedingt Waffeln und Pfannkuchen ausprobieren.

Warum muss ich das probieren?

Ich weiß es nicht so genau, aber für mich ist es eine Möglichkeit, den Leuten zu zeigen, dass ich eine Person bin, die weiß, wie man backt, die Eitelkeit.

Seltsam, oder? Aber ich denke, der deutsche hat das gleiche Problem, ich muss den Leuten zeigen, dass ich derjenige bin, der weiß, wie man kocht.

Wir müssen europäisches Essen zeigen, Deutsch muss zeigen, wie viel Küchenmaterial ich habe. Niemand will niemand sein, alle haben ein zu großes Ego

Das Ego und die Eitelkeit, wie viel es wert ist?

Jeder Menschen hat eine Idee, für mich sind sie nicht wertwoll. Aber jetzt habe ich ein großes Problem mit den Kartoffeln, ich muss jedes Rezepte ausprobieren, bis die Kartoffeln verschwinden.

Wer hat das Problem gemacht, näturlich, mein lieber Mann.

3 kg nur 1.69€, das ist super günstig, sagt er.

 

Kartoffelpuffer

...... Zutaten ......

Kartoffelpüree　400g

Mehl　80g

Buttermilch　150g

Backpulver　1/2TL

Salz　1/4TL

Ei　1

 

...... Zubereitung ......

1. Alle Zutaten gut mischen, in die Pfanne geben und anbraten bis sie goldbraun sind. Guten Appetit!

Honestly, I don't like a pancake or waffle, becasue it so sweet, very sweet for me, then why are you still doing it?

Simply, the vanity. Yes, the vanity.

I don't know in Euopa has the idea, you know how to make Asian kitchens, you are a gourmet, but unfortunately we have the idea.

The idea doesn't fit all, but many people have the idea, i mean Taiwanese, so when I learn how to bake, I definitely have to try waffles and pancakes. 

Why do i have to try this?

I don't know exactly, but for me it's a way to show people that I'm a person who knows how to bake, the vanity.

Funny, right? But I think the German has the same problem, I have to show people that I am the one who knows how to cook.

We have to show European food, German has to show how much kitchen equipment i have. Nobody wants to be nobody, everyone has too big an ego.

Ego and vanity how much it is worth?

Everyone has an Idee, for me they are not valuable. But now i have a big problem with the apples, i have to try every recipe until the apple disappears.

Who did the problem, of course, my dear husband.

3 kg only € 1.69, that's super cheap, he says.

 

Potato Pancakes

...... Ingredients ......

Mashed potatoes　400g

Flour　80g

Buttermilk　150g

Baking powder　1/2TL

Salt　1/4TL

Egg　1

 

 

...... Method ......

1. Mix all ingredients well, add to the pan and fry until gold brown. Enjoy your meal!