「Telegram 有人紹介資源回收市場你有興趣踅無？」
德國 ê 資源回收市場、賊仔市、二手商店是無仝概念。賊仔市無價數，愛交攤仔喝價。二手商店店面媠媠，大多數是 bué 稀罕無 bué 俗物。資源回收市場賣人 buaih 愛不而過猶通延續歲壽 ê 物，𪜶賣 ê 物件因為免本錢，所致一切正正港港是敗價，只要你莫要求伊無任何損傷。
「街路不三時有人分張好物 m̄ 免專工 bué 敗價物轉來囤」我講。
「這間交四常 ê 回收場無相仝，𪜶是專門去百貨公司、餐廳、大賣場貿貨底轉來賣，價數是市場 ê 三折。」
「這表示𪜶 ê 物齊是過時 ê 新點點？」
「這我就 m̄ 知影，不而過分張者講伊 tī 遐 bué 膨椅、眠床，簡單講厝內大細項有九分一攏按遐來。」
跍踮厝做柯南較輸直接揣答案，翁仔某時間撨好勢隨出發。
「咱來工業區 bueh 創啥物？」gún 翁 kā 車停踮貨車邊，我倒看正看看無回收場基本回收桶隨問。
「遮就是回收市場」gún 翁手那擛我落車喙那講，我外套囊 leh 看眼前交台中工業區無宛二體 ê 鐵筒有一種講轉到台灣 ê 感覺，無論街路抑是工廠建築。
「恁德國人 kā gún 偷學建築美學」我笑講。
「上好是按呢生」gún 翁鴟鴞肩笑應，我 mā 順伊手指 ê 方向泅入賣場，紲落來按分類一區一區踅，踅甲無雙跤踏雙船，心頭亂操操，不而過有因為物件密甲若春天發出來 ê 花草遐爾仔密 hōo 我頭眩帶若帶膭 ê 喙清。
「你凡勢較適合收錢，無適合開錢」物件 bué 好，若帶膭 ê 喙清隨走無見人。
「恁工業區街 ê 路 m̄-nā kā gún 偷學，連賣場空氣 mā 相𫝛，翕甲 hōo 頭眩喙清」正經無頷腫，內底 ê 空氣 hōo 我想著若小北門類 ê 五金百貨店 。
「這間回收場 ê 物件有 ê 敢若按人家厝來，起因無法度鬥一對抑是一雙」我講。
「𪜶是專門 ka̋ng 收厝內人無人 bueh 接收轉去塗州賣鴨卵 ê 人，𪜶在生使用物 ê 回收場」知影牽手厚譴損，伊 kā 這件代誌囥到這陣 tsiah 講。
「按呢你知影愛按怎處理我 tī 德國留 ê 物件」我微微仔笑應。我確實厚譴損，不而過遮是德國 m̄ 是台灣，所致免綿死綿爛要求一致。
「你今仔日 bué-ê 杯仔 kan-ta 一對，彼表示是厝內人 ê 物 m̄ 是貿貨底」翁講。
「按一疊閣一疊若五金百貨換到萬項無法度鬥一對 ê 杯仔、攕仔我就想過這个問題，不而過遮是德國 m̄ 是台灣」我 kā 入港隨灣，入鄉隨俗閣餾一斗 buē-su 伊是一張平安符 ē kā 我 ê 驚惶𤆬走仝款，不而過我確實無要意遮 ê 代誌，起因遮確實 m̄ 是台灣，台灣 ê 譴損我又閣認捌偌 tsuē，這个題目 mā hōo 我好玄，不而過會使得確定 ê 代誌是 tī 台灣我 buē 去踅墓園 mā buē 抾人囥踮門口埕 ê 物。
Buē 踅墓園是我感覺台灣 ê 墓園 hōo 我無自在，這凡勢交譴損有相關，buē 抾人囥踮門口埕 ê 物是，我清楚知影彼絕對 m̄ 是無料分張，若是無料分張大多數 mā 漚甲無法度繼續使用，貧惰請專人來收就囥外口 hōo 骨力人來回收。
「你敢是因為法國 ê 玻璃比德國出名 tsiah 揀彼一對？」翁若雄雄想著家己好玄 ê 問題，緊承話尾。
「法國有玻璃？」
「𪜶 ê 玻璃工藝頂港有名聲，下港上出名，你選 ê 彼對玻璃杯仔一對三歐圓是敗價中 ê 敗價」gún 翁用有眼光 ê 表情 kā 我褒嗦 hōo 我歹勢甲「歐洲玻璃我 kan-ta 知捌德國交意大利，德國是媒體紹介，意大利是有朋友 uī-tio̍h 成格（tshiânn-kik）飛到意大利 bué 伊愛 ê 水晶吊燈。法國出名物我 kan-ta 認捌交我八字無半撇 ê 時行穿插交米其林...」
「彼杯仔新甲 m̄ 捌用過，合該然是收藏品」翁講。
「我 mā 是按呢認為，不而過我會選擇伊除了伊是一對閣有伊較食相峇我 ê 虛華。」
事實確實證明，正港食相。
Merci beaucoup
Den Tag fahren wir nach ... Ich weiß nicht wie es heißt.
Aber für mich das ist ein Recycling Laden, aber mein Mann sagt der Laden kaufen die Sache von die Menschen im Himmel sind.
Also... Ich komme aus Taiwan, normalerweise ich werde..." Oh, mein Gott, das ist verboten ".
Aber, hier ist Deutschland, ich habe das Problem nicht.
Warum? Deutschland glaube an den Teufel, wir glauben den Geist, so, das ist anders.
Wie deutsche spazieren auf dem Friedhof, wir nicht.
Und besuche ich den Friedhof?
Ja, aber nur in Deutschland und Europa nicht in Taiwan.
Den Tag besuchen wir den Laden, denke ich...
Wie viele Sachen brauchen wir und ist unser Schatz ein Schatz oder ist er Müll für andere Menschen?
Ich weiß nicht, aber ich bedanke die Sachen die Menschen teilen, und ich sage mir bitte vor dem einkaufen, denke dass es ist genau das was ich brauche.
Ja, die Gläser kaufe ich in dem Laden und kosten 3€.
That day we're going to... I don't know what it's called.
But for me that's a recycling shop, but my husband says the shop buy the thing of the people are in heaven.
Well... I'm from Taiwan, usually I'll..." Oh, my God, that's forbidden".
But, here is Germany, I don't have that problem.
Why? Germany believe in the devil, we believe the ghost, so, that's different.
Like German walk in the cemetery, we don't.
And do I visit the cemetery?
Yes, but only in Germany and Europe not in Taiwan.
The day we visit the shop, I think....
How many thing we need and our treasure is treasure or is it a rubbish for other people?
I don't know, but I thank the things that people share, and I tell myself please before shopping, thinking that it is exactly what I need.
Yes, I buy the jars in the shop and they cost 3€.
睏天路車日子 Camping mit Caddy (21)