亂皂𥴊仔店 ⓂⒺⒾⓃⓀⒾⓄⓈⓀ

「我逐日 uī 伊款三頓，伊 m̄ 食就是 m̄ 食」老母按受氣行向無 ta-uâ tuì 人開拆厝內囡仔是按怎喙白，hőng 投喙白 ê 囡仔 mā tshan-tshiūnn 有耳目無喙 ê Hello Kitty 恬恬陪伴老母接受訪問。

「你敢 bueh 佮 gún 分張你無愛糜飯 ê 因由？」

「糜飯是苦毒 m̄ 是享受」囡仔無 tshan-tshiūnn 這个年歲 ê 囡仔，bueh 講實話進前愛先檢查爸母 ê 態度。

透早那款早起頓，那聽德國醫療類 Podcast，聽著這段我 tuì 囡仔感覺 m̄ 甘同情，目箍㴙㴙落 ê 淚珠卻無表現我 tuì 這件可憐代 ê 憐憫，實在有夠歹勢。

早起頓款好翁仔姐做陣食飯，我 kā 這段訪問放送 hōo gún 翁聽，伊聽煞笑甲吭跤翹講「這个囡仔合該然 hōo 𪜶老母一四界投天告地投甲慣勢。」

「這表示這囡仔並無放棄屬於伊 ê 囡仔權利」我刁意故講。

Gún 翁無紲喙恬靜食伊 ê 早起頓，起因食到半老老 ê 伊猶原 m̄ 敢 tuì 𪜶爸母主張伊 ê 權利，準做伊一屑仔攏無佮意𪜶爸母 ê 主張。

前幾日坐火車有人無料分張 Stuttgarter Zeitung ê 紙本，當當我正巡倒巡想 bueh 繼續無料傳承落去，一篇無講蓋長 ê 報導 hōo 我決定甕肚 kā 報紙紮轉來厝。

「遮有一篇新聞誠有意思，你會使得讀看覓」我 kā 報紙交 hōo gún 翁斡頭伐去廚房做好牽手。伊順我手指 ê 報導讀無幾分鐘隨綴來廚房講「我得著一隻豬（Ich habe Schwein gehabt，好字運）。」，我越頭微微仔笑 tuì 伊講「咱互相鬥相共。」，確實無互相鬥相共，我骨友出菜 mā 是無較縒，像彼位 hōo 肝包油影響健康 ê 先生，𪜶牽手 tuì 醫療團隊 ê 食食建議一屑仔攏無要意。生份人兜代我無參與就莫家婆 uì 伊寫論文。

新聞報導，德國平均年歲愈來愈短，短甲連交𪜶相𫝛食食文化 ê 瑞士攏地比較。二戰後 ê 德國女性𪜶 ê 平均年歲雖罔有減少，不而過猶原維持 tī 80 歲這跤兜，男性縮減到 80 攏無法度行跤到。

人講，病疼 ē 遺傳，這我相信，gún 翁 ê 食食慣勢交𪜶爸母無宛 2 體，無愛食菜蔬，愛食甜粅粅兼無愛運動，伊晏𪜶阿母十冬去病院 hōo 醫生𠞭膽，紲落來敢有機會承關節炎有 ê 無 ê，這需要觀察，才怪。有我扞鼎伊向望 ê 傳承是較早睏較有眠，畢竟我 ê 人生興趣無包括 kā 藥仔做飯食。

「借問先生今仔日出 ê 白花仔菜料理敢有敆你 ê 脾土？」下昏飯食飯飽翁仔姐做陣食茶，我想著透早趕 bueh 出門 buē 記得做 ê 鵁鴒代。

「有。」

「你會使得照實講，大丈夫」，扞鼎到今猶原感受 gún 翁 uī-tio̍h 假影 ê 和平，掩崁伊真正想 bueh 表達 ê 意見。

「我無田螺循舊路，較行 mā 仝路，今仔日 ê 白花仔菜交荷蘭豆齊敆我 ê 喙斗」，講白賊非伊專業，我微微仔笑 mā tìm 頭表示我理解。

「可憐 ê 囡仔，飯頓合該然是享受 m̄ 是苦毒」伊咂一喙茶，敢若想著啥物代誌家己喃喃仔講。

我相信伊肯定想著囡仔 ê 家己。

願每一位交 gún 翁 bueh 拄過相𫝛故事 ê 囡仔，攏有機會拄著交伊相仝 ê 機會，理解食飯頓是享受 m̄ 是苦毒，特別是脫離「控制」後 ê 人生。

 

雞肉白花仔菜咖哩

...... 材料 ......

白花仔菜，剺蕊	1
雞襟胸	300g
洋蔥，刴幼	1
荷蘭豆	200g
椰子奶	100g
芥辣醬	1TL
甜番薑仔粉	1TL
印度咖哩粉	1EL
薑黃粉	1/4TL
滾水
蒜頭，剁幼
薑，礤薟
芳料草
鹽、胡椒

...... 步數 ......

1. 雞肉、芥辣醬濫做伙，捉 hōo 齊，落鼎炒 hōo 赤赤，提出來。

2. 洋蔥、蒜頭、薑落鼎芡芳，白花仔菜、滾水、番薑仔粉、印度咖哩粉、鬱金粉、芳料草濫落去煮10分鐘。

3. 荷蘭豆、雞肉、椰子奶濫落去，煮10分鐘，tiàu 寡鹽、胡椒，樂暢來食。

---

---

---

Das Kind sagt, das Essen ist angespannt, ich sagt, das Essen ist zum genießen, sagt mein Mann.

Wir wissen nicht bis wann, sage ich.

Doch, mein Leben wie Gott in Frankreich.

Gott wohnt in Bulgarien.

Ich bin noch nicht in Renten und hier ist es wie im Himmel.

Ich weiß nicht, weil mein Mann hat viel Problem über das Essen, besonders Blumenkohl, Zuckerschoten und so weiter.

Naja, du weißt das Essen wie furchtbar über meine Mutter und wie große gespannt das Kind teilt.

Stimmt, sie ist der Gott deiner Familie, aber leider nicht mein Gott. 100 für das leckere Essen, bitte.

Ich habe kein Problem mit Malzeiten, weil mein Mutter hat mir immer gesagt, isst du nicht, kein Problem, weil, sie weiß ich komme später...wenn ich hungrig bin

Hier in Deutschland, ich habe das gesehen, ich kann nicht sagen wie oft ich es gesehen habe, aber genug wie das Kind aus Fernsehen teilt --- Das Essen für mich immer angespannt.

Warum isst du nicht, Isst!

Du isst jetzt nicht, kein Eis, kein Bonbon, kein Nachtisch, kein....!

Ich sage, Isst, jetzt!!!

Ich bin kein Fan davon, Leute zu kontrollieren, und mein Hobby ist es nicht, ein Gott zu sein, der den Leuten sagt, was sie zu tun haben, wie die Mutter meines Mannes, die jede Minute wütend ist und sich beschwert. Das ist schrecklich und macht mich so müde. 

Ich liebe den Frieden, und ich möchte, dass die Menschen das Essen und das Leben mit mir genießen.

Ich hoffe, dass jedes deutsche Kind, das das Problem wie mein Mann hat, in Zukunft das Essen nicht als anstrengend, sondern als angenehm und genussvoll empfindet, wie mein Mann.

 

Hähnchencurry mit Blumenkohl und Zuckerschoten

...... Zutaten ......

Blumenkohl in Stücke geschnitten	1
Hähnchenbrust in Stücke geschnitten	300g
Zuckerschoten	200g
Kokosmilch	100g
Fein gehackte Zwiebel	1
Senf	1TL
Paprikapulver	1TL
Currypulver	1EL
Kurkumapulver	1/4TL
Wasser
Fein gehackter Knoblauch
Geraspelter Ingwer
Kräuter
Salz, Pfeffer

...... Zubereitung ......

1. Hähnchen mit Senf gut mischen und in die Pfanne geben und anbraten bis es goldbraun ist, dann rausnehmen.

2. Zwiebel mit Knoblauch und Ingwer in die Pfanne geben und anbraten bis sie goldbraun sind.

3. Blumenkohl mit Currypulver, Kurkumapulver, Kräuter, Paprikapulver und Wasser dazugeben und gut mischen, ca. 10 Minuten kochen.

4. Hähnchen mit Zuckerschoten und Kokosmilch dazugeben und gut mischung, ca. 10 Minuten kochen.

5. Mit Salz und Pfeffer abschmecken. Guten Appetit!

---

---

---

---

The kid says the food is tense, I say the food is to be enjoyed, says my husband.

We don't know until when, I say.

Yes, I live like God in France(Good life).

God lives in Bulgaria.

I'm not in pensions yet and it's like heaven here.

I don't know because my husband has a lot of problem about the food, especially cauliflower, snow peas and so on.

Well, you know how awful the food is about my mother and how much tension the kid shares.

That's true, she's the god of your family, but unfortunately not my god. 100 for the delicious meal, please.

I don't have a problem with meal times because my mom always told me if you don't want to eat, it's not a problem because she knows I'll come later ... when I'm hungry.

Here in Germany, I've seen that, I can't say how many times I've seen it, but enough like the kid from TV shares --- Eating is always tense for me.

Why don't you eat, Eat!

You don't eat now, no ice cream, no candy, no dessert, no....!

I say eat now!!!

I'm not a fan of controlling people, and my hobby is not being a god telling people what to do, like my husband's mom who is angry and complaining every minute. That's horrible and so tired for me. 

I love peace and I want people to enjoy food and life with me.

I hope that every German child who has the same problem as my husband will not find eating stressful in the future, but pleasant and enjoyable, like my husband.

 

Chicken Cauliflower Curry and Snap Pea

...... Ingredients ......

Cauliflower cut into pieces	1
Chicken breast cut into pieces	300g
Snap pea	200g
Coconut milk	100g
Finely chopped onion	1
Curry powder	1EL
Mustard	1TL
Smoked paprika	1TL
Turmeric	1/4TL
Water
Finely chopped garlic
Grated ginger
Herbs
Salt & Pepper

...... Method ......

1. Mix the chicken well with the mustard, add to the pan and fry until golden brown, then remove.

2. Put the onion with garlic and gingerin the pan and fry until they are golden brown.

3. Add cauliflower with curry powder, turmeric powder, herbs, paprika powder and water and mix well, cook for about 10 minutes.

4. Add the chicken, mangetout and coconut milk, mix well and cook for about 10 minutes.

5. Flavour with salt and pepper. Enjoy your meal!