亂皂𥴊仔店 ⓂⒺⒾⓃⓀⒾⓄⓈⓀ

Gún 翁 tī Telegram 舊物分張社團分張塑膠渧水籃隨有人講伊有興趣，兩人就開始討論交貨時間。

「對方是無國界組織彼類 ê 工作人員」我恬靜聽 buē-su 搪著大人物 ê 伊分張對方 ê 故事交伊上網看著 ê 相片頭殼那踅相踏黜 ê 機關。

「交田螺講話愛足斟酌，所致交你分張我 ê 想法進前我愛拆白，這是我 ê 想法你絕對會使得無同意」翁某又閣 uī-tio̍h 伊食爸母毒 hōo 伊 ê 六月芥菜假有心 teh 冤家量債，tuì 成做𪜶兜耳仔生兩葉，家己看 buē 著交田螺循舊逝，較行 mā 仝逝俱樂部一員非常無興趣 ê 我，直接攑關刀剖柴 kā 想法拆甲白白白。

「我個人認為伊來這个社團是 bueh 著無料廣告交招人客」我講。

「你想過頭矣」伊應，我無紲話，畢竟時到就知機。

阿波羅交黛安娜逐日互相走相逐，一日阿波羅 ê 金色頭鬃沓沓仔轉紅霞，翁講「對方邀請咱參加𪜶 ê 無料世界食飯會，你敢有興趣參加？」

「當然 mā 有興趣」我咂一喙林檎花草茶看阿波羅舒 ê 紅霞，頭殼開始踅世界食飯會彼日愛紮啥物菜蔬過去鬥相伨。

「對方講厝內無 bueh 食 ê 物件攏會使得紮來分張，伊 ē 順咱分張 ê 菜出菜。」交伊熟似十外冬，伊分張 ê 信息我需要 kā 𪜶當做膨紗衫㨨線斟酌繩材質。

世界食飯會日子沓沓仔行跤到，gún 翁順我 ê 車幫時間到車頭接我，伊見我捾一粒玫瑰萵仔菜隨問「你 m̄ 是講 bueh 分張咱兜 ê 菜擴，這久呔換做玫瑰萵仔菜？」

「根據資料德國人愛六分鐘出好料，菜擴順剾皮、切塊、落鍋仔煮至少愛 1 點鐘，m̄ 通無枷夯交椅」我講。

「你想過頭矣」gún 翁 kā 食飯會 ê 故事閣熥一斗 hōo 我聽，閣以搝懸聲做結尾「你無看相片遐是厚工 ê 食物。」我無應話，我做藝量 ê 部落格就 ē 揀相片貼，伊有店面 teh 經營敢 buē 比我閣較要意按怎吸引生份人 ê「目睭仁」。

世界食飯會結束 gún 翁問我感想，我講你先講「這實在有夠興趣，咱後回閣愛來參加」聽伊按呢分張，我非常確定無 kā 伊𤆬離開德國，伊 ē 愈活愈像𪜶爸母活 tī 家己 ê 世界。

「這回事我無法度 hōo 你答案，不而過我非常確定這是一場經過設計 ê 食飯會，無論菜單抑是人」凡勢向時是業務仔，所致我比 gún 翁較𠢕看妝娗 ê 商業行為。

這場食飯會我聽出邀請 ê 人講「今仔日 kan-ta 恁兩位是新人，另外三个人齊是 gún 家己人」ê 無地湠生理。事實 mā 證明 gún 翁仔姐自頭到尾無看排甲媠噹噹 ê 商品，甚至連一罐需要納錢 ê 麥仔酒抑是果汁攏無捾來開。M̄ 是 gún 翁仔姐鹹掛澀是 gún 自本就無啉酒 mā 無慣勢那食飯那啉果汁。

這場食飯會我 mā 發現菜單是經過設計，起因若是無菜單料理呔討有 Menü 通講，至少我 ê 玫瑰萵仔菜沙拉正港是無菜單料理，完全順彼日 ê 芳料、菜蔬做變化 hōo 食慣勢有蒜頭芳 ê gún 翁直直交代後回參加愛家己紮蒜頭添好味素。

「你 kā 你逐月日參加地圖食飯會交這斗 ê 世界食飯會鬥做伙看精差，你就知影啥物號做機關安 tī 倉庫」翁仔姐隔工做陣食早起頓，聽伊若參加心靈課程，我想著伊逐月日參加 ê 地圖食飯會隨提出來 hōo 伊做參考，順紲結束這个妝娗過 ê 食飯會。

世界食飯會彼日有夏金瓜，𫝛款 ê 夏金瓜按我手出菜 gún 翁嫌白汫無素，按別人兜出菜伊褒嗦褒甲火星去 hōo 我気持ち䆀，不而過 mā 無彼个心緒交伊閣湠一條戰線冤家量債就隨在伊媠花 tī 別人欉，媠某 tī 別人房。

世界食飯會 ê 隔轉工，伊愛早早出門，我一个人 kā 分配好勢 ê 白煠卵按冰箱挈出來，雙目斟酌繩菜櫥 ê 菜蔬交含水碳素，uī-tio̍h 伊 ê 喙斗 mā uī-tio̍h 莫交伊成做相觸雞仔，我誠久 m̄ 捌照顧家己 ê 喙斗，來煮一碗無啥物特別 m̄-koh 我足愛 ê 菜蔬卵咖哩。菜單一決定翻頭巡菜蔬，咖哩色水深煮尖頭草花無法調攝相 hōo 家己臭頭仔包布：防蠅（風神），敢有較深色 ê 菜蔬...一目巡過一目巡到夏金瓜我笑出來矣，夏金瓜我交你正港是冤親債主，冤家主，互相賒數僫掰清矣。

記錄這篇食譜記持 mā 開始食彼个無人望不而過捷 tī 網路交「愛料理烏面賊」相拄搪 ê 往事餌。這篇順德文食譜翻譯做〈菜蔬印度卵咖哩〉ê 食譜是唯一一篇無出現 tī 我 m̄ 捌見過 ê 雙生仔網頁， 這久熥食譜想 bueh 接紲舊底 ê 號名 hōo 伊成做文字監 ê 平安符。斡頭看停歇 tī 磚坪 ê 厝鳥仔那愖，當台灣厝鳥飛來歐洲交𪜶做陣停歇 tī 磚坪我敢有才調分別𪜶 ê 無相𫝛？答案是絕對分 buē 出來，不而過厝鳥仔絕對比我閣較清楚知影伊是 Tsiâ。

 

菜蔬卵咖哩

…… 材料 ……

甜番薑仔，切塊	1
洋蔥，刴幼	1
夏金瓜，切片	1
滾水	600ml
Khu-lì-mù	50ml
鬱金粉	1/4TL
咖哩粉	1EL
白煠卵	4
鹽、胡椒

…… 步數 ……

1. 夏金瓜落鼎煎 hōo 兩面赤赤，挈出來。

2. 洋蔥落鼎芡芳，落甜番薑仔、咖哩粉、鬱金粉炒芳。

3. 滾水、Khu-lì-mù 濫落去抐 hōo 齊煮 10 分鐘，夏金瓜、卵摻落去煮 5 分鐘，tiàu 寡鹽、胡椒，樂暢來食。

 

---

---

---

 

Mein Mann muss früh raus zum Arbeiten, das heißt wir können nicht gemeinsam Frühstücken und ich muss das Frühstück für ihn den Tag vorher vorbereiten.

Wir essen Brot nicht so oft, aber für der Fall die Styl Strammer Max ist ein gute Idee als Frühstück, weil es macht das Frühstück sabuer, ich meine, nachdem Essen man muss nicht das Geschirr spülen. Für den Styl das ist ein superbe Idee, aber leider es macht den Magen nicht Satt aber Fett. Aber, alles kein Problem, weil mein Mann ist deutscher, ihn sorgt das Fett nicht.

Wer in Deutschland lebt, kennt dieses Problem, vielleicht. Das Traditionell Strammer Max hat kein Gemüse, aber viel Butter zum Aufstrich dann 2 Scheiben Wurst und 2 Spiegeleier. Der Essensstil ist gut für die alten Zeiten, passt aber nicht mehr in die heutige Zeit. Die Deutschen haben jetzt ein großes Problem, essen zu viel und zu Dick.

Ich habe nicht allzu große Wünsche, aber ich möchte dass meinen Mann Gesund bis ich in Himmel gehen muss. Ja, lass mich das Leben genießen einmal, dass jemand weint für mich. Ja, das ist mein Ziel und Wünsche, wenn wir sind ok, kein Gift kommt zu uns. Das Gift von seiner Familie.

Das Strammer Max ist ein gute Idee, aber das Ziel für mich, er braucht viele Gemüse und leichtes Essen. Was ich hatte zu Hause? Römersalat, Möhren, das Perfekt und Wunderbar, jetzt braucht er Proteine. Was hatte ich zu Hause? Thunfisch? Nein, ich möchte keinen Thunfisch zum Frühstück essen, ja, einmal für zwei, meinen Mann und mich.

Spiegeleier? Ich bin zu faul, ich möchte nicht die Pfanne spülen. Aber, das gekochtes Ei ist auch eine sehr gute Idee, leicht und viele Proteine für die Muskeln. Und für das Ei ich kann Eiercurry mit viele Gemüse zusammen kochen.

Wer möchte das wunderschön Leben kommen, man muss nicht auf das unvernünftige gehorchen.

 

Eiercurry mit Gemüse

…… Zutaten ……

Paprika, rot in Stücke geschnitten	1
Fein gehackte Zwiebel	1
Zucchini in Scheiben schneiden	1
Wasser	600ml
Sahne	50ml
Kurkumapulver	1/4TL
Currypulver	1EL
Gekochte Ei	4
Salz & Pfeffer

…… Zubereitung ……

1. Zucchini in die Pfanne anbraten bis sie goldbraun sind, dann rausnehmen.

2. Zwiebel in den Topf geben und anbraten bis sie goldbraun sind, dann Currypulver, Paprika und Kurkumapulver dazu geben und gut mischen.

3. Wasser und Sahne in den Topf geben und gut mischen, ca. 10 Minuten kochen.

4. Eier und Zucchini dazugeben und gut mischen, dann weiter 5 Minuten kochen.

5. Mit Salz und Pfeffer abschmecken. Guten Appetit!

 

---

---

---

 

My husband has to get up early for work, which means we can’t have breakfast together and I have to prepare breakfast for him the day before.

We don’t eat bread that often, but for the case the style Strammer Max is a good idea as breakfast, because it makes the breakfast sabuer, I mean, after eating you don’t have to wash the dishes. For the style this is a great idea, but unfortunately it does not make the stomach full but fat. But, no problem, because my husband is German, he doesn’t care about fat.

If you live in Germany, you may be familiar with this problem. The traditional Strammer Max has no vegetables, but lots of butter to spread, then 2 slices of sausage and 2 fried eggs. The style of food is good for the old days, but no longer fits in with today’s times. The Germans now have a big problem, eat too much and too fat.

I don’t have too many wishes, but I want my husband to be healthy until I have to go to heaven. Yes, let me enjoy life once that someone cries for me. Yes, that is my goal and wishes when we are ok, no poison comes to us. The poison from his family.

The Strammer Max is a good idea, but the goal for me, he needs lots of vegetables and light food. What did I have at home? Romaine lettuce, carrots, this is perfect and wonderful, now he needs protein. Tuna? No, I don’t want to eat tuna for breakfast, yes, once for two, my husband and me.

Fried eggs? I’m too lazy, I don’t want to wash the pan. But, the boiled egg is also a very good idea, light and lots of protein for the muscles. And for the egg I can cook egg curry with lots of vegetables.

Who wants to come to the beautiful life, you do not have to obey the unreasonable.

 

Egg and Vegetable Curry

…… Ingredients ……

Red Bell Peppers cut into pieces	1
Finely chopped onion	1
Courgette cut into slices	1
Water	600ml
Cream	50ml
Turmeric powder	1/4TL
Curry Powder	1EL
Boild Egg	4
Salt & Pepper

…… Method ……

1. Fry the zucchini in the pan until golden brown, then remove.

2. Add the onion to the pot and fry until golden brown, then add the curry powder, paprika and turmeric powder and mix well.

3. Add water and cream to the pot and mix well, boil for about 10 minutes.

4. Add eggs and zucchini and mix well, then continue cooking for 5 minutes.

5. Season with salt and pepper. Enjoy!