亂皂𥴊仔店 ⓂⒺⒾⓃⓀⒾⓄⓈⓀ

翁講食林檎蓋健康，所以愛 bué 一袋2公斤半。看伊又閣受著價數 ê 影響，我講「你想 bueh 閣耍一斗俗物食破家 ê 活動？」

「我是𠢕扞數 m̄ 是食破家」伊應。

「曷無咱閣來做一改試驗，看 tsiâ tsiah 是彼隻雞」我講。

「好，彼隻雞決定 m̄ 是我」伊拍胸坎掛保證。

「我 kā 你掛保證，這注絕對又閣是我贏」我 uì 伊 ê 胸坎仔輕輕仔頓一个印仔。

一月日後彼袋 2 公斤半 ê 林檎原仔規袋好好 mā 沓沓轉型成做我囡仔時上愛食 ê「蘋果麵包」，不過伊是自然發酵 ê 酸芳味 m̄ 是 uī-tio̍h「蘋果」2字特別加林檎芳素 ê 化工物。

四常我 buē 遮爾仔討債 kā 物件囥甲生菇，總是 uī-tio̍h 這斗迒 buē 過 ê 驚 hōo 雷公摃落舂臼地獄 mā 是愛迒過，抑無我就入 gún 翁設 ê 囮，成做伊人生上愛 ê 女子𪜶兜勥母 ê 烏面賊。

林檎祀佛公祀一日月兼四常是好鼻獅 ê 牽手呔討步頻鼻 buē 著林檎沓沓仔 teh 發酵 ê 氣味，伊問「你敢鼻無咱兜有一種果子 teh 發酵 ê 味？」

「咱兜 ê 果子這禮拜 tsiah 款，遮 ê 果子猶茈需要隱，呔有可能發酵」我在水清楚伊 teh 講啥，總是硩好離手，無見答案 buē 使得撏錢賠注。伊知影牽手佯戇戇，uī-tio̍h 喙脣一粒珠，講話 m̄ 認輸，我上內行，準做鴨母食水龜，進退兩難 mā 愛跟綴牽手搬戲，畢竟牽手 tuì 𪜶兜愛搬 ê 戲齣像 buē 泅嫌溪狹交四界講死人欠伊偌 tsuē 債是鼻無鳥鼠無洗身軀，有鼠(趣)味，像𪜶勥爸按呢，愛甲若六月天 ê 火燒埔。

翁某互相比氣長，我心中無邪 m̄ 驚鬼據在林檎按青春少女行入杖朝(tiōng-tiâu)之歲，伊開始感覺交官窮交鬼死，交牛販食了米，交爸母愛榻本(thap-pún)，總是落軟開喙「我痟貪軁雞籠，鐵齒銅牙槽，愛激派頭張身勢像 gún 爸母凡事認為家己𠢕 ê 假𠢕，這林檎閣繼續囥落去連漚梨仔攏比伊好味素，我敢會使得請媠某你 kā 我鬥相共處理這个問題？」

當著伊變款，我第一个動作就是 kā 手伸去焐伊 ê 頭殼額，這个若貫捾(kǹg-kuann)求平安 ê 動作 mā 是六月蚶，開喙臭前 ê 保庇，無伊我真僫換好喙。

「我無發燒，無變款」翁知影這是牽手答應 ê 動作，我微微仔笑應「愛著較慘死。」

「啥物意思？」翁問。

「意思是我非常願意 kā 你鬥相共」我輕輕仔搭伊 ê 胸坎，後一秒隨泅入網路請眾神鬥相共，核桃林檎醬、煎餅....

2025.05.21 翻頭看 2021.12.05 彼陣 ê 骨力，林檎煎餅成做歷史，彼陣 ê 核桃林檎醬成做白汫無味 buē 閣翻頭相借問，彼久 ê 黃蓮(n̂g-nî)水洗頭，苦惱 mā 跟綴心境轉變成做狗拍咳啾，免掛意 ê 隨人付米，隨人落鼎。寫部落格正經是一件好代誌，伊引𤆬我行出做木 ê 戴枷：情緒烏空交自我叨撚。

感謝部落格 hōo 我揣著綁青掛豬肉 ê 方法 mā 感謝家己 buē 閣十五枝枴仔攑雙手，七拐八拐，一直騙家己 Alles kann besser werden 一切 ē 愈來愈好。規魂舒齊毒 ê 人，伊 tshan-tshiūnn 海沙仔厝，伊 buē 因為你骨力翻厝，遐 ê kā 你齷齪甲心狂火著兼財庫愈來愈空 ê 問題就 ē 走甲無看影，解決海沙仔厝唯一 ê 辦法就是規間敲掉重起。 

海沙仔厝消失幾仔冬，厝內 ê 林檎自 2021.12.05 mā m̄ 捌閣痟貪軁雞籠 ê 掠做家己是𠢕儉起樓堂，m̄ 是 buē 儉賣田園 kā 家己舞甲若隱疱拋捙輪，食力閣歹看，gún 兜 ê 林檎猶原跟綴市場變化成做序大 ê 番薯，食甲 ē 驚。

阿羅來德國做穡，gún 翁仔姐看伊按 buē 娶某到娶某生囝 ê 因為稅厝 ê 空間無夠晟養第二个囡仔搬離 gún 社區，伊猶是不三時交 gún 分張伊 ê 工作福利 hōo 頇顢 tī 臺灣交人盤撋到德國閣較飯桶交人成做厝邊 ê 我感受囡仔時厚厚 ê 人情味 mā 有機會享受四常較 buē 投資 ê 果子，像算粒賣 ê 時計果、大細若拳頭拇一粒就愛 5€ ê 王梨抑是木瓜。

阿羅交 gún 分張福利品進前，我 tī Netto mā 捾一袋 2 公斤半，一公斤價數無到 1€ ê 林檎轉來做敆優格 ê 果子料。Tī 這捾林檎敢若《屁窒仔的謝師宴》〈望後冬〉ê 菜頭，阿羅 mā 捾一袋𫝛公斤數，只不過包裝袋仔換做紙袋仔 ê 林檎 hôo gún，我喜歡甲直講多謝，斡頭隨上家己 ê 部落格揣記錄過 ê 食譜，畢竟這久是立夏，青蘢蘢林檎 mā buē 堪得夏天 ê 甜言蜜言，一暝睏醒按囡仔轉骨做少女閣成做婦人人。

林檎敆生菜做生菜盤，林檎敆鱷梨仔絞做林檎鱷梨仔醬，林檎敆挽肉做林檎肉豉仔，遮爾仔骨友食林檎，林檎猶原若玉山懸度 m̄ 捌減少過...放家己自由莫閣叨然點璜火燈。

「食物遮討債，揣佛祖進前，先揣閰王」囡仔時搪著無愛食 ê 物，想 bueh kā 伊偷偷仔提去倒潘桶 hōo 輪火鬮 ê 阿媽摠著，阿媽齊講這段話 hōo 我到今 m̄ 敢留半屑仔肉幼仔 tī 碗盤，抑是像德國厝邊按呢物件 bué 一大堆，紲落來規隨个仔隨个保持完整出現 tī 糞埽桶。大狗盤牆，細狗看樣，gún 翁 mā 捌按呢生。

部落格記錄 ê 核桃林檎醬拆白講白汫無素無敆喙 m̄-koh 攝影 buē 䆀看...莫 kā 走徙。按家己 ê 部落格搬徙到 Google，按 Google Apfelaufstrich 請示到 Apple Spread 敢是林檎 ê 特性，德文交英文齊是甜粅粅？不過林檎就有才調交紅菜頭 hām 薑成做果子醬，當我想著這味有淡薄仔薑薟 ê 果子醬，Google 齒盤 mā 生出 Apfel mit Möhren Aufstrich，目標設定好勢隨請 Google 鬥相共，一切就著頭甲一帆駛甲到。

Google 請教來 ê 食譜是罐頭鴟鴞喙豆敆林檎絞做醬，第一斗試鹹汫我順 Google 食譜手路出菜，伊誠好味素，總是伊 tuì 我來講較成果子醬抑是 Apfelmus 林檎泥，較無抹醬 ê 範。

厝內猶有 2 月專工去捷克越南人市場絞頭鬃順紲踅超市款轉來 ê 鴟鴞喙豆焦料，隨攢 150g 兩人份浸水透暝，隔轉日𤉙點外鐘翕半點鐘，水湢 hōo 焦交林檎絞做若粕，嫌伊傷過焦 Khu-lì-mù Tshì-sù 濫落去閣絞一斗，這斗有 Hummus 鴟鴞喙豆醬 ê 形矣。

頂回出菜，凡勢是鴟鴞喙豆食水所致斤兩較無焦料實櫼 mā 凡勢無透 175g ê Khu-lì-mù Tshì-sù 所致這斗 ê gún 無才調田螺巡舊逝，較行 mā 仝逝 kā 鴟鴞喙豆醬食甲清氣啖啖，是講前幾日 ê 鱷梨仔牛奶凍醬 mā 透濫 400g ê 德國 Khu-lì-mù Tshì-sù，而且是這斗 ê 雙倍，gún mā 食甲清氣啖啖....數字正港是參考 m̄ 是唯一 ê 答案。

240g 2 人份 ê 鴟鴞喙豆罐頭，食甲清氣啖啖。

150g 2 人份 ê 鴟鴞喙豆焦料，愛食兩頓。

𫝛款 ê 鴟鴞喙豆無𫝛款 ê 料理手法 tuì 大腦感受飽滇哽胿敢有影響，這屬專業問題，weiter  跳過閬過，總是按這斗經驗我總算理解，鴟鴞喙豆呔討算做卵白質 ê 因端。 

 

林檎咖哩鴟鴞喙豆抹醬

…… 材料 ……

林檎，切塊	1
鴟鴞喙豆	150g
Khu-lì-mù Tshì-sù	175g
咖哩粉	1TL
蒜頭，刴幼
鹽、胡椒

…… 步數 ……

1. 鴟鴞喙豆順包裝料理，水湢焦。

2. 林檎、Khu-lì-mù Tshì-sù、蒜頭、咖哩粉、鹽、胡椒濫做伙，以調理棒絞做泥，樂暢來食。

 

---

---

---

 

Mein Mann sagt, ein Tag ein Apfel, der Arzt ist weit weg  von dir.

Ich sage, du möchtest das Geld nur sparen, weil, 2.5 kg billiger sind.

Nein, ich liebe Apfel, ich kann alle fertig essen.

Wirklich?

Ich mag kein Apfel, sage ich.

Ich weiss, kein Problem.

Dann….

Nach dem 1 Monat, da gibt’s noch funf Äpfel.

Ich sage mein Mann, die Äpfel sind fast wie Apfelhefe, wann kannst du die essen?

Leider nicht, ich kann nicht fertig essn, kannst du mir helfen, bittte?

Gerne, nur kostest Farbe lila 500€.

Nein, sagt mein Mann.

Nächstemal du kannst sagen, ich spare viel Geld, weil ich nur Gratis kaufe.

Du sparst dem Unternehmen Geld.

Deshalb helfe ich sehr gerne.

Du kannst das Geld in meine Tasche geben, ich helf dir gern das Geld sparen.

Ich suche den Apfelaufstrich und Google zeigt mir Apple Butter Spread, Apfel-Zwiebel Aufstrich oder Apfelmus. Apfel mit Zwiebel Aufstrich für mich nicht so besonders, Apfelmus habe ich vorher schon 2 oder 3 mal probieren, und das Mus ist Apple Butter Spread oder Marmelade, leider mein Zunge ist so dumm kann mir nichts sagen.

Ich liebe den Aufstrich nicht süß aber salzig schmeckt, liebes Google kannst du mir helfen, bitte?

Ja, ja, ja, wenn ich dir nicht helfen, ich kann keine Ruhe haben ~ There you go, Kichererbsen-Apfel Aufstrich. Oje, das ist ein sehr interessantes Rezept, vielen Dank, Google.

Dieses Rezept habe ich Kichererbsen aus der Dose und Kichererbsen getrocknet ausgeprobieren. Beide sind gut aber ich liebe den Gescmackt aus den getrockneten Kichererbsen und mit viel Knoblauch, Himmel!

 

Kichererbsen-Apfel Aufstrich

...... Zutaten ......

Apfel in Stücke geschnitten	1
Kichererbsen	150g
Quark	175g
Currypulver	1TL
Fein gehackter Knoblauch
Salz & Pfeffer

…… Zubereitung ……

1. Die Kichererbsen in einem Topf mit Wasser etwa 1 Stunde lang kochen, dann das Wasser abgießen.

2. Apfel mit Frischkäse, Currypulver, Knoblauch, Kichererbsen, Salz und Pfeffer gut vermischen, dann pürieren. Guten Appetit!

 

---

---

---

 

My husband says, one day an apple, the doctor is far away from you.

I say you only want to save the money because, 2.5 kg is cheaper.

No, I love apples, I can finish them all.

For real?

I don’t like apples, I say.

I know no problem.

Then….

After the 1 month there are still five apples.

I tell my husband, the apples are almost like apple yeast, when can you eat them?

Unfortunately not, I can’t finish, can you help me, please?

My pleasure, only costs color purple : 500 €.

No, says my husband.

Next time you can say I save a lot of money because I only buy I only buy the cheapest.

You save the money for the company.

So, i am also very happy to help you save money.

You can put the money in my pocket, this is my greatest help to you.

I search for apple spread and Google shows me apple butter spread, apple and onion spread or apple puree. Apple with onion spread for me not so special, apple puree I have tried 2 or 3 times before, and the puree is apple butter spread or jam, unfortunately my tongue is so stupid can’t tell me anything.

I love the spread not sweet but salty tastes, dear google can you help me please?

Yes, yes, yes, if I don’t help you, I can’t have peace ~ There you go, chickpea apple spread. Oh my, this is a very interesting recipe, thank you so much, Google.

This recipe I have tried canned chickpeas and dried chickpeas. Both are good but I love the taste of the dried chickpeas with lots of garlic, heaven!

 

Chickpeas Apple Spread

...... Ingredients ......

Apple cut into pieces	1
Chickpeas	150g
Curd Cheese	175g
Curry powder	1TL
Finely chopped garlic
Salt & Pepper

…… Method ……

1. Cook the chickpeas in a pan with water for about 1 hour, then drain the water.

2. Mix the apple with the cream cheese, curry powder, garlic, chickpeas, salt and pepper well, then puree. Enjoy your meal!