Buē 記持紮卷冊出門，等車 ê 車頭拄好有網路通消敨等車幫 ê 閬縫，隨𫝻 hōo 我摒甲空空 ê YouTube 𪜶 tī 無關鍵字 ê 幫贊之下出啥物 Überraschung。
凡勢 Google Search 見我 ê lòo-kher 是田螺循舊逝，較行 mā 彼逝齊揣飯頓圖，所致交 YouTube 綁做伙 ê 伊順我 ê 麭幼仔推薦 DAY DAY 台語台「#陳隨意 #家常菜 #公視台語台 ê 泰式涼拌荷包蛋超級開胃又消暑！荷包蛋原來還可以這樣煎！｜隨意好料理｜幸福好厝邊｜陳隨意 營養師余朱青｜食譜 料理教室｜公視台語台。」
四月天 ê 德國天氣猶無夠燒熱，不過這是一份敆 gún 翁仔姐簽定飯頓和平協議 ê 菜色：早起頓做陣成做歐洲人，下昏飯做陣成做亞洲人。 出菜前又閣成做貓想 bueh 知影歐洲敢有相𫝛 ê 味素隨請網路大神賜我智慧生。
Spiegelei Salat 拍落下，隨現一捾交卵有相關 ê Salat，像 Sommersalat Bunter Mix mit Spiegelei, Rustikaler Salat mit Kartoffeln und Spiegelei 這類以關鍵字做拋魚交以原意做拋網 ê 結果是無宛 2 體 ê 交幸福好厝邊一屑仔攏無相仝，繼續拋網繼續罟魚，總算 hōo 我揣著店設 tī 荷蘭 m̄-koh 生理做甲德國 ê 網頁 Thai-Salat mit Spiegelei 順這个網頁 ê 泰文寫法 YAM KAI DAO 拋網，掠著 ê 魚 tsuē 甲 hōo 我笑咍咍。
我討厭 Google 厚甲若蠓 ê 廣告，總是 Google 猶是比 CCleaner 交 gún 翁近來痴迷 ê Mullvad Leta 閣較好罟魚。
陳隨意總舖師 ê 醬料 tī gún 兜銷無路，我愛 ê 芫荽是龍鳳生活 ê 核子彈，所致我以 gún 兜 ê 喙斗順各路手路出一份無魚露 m̄-koh Sòo-sù 飽滇，菜蔬豐沛，卵包赤赤芳芳 ê YAM KAI DAO。
早起頓食飯飽照慣勢那窮碗盤那問喙白老嬰「咱 kā 美食家請教一下，這無魚露 ê 泰國料理敢有敆米其林 ê 喙斗？」
「當然 mā 是缺喙食蛤仔肉，峇峇」翁那挲腹肚那笑甲裂獅獅。
「按呢你 ê 露營食食又閣湠一味，特別是卵包料理按卵包羅馬萵仔菜湠甲 YAM KAI DAO」我講。
近來又閣爸母上童 ê 伊隨剾洗家己「我真正無法度理解，我呔愛遮爾仔得失土地公，飼無雞，我明明就愛灶空炰田蛤交你相佮....」
「灶空炰鱔魚，愛燒鰻(相瞞)交綿死綿爛欠錢怨債主，不孝怨父母，十五枝枴仔攑雙手，七拐八拐一直騙是恁兜 ê 傳統」我峇微笑應。
「我交𪜶明明是門扇鬥 buē 峇卻一直做寡隱痀拋車輪，頭較大身...歹勢，我真正足歹勢。」
德文有一句話形容 Ich habe die Nase Voll, die macht mich fertig 來表示火車行到蘇澳，盡磅了，翁承𪜶爸母 ê 外甥仔點燈火，一切照舅(舊) ê 歹癖我 mā 無彼个興頭繼續講落去，總是這斗 ê 草人幔棕蓑，假鬼假怪兼搪著問題 kan-ta 想 bueh 捎胡蠅窒虎喙確實 hōo 伊舞甲頭較大身 ê 厝內險 bueh 飼無好雞 m̄-koh 兩隻老雞公交雞母交伊相扯規世人。
別人兜 ê 狗肉數，相咬代寫到遮，我 kan-ta 向望 m̄ 驚少年苦，只驚老來窮 ê 豬八戒拜天公莫閣挨挨陣陣來相揣 hōo 我會使得沓沓仔翻頭繼續翁講 ê 我愛食老出癖，翁親某親，老公婆仔拋車輪，按呢你 tuì 我 ê 愛 tsiah 有法度踅轉來到向時六月天 ê 火燒埔。
我 tuì gún 翁 ê 愛情一直是愛情 ê 熱度，tshan-tshiūnn 六月天 ê 火燒埔，總是伊慣勢 ê 大狗盤牆，細狗看樣 hōo 我 ê 愛情宛然火車沓沓仔行到蘇澳，盡磅了真僫日時搬布袋戲，暗時唱歌仔戲。
不過人生宛然黃錦田分張 ê 這段話「20 歲進前像猴，30 歲進前像貓，60 歲進前做牛做馬，70 歲 tshan-tshiūnn 狗顧門，80 歲 tshan-tshiūnn 豬」每一个階段有無仝 ê 感受，往過 ê 火車行到蘇澳就盡磅，這久 ê 火車有法度落南上北閣南迴。
一段牽甲比 gún 爸母閣較遠 ê 姻緣，無向時 ê 第三者問題，無相罵無揀喙，相拍無揀位磕 buē 著 ê 發輦，唯獨自帕水就慣勢 ê 家教 hōo 伊僫有同理心 kā 孔子媽教的龜叨鱉趖當做是人生四常，準做按呢伊猶看有家己 ê 耳仔生兩葉，反省家己敢 bueh 綿豉承爸母性地 hōo 家己 ê 姻緣行向小妹 ê 離緣兩斗，伊離緣一斗。
Gún-ê 龍鳳情經過這斗 ê 大風颱敢有才調恢復到大風颱進前 ê 生張，我無確定總是我見著伊 ê 退嚾 hōo 我有信心 tī 今年 ê 車日子露營養 kā 北非小米沙拉交生冷卵包沙拉兌現 tī 西班牙。
寫著西班牙目䀐 uī-tio̍h 心行尞畫面 buē 焦燥開始反燒 tī CD ê 行跤花錄相片 tsiah 發見掠做 buē phàng-kìnn ê 記持經過 10 外冬 mā 成做需要挕捒 ê 舊漚舊臭，特別是十冬前 ê 時行到今猶原相𫝛，卻因為 Windows 不斷更新 hōo 設備 tsiâu-tsn̂g 唯獨軟體無法度更新 ê FUJITSU 活活成做瘸跤，猶原健欉 ê 電腦交活跳跳 ê 語言因為遮 ê 小變化成做歹銅舊錫需要擲挕捒 hōo 我微稀矣，不過我猶原愛我 ê 稀微，起因無遐 ê CD 大腦 ê 搜揣 ia̋n-jin 猶是搜揣行跤花錄粒積上讚 ê 工具，像交翁做陣 tī 居民協力以家己 ê 力量維護當地古蹟 ê Medinaceli, 唐吉訶德大龐風車 ê La Mancha, 歐洲南尾角 ê Tarifa, 記錄 1936 西班牙內戰光景 ê Jerez...齊是科技軟體無法度阻擋 ê 美麗。
龍鳳生活宛然無法度運作 ê CD 交健欉 m̄-koh 軟體交硬體無法度相敆 ê 電腦，食食 mā 相𫝛，別人 ê 手路咱食 buē 慣勢，咱就家己調整味素 hōo 家己田螺循舊路，巡出新 ê 路。
生冷卵包沙拉，簡單料理閣美味しい。
生冷卵包沙拉
…… 材料 ……
|
卵包 |
6 |
|
櫻桃菜頭，切絲 |
100g |
|
瓜仔哖，切絲 |
100g |
|
紅菜頭，切絲 |
100g |
|
橄欖油 |
1EL |
|
Lê-bóng 汁 |
1TL |
|
芥辣醬 |
1EL |
|
蜂蜜 |
1TL |
|
蒜頭，刴幼 |
|
|
紅洋蔥，刴幼 |
|
|
麻仔葉 |
|
|
芳料草 |
|
|
鹽、胡椒 |
|
…… 步數 ……
|
1. 橄欖油、Lê-bóng 汁、芥辣醬、蜂蜜、鹽、胡椒濫做伙抐 hōo 齊。 |
|
2. 櫻桃菜頭、 紅菜頭絲、芳料草、洋蔥、蒜頭、Sòo-sù、瓜仔哖濫落去搜齊。 |
|
3. 卵包、麻仔濫落去搜齊，樂暢來食。 |
YouTube und Google hat die Funktion, den Daten verlauf zufolgen. Ich lösche den jeden Tag aber leider die Funktion funktioniert nicht. Google oder YouTube weißt was ich brauche, Mann…
Naja, sich beschweren ist quatsch, weil Google oder YouTube zwingen mich nicht dazu. Du muss Google oder YouTube benutzen.
So, die Belästigen ist mein Problem nicht von Google oder YouTube.
Ich liebe Eierküche, zum Beispiel gekochtes Ei, Spiegelei, Eiersalat und so weiter, besonders Eiersalat mit Joghurt im Sommer.
Den Tag, ich habe gedacht mein YouTube Startseite super leer, weil ich habe alle Daten im Verlauf gelöscht, aber! Ja, aber, YouTube sieht wie ein Tracker, und hat meine Fußabdrücke gefunden.
Mein liebe Zuschauerin, ich weiß was sie brauchen, hier ist ein gute Idee für dich — Spiegeleisalat.
Spiegeleisalat? Das ist sehr interessant, lass mich mal probieren, aber ich muss das Rezept verändern, weil ich habe kein Fischsoße, Sojasoße, Austernsoße und so weiter, aber ich habe Zitronensaft, Senf, Honig, das ist genug für die Soße in Mund.
Jetzt ist April, der Sommer kommt noch nicht, aber ich muss sehr ehrlich sagen, der Salat ist wirklich gut zum Sommer und gut beim Camping, besonders zum Frühstück aber auch zum Abendessen mit Reisnudeln, lecker!
Salat mit Spiegelei
…… Zutaten ……
|
Spiegelei |
6 |
|
Geraspelte Radieschen |
100g |
|
Geraspelte Gurken |
100g |
|
Geraspelte Möhren |
100g |
|
Oilvenöl |
1EL |
|
Zitronensaft |
1TL |
|
Senf |
1EL |
|
Honig |
1TL |
|
Fein gehakcter Knoblauch |
|
|
Fein gehackte rote Zwiebel |
|
|
Rucola |
|
|
Kräuter |
|
|
Salz & Pfeffer |
|
…… Zubereitung ……
|
1. Olivenöl mit Senf, Zitronensaft, Honig, Salz und Pfeffer gut verrühren. |
|
2. Radieschen mit Möhren, Gurken, Knoblauch, Zwiebel, Kräuter und Soße gut vermischen. |
|
3. Spiegeleier mit Rucola hinzufügen und gut mischen. Guten Appetit! |
YouTube and Google have the function of according to the data. I delete it every day but unfortunately the function does not work. Google or YouTube knows what I need, man …
Well, complaining is nonsense because Google or YouTube don’t force me to do it. You have to use Google or YouTube.
So, the harassment is my problem not from Google or YouTube.
I love egg kitchen, for example cooked egg, fried egg, egg salad and so on, especially egg salad with yogurt in summer.
The day, I thought my YouTube home page super empty because I deleted all the data in history, but! Yeah, but, YouTube looks like a tracker, and found my footprints.
My dear viewer, I know what you need, here’s a good idea for you — fried egg salad.
Fried egg salad? This is very interesting, let me try, but I have to change the recipe because I don’t have fish sauce, soy sauce, oyster sauce and so on, but I have lemon juice, mustard, honey, that’s enough for the sauce in mouth.
Now is April, the summer is not coming yet, but I have to say very honestly, the salad is really good for summer and good for camping, especially for breakfast but also for dinner with rice noodles, delicious!
Crispy Fried Egg Salad
…… Ingredients ……
|
Fried Egg |
6 |
|
Grated radish |
100g |
|
Grated Cucumber |
100g |
|
Grated carrot |
100g |
|
Olive oil |
1EL |
|
Lemon Juice |
1TL |
|
Mustard |
1EL |
|
Honey |
1TL |
|
Finely chopped garlic |
|
|
Finely chopped red onion |
|
|
Arugula |
|
|
Herbs |
|
|
Salt & Pepper |
|
…… Zubereitung ……
|
1. Mix the olive oil with mustard, lemon juice, honey, salt and pepper well. |
|
2. Mix radish with carrots, cucumbers, garlic, onion, herbs and sauce well. |
|
3. Add fried eggs with arugula and mix well. Enjoy your meal! |
睏天路車日子 Camping mit Caddy (21)