歐洲東爿 ê 人𪜶 ê 食食慣勢敢受露西亞 ê 影響？
慣勢早起頓萬項萬物齊食燒燙燙 ê 我第一斗 tī 波蘭 ê 飯店食當地早起頓見著麭敆煙腸酸菜湯，無感覺任何怪奇 ê 所在，押尾 tī 波蘭佮捷克搪著較成德國人喙斗 ê 早起頓，麭敆、Tshì-sù、Há-muh 這類生冷 ê 食食我就感覺龜怪矣，起因𪜶敆 ê 菜蔬 m̄ 是瓜仔哖、Kam-má-tooh 片、西洋萵仔菜是番薑仔，紅色、黃色佮一款 tuì 我來講有淡薄仔薟佮苦味薄黃色 ê 番薑仔。寫著這色番薑仔，伊 tī 德國框金 ê 價數 m̄ 知影是無啥人 tī 種交靠進口，所致價數框金，tī 波蘭、捷克、羅馬尼亞簡單來講向時 hōo 蘇聯箍牢 m̄ 放 ê 國家，這款番薑仔是俗甲若德國 ê 白草花。我愛食番薑仔，搪著這色番薑仔比大同仔閣較無伊法。
飯店抑是民宿 kā 番薑仔做早起頓 ê 菜蔬來敆 tī 我猶未交阿羅翁仔姐做陣食羅馬尼亞人慣勢 ê 早起頓進前，我掠伊是飯店抑是民宿 uī-tio̍h 成本控管，畢竟番薑仔交葉仔類 ê 生菜相比並伊 m̄-nā 好處理閣好保存。交阿羅翁仔姐做陣食過幾斗早起頓我發見代誌 m̄ 是我想 ê 遐爾仔簡單，番薑仔 tī 𪜶 ê 食食文化敢若果子醬 tuì 德國人無宛 2 體 ê 重要。我好玄想 bueh 請教𪜶翁仔姐，總是有 ê 好玄猶是留做揣 YouTube 刺膨紗 ê 靈感較適合。
我愛食番薑仔 m̄-koh m̄ 捌生食到第一斗交阿羅翁仔姐做陣食早起頓，阿珊準備一大盤番薑仔條做生菜盤，我小面神歹勢跟綴 gún 翁 ê 跤步直接 tuì 𪜶翁仔姐講我喙白就跟綴𪜶 ê 跤步掖寡鹽、胡椒那食麭那食番薑仔，一目𥍉仔盤底無賰半項番仔薑，我就紲手 kā gún 翁 buaih 食 ê 額徙過來家己 ê 盤，那食那做貓是阿珊𠢕款番薑仔抑是番薑仔自本就適合做生菜食。Uī-tio̍h 研究我斟酌請教網路眾神 ê 分張發現番薑仔生菜盤 tī Google 英、德版本真正有時行，而且閣有人 kā 伊變化做 Sa̋n-tóo-it-tsih 蓋興趣。
「你敢有興趣試番薑仔沙拉 ê 鹹汫」揣著 tsuē-tsuē 新食法 ê 我隨請教交番薑仔是對頭冤家主 ê 翁，伊 ê 反應免跤頭趺想 mā 知機 ê「Buaih」，不而過伊 buē 記持牽手 ê 性地，伊若回答「M̄ 知鹹汫如何，咱來試看覓」我絕對 buē 起交繃，伊回答 ê 隔轉工這味素隨上桌。
「這是按 Aldi 泅來 ê 食譜，試看覓」我微微仔笑講。
伊目頭結結準備爸母上童，見牽手俗麭橐入去麵包機烘，紲落來敆番薑仔 Tshì-sù 隨問「Aldi mā 按呢食？」
我先咬一喙，目睭眯喙尾翹滿足甲那 tìm 頭那𫝻 Aldi ê 食譜 hōo 伊看，伊無出聲隨跟綴我 ê 手路試鹹汫。
「若是無厚工，咱敢會使得三不五時款來食？」伊講。
「只要你 tuì 番薑仔無意見」人講杯底 m̄ 通飼金魚，我足想 bueh 碗底生抹醬。
「番薑仔按呢食，正港好味素...」看伊一喙紲一喙，我知影 uī-tio̍h 龍鳳平和強忍 buaih hōo 𪜶爸母上身跳童 ê 伊，這久 ê 分張是實實櫼櫼按心肝穎發出來 ê 想法。
「今年露營車日子，咱閣加一味通享受矣」我講。
「猶未搪著你進前，我 ê 食食人生是沐著打馬膠，搪著你我 ê 食食人生是得著一隻豬➀」翁講。
「你過謙矣，我無遐爾仔𠢕，不過你總算願意廕掉恁爸母 uī 你點 ê 磺火，uī 家己點一葩屬於家己 ê 燈火，我 mā 是，我總算願意挑戰番薑仔有別款食法」我笑應。
猶未徙岫來德國進前，我真僫想像家己 ê 喙斗有才調成做接枝 ê 林檎，起因我自來慣勢 ê 食物無包括生菜盤、麭、Tshì-sù 遮 ê 生冷食食。這久翻頭看彼久，向時僫想像 ê 變化成做我逐日 ê 四常，是我好鬥陣 ê 入港隨灣，入鄉隨俗，抑是現實生活逼我愛改變？我相信百面是我 ê 好鬥陣；入港隨灣，入鄉隨俗，總是我 mā 清楚知影家己有才調按呢轉變，猶是拜目今發達 ê 網路，起因我真清楚無發達 ê 網路，我 ê 喙斗猶原停跤 tī 自來 ê 慣勢，畢竟我 tuì 食譜冊一屑仔攏無投資 ê 意願。
「好里佳哉，德國有若大西洋曠闊 ê 無料食譜冊通款轉來參考」翁仔姐見談著我這个癖，翁隨紲這句話，我 mā 隨紲這句話「規間厝齊食譜冊，無表示𠢕出菜抑是願意改變喙斗，像恁電視台 ê 分張。」自我知影勥母有規房間 ê 食譜冊交窒倒街 ê 廚房家私，見談我這个癖，我足想 bueh 講「像恁勥母」，總是台文有咸豐三，講到今 hōo 人慼，德文有 Bueh 讀出好 ê 代誌，一个條件就是莫讀出歹 ê 物件，我就提醒家己清飯 m̄ 通遐寶惜，按呢 ê 提醒正港有效，伊 hōo 我 ê 日子 only move forward, never backwards。我 ê 情緒交我 ê 喙斗正港會使得訓練。
近來 gún 翁拚勢款 Tshì-sù 我 tsiah 想著，交我做陣食飯頓伊確實罕得食栽 tī 伊神魂 ê Tshì-sù，隨上網請教𠢕人賜我智慧生。
法國焗？無敆喙跳過。
Sa̋n-tóo-it-tsih？交 Strammer Max 無宛 2 體 ê 無局閣食枵換肥，buaih。
進前捌試過藍莓敆寮仔 Tshì-sù 做沙拉，就順這个理路來揣食譜，這站仔番薑仔大落價來試 Paprika mit Frischkäse；Paprika mit Frischkäse gefüllt...齊是這類食油 ê Khu-lì-mù Tshì-sù，敢閣有別項，繼續𫝻落去，Paprika mit Körniger Frischkäse 這有意思，m̄-koh 番薑仔愛生食?！阿珊慣勢 ê 食法我一屑仔攏無排斥，總是這个無排斥 mā kan-na tī 彼个空間，再見閣來相見 ê 串驚串著，見揣番薑仔食譜就愛交伊相拄搪。Das Schicksal wollte es so 運命即然按呢決定 hōo 我註定交伊遮爾仔有緣份就來試鹹汫。Hä，呔 ē 遮爾仔美味しい。
結論，這斗 ê 串驚串著莫非定律 hōo 我學著，準做驚惶 mā 愛放輕鬆，起因心情無放 hōo 輕鬆無才調 kā 驚惶轉化做生活甲若神 tī 法國➁。
➀ 德文俗諺 Pech gehabt 歹運；Schwein gehabt 好運
➁ 德文俗諺 Leben wie Gott in Frankreich 原意是生活過甲奢華，目今有過甲比向時閣較好抑是生活過甲誠好
甜番薑仔寮仔 Tshì-sù 抹醬
…… 材料 ……
|
紅甜番薑仔，切塊 |
1 |
|
寮仔 Tshì-sù |
200g |
|
蔥仔，刴幼 |
30 |
|
紅洋蔥，刴幼 |
|
|
蒜頭，刴幼 |
|
|
鹽、胡椒 |
|
…… 步數 ……
|
1. 材料濫做一伙攪 hōo 齊，樂暢來食。 |
Erst Mal habe ich das Rezept im Aldi gesehen, mein erste Idee ist, ok, der Geschmack der Deutschen ist wirklich seltsam. Paprika-Aufstrich?!
Abstand halten ist der beste Weg für meinen Magen, aber leider das Leben ist wie Murphys Gesetz, gegen was du bist, wird das Problem zu dir kommen. Jedes Mal als ich Paprika suche, kommt immer der Paprika-Aufstrich.
Ich liebe Paprika, Paprika mit Fleisch, Paprika mit Eier, Paprika mit Salat, aber Aufstrich, nein Danke, Aufwiedersehen, Paprika Rezept, eingeben, Hallo, wir haben uns wieder gesehen. Oh, my dear, fühlst du lieber mit mir? Ich frage den Paprika-Aufstrich, Er antwortet nicht.
Das Leben ist kein Ponyhof und bitte nicht aus einer Muecke einen Elefanten machen bevor du hast das Essen nicht mal probiert.
Wer sind sie, frage ich.
Ich bin du, sagt die Stimme.
O.K. Das schicksal wollte es so, lass mich das Essen als Herausforderung nehmen, bevor ich mich Beschweren, ich muss es einmal probieren.
Bevor ich das Rezept zu schreibe, ich habe das Essen das dritte Mal zu probiert, oje, das Rezept habe mir so überrascht, es ist so lecker, besonders mit Frühlingszwiebel. Paprika mit Frühlingszwiebel sind füreinander bestimmt,
Arthur Schopenhauer sagt, Das Neue ist selten das Gute, weil das Gute nur kurz Zeit das Neue ist, für das Essen ich weiß nicht so genau, aber ich stimme ihm zu, Um das Gute zu lesen ,ist eine Bedingung, dass man Schlechte nicht lese.
Danke meinen Geist.
Paprika-Aufstrich
…… Zutaten ……
|
Rote Paprika in Stücke geschnitten |
1 |
|
Körniger Frischkäse |
200g |
|
Fein gehackte rote Zwiebel |
30 |
|
Fein gehackte rote Zwiebel |
|
|
Fein gehackter Knoblauch |
|
|
Salz & Pfeffer |
|
…… Zubereitung ……
|
1. Alle Zutaten gut vermischen. Guten Appetit! |
First of all I saw the recipe in the Aldi, my first idea is, ok, the taste of the Germans is really strange. Paprika spread?!
Keeping distance is the best way for my stomach, but unfortunately life is like Murphy’s law, what you are against, the problem will come to you. Every time I look for paprika, the paprika spread always comes up.
I love bell peppers, bell peppers with meat, bell peppers with eggs, bell peppers with salad, but spread, no thanks, goodbye, bell pepper recipe, enter, hello, we met again. Oh, my dear, do you feel better with me? I ask the paprika spread, He doesn’t answer.
Life is a challenge everywhere and don’t be a drama queen, before you’ve even tasted the food.
Who are you, I ask.
I am you, says the voice.
OK. Fate wanted it that way, let me take the food as a challenge before I complain, I have to try it once.
Before I write the recipe, I tried the food for the third time, oh my, the recipe surprised me so much, it is so delicious, especially with spring onion. Bell peppers with spring onion are meant for each other,
Arthur Schopenhauer says, The new is rarely the good, because the good is only the new for a short time, for the food I don’t know exactly, but I agree with him, In order to read the good, is a condition for not reading bad things.
Thank you my spirit.
Bell Pepper Spread
…… Ingredients ……
|
Red Bell Peppers cut into pieces |
1 |
|
Cottage Cheese |
200g |
|
Finely chopped green onion |
30 |
|
Finely chopped red onion |
|
|
Finely chopped garlic |
|
|
Salt & Pepper |
|
…… Method ……
|
1. Mix all ingredients well. Enjoy your meal. |
睏天路車日子 Camping mit Caddy (21)