亂皂𥴊仔店 ⓂⒺⒾⓃⓀⒾⓄⓈⓀ

食譜是踅有機店按怎捾兩枇弓蕉入去，按怎 kā 弓蕉創造附加價值 ê 成果。

初見著伊，我第一个想法是意大利食譜，起因 Kam-má-tooh，見著燕麥片我開始感覺交意大利無啥相關，起因燕麥片 tī 南歐洲交德國相比並是框金閣包銀 ê 無俗價。

好玄成做引𤆬橋 hōo 我按橋 ê 這爿行過彼爿交伊徛相倚，紲落來草人幔棕簑，假鬼假怪，假有錢，捎一包糙米閣刁意故 tī 五穀米糧區踅三輾來那幌頭來假扮揣無我 bueh 挃 ê 物。

交這份食譜徛 bueh 相倚 ê 櫃檯工作人員檢采 mā 看出我 ê 褲袋仔袋磅子，伊就假做倉庫有代誌愛伊無閒，消失 tī 櫃檯。

見著如此好鬥陣 ê 工作人員，我 mā 跤手猛掠，糙米緊楔轉去架仔，五伐做一伐 kā 四常愛消費 tsiah 有通仔挈 ê 食譜楔入胳胴跤，紲落來若希臘港口 ê 貓，大步伐出門消失 tī 漁船碼頭。

斡這頭是 Marktkauf 交土耳其超市，斡這頭是 Aldi, Netto, REWE 佮 Lidl，戇--ê mā 知影愛斡這頭 tsiah buē 三代粒積，一代窮空。

食譜有橄欖油，奧地利出橄欖油？食譜有 Kam-má-tooh 奧地利 ê 菜蔬倚靠意大利，伊是「Hasta la vista, baby!」故鄉 ê 經典食食，這...我頭腦拍結矣，不而過這是草花 buē 致使大箍（Das macht den Kohl nicht fett/無需要致意）ê 問題，重點是伊看起來交火燒埔相峇。

厝內有橄欖油、麥片無 Kam-má-tooh 交寮仔 Tshì-sù，心動不如行動，緊來出菜解熱。

鹹汫試了，罕得同時攑牌講好味素 ê gún，𫝛時開喙 tuì 伊褒嗦，正港好味好素閣解熱，咱愛不三時做來食，特別是火燒埔日。

奧地利 Steirischer Kam-má-tooh 沙拉

...... 材料 ......

Kam-má-tooh，切片	3
寮仔 Tshì-sù	200g
麥片	2EL
橄欖油	50ml
鹽、胡椒

...... 步數 ......

1. Tshì-sù、橄欖油、鹽、胡椒濫做伙抐 hōo 齊，淋落去 Kam-mâ-tooh 掖寡麥片，樂暢來食。

---

---

---

Ich habe das Rezept im Bio Laden gelesen, ich habe sofort gedacht, mein Mann wird das Gericht lieben und ja, er mag den Salat sehr, und er hat mir gesagt weißt du, Das ist die Heimat von Arnold Alois Schwarzenegger.

Was?!

Ja, er spricht gut deutsch wie ich.

Bist du sicher...ich habe gedacht er war European American...

Warum? 

Das ist eine sehr lange Geschichte.

Ich weiss, obwohl Falco und Modern Talking sind American.

Ja, genau.

Der Salat ist so gaumenschmaus.

Steirischer Tomatensalat

...... Zutaten ......

Tomate in Scheiben geschnitten	3
Frischkäse, Körniger	200g
Haferflocken	2EL
Olivenöl	50ml
Salz ＆ Pfeffer

...... Zubereitung ......

1. Olivenöl, Käse, Salz, Pfeffer gut mischen, verteilen in den Tomaten. Dann bestreuen Haferflocken. Guten Appetit!

---

---

---

I read the recipe in the organic shop, i immediately thought my husband will love the dish. And yes, he really likes the salad and told me.

You know, Arnold Alois Schwarzenegger's home is here.

What?!

Yes, he speaks German as well as I do.

Are you sure ... I thought he was European American ...

Why?

It's a very long story.

I know, even though Falco and Modern Talking are American.

Yes exactly.

The salad is so delicious.

Styrian Tomato Salad

...... Ingredients ......

Sliced tomato	3
Cottage cheese	200g
Oatmeal	2EL
Olive oil	50ml
Salt,pepper

...... Method ......

1. Mix olive oil, cheese, salt and pepper well, distributed over the tomatoes. Then sprinkle oatmeal. Enjoy your meal!