我無囡仔規日 m̄ 知 uī-hô 總是貼貼，想 bueh 逐日讀淡薄仔書，時間卻 bueh 三更。掠做家己又閣規日 tī 遮匪類，停跤認真繩，揣無 tī 遮匪類無彩工，按呢我 ê 一日貼貼，到底貼去佗落去？
猶未去食頭路，逐日透早六點起床，先運動紲落來款早起頓、窮碗箸、洗碗箸，時間一目𥍉 mā 過晝，電腦拍開開始 tī 遮敨心事練台文交德文無到三點鐘，金烏沓沓仔頓尪仔粉又閣愛款下昏飯，設使 gún 翁隔轉日愛七點出門，下昏飯一食飯飽，碗箸先放 leh 緊攢伊愛紮出門 ê 腥臊便包，一切攢好勢我規日 ê 氣力 mā 賰無到 1 %，倒眠床無到三分鐘隨唔唔睏。
我無匪類，我做 ê 事工交大多數 ê 德國太太相𫝛，呔討 hőng 講我匪類討食 m̄ 討趁？敢講我定著愛有一个囡仔 tsiah buē 匪類？
M̄ 通、m̄ 通，囡仔 m̄ 是 oo-lín-gióo 無興趣就會使得送資源回收桶，另外別人 ê 意愛我呔討愛遐要意？𪜶 ê 四常我就無交插，呔討我愛 hōo 𪜶雜插我 ê 生活態度？
啊，我又閣做木戴枷，閒人挨冇粟，閒甲掠蝨母相咬，我是 bueh 揣呔討無時間通讀寡書，m̄ 是做狗逐家己 ê 尾溜，人生短短我愛學習知捌按怎 Die Spreu von Weizen trennen kā 麥仔上有用途 ê 部份發揮到無地發揮，繼續繩，呔討一日貼貼。
這是底時寫 ê 心情練跤花？Tī 自來 ê 食譜記錄已經揣無「栽欉」、「翻塗」、「徙栽」ê 記錄，不而過我 tuì 家己 ê 一日貼貼猶原好奇，起因我猶是感覺家己無啥時間通閱讀，特別是網路世界 kan-ta 賰部落格這項。
是，自接受普魯仔 ê 建議按面冊徙來部落格，我綿精 ê 網路世界除了部落格，賰--ê 像 Line 存在 ê 意義 kan-ta uī-tio̍h buaih hōo 自學生時代就熟似到今 ê 姊妹仔伴認為我愈老愈孤𣮈歹鬥陣。
一日那洗碗箸那聽 gún 翁那耍電腦那交𪜶爸母有一句無一句 ê 冇談，頭殼雄雄步出這句話「內心親家，無話講松柏瘤」，我替這兩位序大感覺可憐，總是可憐之人必有可惡之處，所致別人兜 ê 問題免我 uī 𪜶專門寫一篇論文，總是這个事件 hōo 我敨放自我叨撚 ê 壓力，我接受別人 ê 內心親家，無話講松柏瘤免舞死家己。
我 m̄ 是無讀半本書，我只是無閣閱讀甲宛然向時 ê 設定，一日至少讀二十頁，畢竟現此時 ê 人生已經 m̄ 是學生。
齷齪宛然手曲 ê 堅疕 hōo 我無 kā 控(khàng)一下 ē 著蛆，2026 三月天因為非洲塗沙粉來行踏 hōo 本底殕色 ê 透早換新色若出大日，我 ê 心窗因為這色緻 mā 出大頭，起因我揣著敨放繚索 ê 方式。
定著是一種幸福
日子恬靜，心肝清朗
用詩和家己，泡一鈷茶
〈有閒〉，《日子》
陳胤
順家己 ê 日拆仔過日子，定著自然來，日子自然恬靜，心肝自然清朗，手頭 ê 台、德讀本猶原 teh 閱讀，一日有通仔讀幾逝 hōo 伊順其自然，莫有壓力。
※「日曆」tī 教育部辭典收曆日(la̍h-ji̍t)，日拆仔是 gún 兜是慣勢 ê 講法。
因為向時 tī 面冊 ê 經驗 hōo 我 tuì Instagram mā 有連坐排斥，今年二月底因為收聽 Podcast《隔壁ê戇人》hōo 我決定重新開一个口座。是，我進前捌向 Meta 申請 Instagram 口座，不而過彼當時 ê 我 kan-ta uī-tio̍h 這个目標，我想 bueh 迵過 Instagram 揣著我家己，起因我揣無我 ê 部落格，m̄-koh 我有才調揣著一模模一樣樣 ê 雙生仔，唯獨字體表現無相𫝛，像國家這个字 tī 彼个新 ê 我 ē 成做「国家」來表現。
這个問題 tuì 我來講已經無重要，起因換一个角度看世界，這 mā 是好代，有人願意成做我 ê Single White Female（1992）這是以冷門語文做部落格書寫主體 ê 不可思議，所致我䆀䆀 ê 筆尾有才調 hōo 人願意成做烏面賊來斬人 ê 稻仔尾愛感謝，畢竟世界強勢 ê 語文有才調成做今仔日 ê 面肉 mā 是一四界 ka̋ng 借辭，像 Moose 自來就 m̄ 是英語。
重新向 Meta 申請 Instagram 口座，有一種講 buē 出喙 ê 驚惶硩 tī 心肝穎 hōo 我感覺無四序，起因我又閣逐日交這个情緒搝大索，「kā 口座刣掉」、「kā 口座刣掉」、「kā 口座刣掉」。呔討有這个情緒，論真講我家己 mā 捎無摠，總是伊百面交面冊經驗有相關。不而過我愛講，自向 Meta 申請 Instagram 我 ê 世界足恬靜，不而過我 ê 眼界加足楦闊，像新冊推薦 Instagram hōo 我省時間踅若夜市 ê 博客來首頁。
今年二月初，Podcast 推薦我收聽《隔壁ê戇人》，我愛照實講初聽第一集我掠做是相趁相喊 ê Podcast 卻又感覺有趣味，起因𪜶 ê 節目 m̄ 是一集抑是兩集就停止放送，𪜶 ê 節目按第一集到第三十集 mā 放送兩冬外，這 m̄ 是攑香綴拜做心適興隨繼續聽落去，紲落來 tī「 EP24：《感情大細代》交友軟體這麼多，真愛到底在哪裡」聽三位青春少女分張𪜶這沿 ê 感情觀，我笑出來矣，我揣著㧎 tī 心肝穎 ê 無自在，我猶原驚惶面冊 ê 龜怪 ē 湠到 Instagram 來。這正港是一對真實 ê 丸子（Ein paar echt Klöpse：天大 ê 錯誤），我竟然 uī-tio̍h Oscar（Frech wie Oscar：屁窒仔、害仔、Mǹg-sǹg...）放棄認捌新世界 ê 權利。
「我發覺台灣 ê 感情教育敢若有較進步。」
「啥物意思？」
「Gún 這沿 ê 人，無人敢講家己 ê 伴是家己按網路揣來--ê。」
我慣勢 kā Podcast 聽來 ê 觀察講 hōo gún 翁聽，四常 kan-ta 出耳無出喙 ê 伊，聽我按呢講隨講「正港有改變」，無通姦罪 ê 德國讀台灣英文媒體報導有人 uī-tio̍h 感情代行到法院請法官主持公道，抑是刣人攏感覺這是一件不可思議 ê 代誌。
寫著網路情緣，我想著 tī 我 ê 朋友掩掩揜揜 m̄ 敢 hōo 咱知影𪜶 ê 相放伴是按網路牽線，現此時是台灣人 ê 許善德先生伊 ê 牽手許家華女仕 tī 新聞挖挖哇大大典典分張𪜶愛情故事 ê 甜蜜 hōo 我印象深刻到今，主持人于美人所分張 ê 想法伐過遮 tsuē 冬翻頭來看，確實無剉（錯），規欉好好。
彼集節目現此時揣無資料，就順家己 ê 記持做記錄「現此時 ê 咱看𪜶 ê 故事 ē 感覺這是一件烏白亂來 ê 代誌，不而過我相信十冬抑是二十冬後，這款烏白亂來 ē 成做欶空氣 ê 四常。」
Tī m̄ 管你是啥物科系攏愛學習 VB（Visual Basic）ê 年代，我有朋友 ê 阿姊迵過 BBS 開講室認捌一世人 ê 好朋友：翁婿，伊後尾 mā 跟綴阿姊 ê 跤步揣著一世人 ê 好朋友：翁婿。我凡勢因為𪜶開放 ê 態度 hōo 我 tuì 這个議題無啥特別 ê 感想甚至興趣趣，不而過我交網路無緣份，我參加 ê 網路食飯會無一斗成功，我想這交我 ê 態度 mā 有關係。我無確定我敢 bueh 揣新男朋友，不而過我向望有人 kā 我按無見天 ê 澹水地情緒救出來。
現此時 ê 台灣少年囡仔𪜶 ê 感情代敢真正遐爾仔速食？無後嗣 ê 無才調認捌任何 ê 貓仔毛，不而過我非常確定我會使得迵過新科技學習新（心）ê 世界，感謝這三位青春少女帶 hōo 我 ê 啟發，無恁 ê 故事，我百面猶箍 tī 家己 ê 世界，我 ê 意思是我猶原 ē 受面冊 ê 龜怪代骨力 tuì 家己成立警總 24 點 tuì 家己放紙虎警告。
Ich habe kein Kinder, aber ich bin so beschäftigt.
Ich weiß nicht warum.
Aber, das macht mir angst.
Ich habe das Gefühl, ich mache nichts.
Jeden Tag, die Zeit verschwenden.
Besonders, wenn ich keine Bücher lese.
Ja, ich kaufe viele Bücher aus Taiwan und lese.
Aber, ich weiß nicht, warum fühle ich dass ich die nicht gelesen habe.
Ich denke, vielleicht ich verbringe viel Zeit im Blog.
Aber, normalerweise...
Ich verbringe nur bisschen Zeit.
Oje, vergleiche die Zeit mit mein Mann klebt an Handy oder Laptop.
Meine Zeit ist nichts.
Dann warum, ich bin so Angst?
Keine Ahnung.
Aber, seit ich gefunden, habe das Sprichwort zu erinnern.
" Du musst die Blumen sprechen lassen. "
Ich verschwende die Zeit nicht und ich mache viel Dinge jeden Tage.
Weil, ich brauche nicht " die Blume sprechen lassen".
Oder muss etwas zum tun finden.
Danke für mein Mann Eltern.
Sie bringen mich dazu die Wolken zu verlassen.
Ich Klebe an der Idee, ich muss " etwas " tun, dann bin ich besonders.
Zum Beispiel, ich lese jeden Tag etwas.
Ich liebe Lesen, aber lesen ist entspannend, nicht angeben.
Danke mein Mann's Eltern.
Warum, danke ich ihnen.
Weil, ich sehe die Blume als mein Mann und Eltern sprechen.
Das bedeutet, muss " etwas sprechen " aber nichs sagen.
Wie mein Mann Mutter sagen, ich muss etwas zu tun, weil mein Mann nicht mit mir spricht.
Ich habe das Problem bis jetzt nicht.
Ich muss etwas tun, weil mein Mann nicht mit mir spricht.
Aber, ich muss die dumme Idee vergessen.
Be Somebody, then you are Somebody.
I don't have any children, but i'm so busy.
I do not know why.
But, that scares me.
I feel like I'm not doing anything.
Every day wasting time.
Especially when I'm not reading books.
Yes, I buy and read a lot of books from Taiwan.
But, I don't know why I feel that I haven't read these books.
I think maybe I spend a lot of time on the blog.
But normally...
I only spend a little time.
Oh dear, compare the time when my husband sticks to his cell phone or laptop.
My time is nothing
Then why, am I so scared?
No idea.
But since I remembered this proverb.
"You have to let the flowers speak."
I don't waste time and I do a lot of things every day.
Because I don't need to "let the flower speak".
Or have to find something to do.
Thanks for my husband parents.
They make me leave the clouds.
I stick to the idea that I have to do "something", then I am special.
For example, I read something every day.
I love reading, but reading is a kind of enjoyment, not showing off.
Thank you, my husband's parents.
Why, I thank them.
Because, I saw that flower when my husband was chatting with his parents.
That means, " have to say something " but there is nothing to say.
As my husband's mother tell me, I have to do something because my husband isn't talking to me.
I haven't had the problem yet.
I have to do something because my husband is not talking to me.
But, I have to forget the stupid idea.
Be Somebody, then you are Somebody.
睏天路車日子 Camping mit Caddy (21)