真 tsuē 事項你會使得莫做。
不過，缺欠人性 ê 溫暖
世界無一个角勢通停跤
「老實說因為我朋友很少，觸及率很低，但我更懷疑直接分享影片的流量會更加低，所以還是自己來打一篇。」
面冊推薦我閱讀生份人 ê 文章，作者 kā 文章 ê 重點𫞼第一逝完全觸著我 ê 心隨揤落去讀，讀煞笑甲歪腰，特別是這段話，起因我 ê 朋友兩隻手提出來比 12345678910 猶閣有賰，若有機會接續比到二十彼百面是朋友 ê 朋友，四常完全 buē 連絡不而過 ē 鬥陣參加食飯會 ê 彼款。
是，我人孤𣮈所致無啥朋友，不而過 mā 因為這款性地 hōo 我交著一世人 ê 姊妹仔伴，𪜶 buē 因為我 ê 紅龜生蟲 --- 龜怪就閃甲遠遠，𪜶尊重我 ê 需求無愛 Line 來 Line 去，我 mā 尊重𪜶 ê 好喙水一四界 tī 現實生活結緣 ê 邀請。不而過，自𪜶有人開始參加面冊社團，這个好喙水 ê 結緣成做我 ê 困擾，起因我泅 buē 出驚得失人 ê 捲螺仔水就 kā 面冊朋友加到原本 ê 五倍，紲落來不三時 tuì 家己情緒叨撚，起因我愈來愈𠢕戴小鬼仔殼。
像阿母轉去塗州賣鴨卵，我寫文章提醒家己愛敨放人生無十全 ê 遺憾，知捌狀況 ê 同學無一个人揤讚，無一个人留話講五四三，是熊抑是虎齊 m̄ 知影 ê 人卻拚勢揤流目珠 ê 尪仔面閣翻身做葉教授來啟示我 ê 悲傷 hōo 我陷入學生時代寫週記，愛記得設籠面 ê 慼。啊，過了代免閣喋詳，總是這久清楚知影無向望紅龜抹油 --- 媠面 ê 我，彼陣需要 uī-tio̍h 厚甲若東海（德文：Ostsee，華文：波羅的海）蠓 ê 情緒來叨撚家己是食飽換枵 ê 畏小心 teh 使弄。
痞客邦 ê 大改版到今猶原 teh 進行，有分類強迫症 ê 我因為相片無法度分類就巡田園、翻田塗、挲稗（phuē）仔、徙栽、徙欉 hōo 往時 ê 故事按食譜獨立做一篇文章 mā hōo 食譜回歸到名屬人形。這篇記錄 2023.10.23 聽德國廣播討論社群媒體 ê 心情練跤花 hōo 我想著猶 tī 面冊泅絞螺仔水 ê 趣味代交開竅，然後感謝家己直接沈入海底重新投胎做人，起因 Das Leben ohne soziale Medien ist so schön（生活無社群媒體實在有夠讚），正經無 teh 腫頷。不而過我 mā 感謝社群媒體 ê 牽教，伊 hōo 我加圇（ka-nn̂g）接受家己 ê 畏小心，無膽閣面皮薄，這久 ê 我 tsiah 有機會 minBunun 成做正港 ê 家己並實踐德國精神，人生世事無啥物是無料，除非我願意無料鬥幫贊。像這久見著網路海底雞我 buē 閣成做鹽柱（Salzsäule erstarren①）驚得失人來做寡食蒜仔吐路蕎 ê 無彩工。
人生短短，咱愛 kā 愛停跤 tī 真正溫暖 ê 所在，第一步就按家己開始。
① 按聖經創世紀 19:26 來，Lots ê 牽手逃離 Sodom（索多瑪），違背律法斡頭看隨成做鹽柱。這个故事牽藤成做 a. 著驚 b. 驚惶 c. 驚甲講 buē 出話 d. m̄ 知影如何是好交按怎做 e. 驚甲愣去，buē 振 buē 動。
Das Leben ohne soziale Medien ist so schön.
Auf Facebook habe ich den Satz gelesen.
Ich weiß weniger Leute kommen auf meine Seite. Deshalb habe ich keine Chance zum berühmt werden (viele "gefällt mir" bekommen), aber ich möchte noch Dinge sagen.
Ich weiß nicht wo ich den Satz gelesen habe
Aber, als ich den Satz gelesen habe, ich finde ihn sehr interessant.
Alle sagen, ich brauche Privatsphäre und das ist meine Privatsphäre. Lass mich in Ruhe.
Aber...warum...wenn sein Facebook oder IG oder Blog niemand kommt dann traurig sein.
Warum?
Also, ich bin nicht die Person in dieser Angelegenheit, deshalb kann ich nichts sagen.
Aber, die Dinge bringen mich dazu mein Problem zu überlegen.
Facebook bleiben oder lassen.
Ich mag kein Facebook und so weiter.
Ich habe Facebook nur die Freunde sind da.
Deshalb bin ich dort, nur weil ich mir Sorgen mache, dass andere denken, ich sei nicht freundlich oder nicht gesellig.
Aber, bin ich nicht freundliche und nicht gesellig?
Das glaube ich nicht.
Ich bedanke den Satz.
Denn er hat mir gezeigt, wer bin ich und was ich brauche.
Life without social media is so beautiful.
On Facebook I read the sentence.
I know that fewer people come to my page. That's why I don't have a chance to become famous (get many "likes"), but I still want to say something.
I don't know where I read the sentence.
But when I read the sentence, I find it very interesting.
Everyone says I need privacy and this is my privacy. Leave me alone.
But...why...if it's Facebook or IG or blog, nobody comes and is sad.
And why?
Well, I am not the person in this matter, so I can't say anything.
But, things make me think, my problem.
Stay on Facebook or leave.
I don't like Facebook and so on.
I have Facebook only the friends are there.
That's why I'm there, just because I'm worried that others think I'm not friendly or not sociable.
But am I not friendly and not sociable?
I don't think so.
I thank this sentence.
Because it showed me who I am and what I need.
睏天路車日子 Camping mit Caddy (21)