亂皂𥴊仔店 ⓂⒺⒾⓃⓀⒾⓄⓈⓀ

我看起來烏貓貓無媠，m̄-koh 保證好食甲 hōo 你擉舌

聽《公視台語台Podcast》S2EP16 - 出名人請借問 - 我們的島陳信聰談著有一个網站 ē-tàng 請教台語植物名 mā 談著𪜶 ē 分張這个網站 ê 連結，較無耐性讀紹介 ê 我，節目一收聽結束隨斟酌繩紹介兼揣連結，總是 m̄ 知影敢是我 teh 使用 ê Google Podcast 佮人佮無相仝，起因我揣無連結，m̄ 死心隨請教公視台語台 ê 面冊 mā 是揣無....

O.K. Das Schicksal wollte es so. 運命就是 bueh 按呢按排，我就莫遮綿精狗咬鐵釘，m̄ 願放。

起因， Es sollte so sein，時間一到自然 ē 相會。是講到今我猶 m̄ 捌佮𪜶相會，請教公視台語台 ê 新辭到今 mā 無聲無息。

Das macht den Kohl nicht fett，這按草花來 buē hőng 大箍，我請教 ê 辭 tuì 公視台語台來講凡勢是無重要 ê 代誌，我家己 mā 愛學 ē 曉莫免意這無聲無息 ê 請教。

這 m̄ 是哭呻文，不過伊拄好應證圓仔姊姊 tī 公視台語台 ê 分張，愛足有耐性，若較無耐性就家己較骨力請教 Google 大眾廟。

德文 ê Artischocke，英文 ê Artichoke，日文 ê アーティチョーク(Ātichōku)，西文 ê Alcachofa，義大利文 ê Carciofo，華語 ê 洋薊、菜薊、朝鮮薊咱台語按怎講?

幾冬前見著厝邊種 Artischocke 成做貓 ê 我隨請教 Google 大眾廟，伊 ê 台語按怎講，彼陣各大神 hōo 我 ê 答案是「雞角刺」這回閣請教 Google 大神，大神 hōo 我 農藥主題館 ê 資料，農藥主題館紹介 ê 宇名 mā 是雞鵤(華語ㄗㄢˉ)刺 mā 有雞角刺佮雞公刺 ê 號名。

見著雞公刺又閣成做一隻貓想 bueh 知影公雞 tī 台語按怎講，起因我 ē 記持阿母較早飼雞捌講雞公佮雞 kak，雞公我知影按怎寫，雞 kak ê kak 是佗一字，抑是我 ê 記持已經 buē 食餌 ê 烏白亂鬥？

有問題隨請教臺灣台語常用詞辭典公雞，辭典隨賜我 12 个智慧，其中包括雞鵤(kak)佮鵤 ê 解釋，農藥主題館有寫著雞角刺，我想這个角應當是按這个鵤來，因為伊掠外一个字名是雞公刺。揣著鵤我又閣成做阿貓一隻想 bueh 知影台語敢有薊這个講話？

臺灣台語常用詞辭典佮 ChhoeTaigi台語辭典攏無收這个辭，不過 Google 引𤆬我拜這兩間廟，一間是按呢解謎「薊屬（學名：Cirsium）、俗稱雞鵤刺（臺灣話：ke-kak-tshì），屬於菊科」，一間是台灣天健專研10年的朝鮮薊到底是什麼？確定 Artischocke tī 台灣有雞鵤刺這个講法，我就自動 kā 添兩字羅馬雞鵤刺。

鵤 ê 紹介 tī 2024.9.18.台視台語新聞主播郭于中逐工一字「鵤」（kak）mā 有真詳細 ê 紹介。

厝邊栽 ê 羅馬雞鷸刺

羅馬雞鵤刺蘑菇雞肉

...... 材料 ......

雞襟胸，切塊　1

罐頭羅馬雞鵤刺　240g

Kam-má-tooh，切塊　2

洋蔥，刴幼　1

蒜頭，刴幼

Khu-lì-mù Tshì-sù　50g

滾水　

芳料草

鹽、胡椒

...... 步數 ......

1. 洋蔥、蒜頭落鼎芡芳，Kam-má-tooh、芳料草濫落去炒軟，滾水摻落去，煮10分鐘，絞做醬。

2. 蘑菇落鼎炒芳，雞肉摻落去炒 hōo 赤赤，羅馬雞鵤刺、Kam-má-tooh 醬濫落去搜 hōo 齊。

3. Khu-lì-mù Tshì-sù 濫落去，抐 hōo 散，tiàu 寡鹽、胡椒，樂暢來食。

Ich weiß, ich sehe hässlich aus, aber nicht vergessen, was passierte mit Aschenputtel.

Wichtige Sachen sind nicht mit dem Auge zu sehen, aber mit dem Herz.

Lecker, super lecker!!!

Hähnchen mit Artischocke und Champignon

...... Zutaten ......

Hähnchenbrust in Stücke geschnitten　1

Champignons in Stücke geschnitten　250g

Artischocken aus der Dose　240g

Tomaten in Stücke geschnitten　2

Fein gehackte Zwiebel　1

Fein gehackter Knoblauch

Frischkäse　50g

Wasser

Kräuter

Salz, Pfeffer

...... Zubereitung ......

1. Zwiebel mit Knoblauch in die Pfanne geben und anbraten bis sie goldbraun ist, Tomaten mit Kräuter dazu geben und anbraten bis sie weiche sind.

2. Wasser dazugeben und gut mischen zum 10 Minuten kochen, dann pürieren.

3. Champignons dazugeben und anbraten bis sie goldbraun sind, Hähnchen dazugeben und anbraten bis es goldbraun ist.

4. Artischocken dazugeben und gut mischen, Frischkäse dazugeben und gut mischen.

4. Mit Salz und Pfeffer abschmecken. Guten Appetit!

I know I look ugly, but don't forget what happened with Cinderella.

Important things cannot be seen with the eye, but with the heart.

So yummy!!!

Mushroom and Artichoke Chicken

...... Ingredients ......

Chicken breast cut into pieces　1

Mushrooms cut into pieces　250g

Canned Artichokes　240g

Tomatoes cut into pieces　2

Finely chopped onion　1

Finely chopped garlic

Cream cheese　50g

Water

Herbs

Salt,pepper

...... Method ......

1. Add the onion and garlic to the pan and fry until golden brown, add the tomatoes and herbs and fry until soft.

2. Add water and mix well to boil for 10 minutes, then puree.

3. Add the mushrooms and fry until they are golden brown, add the chicken and fry until golden brown.

4. Add the artichokes and mix well, add cream cheese and mix well.

5. Season with salt and pepper. Enjoy yor meal!