水，這个物質，從來 m̄ 捌固定

  • Nicht lachen, nicht trauern, nicht verabscheuen, sondern verstehen

一目𥍉 Pixnet ê 口座 mā 開 bueh 3 冬，一目𥍉踮遮 mā 寫 bueh 500 篇 ê 文章，這久越頭看規腹火 ê 我，我總算理解踅墓壙讀著 ê 文字 SEIN RAT IST WUNDERBAR und Er führt es herrlich hinaus/JESAJA 28/29 / 伊 ê 建議真好，而且伊執行甲真好。無伊 ê 建議交完美 ê 執行，我 buē 發現家己 mā 愛請人食觸意 ê 肝煙腸（Beleidigte Leberwurst）。感謝請我食觸意肝煙腸 ê 人 hōo 我理解遇見幾乎換個角度看生活 ê 大人都愛說孩子是他們的一面鏡子，孩子說什麼做什麼，都是大人的反射，要讓孩子有好模樣，大人應該先做好榜樣。可是，我不想要變成好模樣，也不需要好榜樣，我要自己長大，要成自己的樣子，我討厭變成別人的樣子。

感謝推薦我寫部落格 ê 人，因為恁 ê 建議 hōo 我揣著恬靜交理解並接受水，這个物質，從來 m̄ 捌固定。

2022.01.27 

部落格寫 bueh 6 冬猶原 teh 巡田園，翻田塗搜揣合「格」無豬母牽去牛墟 ê 風格，總是我就是我，我真僫無 kā 豬母牽去牛墟飼。呔討有這款性地，到今我猶 teh 繩，總是我接受家己 ê 自在，只要豬母有飼甲肥朒朒 hōo 我得著寫部落格 ê 目的 --- tī 家己海海 ê 文字行出罩霧。

是眼前 ê 事項 hōo 我慼抑是 hoo-lú-bóng 使弄情緒海湧？

身體荏跍踮厝，彼个若牢根 ê 綴我來 tī 最後一喙咖啡猶未順舌滑到嚨喉管，我二手 Fujitsu 隨身電腦已經開始上班 hōo 我憢疑我是荏身抑是懶屍。 

水，這个物質，從來 m̄ 捌固定

這久 ê 元気佮敲電話彼時 ê 元気 mā m̄ 是固定，不過我非常確定 tī 無事 ê 日子，早起頓一結束，碗箸 mā 窮好洗好就隨田螺循舊逝，較行 mā 彼逝 ê 上 Pixnet 開始我一屑仔攏無費神 m̄-koh 自在享受屬於我家己孤𣮈十色五彩 ê 景緻 。

Pixnet 有「邦邦」，有「興趣牆」，有「APP」遮 ê 選項，總是我是田螺，田螺是我，m̄ 管 tī 遮幌幾冬，我較幌 mā kan-ta 幌入去我 ê 大頭相 ---「我的部落格後台」，我 buē 檢查敢有人成做我 ê 朋友 mā buē 刁工 kā 挨拶做囮招人來遮行踏，我 kan-ta 注心我家己 ê 十色五彩。

無元気 ê 早時，窗仔外 ê 青蘢蘢 mā 幔一軀烏衫， CCLEANER 一揤落，外甥仔隨行倚點燈火，一切照舊，揤我 ê 大頭相。

「相簿」、「部落格」、「留言」、「名片」猶原規欉好好無變化，我 ê 大頭相煞走無去。

Inhale, Exhale，Pixnet ê 經營者猶原是臺灣人，自 2019.8 開始寫 Blog 到今，我從來 m̄ 捌見過 Pixnet 禁止基本自由 --- 語文。

我無使用 Meta 總是迵過《阿愷之聲》認捌 Meta 遮 ê 社群媒體有一个特殊 ê 演算法，準做你 kā bué 廣告效益 mā 是青盲點燈火，無彩工 ê 無私寄付。

科技 tuì 我無興趣，我 tuì 伊 mā 是𫝛款 ê 態度，這久 ê 問題我唯一 ē 曉做 ê 代誌就是關機、重新開機 hōo 伊沖一下仔涼。

電腦沖一下仔涼，我 mā 順這个勢斡頭行向廚房斟一杯仔家己調 ê Lê-bóng 荷蘭水 mā 繼續 Meditation 較停仔 ê 燖補。

隨身電腦是按電腦維修店 bué 轉來 ê 二手電腦，伊 ê 風箱只要搪著系統猶 teh 走，彼聲就若風鼓 teh 分粟仔，耳聽電腦風鼓聲，腦 meditation 燖補 ê 料，跤綴九月狗爁日。

「這是𪜶吸引其他無 bueh 使用《痞客邦-台灣人的互動生活百科》APP ê 步數」電腦猶原 teh 沖涼水，我 ê 心開始若𪐞著烏墨 ê 宣紙開始按白轉烏。

阿愷分張流量密碼 ê 聲音步頻出現 tī 耳空鬼仔，電腦風鼓聲 mā 滅去，遇見《幾米換個角度看生活》，Ruby 按臺灣紮來德國送我 ê 幾米限量茶杯仔，查埔囡仔頭歪一爿講「大人足愛講，囡仔是𪜶 ê 鏡，囡仔講啥做啥，攏是𪜶 ê 雙生仔，向望囡仔有一个好模範，大人就愛有好𤆬頭。M̄-koh 我無興成做好模範 mā 無需要好𤆬頭，我 bueh 家己大漢，成做家己 ê 生張，我慼成做別人 ê 鏡。」

我佮意聽阿愷講文學說音樂佮台長時間，總是成做一个有耳無喙 ê 聽眾，見聽伊講「有聽眾 ê 支持是伊繼續行落去 ê 動力」這時我 ê 頭殼就 ē 相拍電，起因興趣敢 m̄ 是準做孤單無人相陪伴猶原繼續向行？

我佮意寫 Blog，因為伊是我 ê 紅天狗茸，我 ê 苦湯，準做 Pixnet mā 沓沓仔行向泡麵行銷，凡事攏愛踅轉去 APP tsiah 有法度盤山過嶺行到 Blog 後台，準做我 tuì Blog 有逐日動 buē 停 ê 熱情，我 mā 願意放棄，起因熱情是按心肝穎發穎 m̄ 是跟綴別人 ê 噗仔聲繼續接枝生湠。

咂一喙 Lê-bóng 荷蘭水，Pixnet 猶原是 Pixnet，進前搪著 ê 問題凡勢是工程師 tī 調整系統？

寫到遮，想著有百年厝，無主人主佮起厝千工，拆厝一陣風，我敢需要遮爾仔要意這件代誌？

Pixnet 若 m̄ 是 Pixnet 換角勢就好，免綿精這个問題 teh 齷齪。

啊，這个情緒海湧果真是 hoo-lú-bóng tī 變鬼變怪，kā 烏白亂愖轉做文字真正是解齷齪 ê 藥帖。

自落南法國、西班牙、葡萄牙睏天路車日子到這久已經上北轉來到德國，歇睏 3 月日 ê Muse 伊猶原無愛來相揣，閒甲掠蝨母相咬 ê 我 tsiah 發現這个轉變，我 buē 閣行入無尾巷綿死綿爛保存無論按家己來抑是別人來 ê khiau-khi。

我總算理解 Non ridere, non lugere, neque detestari sed intelligere/勿喜，勿哭，勿恨，不過諒解。

 

 

Also...im Moment mein Kopf ist leer.

Ich gucke den Artikel und das Bild an.

Dann finde ich...

Mann... Meine Artikel sind furchtbar...

Naja, nicht ganz.

Aber, fast 3 Jahre hier.

Ich habe eine neue Idee zum schreiben.

So wechsle ich alles.

Ich lösche Rezepte und Bilder, wenn ich den Text nicht gut finde oder wenn er mir nicht gefällt.

Ja, am Anfang finde ich es traurig.

Weil, Sie waren mein Baby, mein Schatz.

Als ich darüber nachdachte, war ich in meinem eigenen Problem gefangen.

Ich fühle nicht gut und störend.

Ich muss die Lösung finden.

" Ich liebe meine Tochter und möchte ich sie mir immer bleiben.

Aber, sie ist eine Person, sie hat eigene Seele und Leben wie eines Tages ich werde ihr Leben verlassen.

Deshalb helfe ich nicht viel aber sie wird wissen, ich bin da obwohl ich nicht da bin. "

Ja, das sagt mein Mutter.

Dann habe ich Frieden, ich bin nicht mehr traurig oder störe.

Das Leben ist geben und aufgeben.

Wir finden neues Leben im geben und aufgeben. Das ist alles, Tō-án-ne, That's all.

 

 

Well...at the moment my head is empty.

I look at the article and the picture.

Then I find...

Oh dear... My articles are terrible...

Well, not exactly.

But, almost 3 years here.

I have a new idea to write.

So I change everything.

I delete recipes and pictures if I don't like the text or if I don't like it.

Yes, at first I find it sad.

Because, they were my baby, my darling.

When I thought about it, I was caught up in my own problem.

I don't feel good and disturbing.

I have to find the solution.

"I love my daughter and I want her to stay with me always.

But, she is a person, she has own soul and life as one day I will leave her life.

So I don't help much but she will know I am there although I am not there. "

Yes, that's what my mother says.

Then I have peace, I am no longer sad or disturbing.

Life is giving and giving up.

We find new life in giving and giving up, that's all, das ist alles,tō-án-ne.