Hus 聖杯
兩冬前我 kan-tann 捌 Hus 這个名，兩冬後 uī-tio̍h 手面趁食 tsiah 斟酌繩資料 Hus ê 聖杯是按怎出現 tī 這个名聲無透京城押尾連越南商店攏離開 ê 田庄。
人生正經 hōo 你 buē 節得，不過你 ē-tàng 順家己 ê 跤步繼續向前行。
兩冬前 gún m̄ 捌想過有一日 ē 閣踅翻頭轉來相𫝛 ê 田庄，兩冬後 ê 瑞典、挪威車日子引𤆬 gún 順伊 ê 跤步車向捷克向這地土地佮家己 ê 歷史循禮，循相𫝛 ê 角勢，禮(理)無相𫝛 ê 記持。
Chadimův Mlýn Kemp --- gún 進前 ê 徛位
兩冬前 ê gún tī 這角勢，退休開始車日子 ê 荷蘭翁仔姐 tī 彼角勢兩月日。
Chadimův Mlýn Kemp --- 荷蘭翁仔姐 ê 徛位
兩冬後 ê 這久，這對熱情古錐 ê 翁仔姐已經徙位，換 gún 接手𪜶 ê 角勢 mā 想 bueh kā 家己栽 tī 遮，總是，gún-ê 時鐘猶未行到 60 分鐘 hōo 日頭熁甲 kiōng-bueh 著痱仔 ê 皮膚猶未褪，雞公 mā 猶未跟綴金烏 ê 跤步𬦰向山尾 --- Kikeriki。
九月寒，無人知 ê 𫝏已經𬦰上 gún-ê 雞母皮 hōo gún 提早清醒，馬西馬西 ê 日子，等指針行到12 tsiah 來栽欉。
Chadimův Mlýn Kemp --- 我心目中 ê 捷克露營頭名
感謝露營主人家翁仔姐 kā 露營區維護甲遐爾仔四序整齊閣清氣。
這斗 tsuē-tsuē 露營區是莫閣相見較 buē 得生驚 --- 垃圾腌臢(a-tsa)兼起價。
Hus 聖杯
Mā 感謝家己 ê 痟貪，因為伊 hōo 我綴風行 mā 綴歷史行這石石碑 ê 故事。
愛就是無聊無賴 ê 四常
湠出來 ê 滿足
Liebe ist das langweilige Leben
Aber die Langeweile macht uns zufrieden
Horní Dubenky 自 14 世紀有正式記錄開始，伊 ê 字名 tshan-tshiūnn 德國猶未牽手成做聯邦進前 ê 百樣。
遮 ê 百樣佮「撨」𫝛款，準做伊成做另外一个面肉另外一个聲調 ê「喬」，伊猶是「討論」、「拔(pueh)大索」ê 14。
Horní Dubenky 是兩个形容辭敆做一个形容辭，14 是田庄、山、河流(hô-liû)。
Horní Dubenky 佮 Dolní Kounice 相𫝛攏 m̄ 是這逝車日子設定 ê 一蕊跤花，總是，按無緣成做有緣必有伊 ê 因由。
「Horní Dubenky 倚 Telč 無蓋遠，你若 bueh 去遐，咱 ē-tàng 按遮出發」翁那指手機仔內 ê 新聞那講，我 kā 目尾按伊 ê 手機仔䀐一下講「我無遐爾仔政治。」
是，車日子到遮 mā 搪著前立法院長水牛伯游錫堃行踏 Telč，因為 2020 彼場選舉 hōo 翁掠做我是死忠 ê 綠色，所以特別 uī 我安排這蕊跤花。
「臺灣佮西德年間𫝛款，你 buaih kā 美好歲月留 tī 獨裁，準做你無佮意這个政黨，你猶是選擇伊。」
事項安排好勢，翁徛踮公車徛牌手指往 Telč ê 車幫講「遮有公車通坐。」
公車徛牌若臺灣歷史 m̄ 捌出現 tī 我 ê 求學階段，一句話攏無應一个目尾攏無使繼續綴頭犁犁 ê 麥仔田逐鴨卵仁。
Horní Dubenky ê 地理景緻就 tshan-tshiūnn 伊 ê 字名 --- 田庄、山、河流(hô-liû)，金甲若 El Dorado ê 麥仔田比當地居民閣較 tsuē hōo gún 掠做伊只不過是一个田庄，像「大里」。
我印象中 ê 大里有兩个，一个 tī 宜蘭，一个 tī 台中。
一个因為近代影戲《悲情城市》成做出名地，一个因為扞權者換人，伊 ê 歷史 mā tshan-tshiūnn 倒風內海 ê 歷史綴浮崙消失。
總是，歷史需要人，人 mā 需要歷史 ê 一人一半感情 tsiah buē 散，順阿波羅漸漸變柑仔色 ê 頭鬃行尞，gún mā 綴著阿波羅暝日 m̄ 願放棄 ê 綿爛。
Tī 人類生命之泉綴水拹仔斡入去消防隊徛位 ê 街路 tī 戰爭 ê 世界無分你是啥物人，你佮我攏是扞權者手頭內 ê 仝一个棋。
「人類 ê 平和總愛等到這个時陣 tsiah 有法得得著平靜」我綴紀念碑巡每一个人名，願𪜶安息 mā 願世間有一日 buē 閣有任何一个人因為別人 ê 驕傲佮自私來犧牲家己 ê 性命。
Horní Dubenky 規庄人口無到六百个，草埔食草 ê 牛比觀光客 tsuē，白爍爍 ê 觀光客又閣比黃錦錦 ê 觀光客 tsuē，想 bueh 入港隨灣，入鄉隨俗綴當地人挨拶 tsiah 發見我 ê 捷克是 Kafka 是 Milan Kundera，m̄ 捌學過半句捷克語 mā kan-ta ē 曉借別人 ê 神魂來要求別人順我 ê 利便。
我 ê 日文無幾句，總是すみません遮 ê 簡單日語 hōo gún tī 日本行跤花感受。
Mandela ê「自由 m̄-nā 是解脫自己 ê 跤枷，更加是尊重別人佮增加別人自由 ê 生活態度。」
「較停仔愛來請教露營主人家捷克人按怎挨拶」我那微微仔笑 tìm 頭說 Hallo 那綴無閒網路社團 ê 翁講。
「德語比英語較時行，像女人主家講伊講德語較自在」翁應。
「捷克已經 m̄ 是 1945 進前 ê 捷克，準做𪜶保留 tsuē-tsuē 德國佮奧地利無想 bueh 挃 ê 舊漚舊臭」我哼一聲繼續纏綴頭鬃色水 m̄ 知 tī 底時已經按柑仔色迵粉紅色 ê 阿波羅向行划。
Horní Dubenky 無 Telč ê 徛家面肉 mā 無宜蘭大里 ê 影戲龍袍加身 kan-ta 一間按瑞士來 ê Coop(Co-op)。
「經過戰亂，無啥物比維持性命閣較重要」我手指 Coop 那行那剾洗「德國標準」。
這逝車日子進前，gún 無一斗無 uī-tio̍h gún 翁 ê「德國標準」 teh 冤家量債。
Gún 德國人露營攏 mā kan-ta 食麭配 Ka-pi 無人 teh 食麵食米遮--ê，按呢，恁紮遮 ê 鼎鍋仔出門是紮來展風神？
翁知影無我伊 ê 跤花永遠箍 tī 仝一蕊，無我伊 ê 喙斗 mā 永遠停跤 tī 麭遮 ê 白汫無味，sóo-tí 準做 hōo 我𠞭肉 mā m̄ 敢喝痛，起因我講 ê 攏是事實。
踅入去 Coop 見著佮我仝款面肉 ê 店東，店東掣一趒我 mā 掣一趒，不過有閣較 tsuē ê 欽佩，若是我，我敢 bueh 來遮徛店生湠？
款寡愛食 ê 捷克優格，捷克優格正經好味素，店東知影我 m̄ 是越南人簡單問一句中國抑是臺灣。
「臺灣」隨手指大頭姆 hōo 我想著𫝛款是按越南來捷克生湠 tī gún 數結好閣加送 gún 一盒番仔火 ê 越南店東並順店東 ê 手勢按店門口向倒手爿行「遮是 ē-tàng 接咱轉去 ê 路 m̄ 閣有較遠寡，而且無啥物特別 ê 景點通看」翁 kā 伊心愛--ê 交代 hōo 伊 ê 信息講 hōo 我聽。
「你 ê 心愛--ê 是死 ê，店頭家是活--ê，你若無興趣揣寶，你 ē-tàng 綴你心愛--ê 行轉去露營地」我講。
當當我按呢愖，捷克果真是較無受宗教束縛 ê 國家，準做伊捌 uī-tio̍h 宗教自由奮鬥。
「正斡，遐有一間教堂」翁講。
當我想 bueh 繼續向行划，翁大聲喝「遮 mā 是 Jan Hus 革命 ê 重要角勢」伊手指一粒 kan-ta 鏨捷克文 ê 石頭講。
「你若知影這是 Jan Hus 革命 ê 重要角勢」我問。
翁恬靜指石頭頂 ê 字名佮字姓講「讀無捷克文，總是人名讀有」翁某恬靜一人徛一爿頭若龜伸長長向無告示牌 m̄-koh 整理甲清氣啖啖 ê 厝探。
「咱來教堂看覓，無定著遐有紹介」翁講。
順 Jan Hus ê 石碑斡入去教堂，見著藝術家 ê 展覽特別是這張，我感受著時間有伊家己 ê 安排。
恬靜順遮 ê 圖行踏教堂，m̄ 管佗一个宗教 m̄ 管佗一个生物攏愛面對生、老、病、死，遮 ê 苦海，少一个愛，人生真正白汫無味。
有愛，閣較苦 ê 人生 mā 快樂。
綴遮 ê 圖 kā 起 tī 19 世紀 ê 教堂恬靜踅一輾，猶是揣無 Jan Hus ê 答案，只好家己補腦教堂外口 ê 石碑佮看起來無到百外冬 ê 厝，凡勢是 Jan Hus 捌蹛過 ê 所在。
起因，tī 德國只要 Martin Luther, Goethe 捌歇過暝抑是停睏 ê 樹攏是觀光景點，這久又閣是以出名人做觀光主要宣傳 ê 年間，我想 Jan Hus ê 跤跡 mā 是這个田庄 ê 重要觀光景點之一。
Die Schlümpfe
見著 Schlümpfe 我又閣成做一隻貓，主人家是 tī 捷克 hőng 硬逼做 tsa̋u-kán 就捌伊抑是？
遮 ê 答案到今猶無回答，不過我已經揣著 Jan Hus ê 答案。
遮是 Hus 革命重要戰役其中一个角勢，Hus 革命軍 ê 將軍 tī 遮運用伊少少 ê 兵力 kā 兵𤆬到家己 ê 基地。
這是 gún-ê 露營地，一搭徛位 5 百外冬 ê 老厝，伊按麥絞成做共產年間 ê 政府土地，共產年間結束，伊踅轉來原家主人 ê 手頭。
這久 ê 伊是博物館，是私人牧場主人家專門飼 Angus Cattle，是露營地 mā 是囡仔 ê 戶外教學地。
Das Abendessen auf dem Campingplatz/露營食食：串仔番麥生菜盤
Tī 遮停跤三暝，我 hōo 歐洲 ê 燒湧燒甲險險 bueh 變人脯，生菜盤就成做我上好 ê 朋友。
栽欉 2022.07.28
翻田塗 2024.04.27 u. 2024.09.14
留言列表
冊 ▪ Bücher ▪ Books (4)
