亂皂𥴊仔店 ⓂⒺⒾⓃⓀⒾⓄⓈⓀ

Παλαμήδι/Festung Palamidi/Palamidi 堡寨

Vielleicht ist es schon dreißig Jahre her, ich kam allein hierher, diese Burg war nicht geöffnet.

Weil du auf mich wartest, sage ich.

Ja, ich warte darauf, mit dir hier zu sein.

Romantik und Glück, oft muss man sie selbst herstellen, um sie zu bekommen, es ist auch ein Teilen von Liebe.

Παλαμήδι/Festung Palamidi/Palamidi 堡寨

「應當有三十冬我一个人來遮，彼久 ê 遮歇寒無開門。」

「因為你 teh 等我佮你做伙來」我講。

「著，我 tī 聽候媠某做陣行跤花 ê 彼日。」

Romantik 佮快樂，捷捷攏愛家己製作 tsiah buē 走精，家己製造浪漫 mā 是幸福。

Παλαμήδι/Festung Palamidi/Palamidi 堡寨

Ναύπλιο 是行踏希臘首都雅典落南 Ἐπίδαυρος 佮 Αρχαία Κόρινθος ê Sa̋-bì-sù 景點，簡約來講就敢若綴團行尞 Türkiye 按 Pamukkale 到 Cappadocia，旅行社 ē Sa̋-bì-sù 送 Konya。

不過，gún m̄ 是綴團來 m̄-koh gún mā 綴旅行團行傘形路線，按 Αρχαία Κόρινθος 四界湠跤花。

Ναύπλιο tī 希臘 tsuē-tsuē 出名景點排名第幾名，我無研究，總是聽 gún 翁分張伊 tī 烏狗兄年歲到這久會使得做阿公年歲 ê 觀光變化，伊 buē 𤆬閣較 tsuē 觀光客來遮行踏，伊 mā buē-tàng 無行踏這座 uī-tio̍h 防禦(hông-gū) Osmanlı 起 ê 堡寨。

寫到遮，我 tuì 無參加 UNSECO 俱樂部 ê 伊 ê 票價 buē 閣遐爾仔掛意 m̄ 願放。

Παλαμήδι/Festung Palamidi/Palamidi 堡寨

起造 tī 1711 ê Palamidi 堡寨是威尼斯人 Francesco Morosini 自綴著 Caesar 跤步致意國防要地之一，不過，彼當陣無一个人認為這个角勢有法度徛一座堡寨，因由山勢過崎。

總是，人類有法度離開地球上月球寬寬仔行跤花，這山 mā 有法度徛一座堡寨，就按呢，這个本底 hőng 認定 ē 了錢閣了工 ê 堡寨，kan-ta 開三冬(1711 ~ 1714) ê 時間就完成，並號名 Palamidi。

這个名是按希臘神話特洛伊戰爭 ê 英雄 Παλαμήδης 來。

Παλαμήδι/Festung Palamidi/Palamidi 堡寨

這座堡寨寢開始 ê 範圍無這久 ê 曠闊，因由技術有限。

堡寨完工後一冬，地中海西爿 ê 厝邊離開換東爿 ê 厝邊來，這位新來 ê 厝邊 mā 跟綴離開 ê 西爿厝邊跤步骨力增加國防。

Palamidi 堡寨這久 ê 闊度就是按東爿厝邊扞地百冬外傳承落來。

寫傳承是真龜怪 ê 用辭，總是這確實是歷史 ê 一部份，像咱番薯島傳承 tsuē-tsuē 不同文化 ê 意象，像王田，像甲，像病院，像便所像 Zeelandia 𫝛時，希臘家己 mā 湠出 tsuē-tsuē 枝葉 hőng 傳承。

面對歷史，接受歷史𤆬來 ê 變化 tsiah 有法度無綴固定色緻踅金龜磨，這是我 ê 想法。

Παλαμήδι/Festung Palamidi/Palamidi 堡寨

Palamidi 堡寨是 16 ~ 19 世紀上捷出現 ê 堡寨形體，簡單來講就是護城河閣有一个護城河，只不過這个河 m̄ 是河，是一搭防禦佮作戰第一要地 ê 鋩角形堡塞。

Palamidi 目今 ê 面肉已經看無葡萄牙 Nossa Senhora da Graça Forte ê 鋩角形，m̄-koh 徛懸山看海景 ê 魅力 m̄ 捌消退，只不過跤腿愛有力就是。

Tī gún 猶未拆票，一陣按停車場行過來 ê 美國人已經喘甲 kiōng-bueh 做仙，票拆好入城三跤步一美國人問「恁敢有行到頂？」，「猶閣有偌遠？」

看美國人參觀甲 kiōng-bueh 做仙，按懸山落山 ê 我齊講「遮一四界攏看有 Ακροναυπλία 佮 Μπούρτζι。」

Παλαμήδι/Festung Palamidi/Palamidi 堡寨

Acronauplia 是 Ναύπλιο 上老 ê 城市，Bourtzi 是一座倚埠頭並由威尼斯人 tī 1473 起造 ê 海上堡寨。

Acronauplia 現此時是三跤步一坎店，威年斯年代是堡寨，Bourtzi tī 希臘人合力 kā Osmanlı 請轉去舊厝了後，伊成做櫳仔到 1865，紲落來 ê 1930 年伊按陰鴆性格轉型做燒烙性地，自 kan-ta 12 間房間佮一間餐廳開業到今 ê 飯店，不過中間有歇睏，因為軍政府扞家。

Παλαμήδι/Festung Palamidi/Palamidi 堡寨

Ναύπλιο tī 歐洲人猶無人重視家己 ê「海」以外 ê 中世紀進前伊並 m̄ 捌 hōo 人䀐過伊一目，伊一直到威尼斯人 tī 遮起堡寨 tsiah 成做人猶 buē 見過面 mā 硬 bueh 娶 ê 角勢。

歷史愈揣愈 tsuē，準做 tuì 歷史無認捌 mā-ē 學著這件代誌，人類正經是 m̄ 捌 tī 歷史內底學著啥物智慧，m̄-koh 展風神，我 ê 14 是學問 ê 比並。

我 ê 學問無飽滇，總是冊猶算有讀過幾本，sòo-pái 當我發現遮 mā 是捎無摠 ê 歷史地名之一，網路一接線隨請教伊 Levant ê 範圍，紲落來 tuì 翁講歷史正經是一陣少少 ê 人選𪜶佮意 ê 故事。

歐洲人 ê 故事留 hōo 歐洲人家己去講，我 kan-ta bueh 記錄家己有興趣 ê 故事。

Παλαμήδι/Festung Palamidi/Palamidi 堡寨

威尼斯人面對 Osmanlı 佮黑船 bueh 相𫝛 ê 競爭，捌成功抵抗兩擺，不過押尾猶是 tī 1540 𫞼白旗仔，紲落來 tī Ναύπλιο ê 角勢 kan-ta 賰這个 Palamidi 堡寨。

Palamidi 堡寨 mā 是海外徛威尼斯人字姓上押尾一个角勢，所以威尼斯人 mā 成做現此時 ê 睏獅拚勢 tī 填海造礁派守軍，不過骨力無保證烏塗 ē 變黃金。

Palamidi 堡寨猶是綴別人姓，總是這久姓啥無表示永世就姓啥，像這久 ê 囡仔 tsuē-tsuē 無綴老爸姓。

綴 Osmanlı 姓百外冬 ê Ναύπλιο 又閣揣著家己 ê 姓並綴這个姓到今，現此時看起來無啥特別 ê Ναύπλιο 是希臘人合力 kā Osmanlı 請轉去家己徛家後 ê 首都。

伊 ê 重要性一直到 1834 tsiah 承 hōo 這个年間通人捌 ê Αθήνα。

傳統希臘食食Taramosalata

我 buē 曉讀希臘文，總是讀羅馬字 mā 大約仔有法度臆出伊是生菜敆生肉，請教翁伊敢是 Mett(德國中部一款生豬肉濫芳料 ê 生肉料理)，翁講 m̄ 是 m̄-koh 佮 Mett 仝款好食，當伊按呢應話，表示伊決定是 bueh 相仝 ê 料理，只不過伊拄好是伊愛食 ê 彼味。

Tartar 有 tsuē-tsuē 變化，我每一項攏食 buē 合，gún 翁是看款食。

「你無興趣 m̄-koh 會使得 kā 我點一份」伊那𫝻手機仔若交代，物件送來 mā 大方分張講「這 kan-ta 魚」，聽著魚我就真有興趣隨試一口，是講我 mā 捌食過秘魯同學家己做 ê Ceviche。

Ceviche 足敆喙 Taramosalat 試一喙無感覺，第二喙無佮意，第三喙確定佮伊無緣，規盤讓 hōo 喙瀾㴙㴙滴閣㴙甲連阿貓貓攏叫 m̄ 敢 ê 翁家己享受。

Tzatziki

遮自成做首都就是希臘重要 ê 觀光地區，所致遮 ê Tzatziki tuì gún 來講就若德國電視台分拆亞洲餐廳是按怎有法度款遮爾仔 tsuē 料理仝款，白汫無味。

Moussaka

是講希臘上大島 ê Crete mā 是觀光地區，gún tī 遐食 ê 料理猶原比遮較好味素，而且是喉韻厚甲今。

遮 ê Tzatziki 無鹹無櫼，遮 ê Moussaka mā hōo 我食一喙隨喙白討債。

海產總匯

希臘倚海，海產 buē 講貴甲 hōo 我若 tī 德國按呢十二月睏厝頂，凍霜甲一仙攏計較，我 mā buē 因為物件無敆喙隨討債，除非伊傷過酸、鹹、薟。

這盤海產總匯上一桌，我隨成做貓 tuì 阿貓貓講咱逐家做伙公分，阿貓貓一聲聽隨个隨个 mā 徙倚佮我做陣享受。

我愛希臘料理，我 mā 理解觀光地區 ê 食食無法度 hōo 人滿意，總是 mā buē 使得按呢生，kā 人客服務甲一屑仔攏無法度掠枵。

按遮轉去「économie」露營地，我若揣著 Ναύπλιο 食食因端，伊 ê 食食應當有受著觀光客 ê 影響，像 tsuē 人講好食 ê 西班牙，一搪著英國、德國、美國、瑞士 mā 白汫無素。

呔討 Ναύπλιο ê 食食 ē 遮爾仔無味無素 kā 人講西班牙無好食徙過來，答案隨出來。

Ναύπλιο ê 食食無特別，m̄-koh 特別 ê 芳料草無冇手 buē 使得。