亂皂𥴊仔店 ⓂⒺⒾⓃⓀⒾⓄⓈⓀ

Gún 翁無法度理解，我見著弓蕉一公斤一歐圓隨喝貴 ê 心情，我 mā 無理解伊明明知影𪜶兜勥母是 buē 曉泅嫌溪狹卻綿死綿爛愛哭愛綴路綴伊款一堆根本無 teh 使用 ê 物件。Gún 隨人有隨人 ê 半斤八兩，總是我 hōo 伊 ê 無理解比伊 hōo 我 ê 無理解閣較 buē 食倒家。

咱有下願 buaih 喋𪜶爸母，總是猶是愛舉一个例做證明，我 tuì 弓蕉 ê 偏見 buē hōo gún 食倒家，不而過𪜶勥母 ê 𠢕扞家絕對 ē hōo 𪜶食倒家。

我一个白鐵平鼎仔煮萬項，逐日六分鐘出好菜 ê 勥母廚房分類櫃一拍開，平鼎仔至少有十个。我最後一上交𪜶做陣 tī 𪜶兜食飯，勥母當𪜶翁 ê 面 kā gún 翁仔某投「廚房傷過細間愛 kā 倉庫拍掉，改做一大間。」Gún 翁仔某知影伊 ê 意思，不而過無興趣做中人，所致恬恬無紲喙，gún 翁𪜶老爸直接換喙喋別項。

「恁老爸總算 buē 閣人牽 m̄ 行，鬼牽溜溜行」我講。

「曷 m̄ 是悾歁講」gún 翁褒嗦𪜶老爸 kā 天公借膽。

進前 m̄ 知物啥物因端 hōo 一公斤價數大約仔是 0.79 ~ 0.99 歐圓 ê 弓蕉漲懸價到有機弓蕉上俗價 ê 箍六， 有機弓蕉坐火箭 ê 價數就愈免討論，gún 兜 ê 優格甜路杯就請弓蕉暫時歇睏，換人做主角。這斗行踏超市發見無 tī 廣告單 ê 弓蕉 mā 開始摒俗貨，一公斤一歐圓斡頭離開隨閣翻頭。

囡仔時 ê 肉羮麵一碗十五箍，家甲做來德國進前敢若已經起甲一碗八十五箍，我若 uī-tio̍h 彼一仙交伊計較，我交 gún 翁無啥物無相𫝛，是 m̄。

弓蕉藍莓優格

...... 材料 ......

弓蕉，切片	2子
藍莓	60g
牛奶	200ml
麥角	40g

...... 步數 ......

1. 麥角、牛奶濫做陣抐 hōo 散，等10分鐘。

2. 弓蕉、藍莓鋪落去，樂暢來食。

---

---

---

 

Endlich Bananen unter einem Euro. Ich weiß nicht, was andere Leutue denken, aber für mich müssen Bananen unter einem Euro kosten, weil sie in meinem Heimatland nicht so teuer sind wie Äpfel.

Ja, jeder hat seine eigene Perspektive und gewöhnt sich von seinem Heimatland daran. Ich weiß, das ist nicht gut, aber im Moment kann sich nichts ändern.

Joghurt mit Bananen und Heidelbeeren

...... Zutaten ......

Bananen in Scheiben schneiden	2
Heidelbeeren	60g
Milch	200ml
Cornflakes	40g

...... Zubereitung ......

1. Cornflakes mit Milch gut mischen.

2. Banane mit Heidelbeeren hinzufügen. Guten Appetit!

---

---

---

Finally bananas under one euro. I don't know what other people think, but for me bananas must cost less than a euro because they are not as expensive as apples in my home country.

Yes, everyone has their own perspective and gets used to it from their home country. I know this isn't good, but nothing can change right now.

Blueberry Banana Yogurt

...... Ingredients ......

Slice bananas	2
Blueberries	60g
Milk	200ml
Cornflakes	5g

...... Method ......

1. Mix cornflakes with milk well.

2. Add banana with blueberries. Enjoy your meal!