「Gún 有一句俗諺語，豬 m̄ 大，大 tuì 狗去，伊 ê 意思是家己向望 ê 代誌無照按算來行，英語有一句林檎佮柳丁(Apples and Oranges)意思是根本無才調互相做比並 ê 代誌，這久 ê 你就是按呢生，交恁爸母無宛 2 體一模模一樣樣，準你認為你無做𪜶 ê 烏面賊 mā 交𪜶正式成做隨人付米，隨人落鼎，你猶是 teh 搬𪜶 ê 章回小說皮猴戲，我理解你交𪜶是臍帶結相連，總是歹勢我已經行出白仁相烏仁 ê 日子，無興交你纏綿 tī 這款人生，我真正無要意成做無翁無猴 ê 老人。」話一講煞我隨 tuì 家己拍噗仔，起因我講遮 ê 話無犀牛照角抑是心狂火著，顛倒是徛懸山看馬相踢，分拆問題 ê 人。
「我只是照家己 ê 想法交你分張我 ê 向望 」伊是銅牙槽鐵喙齒抑是愛吊脰閣搶後跤，tī 好種 m̄ 通斷，歹種 m̄ 通傳 ê 互相熥清飯，熥甲連好喙斗 ê 豬攏 m̄ 食，gún-ê 門扇鬥 buē 峇已經成做我 ê 侘寂 tī 欠點內底揣美感，tī 元神綁青竹掛豬肉。
「Gún 講人𠢕，mā buē 使得交天做對頭，咱家扞鼎 ê 天是我，我這个天萬分尊存你 ê 需求，總是你 ê 顛三倒四，反起反倒 hōo 我感覺你 ê 元神是恁勥母，勥母是你 ê 天，所致你想 bueh kā 我拊掉，tshan-tshiūnn 宇宙烏空按呢，烏空食烏空 hōo 人看 buē 出自來 ê 我，總是失禮，我正港無 kā 恁兜 ê 天看在眼內，總是你 ê 長短跤話，我需要特別劃紅線 hōo 你知影準做鴨母妝金，我 mā 知機彼是扁喙，畢竟我無向望你交我行向田無溝，水無流，無相交插。」
「我無長短跤話，有喙講別人，無喙講家己展家己相諍 m̄ 捌輸，我正經 kan-na kā 心內話講出來...」翁若發見家己講話無中人聽，所致愈講愈細聲。
「牛無力拖橫耙，人無理講橫話，這款問題咱做陣熥甲連豬 to m̄ 食，我 mā 是，隨在你主意，總是我 ê 主意是你 ê 暗時食西瓜，半暝仔反症，我一屑仔攏 buē 要意，起因我是鳥鼠趖竹篙，一目過一目照你意思來完成你 ê 向望。」
今年 ê 德國 tuì 我來講無寒人，不過今年 ê 寒人變化 hōo 我想著遮 ê 春日天，囡仔面、夏風向西北，熱到皮欲剝、三月三，一日剝皮，三日蓋被、西北雨，落 buē 過車路，不過今年上大 ê 問題是冬天雨較貴麻油，今年 ê 雪 m̄-nā 落無基本數連 24 个節氣 mā 無照起工來行，雨水 ê 空氣猶原焦燥，驚蟄(kenn-ti̍t) ê 雷公電母無來探訪，穀雨 ê 黃酸雨無來看顧塗肉 ê 青蘢蘢，節氣行到 bueh 夏至 ê 這久，我猶原 teh 未食五月粽，破裘 m̄ 甘放。
向時 ê 小滿 gún 翁仔姊已經出外遶山花，今年 ê gún 猶原決定停跤踮歐洲無 bueh 轉去台灣歇寒，就 kā 自本 ê 慣勢徙來寒人使用。向時 ê gún 我 tī 熱人來德國歇熱，gún 翁 tī 寒人飛來台灣歇寒，翁仔姐有閒做陣遶山花，無閒家己交三隻獅出門做陣行尞，新冠疫情改變人類行為 mā 改變 gún-ê 行為，gún tī 熱人出門遶山花，寒人規關 tī 厝，準做有觀光特套，一想著天無到 4 點齊烏交規魂舒愛包甲若肉粽隨放棄，就除了 bué 菜、做小工 tsiah-ē 出門，賰 ê 齊栽 tī 厝，這款四常 hōo gún 決定改變，自疫情到今猶原無機會轉去台灣，按呢落南去歐洲 ê 養天花所在 kā 𪜶 ê 開日當做是家鄉。
今年 ê 小滿德國 ê 南爿總算跟綴著節氣，開始出現西北雨，落 buē 過田岸 hōo 跟綴氣象局過四常 ê 伊，心肝穎總算免閣吊 tī 嚨喉蒂仔「咱兜外口彼條溪，總算有水聲。」
我 tuì 自然 ê 變化宛然自然罕得捌意要氣象局分張 ê 這禮拜 ê 溫度、後禮拜 ê 天氣是雨來天等等，起因人有悲歡離合，月有陰晴圓缺，咱人 ê 情緒不三時 teh 變化，大自然敢 buē？
「氣象報告講，這禮拜 ē 出大日，這久煞 teh 雨來天 hōo 我 buē 出門」Gún 翁 ê 嫌東嫌西、怨東怨西、罵東罵西，無順伊意齊是揣伊麻煩做對頭。我交伊按北港廟壁，晝(話)仙到自動成做耳空重，據在伊連天氣 mā bueh 食死死 ê 三禮拜天氣 tshan-tshiūnn 氣象局報告 ê 規禮拜是養天花，伊隨講「總算 m̄ 免繼續未食五月粽，破裘 m̄ 甘放，我 bueh 出門露營。」
我 tuì 大石頭硩毛蟹食人夠夠無興趣，所致 buē 食家己 ê 米，煩惱別人 ê 代誌，簡單問一句「敢 bueh 食飯飽 tsiah 出門？」
「當然 mā bueh，你敢會使得透早 5 點就攢早起頓，我想 bueh 較早出門，天氣遮爾仔好」伊講甲 buē-su 見著兩工後 ê 天氣。
「你知影頇顢 ê 我愛你 m̄-koh 我 mā 清楚知機家己 ê 愛無愛甲有才調 tī 歇睏日 uī-tio̍h 你 ê 趕緊 6 分鐘出好菜」我文文仔笑應。
「按呢你敢會使得 kā 我攢飯包 hōo 我紮出門？」伊火燒林投 buē 死心，繼續問。
我 mā 綿爛回應「這 m̄ 是做穡日，我無需要綿豉骨力做飯包來儉錢。」
德國人 ê 食外口經濟逐年降低，這个現象 tī 烏露戰爭開始楦闊，楦闊甲做食 ê 店面一間一間關門，做食 ê 哭呻成本增加 hōo 𪜶儷生存，消費者分張漲懸價 ê 食物 m̄ 捌跟綴價數增加份量 m̄-koh 嚴重食秤頭。我自來德國做家甲，因為喙斗問題家己款三頓，押尾 mā 因為喙斗問題 hōo gún 翁發見我是好牽手，起因我無綿死綿爛食亞洲食物，所致四常上重要 ê 食食開銷 tuì gún 翁仔姐來講無啥大影響。
聽牽手若小卷花枝無血無目屎 ê 回答，伊知影繼續挐 siau-siau mā 是蠓仔叮牛角，無彩工直接問「你底時 ē 完成早起頓？」
「十點進前你就會使得出門做羅漢跤，我 mā 是」我微微仔笑應。
萬事攏品好 ê 前一暝，伊又閣暗時食西瓜，半暝仔反症掠我是新婦仔性繼續食軟驚硬「我明仔載透早 6 點就 bueh 出門遶山花，這久 ê 恁敢會使得 kā 我攢飯包 hōo 我紮出門？」
蛇入石縫，屈性原在閣按呢落去我是 bueh 按怎交伊透尾，另外這個外月日 ê 恬靜，看起來又閣是搧大耳，恬靜幾秒鐘開喙進前我發覺家己 buē 閣綿死綿爛跟綴伊 ê 揀佛燒香，賣麵 ê 看人撒(suah)油感覺風火著，紲落來交伊仙拚仙，看 tsiâ 先做仙「這久是你 ê 歇睏時間 mā 是我 ê 歇睏時間，我 ê 餐廳明仔載透早 8:30 開門，你有興趣 tsiah 請你來交觀交我 ôo-ián 一下。」
凡勢見著牽手 ê 反應無向時遐爾仔恐怖，所致伊大大典典分張家己 buē 肥，嫌人跤肚生肉。
「你 mā 知影 gún 德國人慣勢家己紮物件出門，這久 ê 通貨膨脹又閣 hōo 錢變細圓，咱愛較儉寡，家己款三頓，像我已經款好明仔載 bueh 紮出門 ê 飯頓」伊開始爸母上童教我按怎做一个好家後。
「物件敢有款夠額，棧間閣有罐頭、酸菜」我講。
「彼 m̄ 是重點，重點是....」順牽手 ê 回應，伊清楚這幾月日 ê 草人幔棕蓑，假鬼假怪 hōo 牽手看現現隨轉喙講「我無一指閘目，無看大山，無要意咱 ê 家庭，我只是順心順喙交你分張我 ê 想法 。」
紲落來 ê 發展就是頭段 ê 心行尞，伊掠做伊家己是「𠢕拑家，𠢕顧家，像𪜶勥爸母，事實是愈講愈刁工 mā 愈醫愈大空」hōo 牽手看著真實 ê 伊是大腹肚攏肚，從來 m̄ 捌減過肥 ê 無彩我 ê 工。
「我窮實 mā 無遐爾仔趕緊啦」見牽手講話 ê 速度交情緒齊汫甲若白滾水，伊知影繼續蛇入石縫 m̄ 斷奶，日後連一粒豆攏無通食。
這是自本就按算出 ê 菜色 tī 伊又閣漚柴破 buē 開，意愛做爸母囝我決心 kā 伊意愛 ê 番薯魚指盤換這出五彩十色 ê 芳料雞肉北非小米生菜盤 hōo 家己 tī 養天花 ê 日子猶是好心情。
不過，當我按呢決定我開始問家己敢誠實 bueh 按呢舞？畢竟我 ê 飯頓喙斗無敆甜粅粅，像翁兜 ê 傳統食麭敆果子醬、食優格透果子醬、啉咖啡敆牛奶漿、食雞卵糕敆 Khu-lì-mù hām 果子醬，食飯飽閣愛來一杯加工果汁交冰淇淋，簡單一句規日食食齊是甜，無半項鹹。
我 ê 食食慣勢，飯愛敆鹹、麵愛敆鹹、麭愛食蔥仔麭，甜粅粅 kan-ta 一塊食飯飽 ê 俗麭敆果子醬，所致當我第一斗 tī 手機仔踅著伊，我掠紅紅 ê 物是枹杞，隨揤落去讀，讀煞我開始躊躇彼紅紅 ê 物 m̄ 是枹杞是鶴莓，我敢 bueh 攑香綴拜？
這份食譜就按呢一直收藏 tī 手機仔底，一直到 gún 翁無枷夯交椅𢯾石頭頓 gún-ê 恬靜，我需要五彩十色 ê 料理解心悶 mā 需要甜粅粅來刺激我 ê 巴多胺（dopamine）hōo 我有閣較 tsuē ê 快樂 hoo-lú-bóng，畢竟我無堅心拍石石成穿 ê 毅力(gē-li̍k)。
翁仔姐做陣食早起頓，伊見牽手無出聲隨想著家己沓沓仔行入豬 m̄ 食，狗 m̄ 哺 ê 爸母人生，緊牽尪仔來補雨傘「你敢知影這鶴莓 100g，糖份差不多 40g」清楚知影伊 ê 健康檢查媠甲 hōo 醫生呵咾是牽手 ê 致心，隨揣一个牽手 mā 斟酌 ê 話題來起 khiàn 頭，我知影伊芡芳 ê 用意，總是無拄好這久 ê 我是囡仔坐火車，嘟嘟(拄拄)好需要甜粅粅來解決伊硬 bueh 楔 hōo 我 ê 好種 m̄ 傳，歹種 m̄ 斷「我知影，總是我一年食 ê 糖比恁爸母一月日食 ê 額閣較少。」根據德國研究𪜶德國人一日 ê 糖食 bueh 200g m̄-koh 𪜶認為𪜶食 ê 糖是一包(1公斤)擋一冬。
我無啥確定我食 ê 糖敢一公斤擋一冬，總是按掠肥食瘦開始，厝內 ê 糖確實是一包一公斤擋冬外，若莫 kā 俗麭𩛩 ê 果子醬算在內，準做算在內我一日食 ê 額 mā 合該無超過 WHO 建議 ê 查埔 45g，查某 40g。
聽著牽手 kā 品好 ê 代誌捎出來講，伊知影代誌正港大條矣，隨恬靜食飯，然後 9 點 buē 到伊就有才調出門做羅漢跤，不過伊猶是舞甲 bueh 12 點出門，hōo 我想著 ē 離門戶，buē 離腸肚，愈無想 bueh 成做心內慼 ê 生張愈𠢕成做伊 ê 模仔。我知影伊真認真交這个慼捙拚，總是我 tuì 伊 ê 愛 mā 無愛甲肉 hōo 𪜶食，骨閣 hōo 𪜶齧，伊交𪜶小妹就無法度 hōo 𪜶爸母按呢做，我這个半路出現 ê 人愈無可能。總是這出菜確實𤆬樂暢 hoo-lú-bóng hōo 我，鶴莓交北非小米是德國豬跤交酸菜，峇峇峇，好味素甲 hōo 我飛懸懸。
芳料雞肉北非小米沙拉
...... 材料 ......
| 雞襟胸 | 400g |
| 北非小米 | 120g |
| 地中海生菜 | 125g |
| 瓜仔哖，切絲 | 200g |
| 紅甜番薑仔，切塊 | 50g |
| 黃甜番薑仔，切塊 |
50g |
| 鶴莓 | 60g |
| 燒滾水 | 240g |
| 紅洋蔥，刴幼 | 1 |
| 橄欖油 | 20g |
| 蜂蜜 | 1TL |
| Lê-bóng 汁 | 1TL |
| 蔥仔，刴幼 | 1 |
| 蒜頭，刴幼 | |
| 鹽、胡椒 |
...... 步數 ......
| 1. 雞襟胸落煎鼎煎 hōo 兩面赤赤，挈出來。 |
| 2. 北非小米、燒滾水濫做伙抐 hōo 收水，崁蓋，等 15 分鐘。 |
| 3. 橄欖油、Lê-bóng 汁、蜂蜜、鹽、胡椒濫做伙抐 hōo 齊。 |
| 4. 紅洋蔥、蒜頭、蔥仔、瓜仔哖、地中海生菜、番薑仔、北非小米、sòo-sù 濫做伙搜齊，雞肉、鶴莓鋪頂懸，樂暢來食。 |
Wenn ich das Bild auf dem Handy sehen, ich habe an die rote gedacht, sie ist rote Paprika und ich denke sie ist nichts besonderes um das Bild zu machen.
Ja, ich wähle das Bild für meine Zunge. Die Eitelkeit.
Nachdem ich über 100 Bild gesucht habe, ok, es ist ein Bild für das Auge isst mit, lass mich nochmal zurück schauen.
Hä, das rot Gemüse ist keine Paprika auch kein Gemüse, es ist Cranberry. Hä!!!! Das ist superb und verführt mich.
Ich finde das Rezept superb lecker, besonders mit den Cranberry, sage ich meinem Mann.
Ja, aber weißt du pro 100g, Zucker ca. 40g, sagt mein Mann.
Ich weiß, das ist normal, antworte ich.
Das bedeutet, wir haben heute über Zucker 10g gegessen, sagt mein Mann.
Manchmal, wir müssen Leben wie Gott in Frankreich, vor allem, wenn die Cranberrys, die ich gekauft habe, sie hat weniger Zucker als die U.S.A Packung, und vertraust du mir, der Zucker aus den Cranberry ist noch weniger als in der Marmelade von deiner Mutter, sage ich.
Ich weiß, sagt mein Mann.
Natürlich, mein Herz ist groß bis zum Himmel, du bist noch wertvoll, ich muss gut auf dich aufpassen, meine Taschen sind noch leer, und wie Schmeckt es dir, frage ich meinen Mann.
Selbstverständlich, superb lecker und meine Frau für mich ist auch wertvoll, ich muss mich gut um dich kümmern, sagt mein Mann.
Wir müssen den Hausarzt besuchen, sage ich.
Warum? Fragt mein Mann.
Der Mann ist nicht mein Mann, ich muss ihn zurück finden.
Ich weiß die Europaer essen viele Frucht mit dem Salat auch Fleisch, wie Sauerbraten mit Preiselbeeren Marmelade, das Essen für meinen Mann ist Himmel, für mich ist Hölle. Naja, jeder Mensch hat seinen eigenen Geschmack, der Geschmack passt mir nicht, heißt das nictt, dass es nicht lecker ist.
Die Süßigkeiten mit Salz Essen zusammen essen, das ist das erste mal das ich es probiere. Ich mag sie sehr, wahrscheinlich, ich kenne die Cranberry als ich jung war, deshalb der Geschmack passt mir sehr gut. wahrscheinlich?
Gewürzter Hähnchensalat mit Couscous
...... Zutaten ......
| Hähnchenbrust | 400g |
| Couscous | 120g |
| Pflücksalat | 125g |
| Gurkenin Scheiben schneiden | 200g |
| Paprika, rot in Stücke geschnitten | 50g |
| Paprika, gelb in Stücke geschnitten | 50g |
| Cranberry | 60g |
| Heißes Wasser | 240g |
| Fein gehackte rote Zwiebel | 1 |
| Fein gehackte Frühlingszwiebel | 1 |
| Olivenöl | 20g |
| Honig | 1TL |
| Zitronensaft | 1TL |
| Fein gehackter Knoblauch | |
| Salz & Pfeffer |
...... Zubereitung ......
| 1. Couscous mit heißem Wasser gut verrühren, bis das Wasser verdunstet, abdecken und ca. 10 ~ 15 Minuten quellen lassen. |
| 2. Hähnchen in die Pfanne anbraten bis er goldbraun ist, dann rausnehmen. |
| 3. Olivenöl mit Zitronensaft, Honig, Salz und Pfeffer gut verrühren. |
| 4. Pflücksalat mit Couscous, Gurken, Knoblauch, Zwiebel, Frühlingszwiebel, Paprika und Soße gut vermischen. |
| 5. Hähnchenbrust mit Cranberry hinzufügen. Guten Appetit! |
When I see the picture on the cell phone, I thought of the red, it is red peppers and I think it is nothing special to make the picture.
Yes, I choose the picture for my tongue. The vanity.
After looking for over 100 pictures, ok, it is a picture for the most beautiful, let me look back.
Huh, the red vegetables are not a pepper, nor is vegetables, it is cranberry. Huh !!!! This is super and tempts me.
I find the recipe super delicious, especially with the cranberry, I tell my husband.
Yes, but you know per 100g, sugar about 40g, says my husband.
I know that is normal, I answer.
That means we ate 10g today, my husband says.
Sometimes, we have to live like God in France, especially when the cranberry I bought has less sugar than the U.S.A. package, and trust me, the sugar from the cranberry is even less than in your mom’s jam, I say.
I know my husband says.
Of course, my heart is big as the sky, you are still precious, I have to take good care of you, my pockets are still empty, and how do you like it, I ask my husband.
Of course, super delicious and my wife is also valuable for me, I have to take care of you, says my husband.
We have to visit the family doctor, I say.
Why? Asks my husband.
The man is not my husband, I have to find him back.
I know the Europeans eat a lot of fruit with the salad, like Sauerbraten with cranberries jam, the food for my husband is heaven, for me is hell. Well, everyone has their own taste, the taste does not fit me, it doesn’t mean, it is not tasty.
Eating the sweets with salt food is the first time I’ve tried it. I like them very much, probably, I know the cranberry when I was young, so the flavor suits me very well. probably?
Spiced Chicken-couscous Salad
...... Ingredients ......
| Chicken breast | 400g |
| Couscous | 120g |
| Salad mix | 125g |
| Cucumber cut into slices | 200g |
| Bell pepper, red cut into pieces | 50g |
| Bell pepper, yellow cut into pieces | 50g |
| Cranberry | 60g |
| Hot water | 240g |
| Finely chopped red onion | 1 |
| Finely chopped spring onion | 1 |
| Olive oil | 20g |
| Honey | 1TL |
| Lemon juice | 1TL |
| Fein chopped garlic | |
| Salt & Pepper |
...... Method ......
| 1. Mix the couscous well with hot water until the water evaporates, cover and let it swell for about 10 ~ 15 minutes. |
| 2. Fry the chicken breast into the pan until it is golden brown, then remove it. |
| 3. Mix the olive oil with lemon juice, honey, salt and pepper well. |
| 4. Mix the salad mix with couscous, cucumbers, garlic, red onion, spring onion, bell peppers and sauce well. |
| 5. Add chicken breast with cranberry. Enjoy your meal! |
睏天路車日子 Camping mit Caddy (21)