亂皂𥴊仔店 ⓂⒺⒾⓃⓀⒾⓄⓈⓀ

這幾工看《新聞挖挖哇》「35歲乳癌覺醒參悟生死！乳房外科醫師驚覺XX罹癌前兆！「醫師變病友」震撼自白啟發人心！重新定義活著的意義？生與死最短距離！20250530」鄭伃書醫師分張 ê 做一个有路用 ê 人 hōo 我 ê 感受深甲若菲律賓海溝，不過伊已經成做過去，目今 ê 我學習放輕鬆，學習好好交家己鬥陣。起因，無一个有才調感受我 ê 辛苦疼病交彼个 m̄ 知按佗落來 ê 龜怪情緒，像雨落甲連阿菇都求天公伯矣，你莫落矣，gún 翁煞一看氣象報告講佗一日 ē 出日頭就隨講我 bueh 去山區行跤花露營，規身人就心狂火著 ê 気持ち。

這款情緒決定有人 ē 講這是四常 ê 反應，因為你愛伊關心伊驚伊 tī 雨 tsiah 拄停歇 ê 山區 ē 出代誌，總是我敢真正遮爾仔要意這款代誌？論真講，我一屑仔攏無要意，起因我尊存伊 ê 人權交伊 ê 決定。按呢我這个𠢕上童 ê 起性搦地按佗落來，我需要 tī 彼堆挐氅氅 ê 膨紗線搝著線頭，我需要 tī 魔神仔安排 ê 世界家己行出家己 ê 路。

魔神仔按底時行入我 ê 世界，我又閣按怎按討厭魔神仔行入𪜶 ê 形體，我需要交家己恬靜做朋友，好好談一下，這是我目前 ê 工課。

Gún 翁準備出門前一日，翁仔姐做陣食下昏飯「氣象報告講明仔載出大日頭，按呢我差不多 6 點就 bueh 出門」，uī-tio̍h 伊 ê 交代「請你 kā 我鬥款早起頓，我食飯飽 tsiah bueh 出門」透早專工出門 uī 伊款 gún 品好 ê 生冷菜蔬像瓜仔哖、櫻桃菜頭、羅馬萵仔菜這類交伊做陣食飯頓我 tsiah-ē 攢 ê 生食菜蔬，Tsa̋ng 暝交代 ê 任務，今仔日隨拊掉，正港是暗頭仔食西瓜，半暝仔反症。 腹內 ê 電石敢若有水珠 tī 滴，緊 kā 濆水 ê 開關禁掉「我 m̄ 是勥母，我 m̄ 是勥爸，我 m̄ 是𪜶兜 ê 人，m̄-koh 𪜶兜不三時愛上童交隨時反症 ê 慣勢已經造成我 ê 困擾，我需要解決，我需要解決。」

「敢 buē 使得食飯飽 tsiah 出門？」本底按算講「無問題」kā 這个起毛䆀拊掉，一想著拊掉 ê 問題宛然桌頂 ê 白紙，m̄ 管拭仔拭過幾斗白紙寫過字 ê 痕跡猶原有才調復原，像斷尾 ê 蟮尪仔後回再相見伊 ê 尾溜猶原健欉，莫閣轉彎踅角踅玲瓏，開門見山。

「氣象報告講明仔載出大日頭，無較早出門，拍損」伊應。

「按呢你交代 ê 早起頓愛家己紮出門，起因遐 ê 生冷食物我 kan-ta 交你做陣食飯頓 tsiah-ē 食」我講。

「你敢無法度較早起床準備早起頓」伊開始爸母上童。

「明仔載 ê 早起頓經過 tsuē 斗 ê 討論，咱總算 tī 昨暝 kā 合約拍好勢，這久 ê 我無法度違約，歹勢」我講。

凡勢發見我 ê 反應交進前無相𫝛，凡勢想著家己又閣爸母上童我講了準算，伊隨轉喙講「窮實 mā 無遐爾仔趕，我 bueh 交你做陣食早頓 tsiah 出門。」

「你敢有需要我 uī 你攢飯頓我無意見，總是我非常確定，我 ê 心狂火著交 hoo-lú-bóng 一屑仔攏無關係。」

我無人格設定，我 ê 火烌性 mā tī 烏貓姊時間 hōo 遐 ê 冤親債主舞甲開竅(khui-khiàu)，人生短短無應當 kā 家己 ê 人生旅途交遮 ê 冤家債主大麵炒圓仔，膏膏纏舞豬舞狗。心頭掠 hōo 定，妖魔鬼怪 ê 變弄就此 m̄ 捌困擾我，甚至成做我 ê 光明燈，像前男朋友交𪜶爸母 ê 變弄成做我目今 ê 智慧；藥能醫假病，酒不解真愁，我需要一帖對路 ê 藥仔 m̄ 是肚臍空內點目藥水，做寡無應效 ê 事工舞死家己。這个無滴水 mā 無 hōo 伊接觸空氣 ê 電土呔討愈來愈𠢕著火？我需要食著藥，青草一葉。

自清楚知捌𪜶兜 ê 問題是清官難斷家務事，警察掠 buē 了跋筊豬 ê 情緒叨撚厚甲若蠓，處理 buē 了，我就放𪜶爸母自由，田無溝，水無流，隨人落米，隨人付鼎 mā 清楚 tuì 伊講，你閣強迫張飛讀春秋，久年龍鳳變冤仇人。伊 mā 清楚知影閣掠鹹魚來放生，kan-ta 蜈蚣趖入狗蟻岫，自揣死路。Gún 過了一段平和 ê 日子，這段和平 ê 日子按部落格 ê 文字行尞 mā 讀 ē 出來。應該然講放家己自由，自然 buē 米糕𣻸。

「我 m̄ 知影你按怎看待這段期間，總是我真斟酌觀察家己 ê 變化，我非常確定我 tuì 你 ê 風火著交沓沓仔進行 ê 換年無四序一屑仔攏無相干」gún 翁想 bueh 踅翻頭行舊路，我 m̄ 願苦撐待變像𪜶對待𪜶勥母按呢，我 kā 伊狗食落豬肝，腹內知說清楚。

「我明仔載食飯飽 tsiah 出門」伊微微仔笑想 bueh 迵過這个方式來掩崁田螺循舊逝，較行 mā 仝逝 ê 假仙假觸。

「隨在你，長工望落雨，乞食望普渡，我無烏雞母生白雞卵，不過今仔日透早我 tsiah tuì 家己講，這是一个好吉兆，𪜶爸母總算無來 gún 兜，gún 翁仔姐總算有才調過家己 ê 家庭。」確實，這段日子一寫著𪜶爸母我就隨拭掉抑是輕輕仔一撇 hōo 過，起因現實生活交𪜶是賣囝無叫囝名，當田無從田頭行，部落格 ê 文字行尞 m̄ 免綿死綿爛圓仔花紅雞髻。 

Gún 翁無應話，m̄-koh 按伊 ê 表情我知影伊清楚知影秤頭是路頭 m̄ 通掠做綿豉行暗路，buē 拄著鬼。

本底按算 ê 番薑仔馬鈴薯因為伊 ê 反起反倒 hōo 我規暗泅網路泅甲自動關機，隔轉工起床那做 Yoga 那愖較停仔愛出啥料理較 buē 誤著伊 ê 時間。

Yoga 是一項需要思路清氣啖啖 ê 運動，我那聽音樂那做 Yoga 那感覺身體按軟𩚨 ê 年粿沓沓仔成做石頭，我 tuì 家己講放輕鬆這个時間屬我孤一个，押尾猶是捙拚 buē 過 kā 伊誤著時間 ê 叨撚，Yoga 結束 m̄ 願暫時放外外 ê 思路按身體無聲無說微微搐說伊 ê 無歡喜。

照慣勢啉一杯仔滾水，向今仔日 ê Yoga 說感謝，阿爾卑斯山來 ê 清水冰冰涼涼，我 ê 腰微微仔烘，一冷一燒猶原無才調消敨心內 ê 敧重爿「緊，人 tī 無聲無說等你」頭殼浮出𪜶爸母無聲無說徛 tī 浴間仔門口一面我 kā 𪜶寶貴 ê 時討債甲 hōo 𪜶無才調照起工來做代誌，目睭仁一隻火紅 ê 膨鼠按厝邊溫室花圃傱過來頂月日 tsiah 薅草，這久又閣發甲茂 tshá-tshá ê 花圃。呔討我愛要意別人 ê 起無空，我順𪜶 ê 合約交空榫敆作，這久 ê 我呔討需要 uî 𪜶 ê 臨時臨曜枵飽吵來張掇叨撚家己。一切照跤步來，沓沓來，免要意𪜶 ê 大石頭硩毛蟹，交家己好好仔鬥陣，濁水溪 ê 營養 tsiah 有價值。

順中央山脈一路向彰化、雲林、南投、嘉義走， 雞襟胸已經切塊，櫻桃菜頭已經切絲，麻仔葉、羅馬萵仔菜齊洗好，本底按算 ê 越南米粉沙拉， 行到二水見著阿羅分張 ê 鱷梨仔熟甲會使得做搵醬抑是抹醬，思路隨見籠仔篙(láng-á-ko)，濁水溪向筍頭沖，菜櫥有俗麭佮瑞典薄餅麭，鱷梨仔敆 Khu-lì-mù Tshì-sù 做抹醬，紲落來抹麭，Oh....yummy，濁水溪向筍尾走，按算送轉去公共書櫥 ê Low Carb fürs Büro ê Salatteller mit gebratener Hähnchenbrust 出現在眼前。

水清無魚，人急無智，後回 m̄ 通繼續食飽換枵來滿足別人 ê 情緒叨撚。這回 ê 腰痠背疼點揬我，好好做 Yoga，好好交家己鬥陣，要意家己 ê 需求，人生 tsiah buē uī-tio̍h 別人 ê 張掇來搐疼，人生 ê 好味素 m̄-tsiah 有才調好好仔享受。

 

雞肉沙拉

…… 材料 ……

雞襟胸，切塊	400g
羅馬萵仔菜，切絲	200g
櫻桃蘿蔔，切絲	100g
瓜仔哖，切絲	200g
麻仔葉	125g
橄欖油	1EL
芥辣醬	1TL
蜂蜜	1TL
Lê-bóng 汁	1TL
紅洋蔥，刴幼
蒜頭，刴幼
鹽、胡椒

…… 步數 ……

1. 雞肉捊寡鹽、胡椒落煎鼎煎 hōo 兩面赤赤，挈出來。

2. 橄欖油、Lê-bóng 汁、蜂蜜、鹽、胡椒、芥辣醬濫做伙抐 hōo 齊。

3. 紅洋蔥、蒜頭、羅馬萵仔菜、麻仔葉、瓜仔哖、櫻桃菜頭、sòo-sù 濫做伙搜齊，雞肉鋪頂懸，樂暢來食。

 

---

---

---

 

Ich habe ein großes Problem wenn ich das Frühstück Rezept nicht finde, als ich Yoga oder Cardio machen, ich kann mich konzentrieren, dann es ist sehr gefährlich, weil ich werde ein Schritt nicht aufgepassen, dann verletzt werden. Ich habe das Problem viele Mal gehabt, besonders Taille, das ist super schmerzhaft.

Heute ich habe gleiches Problem, Walking work machen und mein Verstand sucht das leckeres Frühstück für meinen Mann, aber dieses Mal fand ich, oje, ich lerne, wie man das Problem teilt. 

Ja, das ist ein Problem als ich Kind war, das Problem noch nicht fertig, suche ich neues Problem. Es ist gierig oder? Ich weiß nicht, aber ich weiß, ich möchte in allen Dinge perfekt sein.

Warum, ich habe das Problem? Ich glaube von die Schule, ich mag den Stil nicht, aber leider ich blieb drinnen. Wie die Fremdsprache, ich muss die Sprache wie Muttersprache sprechen, wenn ich die nicht gut sprechen, ich fühle mich dumm und nicht gut.

Als Kind war, ich habe gedacht ich bin dumm, jetzt es ist mir egal, das Herz ist wichtiger als die Sprache.

Nachdem Cardio, die Muse kommt noch nicht, lass ein Tasse Wasser Trinken, lass aus dem Fenster gucken, lass… oje, ich weiß wo ist der Muse, im der Bücherschrank.

Ich weiß nicht warum, ich suche das Rezeptbuch nicht, ich muss das Problem auch überlegen, weil meinen Mann hat Milliarden Rezeptbücher auf die Straße gefunden.

Sie sind keine Dekorationen.

Ich liebe das Rezept und dieses Mal fand ich das Problem auch, Ach so, den Römersalat man muss nicht die Blätter von Hand nehmen, man kann die Blätter mit dem Messer schneiden, der Geschmack ist der gleiche.

Ich habe die Fähigkeit gelernt, für den Gartensalat man muss die Blätter von Hand zu schneiden nicht mit dem Messer, weil das Messer zerstört den Geschmack.

Das Messer zerstört den Geschmack vom Gartensalat? Ich sage nein, aber das Messer macht die Teller schöner als von Hand.

Ja, das Messer macht den Gartensalat wie Aschenputtel, von nicht besonders schön bis Königin.

 

Salatteller mit gebratener Hähnchenbrust

…… Zutaten ……

Hähnchenbrust in Stücke geschnitten	400g
Römersalat	200g
Geraspelte Radieschen	100g
Geraspelte Gurken	200g
Rucola	125g
Olivenöl	1EL
Senf	1TL
Honig	1TL
Zitronensaft	1TL
Fein gehackte rote Zwiebel
Fein gehackter Knoblauch
Salz & Pfeffer

…… Zubereitung ……

1. Hähnchen mit Salz und Pfeffer gut mischen, in die Pfanne anbraten bis er goldbraun ist, dann rausnehmen.

2. Olivenöl mit Senf, Zitronensaft, Honig, Salz und Pfeffer gut verrühren.

3. Römersalat mit Gurken, Radieschen, Rucola, Knoblauch, Zwiebel und Soße gut vermischen.

4. Hähnchen hinzufügen. Guten Appetit!

 

---

---

---

 

I have a big problem when I can’t find the breakfast recipe and when I do yoga or cardio, I can concentrate, then it’s very dangerous because I will not be careful, then be injured. I have had the problem many times, especially waist, that’s super painful.

Today I have the same problem, make walking work and my mind is looking for the delicious breakfast for my husband, but this time I found, oh, I learn how to share the problem.

Yes, this is a problem when I was a child, the problem has not yet finished, I’m looking for a new problem.It’s greedy or? I don’t know, but I know I want to be perfect in all things.

Why do i have this problem? I think from the school, I don’t like the style, but unfortunately I stayed inside. Like the foreign language, I have to speak the language like mother tongue when I don’t speak well, I feel stupid and not good.

As a child, I thought I was stupid, now I don’t care, the heart is more important than the language.

After cardio, the muse doesn’t come yet, have a cup of water, look out of the window, let … oh, I know where is the muse in the bookcase.

I don’t know why, I’m not looking for the recipe book, I also have to think about the problem, because my husband has found billions of recipe books on the street.

They are not decorations.

I love the recipe and this time I also found the problem, oh, the Romaine lettuce you don’t have to take the leaves by hand, you can cut the leaves with the knife, the taste is the same.

I have learned the skill for the lettuce you have to cut the leaves by hand not with a knife, because the knife destroys the taste.

The knife destroys the taste of the lettuce? I say no, but the knife makes the plates more beautiful than by hand.

Yes, the knife makes the lettuce like Cinderella, from not very pretty to queen.

 

Chicken Salad

…… Ingredients ……

Chicken breast cut into pieces	400g
Romaine lettuce	200g
Grated Radish	100g
Grated Cucumber	200g
Arugula	125g
Olive oil	1EL
Mustard	1TL
Honey	1TL
Lemon Juice	1TL
Finely chopped red onion
Finely chopped garlic
Salt & Pepper

…… Method ……

1. Mix chicken breast with salt and pepper well and fry in the pan until it is golden brownthen remove it.

2. Mix the mustard, olive oil with lemon juice, honey, salt and pepper well.

3. Mix the lettuce with cucumber, radish, arugula, garlic, onion and sauce well.

4. Add chicken breast. Enjoy your meal!