亂皂𥴊仔店 ⓂⒺⒾⓃⓀⒾⓄⓈⓀ

階段，層次

Tshan-tshiūnn 每一蕊花，每一个少年

Tī 無相𫝛 ê 年歲，無相𫝛 ê 人生階段 ē 成做一朵新嫣 ê 花蕊

每一種智慧佮美德攏 ē 開花

Tī 伊 ê 年間 buē 接續透流

每一擺 ê 四常呼喚，心攏愛 

準備離開，重新開始

--- Sufen, Hermann Hesse

若猴山仔想著啥物就隨調整。

這陣頭殼空空就踅翻頭轉來整理早前綴《台文通訊Bong報》寫台文 ê 文章，我 ê 14 是「漢羅濫寫法」台文通訊按怎寫我就綴 leh 寫。

這久 ê 我 tī 台文按怎書寫已經揣著家己 ê 四序佮認同，就始翻頭大摒掃 hōo 這个角勢有我家己 ê 神魂。

我真愛這个工事，起因無這个工事，我這个無定性若猴山仔 ê 人，唯一 ē 巡 ê 菜股 kan-ta 菜(相片)生甲有媠無，其他發甲健欉 ê 稗(phē)仔、雜草 buē 出現 tī 我 ê 目睭仁。

我真愛這个工程，起因無這个工程，我這个𠢕 tuì 家己情緒叨撚 ê 人 buē 死貓吊樹頭，死狗放水流 hōo 愛撚我心緒 ê 陰魂魂魄四散 mā hōo 𪜶有機會重新投胎做人𤆬我認捌新 ê 世界，像〈那 teh 褪色 ê 台灣俗語話〉李南衡先生問學生「死貓吊樹頭，死狗放水流，CD neh？」笑甲目汁㴙㴙滴佮學著另外一个新智識電子報＿閱讀閩客語079期〈死貓吊樹頭〉。

感謝 Blog 這个空間，伊 hōo 無愛寫字 mā 小面神 ê 我有機會迵過倉頡學習按怎 kā 齷齪筅黗拍賣。

感謝 Blog 這个空間，伊 hōo 我巡菜股、挲草、翻田塗 mā 順紲栽新欉。

我真平凡，寫作對我來講就是共日常的喜、怒、哀、樂用筆寫出來爾。行佇台文書寫的路，我無像遐的對母語文化有偉大使命感的人按呢懷抱大志氣，顛倒是『小鼻子，小眼睛』干焦會曉用查某人的視角看世情，用家庭主婦的喙舌啖生活中的鹹甜，用女（母）性視野來寫性命中的沓沓滴滴。

--- 〈佇不幸當中揣幸運〉《石頭縫的幸運草》林美麗著

 我是一个平凡女性，以台文成做 Blog 主要 ê 五線譜(gōo-suànn-phóo) m̄ 是 uī-tio̍h「寫作」mā 無像遐的對母語文化有偉大使命感的人按呢懷抱大志氣，我 kan-ta 佮意這个語言愛這个語言 tshan-tshiūnn 德語佮英語相比並，英語比德語輾轉 ê 我，猶是以德語做五線線主要 ê 音符，英語做重覆記號(Tiông-ho̍k kì-hō)，tuì 生疏 ê 德語較有感情 kan-ta 我 tī 遮起岫。

認捌《台文通訊Bong報》佮按圓仔花䆀 m̄ 知䆀，大紅花䆀 m̄ 知 ê 敢大膽投稿 hōo《台文通訊Bong報》愛感謝 tī 面冊相拄搪 ê 生份朋友，感謝伊 ê 引𤆬佮鼓勵 mā 感謝面冊頂 ê Mǹg-sǹg，因為𪜶 ê 點拄我 tsiah 有法度成做牛翻草並翻著這件代誌。

著謼，有 Pixnet 這个捌 hōo 規捾朋友請我有閒 kā 𪜶鬥讚聲 ê 角勢。

寫著 Mǹg-sǹg 就想 bueh 分張《鯤島計畫》，起因當 gún 翁 mā 成做 Mn̂g-sng 我 mā 隨成做第六章山魈 --- 放屎囡仔 hōo 本底一直行 buē 出去 ê 角勢，無夠一分鐘就到位。

面冊 Mǹg-sǹg 雖罔 tsuē 猶原有人若瑪黎安佮萊拉 hōo 我飽滇 ê 記持佮得著楦闊眼界 ê 寶藏。

2020.08.29 德國雷根斯堡：海明威 ê 中畫 ▪ Regensburg, Deutschland 是猶 m̄ 捌信望愛台語輸入法以倉頡譜台語曲 ê 第一首歌。

2021.03.25〈波士尼行跤花〉是第一篇刊登 tī《台文通訊Bong報》ê 䆀筆尾，按第一篇以台文做記錄到最後一篇台文投稿無到三冬 ê 時間，有 Die machen mich fertig, Ich habe die Nase voll ê 夠矣，無想 bueh 繼續耍落去 ê 規肚火、風火著 mā 有 tsuē-tsuē auf Wolke 7 快樂 ê 代誌。

塞鼻(Nase Voll) ê 代誌就放水流莫閣𣁳 buē 離，起因鼻仔塞牢 m̄ 是無藥醫，只要我莫繼續喙白並繼續補充營養像這出菜，因為揣無 Muse 就巡菜股挲草，因為挲草我 tsiah 有機會搪著鼻仔塞牢 ê 家己，紲落來 kā 遮 ê 刺疫拍觸衰放水流佮掛樹頭，順紲敨放家己 ê 㤉 --- 我嫌這出菜䆀 tsi-tsi 是因為我 kan-ta 綿精一種滋味 m̄ 願換角度楦闊家己 ê 眼界，伊敢 kan-ta 食譜冊 ê 面肉？

事件翻草：比並窮實 m̄ 是歹事。

雞肉菠薐仔醬

...... 材料 ......

雞襟胸，切塊	300g
菠薐仔	500g
洋蔥，刴幼	1
優格	100g
印度咖哩粉	1EL
薑，礤簽
蒜頭，剁幼
鹽、胡椒

...... 步數 ......

1. 洋蔥、蒜頭、菠薐仔落鼎炒熟，絞做醬。

2. 雞肉、薑、Kari 粉落鼎炒熟，菠薐仔、優格濫落去搜齊。

3. Tiàu 寡鹽、胡椒，樂暢來食。

 

---

---

---

 

Mein Mann liebt das Gericht und sagt : Das sieht so aus wie  im indischen Restaurant.

Nein, so sieht es nicht aus. Guck Mal, ich zeige das Rezeptbuch meinem Mann.

Sie ist deutsche, aber was essen wir im indischen Restaurant, Sie sind Inder, sagt mein Mann.

Als ich denke mein Handwerk ist so furchtbar, ich habe ein Bild aus ULM gesehen.

Ach so, mein Mann ist richtig, mein Handwerk fast wie indisches Restaurant nur der Teller sieht nicht so aus, aber lecker.

Und wenn ich möchte das Bild wie Rezeptbuch, ich habe ein gute Lösung --- der Teller mit mehreren Hähnchen wie viele deutschen mir teilen, das Fleisch ist mein Gemüse, der Zucker ist mein Ballstoffe und Wasser.

 

Hähnchen in Spinatsauce

...... Zutaten ......

Hähnchenbrust in Stücke geschnitten	300g
Spinat	500g
Fein gehackte Zwiebel	1
Joghurt	100g
Fein gehackter Knoblauch	1EL
Currypulver
Geraspelter Ingwer
Salz ＆ Pfeffer

...... Zubereitung ......

1. Zwiebel mit Knoblauch in die Pfanne geben und anbraten bis sie goldbraun sind, Spinat dazugeben und kochen bis er weiche, dann pürieren.

2. Hähnchen mit Ingwer und Currypulver in die Pfanne geben und anbraten bis Hähnchen goldbraun ist.

3. Spinat mit Joghurt dazugeben und gut mischen.

4. Mit Salz und Pfeffer abschmecken. Guten Appetit!

 

---

---

---

 

My husband loves the dish and says: "It looks like an Indian restaurant.

No, it doesn't look like that. Look, I show the recipe book to my husband.

She is German, but what are we eating in the Indian restaurant, they are Indian, says my husband.

When I think my craft is so terrible, I saw a picture from ULM.

Oh right, my husband is right, my craft almost like Indian restaurant only the plate doesn't look like that, but delicious.

And if I want the picture like recipe book, I have a good solution --- the plate with several chickens, as many Germans share, the meat is my vegetables, the sugar is my fiber and water.

 

Chicken in Spinach Sauce

...... Ingredients ......

Chicken breast cut into pieces	300g
Spinach	500g
Finely chopped onion	1
Yogurt	100g
Finely chopped garlic	1EL
Curry powder
Grated ginger
Salt ＆ Pepper

...... Method ......

1. Add the onion and garlic to the pan and fry until golden brown, add the spinach and cook until soft, then puree.

2. Add the chicken, ginger and curry powder to the pan and fry until the chicken is golden brown.

3. Add the spinach and yogurt and mix well.

4. Season with salt and pepper. Enjoy your meal!