亂皂𥴊仔店 ⓂⒺⒾⓃⓀⒾⓄⓈⓀ

近來綿著甜番薑仔就不三時款伊做沙拉 hōo 食頓愛先交伊相借喙 ê 夜間部同學暗時食西瓜，半暝仔反症講 tuì 我傳世佛經，世世(踅踅)唸我自本就愛食番薑仔，只要你 kā 伊切甲若肉豉仔我就 buē 做 Mǹg-sǹg tuì 你傳世佛經，世世(踅踅)唸。」

「雜唸大家出蠻皮新婦，捷見官 buē 畏，捷食酒 buē 醉，你會使得繼續承恁爸母 ê 喙斗做 Mǹg-sǹg 大丈夫，起因 Das ist mir Wurst wie Hülle」我講。

「我姓恁兜 ê 姓」聽牽手一屑仔攏無要意伊 ê 情緒叨撚隨轉喙。

「咱孤人姓孤姓，你 ê 串驚串著情緒叨撚是我目今 ê jiàn-bà 若褲，一屑仔攏無差別➀」我微微仔笑應。

我是社區唯一一个無疊翁姓抑是某姓 ê 人，這个孤人徛孤名 hōo tsuē-tsuē 新搬來 ê 人掠做 gún 是男女朋友。

斟一杯茶，廣告單做茶跙仔，紲落來大力 kā 抽出微微仔笑講「歹勢，我正港無這个美德認為翁某著愛透流。」

見牽手遮爾仔文雅點揬伊 ê 狗咬鐵釘，伊知影伊 ê 帶身命無好好仔治療，有一日伊 ē 枵飢失頓兼頭較大身，像𪜶爸母好好仔鱟刣甲屎那流，現代醫學 m̄ 管按怎發達，人 m̄ 願培養 ê 生活習慣 mā 是無較縒。

德國愈來愈沈重 ê 醫療負擔，順𪜶 ê 專家分張「錯誤 ê 生活慣勢交歹鳥 m̄ 知飛，歹柴破 buē 開 ê 食食慣勢，是造成咱醫療負擔上大 ê 問題。」

Gún 翁家己講過，無我 tī 德國做家甲，伊 ê 血壓無可能降到目今 ê 標準，半頭風 mā 無可能走甲無看人。根據統計德國有 5 千萬人有半頭風問題，大部份 ê 半頭風是個人生活習慣飼出來，像 m̄ 啉水 kā 甜粅粅 ê 飲料做滾水灌。

「你 m̄ 免 kā 歹話當做好話聽，我 ē 改你牽 m̄ 行，gún 爸母牽溜溜行 ê 歹癖」伊講。

凡勢五錢豬仔，掛一支喙，五斤番薯，臭八十一兩，番薯敢有臭香 tuì 我來講齊是草花食 buē 大箍，免要意 ê 代誌➁，m̄ 免交伊繼續大麵炒圓仔，膏膏纏討論遮 ê 白汫無味，畢竟你交離經 ê 屁窒仔 Oskar➂講道理 tshan-tshiūnn 青盲 ê 看告示，無彩工。

天不生無祿之人，每一个形體 ê 存在有伊家己 ê 意義，番薑仔是伊 ê 天公 ê 數簿：大冊(慼)抑是興做歹扭搦 ê 人像𪜶爸母 kan-ta 伊家己上理解，我 m̄ 免纏綴伊 ê 六月天，講變就變來擘腹操煩，抑是鬚聳目降。

人生是成壞住空，姻緣 mā 是，換一个角度看 gún-ê 問題是一種侘寂 mā 是色不異空(ī-khong)，空不異色，色即(tsik)是空，空即是色，無這段人生故事，我呔有機會好好仔翻頭思考遮 ê 喙講心 m̄ 捌翻草 ê 智慧，閣順遮 ê 智慧生湠台語按怎講。所致，這是跋一倒，抾著一隻金雞母，Schwein gehabt，m̄ 是沐著打馬膠➃。

人生有落塗時八字命，姻緣 mā 是，總是遮 ê 註定 tuì 我來講無才調成做落衰運途行 tī 卯字 ê 註好好 ê 認份，不而過養飼我 ê 肥料。

換一个角度看世界，我按這段姻緣得著 ê 哲學實證 tsuē 過理論，像 Was mich nicht umbringt, macht mich Stärker 凡刣我 buē 死--ê hōo 我愈健欉，虼蚻敢 m̄ 是按呢生？恐龍無去，伊猶閣活跳跳，據在人類想空想縫 kā 伊剿甲無半隻。Schopenhauer 講 bueh 讀出好 ê 代誌，一个條件就是莫讀出歹 ê 物件，我認為愛讀出歹 ê 物件 m̄-tsiah 有才調得真正接受圓人 ē 扁，扁人 ē 圓 ê 自自然然 hōo 家己得著平靜並 kā 寶貴 ê 時間留 hōo 家己。

心適 ê 人出門𤆬三隻獅，看東看西、食東食西、bué 東 bué 西。無味 ê 人，出門 mā 𤆬三隻獅，嫌東嫌西、怨東怨西、罵東罵西。相罵無好言，相打無好拳，情緒無四序選擇陣打陣(ciin daˋ ciin)交人鬥鬧熱抑是 kā 遮 ê 情緒當做未來 ê 劇本來記錄， 齊是個人選擇，自做家甲到頂年 2024 tī 瑞典露營區 hōo gún 翁氣甲半路偷走厝，一个人徛踮湖岸邊看大甲若鹹卵仁 ê 金烏若踅玲瑯馬，原來我 ê 感情選擇 mā 是踅玲瑯馬，這是我選擇 ê 功課，像金烏選擇 tī 瑞典遐爾仔近 hōo 我掠做手一伸出去就有才調摸著伊仝款 mā 像瑞典人接受環境就是按呢，m̄ 免 uī-tio̍h 天氣無照家己意願隨跳童。

2024 上北瑞典露營車日子，我 m̄ 捌聽過瑞典人哭呻天氣 m̄-koh 德國人，𪜶 ê 哭呻一路按捷克、波蘭聽到挪威，閣按挪威聽轉來到德國。這个德國人 m̄ 是孤講 gún 翁，是九分九 ê 德國人齊有這个問題。

「瑞典 ê 天氣就是按呢生，𪜶連摔大雨攏有才調扒龍船、耍水、烘肉、露營」熱人 tī 瑞典經營露營區，寒人轉來德國開餐廳 ê 德國翁仔姐主人家微微仔笑答，門一開猶未登記露營就先做茶鈷呻瑞典 ê 雨是沓沓滴滴 m̄ 願停過，溫度又閣若秋清 hōo 人気持ち ê 德國翁仔姐。

我佮意瑞典，瑞典 mā 有番薑仔交塗肉林檎，總是褲袋仔袋磅子，認份甲 buē kā 家己 ê 設定徙來敆瑞典 ê 自然或是譬相 buē 離。

我認捌 ê 番薑仔按炒生湠到烘，目今閣接枝到生菜盤，我好奇敢有人按呢食 kā 番薑仔生菜盤敆烘箱馬鈴薯橛？這个想法一浮出來隨上網請教 Google 賜我智慧。按德文巡到英文，英文閣巡轉來到德文就是巡無一張相片，當我準備放棄一張看起來若 Printerest 系統 ê 相片吸引我 ê 目睭仁，Ofenkartoffelsalat mit Tomate und Mozzarella，著謼我呔無想著這點，德國人敢若較慣勢 kā 塗肉林檎做主角，畢竟塗肉林檎生菜盤是𪜶 ê 滷肉飯。

換一个角度看世界 Ofenkartoffelnsalat mit Paprika 一送 hōo Google，本底是萬年主角 ê 番薑仔炒馬鈴薯隨泅人海底，跟綴大海成做各種面肉 hōo 我心頭亂慒慒 m̄ 知影愛跟綴佗一張圖 hōo 家己目睭綴 leh 食➄。水雞愖來久，跳來遠，啉一杯仔茶，納一下仔水錢 tsiah 來巡明仔早 ê 早起頓。

我重食無重做，這類厚手路 ê 菜色跳過， 這類食重油閣食 Tshì-sù ê 菜色閬過，這四兩豬肉切兩盤，好看閣省工 ê 塗肉林檎削皮濫寡油落烘箱烘，番薑仔切做塊濫寡橄欖油就敆做一出菜 ê 手路敆我喙敆我心，就是伊。

我佮意檀島碗 ê 五彩十色就 tī 盤底舖一層羅馬萵仔菜 hōo 伊紅透青湠影戲 ê 手路，青有雅緻、華貴 ê 感覺，紅有吸人目睭仁 ê 魔法，兩色鬥做伙生湠色彩學 ê 純度無夠 ê 黃金色，抑是人講 ê 紅配青，狗臭屁 ê 風神黃金色：塗肉林檎。  

我愛這个組合，伊 hōo 我 tī 青色 mā 表示是林投姐交陳守娘影戲色緻 ê 早起頓得著心涼脾土開。 

➀ Jack wie Hose sein，攏會使得，攏無精差

➁ Das macht den Kohl nicht fett

➂ Frech wie Oskar，德文俗諺，當一个人離經(unverschämt/outrageous)閣做寡屁窒仔 ê 代誌，會使得 kā Oskar 請出來。

➃ Schwein gehabt，得著一隻豬：好字運，Peach gehabt

➄ Das Auge isst mit：秀色可餐

 

甜番薑仔馬鈴薯沙拉

…… 材料 …...

馬鈴薯，切塊	800g
芥辣醬	1/4TL
紅甜番薑仔，切塊	2
羅馬萵仔菜，切絲	200g
橄欖油	2EL
Lê-bóng 汁	1/4TL
蜂蜜	1/4TL
蒜頭，刴幼
紅洋蔥，刴幼
油
芳料草
鹽、胡椒

…… 步數 ……

1. 馬鈴薯、油、鹽、胡椒濫做伙搜齊，落烘箱捘 200 度烘 40 分鐘。

2. 橄欖油、芥辣醬、鹽、蜂蜜、胡椒、Lê-bóng 汁濫做陣抐 hōo 齊。

3. 1/2 Sòo-sù、蒜頭、紅洋蔥、芳料草、甜番薑仔濫做伙搜齊。

4. 1/2 Sòo-sù、蒜頭、紅洋蔥、羅馬萵仔菜濫做伙搜齊，馬鈴薯摻落入去搜齊。

5. 甜番薑仔鋪頂懸，樂暢來食。

 

---

---

---

 

Das ist ein neues Abenteuer für meinem Mann’s wählerische Herausforderung, weil die Paprika ist Hauptfeind für ihn, obwohl er mir sagte, Ich habe kein Problem wenn die Paprika klein geschnitten ist, wir haben das Problem bis jetzt noch.

Mann, so viele Paprika.

Sie sind klein geschnitten.

Egal, so viele Paprika.

Ja, das ist ein Problem, egal wie klein geschnitten oder mit Honig-Senfsoße, Tomatensoße, die Beschweren von Ihm  verschwinden nicht.

Ich weiß nicht warum, er liebt die Beschwerden, wahrscheinlich, die Beschwerede ist eine Zelle, um sein Leben zu unterstützen? Ich glaub, ja, weil die Beschwerde ist nichts neues.

Vorher, die Beschwerde geht mir auf die Nerven, jetzt die Beschwerde ist Philosophie oder die Theorie und sie helfen mir sehr.

Warum? als mein Mann sich Beschweren, ich denke das Herdenverhalten alias The Effect of Sheep Flock, zum Beispiel, die Eltern beschweren über die Schwester, er in die Fußstapfen seiner Eltern tritt und nicht darüber nachdenkt, was geschieht und warum, seit ich das Problem gefunden habe, unsere Ehe ist ein Philosophie Kurs, weil jeden Tag finde ich etwas neues zu denken ebenso selbstkultivierung.

Der Buddha spricht, zuerst siehst du Dinge, dann siehst du durch sie, endlich siehst du die Dinge so, wie sie wirklich sind, und Nietzsche spricht, was mich nicht umbringt, macht mich Stärker, wie jetzt, um das Gute zu lesen, ist eine Bedingung, dass man schlechtes nicht lese. Welche Beschwerde mein Mann hat, alles hat ein Ende, nur die Wurst hat zwei, mit ihm, ich habe eine hohe Stressresistenz gegen das Gift wie jetzt.

Ich liebe Paprikasalat mit Ofenkartoffeln.

 

Paprikasalat mit Ofenkartoffeln

…… Zutaten ……

Kartoffeln in Stücke geschnitten	800g
Senf	1/4TL
Rote Paprika in Stücke geschnitten	2
Römersalat in Scheiben schneiden	200g
Olivenöl	2EL
Zitronensaft	1/4TL
Honig	1/4TL
Fein gehackter Knoblauch
Fein gehackte rote Zwiebel
Öl
Kräuter
Salz & Pfeffer

…… Zubereitung……

1. Kartoffeln mit Öl, Salz und Pfeffer gut mischen in den Ofen stellen auf 200 Grad 40 Minuten backen.

2. Olivenöl, Salz, Pfeffer, Zitronensaft, Honig und Senf gut vermischen.

3. Kräuter, Paprika, Zwiebel, Knoblauch und 1/2 Sauce gut vermischen.

4. Salat, Zwiebel, Knoblauch und die 1/2 Sauce gut vermischen, die Kartoffeln dazugeben und gut vermischen.

5. Paprika hinzufügen. Guten Appetit!

 

---

---

---

 

This is a new adventure for my husband’s picky eating challenge because the bell pepper is major enemy for him, although he told me I have no problem when the bell pepper ist small cut, we still have the problem so far.

Man, so many bell peppers.

They are small cut.

Whatever, so many bell peppers.

Yes, this is a problem, no matter how small, or with honey mustard sauce, tomato sauce, the complaints do not disappear from him.

I don’t know why, he loves the complaints, probably, the complaint is a cell to support his life? I think so, because the discomfort is nothing new.

Before, the complaint drive me crazy, now the complaint is philosophy or theory and they help me a lot.

Why, when my husband was complaining, I think herd behavior aka The Effect of Sheep Flock, for example, the parents complain about the sister, he follows in his parents’ footsteps and does not think about what is happening and why, since I found the problem, our marriage is a philosophy course, because every day I find something new to think about as well as self-cultivation.

The Buddha speaks, First you see things, then you see through them; finally you see things as they really are again, and Nietzsche speaks, what does not kill me, makes me stronger, as now, to read the good, a condition is that you don’t read bad things. What complaint my husband has, everything has an end, only the sausage has two(nothing important), with him, I have a high stress resistance to the poison as I do now.

 

Roasted Potato with Bell Pepper Salad

…… Ingredients ……

Potato cut into pieces	800g
Mustard	1/4TL
Red Bell Peppers cut into pieces	2
Romaine lettuce cut into slices	200g
Olive oil	2EL
Lemon Juice	1/4TL
Honey	1/4TL
Finely chopped garlic
Finely chopped red onion
Oil
Herbs
Salt & Pepper

…… Method……

1. Mix the potatoes well with oil, salt and pepper and bake in the oven at 200 degrees for 40 minutes.

2. Mix the olive oil, lemon juice, honey, lemon juice, salt and pepper well.

3. Mix the herbs, paprika, onion, garlic and 1/2 sauce well.

4. Mix the lettuce, onion, garlic and 1/2 sauce well, add the potatoes mix well.

5. Add bell peppers. Enjoy your meal!