亂皂𥴊仔店 ⓂⒺⒾⓃⓀⒾⓄⓈⓀ

你敢有這个問題，一出菜準做味素好甲 hōo 你喙瀾㴙㴙津，你猶是無興 hōo 伊翻過工交你繼續相伴？

我有這个問題，而且嚴重甲無枷夯交椅，自揣麻煩舞死家己。

Uī-tio̍h kā 舌換過彼舌，無興交電子用品黏黐黐 ê 我有才調暗時食西瓜，半暝仔反症，骨力𫝻手機仔揣 Muse。

這个紅龜生蟲，龜怪 ê 綿豉搪著隔轉日無事做膨椅馬鈴薯無要緊，搪著隔轉日愛早早起床，這款 uī-tio̍h kā 舌換另外一舌 hōo 家己晏晏去睏是十二月風吹，痟到無尾 ê 戇狗搬石頭，食飽傷閒，自揣麻煩，舞死家己，特別是目今 ê 體力無到烏貓姊 ê 一半。不過猶原愛講，按呢痟到無尾溜押尾猶是有尾通掠，而且掠著 ê 尾溜猶是規尾活蛇 m̄ 死蛇活尾溜 ê hōo 我無得湯，無得粒閣雙頭無一耦(ngauh)叨撚家己。

這款紅龜生蟲，龜怪 ê 綿死綿爛 mā hōo 我成做貓一隻繩家己，我是 uī-tio̍h 虛華 tsiah 遮爾仔綿死綿爛換舌，抑是自來就無才調一出菜食 365 天閣一世人？

讀國校仔阿母愛上班無閒 uī 二姊佮我款飯頓，逐日 hōo gún 十箍食早起頓交中畫頓，我上愛食 ê 早起頓有飯丸、炒麵、大麵鹼、韭菜盒仔、燒餅、煎包、油蔥條....中畫頓有外省仔麵、肉丸、豬血湯、大腸豬血湯、肉羮麵、肉羮飯、滷肉飯、炕肉飯、薟酸麵....食過頭 ê 數阿母抑是阿爸月底去結數，這久翻頭愖這个龜怪，原來是囡仔時 hōo 環境飼出來 ê 雙跤 m̄-nā 踏雙船 ê 心頭亂紛紛。

我無蹛眷村，m̄-koh 倚眷村，囡仔時認為 ê 四常食食環境搪著無𫝛人 tsiah 知影彼是別人目睭仁 ê 特殊，像彼味到今猶原捌樣 m̄ 捌名 hōo 朋友 uī-tio̍h gún 翁仔姐轉去臺灣專工駛車載 gún 去食 ê 早起頓，是我囡仔時上料小兼看 buē 上目無物通食 tsiah-ē 選伊 ê 味素。

我這款紅龜生蟲，龜怪 ê 綿死綿爛無愛一出菜食 365 工閣食一世人 ê 性地 tuì gún 翁是仙想攏 m̄ 捌想過好空代，tuì 食 bueh 上卌 m̄ 捌扞過鼎兼愛一日徙栽，三日徛黃 ê 我 mā 是一件好代。

M̄ 捌珠仔豆、麻仔葉、櫻桃菜頭、北非小米 ê 我，因為一日徙栽，三日徛黃 hōo 我按家己 ê 舒步箍仔 kā 按臺灣認捌 ê 孤味西方料理意大利麵生湠到目今 ê 五彩十色，像希臘 ê 粟仔麵、波蘭交波羅的海時行 ê FILINI，遮 ê 新食食無一日徙栽，三日徛黃 ê 喙斗真僫大大典典迎新棄舊接受新挑戰，像人猶 tī 面冊沐沐泅，見著生份人分張德國傳統酸酵母麭，我第一个反應是舒步箍仔行 buē 出去，彼粒麭猶是臺灣酸酵母麭 m̄ 是德國酸酵母麭。每一个人有家己 tuì 外國月娘 ê 想像，我 mā 是，別人 ê 白紙留 hōo 𪜶自由發揮，我 ê 白紙 mā 相𫝛。

我愛食魚臊來到德國這个十个人有九个人 tuì 魚臊有意見 ê 角勢，我慣勢 ê 喙斗 mā 因為鞏金閣包銀 ê 魚臊漸漸仔成做臊菜者，菜蔬食甲比肉閣較 tsuē。總是咱人類無動物抑是植物 ê 優勢，有法度倚靠孤項食食來維持身體機能，所致我開始試雞肉以外 ê 鹹汫，不而過 m̄ 管鹹汫按怎試，德國 ê 牛肉、豬肉、火雞肉交我 ê 脾土齊把手面 ê buē 敆喙，特別是火雞肉，平平是火雞，咱嘉義火雞肉飯 hōo 我一斗食三碗齊大丈夫，遮 ê 火雞肉 hōo 我豉鹹豉七工 mā 嫌伊臭臊食 buē 落喙。

德國人呔討愛食火雞肉，聽 gún 翁講是因為火雞肉卵白質懸過雞肉，熱量低過雞肉，往過 m̄ 捌 tuì 伊好玄，這久想著倚這篇記錄無到兩禮拜 ê 我講一耳空入，一耳空出，超市廣告一出隨交超市仝心 kā 火雞肉變做金 hōo 我那食那做茶鈷呻，我呔討遮歹命，人是聽某喙大丈夫，gún 翁是聽錢喙大丈夫 ê 掠做 bué 著俗物較贏做工課，窮實是俗物 bué 破家隨上網請教網路眾大神伊分張 ê 訊息敢正確，畢竟火雞肉確實比雞肉俗價。Gún 翁是彼款掠做家己𠢕扞數 uī-tio̍h 省 1 仙，店閣較遠 mā 去交觀 ê 性地。

這是按 Ist Puten genauso gut wie Huhn 節錄 ê 段落：

“ Was die Nährwerte angeht, Putenfleisch enthält insgesamt weniger Kalorien als Hähnchen. Eine Portion des ganzen gekochten Hähnchens von 80 Gramm hat 200 Kalorien und 100 Kalorien entfallen auf das Fett. Eine Portion des ganzen gekochten Putenfleisches von 80 Gramm hat 170 Kalorien, 70 Kalorien entfallen auf das Fett und es hat mehr Proteine als Hähnchen. Von Building Body. com ”

這是按「低脂、高蛋白號稱「最強白肉」　火雞肉和雞肉哪裡不一樣？ 」

“ 和同樣是白肉的雞肉相比，火雞是高蛋白質、高礦物質、高鈣、低脂肪、低膽固醇、低熱量的肉類，因此有「最強白肉」的稱號，對有運動或是需要補充蛋白質的人來說是很好的來源。資料來源康健 ”

網路大神賜我智慧生，食甲半老筋肉僫生需要卵白質，總是卵白質百百款，無需要倚靠火雞肉，結束。

呔討嘉義火雞肉飯我無問題，德國火雞肉料理我齊齊問題，這交火雞品種無相仝敢有關係？我無一个認捌，總是我清楚知影德國 ê 火雞肉 mā 沓沓仔行向美國 ê 道路，藥仔愈食愈重，這是德國公開 ê 討論。

魚臊鞏金交準做無鞏金鮮沢魚臊較 bué mā 三文魚一味 ê 無興喙白 mā 食喙白一屑仔攏無想 bueh 敆肉做飯頓，五穀類屬素肉兼減肥小助手 ê 豆是驚飯頓食無卵白質 ê 我上好 ê 朋友，準做我食 ê 豆 mā 屬含水碳素類。寫著豆我想著早前㧎牢 ê 衝突，臺灣營養衛教講花豆、鴟鴞喙豆、青豆仁等等齊屬含水碳素 hōo 掠肥食瘦 ê 我骨力 kā 𪜶出門，送甲飯頓食甲白汫無素，後來 tī 德國醫學衛教節目看著𪜶鼓勵民眾 kā 飯盤 ê 肉一半撥 hōo 花豆、鴟鴞喙豆、青豆仁 hōo 我 tī 臺灣、德國醫學衛教雙跤踏雙船，心頭亂紛紛 m̄ 知影愛按怎做，捷聽 ê 醫學衛教 Podcast Die Ernährungs-Docs - Essen als Medizin 談著只要你健康啥物攏會使得食，只不過愛平均分配 hōo 我想著𫝛款是按這个節目看來 ê 食譜以珠仔豆做素肉餅 ê 珠仔豆肉餅。節目中 ê 翁仔姐是食肉 m̄ 食菜 ê 人，其中翁婿因為體重過磅甲連布尺(pòo-tshioh)攏無地通箍所致報名請專家教伊減肥 kā 健康揣轉來，這位先生減肥期間上主要 ê 肉就是豆，各式各樣 ê 豆。Kā 加工素肉當做飯頓卵白質來源 ê 食菜者 mā 相𫝛，齊請𪜶食菜食飯，也著豆佮。

自這个行 buē 出磅空 ê 驚惶見著光，我 buē 閣驚惶糙米飯有鴟鴞喙豆、花豆、青豆仁遮 ê hőng 歸類 tī 𠢕生肥肉 ê 含水碳素區，mā buē 因為飯頓無一塊魚抑是肉隨認定卵白質食無夠額 ē 致著肌少症，起因按檢查報告來看 gún-ê 維生素交礦物質食有夠額，舊年出發瑞典挪威車日子進前所恢復 ê Yoga 交 Pilates mā 沓沓仔見效，我按𬦰低崎有淡薄仔無法度出力到今清彩一踏隨上崎交尻川斗扁甲若菜脯轉做櫻桃菜頭，有淡薄仔肉 hōo 我清楚認捌，身體無顧 hōo 好無愛喙白 mā 愛喙白 ê 道理。

我無想 bueh 食肉，早起頓閣愛款歐洲味素，厝內有啥物通替換？畢竟我無興食麭，gún 翁 mā 無興規盤齊齊豆抑是糙米飯，像鴟鴞喙豆敆花豆 ê 串仔雙豆生菜盤，抑是糙米飯敆 Kam-má-tooh 炒卵。

隔轉日 ê 早起頓 ê 喙是我引起，我愛家己繩辦法。請德文交英文出面巡 Google 巡 bueh 翻點 Muse 猶是 m̄ 行踏，苦惱矣！

東官脆力 kā 飯匙反面，藍春瑞老師《奪人 ê 愛》tuì 我揲手，我 mā 脆力 kā 尻川斗按坐甲燒燙燙 ê 膨椅徙位勻勻仔划向廚房看簞笥除了鴟鴞喙豆猶有啥物豆通敆塗肉林檎做素肉，白鳳豆賰最後一罐愛儉 leh 食，畢竟伊無聲無說漲懸價 hōo 我又閣褲袋仔袋磅子，無奈。

荷蘭豆仁敆塗肉林檎？明仔載有麻仔葉，麻仔葉屬青，荷蘭豆仁 mā 青，規盤青籠籠無敆花，心是 bueh 按怎開花...花豆 tsa̋ng tsiah 敆番薯，苦惱矣，我呔討遮爾仔厚毛病。

Kleine Schlankheitshelfer-Linsen，Oh, oui 我呔無想著伊，Berglinsen 山珠仔豆猶有半包，伊 ê 色水搪好蔭塗肉林檎交麻仔葉。有事無事聽 Podcast 果然是好代，緊來拜 Google 大神解喙白。

 

珠仔豆馬鈴薯沙拉

…… 材料 ……

煠好 ê 珠仔豆	150g
馬鈴薯，切橛	800g
麻仔葉	150g
橄欖油	1EL
Lê-bóng 汁	1TL
紅洋蔥，刴幼
紅菜頭絲
蒜頭，刴幼
芳料草
油
鹽、胡椒

…… 步數 ……

1. 馬鈴薯、油、鹽、胡椒、濫做伙搜 hōo 齊，落烘箱捘200度烘40分鐘。

2. 橄欖油、鹽、蒜頭、胡椒、Lê-bóng 汁濫做一伙搜齊。

3. 芳料草、珠仔豆、麻仔葉、紅洋蔥、紅菜頭簽、Sòo-sù 濫做一伙搜齊，馬鈴薯鋪落去，樂暢來食。

 

---

---

---

 

Haben Sie das Problem? Das Essen kann nicht ich wiederholen in kurzer Zeit.

Ich habe das Problem, obwohl das Essen sehr lecker und ich kann nicht gut kochen, ich kann nicht gleiches Essen wiederholen.

Ich weiß, ich bin seltsam und wählerisch, aber das Hobby mache ich mir und meinem Mann die Mahlzeit immer wie etwas neues, niemals das gleiche.

Naja, fast gleiche, aber niemals Kartoffel, Kartoffel, Kartoffel, ist Kartoffel mit Rucola, Kartoffel mit Linsen, Kartoffel mit Hähnchen und so weiter.

Ich weiß, das ist quatsch, aber zumindesten, die Kartoffeln mit neuem Freund nicht immer nur Salz.

Wenn Sie die deutsche sind, Sie wissen was ich sage.

Ich bekomme eine Vereinbarung mit meinen Mann, Europäisch zum Frühstück, Asiatisch zum Abendessen, und ich möchte nicht das Brot zum Frühtück essen, weil ich fühle das ich energie verliere, egal Vollkornbrot oder Körnerbrot, die machen mich nicht satt.

Ich kann nicht immer das gleiche Essen wiederholen, aber ich kann nicht gut kochen, und das Frühstück ist fast gleich, Salat mit Kartoffeln, Salat mit Hirse, Salat mit ….. Das essen sieht langweilig aus aber passt gut dem Magen von meinen Mann.

Morgen möchte ich das Fleisch nicht essen, aber ich muss die 5 kg Kartoffeln schnell kochen, dann was kann ich tun?

Liebe Google, bitte mir ein gute wissen geben.

Kartoffeln mit Salat, auf Google Suchmaschine eingeben.

Kartoffelsalat mit Bacon, Berliner Kartoffelsalat Art, Kartoffelsalat mit Ei, Kartoffelsalat mit Wurst…

Hej, Google hast du meine Wunsche gelesen, ich sage kein Fleisch.

Hier ist Deutschland, egal Fleisch dabei oder nicht, wir zeigen dir immer mit Fleisch.

Nachdem beschweren, ich höre die Anworte in der Luft.

Potato with salad, eingeben.

Oje, Kartoffel mit kleinem abnehme Helfer Linsen, das ist ein sehr gute Idee, besonders Linsen ist wie Fleisch.

Danke Google, du hast meine Leben gerettet.

Und wie schmeckt es? 

Mega lecker, ich liebe das Rezept. 

 

Kartoffelsalat mit Linsen

…… Zutaten ……

Gekochte Linsen	150g
Kartoffel in Stücke geschnitten	800g
Rucola	150g
Olivenöl	1EL
Zitronensaft	1TL
Fein gehackte rote Zwiebel
Geraspelte Möhren
Fein gehackter Knoblauch
Kräuter
Öl
Salz & Pfeffer

…… Zubereitung ……

1. Kartoffeln mit Öl, Salz und Pfeffer gut mischen in den Ofen stellen auf 200 Grad 40 Minuten backen.

2. Olivenöl, Zitronensaft, Knoblauch, Salz und Pfeffer gut mischen.

3. Kräuter, Linsen, Rucola,  Zwiebel, Möhren und Soße gut mischen, Kartoffeln hinzugeben. Guten Appetit!

 

---

---

---

 

Do you have the problem? I can’t repeat the meal in a short time.

I have the problem, although the food is very tasty and I can not cook well, I can not repeat the same food.

I know I’m weird and picky, but the hobby I always make myself and my husband’s meal like something new, never the same.

Well, almost the same, but never potato, potato, potato, is potato with arugula, potato with lentils, potato with chicken and so on.

I know that’s nonsense, but at least the potatoes with a new friend aren’t always just salt.

If you are German, you know what I am saying.

I get an agreement with my husband, European for breakfast, Asian for dinner, and I don’t want to eat the bread for breakfast because I feel I’m losing energy, no matter whole wheat bread or grain bread, they don’t fill me up.

I can’t always repeat the same food, but I can’t cook well, and breakfast is almost the same, salad with potatoes, salad with millet, salad with ….. The food looks boring but suits my husband’s stomach well.

I don’t want to eat the meat tomorrow, but I have to cook the 5 kg of potatoes quickly, so what can I do?

Dear Google, please give me a good knowledge.

Potatoes with salad, enter on Google search engine.

Potato salad with bacon, Berlin potato salad style, potato salad with egg, potato salad with sausage…

Hej, Google did you read my wishes, I say no meat.

Here is Germany, no matter meat or not, we always show you with meat.

After complaining, I hear the answers in the air.

Potato with salad, enter.

Oh dear, potato with small slimming helper lentils, that’s a very good idea, especially lentils is like meat.

Thanks Google, you saved my life.

And how does it taste?

Super tasty, I love the recipe.

 

Lentil Potato Salad

…… Ingredients ……

Cooked Lentil	150g
Potato cut into pieces	800g
Arugula	150g
Oilve oil	1EL
Lemon juice	1TL
Finely chopped red onion
Grated Carrot
Finely chopped garlic
Herbs
Oil
Salt & Pepper

…… Method ……

1. Mix the potatoes well with oil, salt and pepper and bake in the oven at 200 degrees for 40 minutes.

2. Mix the olive oil, lemon juice, garlic, salt and pepper well.

3. Mix the herbs, lentils, arugula, onion, carrots and sauce well, add the potatoes. Enjoy your meal!