(2021.12.02 減肥下昏飯 核桃林檎醬。核桃蘋果醬)
翁講食林檎蓋健康,所以愛 bué 一袋2公斤半。
看伊又閣受著價數 ê 影響,我講「你想 bueh 閣耍一斗俗物食破家 ê 活動?」
「我是𠢕扞數 m̄ 是食破家」伊應。
「曷無咱閣來做一改試驗,看 tsiâ tsiah 是彼隻雞」我講。
「好,彼隻雞決定 m̄ 是我」伊拍胸坎掛保證。
「我 kā 你保證,這 tù 絕對又閣是我贏」我 uì 伊 ê 胸坎仔大力 tánn 落--去。
一月日後彼袋林檎原仔規袋好好而且 mā 開始 bueh 轉型做我囡仔時上愛食 ê「蘋果麵包」,不過伊是自然發酵 ê 酸芳味 m̄ 是 uī-tio̍h「蘋果」2字特別加林檎芳 ê 芳味。