亂皂𥴊仔店 ⓂⒺⒾⓃⓀⒾⓄⓈⓀ

(2021.12.02 減肥下昏飯  核桃林檎醬。核桃蘋果醬)

翁講食林檎蓋健康，所以愛 bué 一袋2公斤半。

看伊又閣受著價數 ê 影響，我講「你想 bueh 閣耍一斗俗物食破家 ê 活動？」

「我是𠢕扞數 m̄ 是食破家」伊應。

「曷無咱閣來做一改試驗，看 tsiâ tsiah 是彼隻雞」我講。

「好，彼隻雞決定 m̄ 是我」伊拍胸坎掛保證。

「我 kā 你保證，這 tù 絕對又閣是我贏」我 uì 伊 ê 胸坎仔大力 tánn 落--去。

一月日後彼袋林檎原仔規袋好好而且 mā 開始 bueh 轉型做我囡仔時上愛食 ê「蘋果麵包」，不過伊是自然發酵 ê 酸芳味 m̄ 是 uī-tio̍h「蘋果」2字特別加林檎芳 ê 芳味。

四常我 buē 遮爾仔討債 kā 物件囥甲生菇，總是 uī-tio̍h 這斗迒 buē 過 ê 驚 hōo 雷公摃落舂臼地獄 mā 是愛迒過，抑無我著是彼隻掠做家己俗物𠢕扞家 ê 雞。

一日月後，m̄ 知是林檎芳𠢕鑽毛管空抑是鼻仔 buē 閣過敏 ê 翁問講「咱兜有一種怪味，果子 teh 發酵 ê 味」。

我無隨紲喙應，聊聊仔越轉身行 uì 廚房去，伊知影在水有啥物貓膩 mā 綴我行過去。

我面繃甲若 Karl der Große，手是足想 bueh 攑日本剾刀先 kā 剾剾 tsiah 指(kí)彼搭明甲指(tsáinn) 攏免指目隨看 ē 著 ê 果子籃。

「我知影你想 bueh 講啥」伊家己先出喙較省得 hőng 𠞭甲連骨 tshé 攏揣無。

「我曷無出聲，你呔 ē 知影我 bueh 講啥物」我猶是老K➀ ê 面腔。

「我是雞、鴟鴞、烏鶖 ê 雞➁」伊那講那 bueh kā 林檎按潘桶倒。

 腹內 ê 毒素已經膨甲 tshan-tshiūnn 蟾蜍按呢無 kā 消敨 buē-ti̍t--leh「請問𠢕扞家 ê 先生敢需要我這个頇顢兼愛學習按怎扞家扞灶 ê 人 kā 你鬥相共？」

「Gún 兜牽手 m̄-nā 媠閣𠢕扞家扞灶 m̄ 免我這个外行𤆬內行」翁緊紲喙講。 

「猶原知影開兩角愛找五分，有覺悟著好。」

喙鼓答甲遮愛知影踏擋仔猶無本底 bueh 解決 ê 齷齪隨成做六月蚶，開喙臭 ê 吵家抐宅冤家量債。

畢竟，無人佮意別人一直剾洗家己種著 ê 慣勢。

林檎一粒一粒篩，篩出來 ê 隨挈 來做𩛩麭、攪麵、透サラダ、搵卵餅煎滋味攏好 ê 核桃林檎醬。

林檎(りんご/ringo)是啥？

德語 ê Apfel，英語 ê Appel，法語 ê Pomme，華語 ê 蘋果--lah！

➀ 華語講 ê 查理曼大帝(742~814)

➁ 鴟鴞掠雞，烏鶖佇壁/華：螳螂捕蟬，黃雀在後

核桃林檎醬

...... 材料 ......

林檎，礤簽　1

Quark　100g

核桃(Hu̍t-thô)　30g

...... 步數 ......

1. 材料做一伙濫 hōo 齊，樂暢來食。

(2021.12.02 Abendessen zur Gewichtsabnahme Apfel Afustrich)

Mein Mann sagt, ein Tag ein Apfel, der Arzt ist weit weg  von dir.

Ich sage, du möchtest das Geld nur sparen, weil, 2.5 kg billiger sind.

Nein, ich liebe Apfel, ich kann alle fertig essen.

Wirklich?

Ich mag kein Apfel, sage ich.

Ich weiss, kein Problem.

Dann....

Nach dem 1 Monat, da gibt's noch funf Äpfel.

Ich sage mein Mann, die Äpfel sind fast wie Apfelhefe, wann kannst du die essen?

Leider nicht, ich kann nicht fertig essn, kannst du mir helfen, bittte?

Gerne, nur kostest Farbe lila 500€.

Nein, sagt mein Mann.

Nächstemal du kannst sagen, ich spare viel Geld, weil ich nur Gratis kaufe.

Du sparst dem Unternehmen Geld.

Deshalb helfe ich sehr gerne.

Du kannst das Geld in meine Tasche geben, ich helf dir gern das Geld sparen .

Apfel Aufstrich

...... Zutaten ......

Geraspelter Apfel　1

Quark　100g

Nuss　30g

...... Zubereitung ......

1. Alle Zutaten gut mischen. Guten Appetit!

(2022.05.08 Breakfast for weight loss Apple Spread)

My husband says, one day an apple, the doctor is far away from you.

I say you only want to save the money because, 2.5 kg is cheaper.

No, I love apples, I can finish them all.

For real?

I don't like apples, I say.

I know no problem.

Then....

After the 1 month there are still five apples.

I tell my husband, the apples are almost like apple yeast, when can you eat them?

Unfortunately not, I can't finish, can you help me, please?

My pleasure, only costs color purple : 500 €.

No, says my husband.

Next time you can say I save a lot of money because I only buy I only buy the cheapest.

You save the money for the company.

So, i am also very happy to help you save money.

You can put the money in my pocket, this is my greatest help to you.

Apple Spread

...... Ingredients ......

Grated Apple　1

Cream Cheese　100g

Nuts　30g

...... Method ......

1. Mix all ingredients well.Enjoy your meal!