亂皂𥴊仔店 ⓂⒺⒾⓃⓀⒾⓄⓈⓀ

我愛食豆腐，總是頇顢煮出台灣 ê 氣味，所致換手路窒相思。

阿母猶未轉去西方進前，我一直掠做家己有才調頓頓做老外，畢竟需要上班 ê 日子人一行出門喙，無興做老外 mā 愛做老外特別是中晝頓。

阿母無病無疼轉去西方無人通 hōo 我點菜，家己又閣貧惰骨就跟綴多數獨身過日子 ê 人 kā 自助餐 、麵擔仔做廚房行踏，總是我較無食福食無兩月日就放棄，紲落來想著阿母交代 ê 話「你愛趁我我猶 tī-leh 好好學習扞鼎，抑無有一工我轉去矣，你就無話通挨推，呔討去德國做人牽手 m̄ 免扞鼎。」

阿母果然是老先覺清楚知影查某囝 ê 喙斗有一个期限，期限一過愛我交 gún 翁快樂牽手做田螺巡舊逝，較行 mā 仝逝，彼是較早睏較有眠 ê 代誌。

阿母轉去西方兩月日，我 ê 老外人生透德國頓頓是煙腸 ê 食食生活行到 Ich habe die Nase Voll, die machen mich fertig ê 階段，我需要揣先生處理 hōo 我心狂火著 ê 塞鼻，總是我自來是鹹掛澀閣愛家己做醫生 ê 性地，愛我跟綴兩位 mā tī 西方 ê 阿姊𪜶 ê 跤步去冊局 bué 菜譜冊轉來學習，我甘願繼續做老外。每一个人有家己 ê 收藏癖 tī 菜譜猶未行到今仔日 ê 窒倒街，伊一直 m̄ 是我書櫥 ê 收藏品。所致真心感謝部落格 ê 發明。

自囡仔時代就 m̄ 捌扞過鼎 ê 我，手䘼撆起來跟綴網路𠢕人款飯頓 ê 菜色就是豆腐，家甲徙來德國豆腐成做 gún 翁踮台灣見著伊愛食 ê Tshì-sù 相𫝛，五彩十色賰孤色 ê 白汫無素 hōo 我無法度繼續跟綴台灣𠢕人 ê 手路出菜，就跟綴德語地區𠢕人出菜。

這斗 tī Netto bué 著僫見 ê 豆腐，我想著較早捌跟綴網路𠢕人出菜 ê 豆腐炒卵燥隨請 Google 賜我德語地區 ê Muse。順 Google 分張 ê 麭幼仔圖一張一張看，看甲目睭 kiōng-bueh 挩窗猶是揣無相峇 ê 版本，換英語地區，英語果然是當今上主要 ê 共同語，Google ê 麭幼仔一擲我隨揣著有合喙斗兼免豆油、蠔油、芳油遮 ê 傳統亞洲料理需要用著 ê 醬料 mā 無歐洲人慣勢 ê Kam-má-tooh 醬抑是咖哩醬，伊 kan-ta 鹽佮胡椒兩味做調味。

Google 賜 ê Muse 外形有淡薄仔像麻婆豆腐，我 ê 豆腐遮爾仔僫 bué buē 使得冇手，繼續向 Google 跋桮，這斗跋無桮，因為我 m̄ 知影愛拍啥物關鍵字，當我準備放棄跟綴原圖出菜，向時捌跟綴德國𠢕人出菜 ê 肉丸仔卵餅泅來眼前，我知影按怎分拆這塊豆腐矣！

 

豆腐卵餅煎

...... 材料 ......

豆腐，切片	1
卵，抐 hōo 齊	2
鹽、胡椒

...... 步數 ......

1. 豆腐落鼎煎 hōo 兩面赤赤，卵淋落去，烘熟，tiàu 寡鹽、胡椒，樂暢來食。

 

---

---

---

Ich suche das Rezept über die Eier mit Tofu in deutsch, aber leider ich finde gar nichts. Also das kann ich nicht einfach so sagen, weil meine Kenntnisse im Internet sind schrecklich.

Ich suche das Rezept über Egg with Tofu in englisch, Google zeigt mir ein gute Idee und die gefällt mir sehr, weil es sieht wie Omelett aus. Ich liebe Eiergerichte außer Rührei. Ich weiß es ist lecker, aber jeder hat seinen eigenen Leckerbissen.

Ich gucke die Zutaten an, sie sind einfach, Eier, Tofu, Salz und Pfeffer, nichts mehr, wie Austernsauce, Sesamöl usw, die Sachen sind für mich nicht so einfach zu kaufen.

Superb, wunderschön. Der Tofu aus das Bild für mich sieht wie Sardinen im Meer aus, ich habe große Eitelkeit, ich mag mein Bild sieht wie das im Magazin und ich bin gierig für ein Tofu zwei unterschiedliche Geschmäcker, was kann ich tun?

Oh, oui~ ich habe ein sehr gute Idee, lass mich probieren wie sie sieht es aus.

Ich habe kein intelligenz über die Kunst, aber für das Essen kein Problem, weil Google ist meine Muse und ich bin seine Fabrik.

 

Tofu-Eierkuchen

...... Zutaten ......

Tofu	1
Eier	2
Salz & Pfeffer

...... Zubereitung ......

1. Den Tofu in Stücke geschnitten, in die Pfanne geben und anbraten bis sie goldbraun sind.

2. Die Eier gut schlagen, in die Pfanne geben, auf kleiner Stufe kochen bis sie hart sind.

3. Mit Salz und Pfeffer.Guten Appetit!

 

---

---

---

 

I'm looking for the recipe for eggs with tofu in German, but unfortunately I can't find anything. I can't just say that, because my internet skills are terrible.

I'm looking for a recipe for egg with tofu in English. Google shows me a good idea, and I really like it because it looks like an omelet. I love egg dishes except for scrambled eggs. I know it's delicious, but everyone has their own favorite foods.

I look at the ingredients, they're simple: eggs, tofu, salt, and pepper, nothing else, like oyster sauce, sesame oil, etc. Those things aren't so easy for me to buy.

That's so great, beautiful. The tofu in the picture looks like sardines in the sea to me. I am very vain, I like my picture to look like the one in the magazine, and I am greedy for two different flavors of tofu. What can I do?

Oh, yes~ I have a very good idea, let me try it out and see how it looks.

I don't know anything about art, but when it comes to food, no problem, because Google is my muse and I am its factory.

 

Tofu Pancakes

...... Ingredients ......

Tofu	1
Egg	2
Salt & Pepper

...... Method ......

1. Cut the tofu into pieces, add to the pan and fry until golden brown.

2. Beat the eggs well, put them in the pan and cook on a low heat until they are hard.

3. Season with salt and pepper. Enjoy your meal!