亂皂𥴊仔店 ⓂⒺⒾⓃⓀⒾⓄⓈⓀ

通貨膨脹 hōo 錢愈變愈薄愈來愈細圓想 bueh 綿豉實踐 ê 意志，像莫近廟欺神支持過鹹水 ê 俗物 m̄ 是人性考驗，是褲袋仔袋磅子按怎好好生存 ê 問題。

自烏露戰爭開始，本底猶未感覺疼 ê 食食四常，因為漲懸價 hōo 我開始想 bueh 暗時食西瓜，半暝仔反症，退悔綿豉 buaih 支持過鹹水。 總是遮 ê 農業猶原 tsiâu-tsn̂g，工業 mā 無拋荒，所致莫喙白甲像 gún 翁按呢，無著時 ê 物綿精無伊就 buē 活 ê 因為戰爭帶來 ê 通貨膨漲錢變細圓 tuì 我來講猶未疼甲若針 teh 揻，像翁 ê 朋友綿豉 Kam-má-tooh 就愛食鮮沢 buē 使得食罐頭，當 Kam-má-tooh 按一公斤 0.99€ 漲甲 3.49€ 就 m̄ 通哭呻政府無管控物價 hōo 伊 ê 財庫愈來愈空。畢竟伊 ê 俗物 buē bué 破家是別人離鄉以低甲連當地人都無法度接受 ê 月給交山林一日 24 點鐘，一冬 365 工無暝無日付出才有 ê 甜蜜。

「西班牙有一搭自羅馬時代就存在 ê 山泉，自人類 kā 無著時轉做一年迵年齊著時 ê 食食文化，這港晟養萬生萬物 ê 山泉焦到若沙漠，擠無一滴水」年過 70 感恩一粒米，百粒汗交維持食著時食物 ê 德語老師 tsuē 冬前 ê 分張到今猶原記牢牢，起因我 mā 相𫝛。

Gún-ê 食著時物無限在地，畢竟目今 m̄ 是向時萬物唯獨本土著時 ê 年代。德國寒人無藍莓、無番薑仔、無敏豆、䆀豆通種作，南美洲 ê 秘魯交智利拄好大出，gún 就順這个時代 ê 利便接續享受這滿滿 ê 青花素，非洲北爿 ê 摩洛哥水土猶原適合栽作番薑仔、敏豆、䆀豆 gún 就順遮 ê 利便補德國寒人僫得 ê 維生素佮礦物。綿豉 ê 理想是維護環境 mā 四序家己 m̄ 是 kā 家己舞甲掂篤僫過日，敢 m̄ 是？

頂站仔去溫泉鄉 Baden.Baden 看 Yoshitomo Nara 展覽結束，翁提議回程走烏森林莫走高速公路我感覺按怎？

人已經 tī Fantastisch 仙蹤街市烏森林北爿入口，當然 mā 講好。就一路順若法國氣味 ê Baden.Baden 勻勻仔跟綴雺霧透霎霎仔雨上烏森林到 Hermann Hesse ê 故鄉 Calw 考夫 Kaufland 停睏借無料便所交巡市場繩俗物。

是戰爭沓沓仔迵停戰 ê 光抑是歐洲已經揣著替代能源，抑無倚 bueh 3 冬齊漲懸價 ê 大娘仔瓜呔討踅翻頭到露西亞迒過柴杙前 ê 價數，一支 0.49€，準做伊寫大特價，這个價數媠甲無 kā 相楗 buē 過心。翁愛 ê 櫻桃菜頭➀猶未著時 mā 踅翻頭轉來到一把 0.39€ ~ 0. 59 € 閣逐粒飽滇粉紅，自備 ê 紗仔袋挈出來款三把，轉來 kā 葉仔剪掉袋盒仔囥冷藏會使得保存 2 ~ 3 禮拜，一想著褲袋仔總算 m̄ 免袋磅子，撏錢 m̄ 免斟酌窮斤算兩節出入，像 Hessen tī Maulbronn 修道院按呢凡事齊愛斟酌甲透入毛管空 ê 壓力，hōo 我 m̄ 驚牛聲馬喉驚死人開始唱看著你心花開，我的心花開。

心花開 kā 菜蔬區巡一遍越頭 tuì 行到佗手機仔𫝻到佗 ê 翁講「你正港頂世人燒著好香，恁牽手無綿豉愛過亞洲日子 mā 無興成做新婦仔順恁兜 ê 喙斗糜飯除了麭就是塗肉林檎」手指一公斤倚 bueh 2€ ê 上俗價 ê 德國米，目那看認真款「有淡薄仔特別」ê 太太，心那做 Amélie➁飛向伊若半天鳥仔阿母 ê 世界「咱是德國人 m̄ 食塗肉林檎敢 bueh 食遐 ê 543」，半天鳥仔阿母因為法國大環境逼伊無法得做選擇，這位太太因為喙白逼家己行向半天鳥仔阿母 ê 枵飢失頓。

「遐 ê 有淡薄仔特別 ê 敗價物皮屑掉 mā 賰無兩喙通食」若牽狗仔散步手那搝捒車點揬綿精𫝻手機仔 ê 翁，手機仔那𫝻 mā 愛那綴我那行那斡，斡過三條貨架仔我 tsiah kā 心內癢甲無講出喙 ē 著蛆 ê 話講 hōo 一耳空入，一耳空出，雙目 kan-ta 有手機仔 ê 翁聽。 

罐頭 Kam-má-tooh 醬，一罐特價 0.69€ 是騙鬼 m̄ 捌食水 ê 死豬仔價，珠仔豆歐洲窒倒街呔討愛按中國進口閣漲懸價，椰子粉 200g 一包 0.89€ 比 gún 庄頭上俗價 ê Marktkauf 俗 10 仙，愛款愛款，俗物 bué 破家，阿母在生上捷 tuì 大姊講 ê 話步頻若佛公祀 tī 我頭前，電腦隨拍開揣資料庫，uī-tio̍h 儉 10 仙浪費一包好好 ê 食物，m̄ 通，m̄ 通 ē 入舂臼地獄。白鳳豆是發生啥物代誌，呔討一目𥍉隨起 60 仙，60 仙會使得 bué 一把鮮沢青蔥。等伊無閣臭膎閣 m̄ 除鈗像塗肉林檎 hōo 人捎無摠頭呔討漲懸價 tsiah 交觀，波蘭有機鴟鴞喙豆一包 500g 一公斤 2.69€ 比 gún 庄非有機 ê 俗 30 仙，捒車大力搝一下，翁擔頭伴醉茫茫 ê 眼神交我對看，我手指懸甲若玉山 hōo 我看 ē 著挈 buē 著 ê 鴟鴞喙豆講「兩包，多謝。」

翁若機械人順我 ê 意 kā 鴟鴞喙豆捾兩包落來，閣恬靜順我 ê 節奏捒車仔到我雄雄感覺捒車仔若落輪越頭看，紅龜生蟲，龜怪 leh，我 ê 司機仔呔捒甲無見人，敢是揣著新牽手，當我四界貓貓相揣翁，伊捾一罐鴟鴞喙豆罐頭出現講「一公斤無到 2.2€ 比這愛浸水透眠閣文文仔火𤉙一點鐘閣翕半點鐘 ê 這兩包閣較俗物 buē 食破家。」

我佮意焦貨 ê 鴟鴞喙豆，起因咬起來確實較成食肉，罐頭鴟鴞喙豆較成食囡仔時上愛 ê 牛奶膏芋仔冰 ê 滋味，總是我理解伊 ê 想法，翁仔姐沓沓仔準備退休，目今 ê 千辛萬苦就是 uī-tio̍h 後日 ê 腹肚，猶未退休錢已經細圓甲這款程度，退休無生產力向望錢變大較早睏較有暝，隨 tìm 頭表示 kā 這兩包按波蘭來 ê 有機鴟鴞喙豆送轉去玉山換三罐鴟鴞喙豆閣牽一線「遮 ê 罐頭價數交咱庄 ê 無宛 2 體」，伊過一睏仔轉來手無半罐鴟鴞喙豆講「咱庄 mā 有鴟鴞喙豆罐通 bué，咱 m̄ 免 tī 遮甘願做衫奴，m̄ 通 hōo 衫誤。」

俗語講著勞 tsiah-ē 做祖，愛跪 tsiah-ē 出穗，人生無窮斤八兩較骨力勤勞 mā 是無較縒，無競爭力 ê 價數轉庄家己庄有通抾點數換現金 ê 超市 tsiah 款就好，數結好微微仔笑 tuì 翁講「便所費用儉 1 €，生菜交 gún 庄這期特價相比並儉 bueh 5 €，咱無愛交人凡事攏比並，不過愛 tuì 家己比並，這禮拜實踐儉錢 ē 富，看展 ē 媠，我無較算無賰一條錢貫 hōo 你，我 ê 廚房狹甲 hōo 我無才調出好菜。」

我知影 buē-tàng 繼續按呢儑頭儑面剾洗𪜶兜勥母，總是一想著𪜶孤𣮈勸無祠 kā 我舞甲心狂火著，無喙賤一下 ē 著蛆。

自川普耍關稅，有 teh 耍股票 ê gún 翁 hōo 川普耍一下仔錢袋仔 hōo 釘仔劌(kui)破去，認真麻糍手內拈無閣草厝閣掛煙筒，像𪜶爸母按呢想 ê 佮現實是 buē 曉泅水嫌溪狹 bué 一物怨一物。

我是國際貿易出身 ê 作穡人，我 tuì 股票無理解，自然 buē 迵過我貪人利，人 mā 貪我母 ê 投資來錢生錢，所致我 tuì 川普按怎舞關稅無啥態度，畢竟事實明明明，美國僫翻頭踅轉去傳統工業，萬事萬項 Made in USA，中國 mā 無可能一直維持世界工廠 ê 角色，抑無若 Fatal Attraction 致命 ê 吸引力 buē kā 按鼻空出來 ê Made in Taiwan 換做 Made in China。

這是一个全球化交分工單跤手做無工課 ê 大社會，咱無才調逃避厝內齊是外國貨 m̄-koh 咱有才調巧巧仔開錢，莫食穿齊愛交人比並，畢竟德國交臺灣攏行過錢淹跤目 ê 年代，行過 ê 年代僫過踅翻頭，除非搪著若伊朗抑是阿富汗 ê 政治環境，好好仔鱟刣甲流血。

「主持人 ê 桌仔呔討 bueh 囥牛奶」翁順我 ê 手勢好玄我 teh 看啥節目。

「臺灣 tuì 紐西蘭進口牛奶零關稅，價數交生奶無宛 2 體」我講。

「錢走去通路、運費、廣告交想像」伊紲話。

我 kā 手搭 tī 伊 ê 頭額，伊隨笑講「食著 gún 牽手 ê 喙瀾。」

向時 ê 伊是專家講隨跟綴，網路講隨相趁相喊 hōo 家己做廠商 ê 火山孝子閣掠做家己𠢕扞家 ê m̄ 捌繩頭看尾，像近來德國人開始 teh 討論 ê 呔討一个阿祖生鼎仔拚過萬个出名鞏金 buē 牢鼎。

Gún 兜一跤生鐵猶未漲懸價進前就 bué ê 炒鼎無到 20€ 到今超過 10 冬猶原勇健，猶未認真交勥母拆破面進前，gún 平均 3 月日愛收伊按北爿寄落來 ê buē 牢鼎，因為無敆伊手 hōo 伊無法度出好菜。

阿母猶在生我 m̄ 捌扞過鼎，開始扞鼎我第一个炒鼎順我 tuì 阿母手路 ê 印象 bué 生鼎，然後沓沓仔請教網路眾神按怎 hōo 伊煎魚、煎卵 buē 牢鼎，準做 buē 牢鼎進前 ê 準備看起來誠了電錢抑是 Gá-suh 錢，伊猶原比投資 buē 牢鼎閣較有價值 m̄ hōo 家己省去一筆驚惶「化學物敢開始𪐞矣？」

2025 川普耍關稅，向望萬事 Made in USA，漲懸價漲 bueh 3 冬 ê 大娘仔瓜無論荷蘭抑是西班牙齊翻頭到漲懸價進前 ê 價數，德國生產 ê 大娘仔瓜特價 1.29€，西班牙交荷蘭 hām 德國徛仝一塊土地，作穡工人 mā 齊倩外國移工來鬥相共，德國、荷蘭、西班牙齊屬己開發國家，一支大娘仔瓜反應出當地基本工資、通路、運輸生湠 ê 鋩鋩角角，𫝛時 mā 反應出德國消費者普遍 ê 無米留人客，無食假拍呃，褲袋仔袋磅仔 mā 愛講袋金仔。我這款形容有較膨風寡，總是這是我 ê 觀察，喝講散赤甲鬼攏 buiah 掠 ê 人，厝內 ê 冰箱、電視齊是出名品牌。 

這禮拜三，翁仔姐食飯飽做陣捎罐仔去超市以抾點換法蘭西水罐，順紲巡場揣寶，按遠遠來 ê 中國蒜頭包裝甲媠媠 200g 特價 1.99€，葡萄牙來 ê 番薯 1 公斤 4.49€，塗肉林檎 1 公斤 2.5€...規个商場巡 tsiâu-tsn̂g 按怎裝備入去，按怎出來。

中國蒜頭別搭 mā 有進口，𫝛款 ê 200g 1.99€，西班牙進口 hōo 德國超市。西班牙家己 mā 有蒜頭，𫝛款 200g 1.99€，阿爾巴尼亞 ê 蒜頭若有夠額通分 hōo 德國會使得閣俗 20 仙。葡萄牙番薯別搭 mā 有地賣，1 公斤 1.99 ~2.49€，塗肉林檎這禮拜又閣漲懸價，是有人 teh 炒場抑是刁意故漲懸價，無理解，總是咱無喙白無差伊這味。舉遮 ê 例我 kan-ta bueh 講，萬事無繩頭看尾就 tshan-tshiūnn 臺灣人看紐西蘭牛奶仝款，食 ê 是想像 m̄ 是需求。Mā tshan-tshiūnn 我無好好仔理解食物，番薯敆鴟鴞喙豆我第一个想法是，夭壽骨，齊含水碳素 ē 大箍仝款 kā 家己 ê 食食四常愈食愈狹，愈食愈白汫無素。

德文食譜巡無 Muse 換英文，果真開闊無仝喙斗。

食譜 mā 若做鞋，臺灣有做鞋，中國有做鞋，印度有做鞋，越南有做鞋，印尼有做鞋，這搭鞋看無佮意換彼搭，這雙鞋按遮做貴 10%，按遐做俗 20 %，佗一雙鞋適合家己 ê 意愛齊隨個人需求，像學生時代𫝛款 ê 501，有 ê 人佮意美國做，有 ê 人佮意菲律賓做在人選擇適合家己 ê 501。食譜 mā 相𫝛，德文食譜攝相我看 buē 佮意換英文食譜，揣著敆目 ê 相片隨請 Muse 來食茶 hōo 家己 ê 食飯頓 m̄-nā 有好食食閣有全球化 ê 綴 leh 做。

早前請教萬事通先生網路華語 ê 鷹嘴豆按怎講，萬事通先生請我讀維基百科。這斗鵁鴒順便空 kā 這篇相片其中一張徙去翁拋荒 ê 部落格隨好玄華語 ê 鷹嘴豆敢正港無台語？

凡勢捷挐萬事通先生，這久 ê 伊 hōo 我挐出「鴟鴞喙豆」ê 講法，我愛這个新辭 mā 愛自本就使用 ê 雞心豆，起因伊 ê 外形正港成愛心​。

➀ 6 月 ~ 9 月著時

➁ 法國電影 Le Fabuleux Destin d'Amélie Poulain

 

鴟鴞喙豆雞肉番薯沙拉

…… 材料 ……

煠好 ê 鴟鴞喙豆	150g
雞襟胸	400g
番薯，切橛	800g
櫻桃菜頭，切絲	200g
兔仔耳	150g
橄欖油	1EL
Lê-bóng 汁	1TL
油
紅洋蔥，刴幼
蒜頭，刴幼
芳料草
鹽、胡椒

…… 步數 ……

1. 雞襟胸挲寡鹽、胡椒落煎鼎煎 hōo 兩面赤赤，挈出來。

2. 番薯、油、鹽、胡椒、濫做伙搜 hōo 齊，落烘箱捘200度烘40分鐘。

3. 橄欖油、鹽、蒜頭、胡椒、Lê-bóng 汁濫做一伙搜齊。

4. 芳料草、兔仔耳、紅洋蔥、櫻桃菜頭、Sòo-sù 濫做一伙搜齊，馬鈴薯、雞心豆、雞肉鋪落去，樂暢來食。

 

---

---

---

 

Haben Sie auch das Problem, weil die Zeitung sagt, dass die Bohnen Kohlenhydrate haben und die Bohnen sollen weg vom Tisch?

Ich liebe die Bohnen und ich habe das Problem, ich muss ehrlich sein, es stört mich auch, die gute Idee wird zu einem Weg, das Leben zu verwirren und einzuschränken.

Zum Beispiel, Kichererbsen sind kein Gemüse, sondern eine Bohnen mit gutem Eiweiß wie das Fleisch. Ich folge der Idee, dann sagt die Zeitung : Die Kichererbsen haben ein gutes Eiweiß aber sie sind auch Kohlenhydrate.

Kohlenhydrate das bedeutet: Fett, dann bedeutet das auch, wenn ich das Fleisch nicht essen will, mein Teller hat Reis oder Süßkartoffel und so weiter, die Kichererbsen wie das Fleisch muss weg, Wo kann ich das Eiweiß bekommen? Ich brauche das Eiweiß für die Muskel gegen das Fett.

Ich weiß, dass das Problem nicht kompliziert sein muss, aber leider bin ich kein Profi, ich kann ein Essen nicht genau so zubereiten, wie es die Profis vorschlagen.

Du hast das Eiweiß aus Kichererbsen, dann muss du weniger Reis essen, aber wieviel weniger? Ja, wie wenig? Wenn ich das Fleisch nicht essen will. Wir wissen, dass die Kohlenhydrate für Körper, Verdauung und Energie wichtig ist, wir brauchen Kohlenhydrate aber wir müssen uns auch Sorgen machen, Kohlenhydrate ist auch Fett. Isst du zu viel, Bauchfett kommt zu dir.

Wie kann ich ausgewogen Essen wennn ich wählerisch bin? Oh, Menschen, Essen ist keine glückliche Sache mehr. Wenn das Problem kommt, ich fühle mich nicht gut, weil ich das Gefühl habe, dass das Essen Teufel ist, es will, dass ich wieder fett werde. Ich habe keine psychischen Probleme, aber ich muss sehr ehrlich sagen, dass zu viele Informationen wie ein Virus sind, der meine Psyche langsam vergiftet hat. Icn kann nicht alleine denken und fühlen, was in meinem Körper passiert, wie die Sprache, wenn ich ein Wort vergesse, denke ich, dass ich so dumm bin. Aber die Realität ist, dass die Welt größer ist als das, was wir wissen, dass wir  nicht alles verstehen können.

Wissenschaft ist eine Idee, keine Regel, folgen Sie ihrem Herzen und verstehen Sie, was Sie brauchen und beheben Sie das Problem, wenn Sie finden. Machen Sie Ihre Mahlzeit einfach und entspannt, ohne Stress.

Ich möchte das Fleisch nicht essen, ich möchte die Kichererbsen mit Süßkartoffeln zusammen essen, sie sind Kohlenhydrat oder Eiweiß, es ist mir egal, aber ich weiß, dass ich dieses Gericht liebe und mein Körper auch.

 

Süßkartoffelsalat mit Hähnchen und Kichererbsen

…… Zutaten ……

Gekochte Kichererbsen	150g
Hähnchenbrust	400g
Süßkartoffel in Stücke geschnitten	800g
Radieschen in Scheiben schneiden	200g
Feldsalat	150g
Olivenöl	1EL
Zitronensaft	1TL
Öl
Fein gehackte rote Zwiebel
Fein gehackter Knoblauch
Kräuter
Salz & Pfeffer

…… Zubereitung ……

1. Süßkartoffeln mit Öl, Salz und Pfeffer gut mischen in den Ofen stellen auf 200 Grad 40 Minuten backen.

2. Olivenöl, Zitronensaft, Knoblauch, Salz und Pfeffer gut mischen.

3. Kräuter, Feldsalat, Radieschen,  Zwiebel, und Soße gut mischen, Süßkartoffeln mit Kichererbsen und Hähnchenbrust hinzugeben. Guten Appetit!

 

---

---

---

 

Do you have the problem because the newspaper says that the beans are carbohydrate, then the beans away on the tables?

I love the beans and I have the problem, and I have to be honest, it bothers me too, the good idea becomes a way to confuse and restrict life.

For example, chickpeas are not vegetables, but a bean with good protein like the meat. I follow the idea, then the newspaper says : The chickpeas have good protein but they are also carbohydrate.

Carbohydrate that means: fat, Then that also means if I don’t want to eat the meat, my plate has rice or sweet potato and so on, the chickpeas like the meat have to disappear, where i can get the protein? I need the protein for the muscle to against the fat.

I know the problem doesn’t have to be complicated, but unfortunately I’m not a professional, I can’t prepare a meal exactly like the professionals suggest. 

You have the protein from chickpeas, then the rice has to eat little, but how less? Yes, how less? If I don’t want to eat the meat. We know that the carbohydrate is important for body, digestion and energy. We need the carbohydrate but we also have to worry, carbohydrate is also fat. Eat too much, belly fat comes to you. 

How can I balance my picky? Oh, my dear, food is no longer a happy thing. When the problem comes, I don’t feel good, because I have the feeling that the food is devil, they want me to be fat again. I have no psychological problems, I have to be very honest, too much information is like a virus that has slowly poisoned my psychology. I can’t think alone and feel what happens out of my body, like the language when I forget a word, I think I’m so stupid. But the reality is that the world is larger than what you know that you cannot understand everything.

Science is an idea, not a rule, Follow your heart and understand what you need and fix the problem when you find. Make your meal simple and relaxed, not stress.

I don’t want to eat the meat, I want to eat the chickpeas with sweet potatoes together, they are carbohydrate or protein, I don’t care, But I know that I love this dish and my body too.

 

Chickpea Sweet Potato Chicken Salad

…… Ingredients ……

Boiled Chickpeas	150g
Chicken breast	400g
Sweet Potato cut into pieces	800g
Radish cut into slices	200g
Lamb's Lettuce	150g
Olive oil	1EL
Lemon juice	1TL
Oil
Finely chopped red onion
Finely chopped garlic
Herbs
Salt & Pepper

…… Method ……

1. Mix the sweet potatoes with oil, salt and pepper well bake in the oven at 200 degrees for 40 minutes.

2. Mix the olive oil, lemon juice, garlic, salt and pepper well.

3. Mix the herbs, lentils, lamb’s lettuce, onion, radish and sauce well, add the potatoes with chickpeas and chicken breast. Enjoy your meal!