亂皂𥴊仔店 ⓂⒺⒾⓃⓀⒾⓄⓈⓀ

近來魚指 m̄ 知受著啥物因端影響又閣按漲懸價行向大落價 hōo gún 翁無法度無成做 Hamster 豬仔鼠 kā 冷凍庫櫼甲 buē 喘氣。

「你敢有遮爾仔愛食魚」我問。

「這魚比小白銀(Sprotten)抑是白銀魚(Hering)閣較好味素」伊講。

逐半年愛轉去齒科複診 ê 齒岸發癀(huat-hông)約 tī 後月日，伊知影四常 ē-tàng 喝無閒貼貼無通仔專車駛我去款魚 ê 日子，tī 我 ê 齒科日是走閃 buē 掉 ê 任務，隨趁這个機會先佔先贏。

照我往時 ê 性地，我 ē 六月蚶，開喙臭 kā 伊臭甲哀爸叫母 hōo 伊交我繼續一个斡倒爿，一个斡正爿 ê 睏破草蓆三領，掠你心肝 buē 著 mā 大丈夫 ê 龍鳳生活。

Gún 翁敢誠實無愛食魚，這个自囡仔就 hőng 勥爸勥母培養 ê 磺火效應需要專業心理師 kā 伊鬥相共，半路交伊成做龍鳳 kan-ta 需要按這段六月蚶，開喙臭 ê 日子看家己學著啥物代誌。

「我 kā 家己照顧好勢，m̄-nā uī 家己 mā 是 uī-tio̍h 伊，伊致著糖尿病到今猶原 m̄ 禁喙，按呢無負責任 ê 人生態度，我無法度接受，畢竟我 ê 細膩 m̄ 是特別 uī 伊 ê 病疼來骨力，我無興照顧病人。」

第一斗聽德國牽手按呢講，我感覺伊 ê 良心 hōo 狗咬去，開始融入德國社會，我沓沓仔理解這位德國牽手 ê 意思，因為驚阿鼻地獄，我 m̄ 敢討債一粒米，百粒汗，mā m̄ 敢一日到晏六月蚶，開喙臭，總是一開始扞灶，我正經無法度無成做六月蚶，開喙臭 kā 𪜶兜規家伙仔臭甲比豬牢閣較臭。

總是，開喙臭開甲押尾 mā 行向杜子春第三斗搪著獨眼老大人 ê 回答「毋 nooh，錢我是無欲挃矣」到「毋管創啥，我干焦想欲做一个『人』，會當過正直的人生。」

自我理解我 kan-ta 要意厝內代，無興沓滴別人兜 ê 問題，家己刣，趁腹內 ê 無聊代 m̄ 捌閣纓纏。

自 gún 翁得著伊 ê 寧靜，我重新行向三美惠➀人生，巴雷斯➁ mā 賜我金蘋果 hōo gún 兜 ê 豬牢轉型做有機農場。

豆仔、番薑仔、大同仔、菜擴、糙米、魚厚甲若蠓 ê 喙白齊出現 tī gún 翁 ê 碗盤，我 ê 食食色緻 mā 按無啥有虹 ê 色緻勻勻仔行向 PMS(Pantone Matching System)百色百彩 ê 色色樂鑠。

Gún 兜食飯桌 tī 我一日閒貼貼是一桌兩鼎，我先款伊愛食 ê 物 tsiah 換款我愛食 ê 物。

自我開始一日無閒貼貼，我猶原 m̄ 捌六月蚶，開喙臭，我 kan-ta 學習彼位無坦白就無三美惠人生 ê 德國太太 tuì gún 翁講「這久 ê 我無法度 uī 你攢你慣勢 ê 飯頓，所致你愛 uī 家己做決定。」

Tī 我猶閒甲掠蝨母相咬，伊 ê 飯頓準做 kan-ta 意大利麵交麭 teh 交換手，伊 ê 菜盤猶原五彩十色 m̄ 捌踅翻頭轉去伊自囡仔時就慣勢 ê 殕色，一塊 Bá-tah 抹甲若壁 ê 麭敆一塊刺乳(Tshì-jú)佮煙腿(ian-thuí)。

「我 bueh 交你大麵炒圓仔，膏膏纏食仝鼎。」

往過 ê 我聽伊按呢講隨六月蚶，開喙臭「你莫草人幔棕蓑，掠做我 ē 改變心意交恁灶空炰田蛤，相佮」這久 ê 我啥物攏 buē 應，因為講遮 ê 話 buē hōo gún 糖甘蜜甜，愛情滿厝間。不過我相信事實 ē uī 我 ê 憢疑篩出食聲。

這久翻頭看彼久，海馬已經搜無「喙白挑戰三十日」是底時開始交底時完成，總是我相信彼斗 ê 挑戰 hōo gún 翁認捌，十二點，摃十二下是偌爾仔白汫無素交 m̄ 通拍損天公伯 hōo 伊 ê 別人是硩番薯 m̄ 落頭，伊是硩番薯拋過溝 ê 好字運。

這久翻頭看彼久，我 tuì gún 翁敢有廕掉勥爸勥母 uī 伊點 ê 磺火，我一屑仔攏 m̄ 知機，總是按 gún 目今 ê 龍鳳生活看來，準做伊無廕這葩火，伊 mā m̄ 捌撏牢 m̄ 放手，像這魚。

 「這久換你扞鼎，你 m̄ 通款魚臊 hōo gún 後生食，gún 兜規家仔食魚臊齊過敏」看勥母那抓癢那目睭金金講痟話，伊是好心警告我做人新婦牽手 m̄ 通遐爾仔狼毒，抑是伊好心點揬我，交我做陣食魚 ê 人齊是老大公 m̄ 是𪜶翁 m̄ 是𪜶後生？

翁兜勥母 ê 三美惠交 hōo 𪜶勥爸家己去享受，huînn-ti̍t 我清楚知機透伊血緣 ê gún 翁 m̄-nā 愛食魚臊閣 buē 過敏，食魚臊唯一 ê 過敏源是交伊仝血緣 ê 阿母。 

Gún 翁自囡仔時罕得食魚，所致伊食魚 ê 工夫交我以攕仔食肉仝款頇顢，我食雞摸需要用手 kā 肉按骨𠞭甲清氣啖啖，伊食雞摸一支攕仔掛一支牛排刀清清彩彩就 kā 雞摸骨肉分離甲清氣 liù-liù，所致食甲半老老(ló-làu)愛伊按規尾花飛、金頭魬(puánn) alias Dorade 開始食確實較困難，所致就按魚指開始引𤆬伊沓沓仔行向完整一尾魚，畢竟非德國傳統超市 mā 沓沓仔進口冷凍沙丁魚、小鯡魚、小白銀魚、大西洋金頭魬，遮 ê 魚一公斤 4€ ~ 9€ 比豬、牛、雞大碗閣滿墘。

 「我自來就愛食魚」伊那食那講。

「這我無確定，不而過按你 ê 喙白我得著人生僫得 ê 三美惠交 m̄ 免損蕩家己寶貴 ê 人生 uī 別人 ê 無佮意豬八戒拜天公，家己刣家己，像咱 ê 姻緣。」

出這出菜廣播 mā teh 訪問街路大眾，你四常上捷食啥物魚，德國人 ê 回答「魚指」閣繼續問落去「呔討 buaih 食鮮沢 ê 魚臊？」，街路大眾回答「鮮沢魚臊是框金閣包銀，食 buē 起。」

德國人因為美國文化影響抑是社會富裕帶來 ê 喙白所引起 ê 健康危機 tī 目前猶看 buē 著若日本、韓國、台灣少子化 ê 問題，不而過已經沓沓仔浮出水面。遮 ê 衛教節目敢有才調繼續利用大眾傳播教育社會大眾正確 ê 食食生活，按這幾冬本底維持 10 ~ 12% ê 政黨步頻成做第二大黨來看，合該然真僫。

不而過，傳統媒體猶是有伊 ê 作用，像 Viel für Wenig 就引𤆬 tsuē-tsuē 自來無喙白是環境造成 ê 喙白囡仔學習食食是人生重要 ê 一門功課 mā 是上天然 ê 藥品。

交喙白翁婿 uī-tio̍h 別人兜 ê 問題 teh 豬八戒拜天公，家己刣家己 ê 這幾冬我 mā 看著家己 m̄ 捌想過 ê 問題，我一直認為家己是好喙斗 buē 出現翁兜勥母彼款想 bueh 直接叫伊 Halt die Fresse 恬去 hōo 人慼 ê 態度，自翁仔姐品好早起頓食歐洲，下昏飯食亞洲，我發現紅菜頭生食 mā 蓋好味素，特別是濫寡橄欖油敆寡蒜頭抑是芫荽就是一出十全 ê 好味素，一屑仔攏免敆千島醬。

➀ 希臘神話，周斯三个查某囝，𪜶代表聰明、青春、喜悅。

➁ 希臘神古人物 Paris，有三个女神齊美麗，伊互相諍家己上媠，巴雷斯是栽判，上美麗 ê 人 tsiah 有通得著金蘋果。

 

魚指青花仔菜秮仔飯

…… 材料 ……

煮好 ê 秮仔	150g
魚指	8
煠好 ê 青花仔菜	1
紅菜頭，礤簽	300g
紅洋蔥，切絲
蒜頭，刴幼
橄欖油
芳料草
鹽、胡椒

…… 步數 ……

1. 紅菜頭、蒜頭、橄欖油、洋蔥、芳料草、鹽、胡椒濫做伙攪 hōo 齊。

2. 秮仔、紅菜頭濫做伙攪 hōo 齊，青花仔菜、魚指鋪落去，樂暢來食。

 

---

---

---

 

Ich bin neugierig, passen die Fischstäbchen wirklich nur zu Kartoffeln, weil auf Google ich sehe sie nur mit Kartoffeln.

Warum, nur so? Weil Deutschland ist Kartoffelland?

Ich glaube nicht, aber ich glaube das Problem ist weil jetzt das Rezept ist nicht mehr kostenlos im Internet.

Ich weiß nicht was passiert in andere Länder, aber in Deutschland die Rezept Seiten hat mich immer gefragt willst du pur abo? Besonders ein bekanntes Rezept Magazin.

Für das Problem über das Rezept, habe ich viele Male geschrieben, so lass sie frei, weil das Problem für mich ist nicht so wichtig.

Ich bin neugierig, passen die Fischstäbchen wirklich nur zu Kartoffeln, ich suche die Sätze ‘ Fischstäbchen mit Hirse ‘, dann nichts überrascht, Google ist Google, immer wie vorher, Daten ist alles.

Was ich sehe ist noch gleich, Fischstäbchen mit Kartoffeln nichts neues.

Wie wäre es mit Fischstäbchen mit Brokkoli und Reis?

Oh, oui, mein Google Galerie endlich nicht mehr so langweilig, da gibt es neue Sachen, wie Hähnchen mit Brokkoli und Reis.

Hähnchen mit Brokkoli und Reis, das ist ein gute Idee zum Frühstück — Fischstäbchen mit Brokkoli und Hirse.

 

Fischstäbchen mit Brokkoli und Hirse

…… Zutaten ……

Gekochte Hirse	150g
Fischstäbchen	8
Gekochtes Brokkoli	1
Geraspelte Möhren	300g
Gehackte rote Zwiebel
Fein gehackter Knoblauch
Olivenöl
Kräuter
Salz & Pfeffer

…… Zubereitung ……

1. Knoblauch mit Karotten, Olivenöl, Salz, Kräutern und Pfeffer gut vermischen.

2. Hirse mit Möhren gut vermischen, Brokkoli mit Fischstäbchen und Zwiebel dazugeben. Guten Appetit!

 

---

---

---

 

I am curious, the fish fingers really only fit with potatoes, because on Google I only see them with potatoes.

Why, just like that? Because Germany is potato country?

I don’t think, but I think the problem is because now the recipe is no longer free on the Internet.

I don’t know what happens in other countries, but in Germany the recipe pages have always asked me do you want pure subscription? Especially a well-known recipe magazine.

For the problem about the recipe, I have written many times, so leave it free because the problem for me is not so important.

I am curious, the fish fingers really only fit with potatoes, I am looking for the sentences ‘fish fingers with millet’, then nothing surprised, Google is Google, always as before, data is everything.

What I see is the same, fish fingers with potatoes nothing new.

How about fish sticks with broccoli and rice?

Oh, Oui, my Google Gallery finally no longer so boring, there are new things like chicken with broccoli and rice.

Chicken with broccoli and rice, that’s a good idea for breakfast — Fish fingers with broccoli and millet.

 

Fish Fingers with Broccoli and Millet

…… Ingredients ……

Cooked Millet	150g
Fish Fingers	8
Boiled Broccoli	1
Grated carrot	300g
Feinly chopped red onion
Finely chopped garlic
Olive oil
Herbs
Salt & Pepper

…… Method ……

1. Mix the garlic with carrot olive oil, salt, herbs and pepper well.

2. Mix the millet with carrot well, add broccoli with fish fingers and onion. Enjoy your meal!