亂皂𥴊仔店 ⓂⒺⒾⓃⓀⒾⓄⓈⓀ

M̄ 知影台語文愛按怎寫，總是讀《大士爺厚火氣》hōo 我想著 tsuē-tsuē 學習語言 ê 人齊 ē 喋詳 ê 話題「窮實 kā 法語佮德語學習好勢，英語 mā 差不多精光矣！」 

這个講法 tuì 往過 ê 我是譀呱呱，這久認真回頭看確實有這个影。

接觸德語進前，我 ê 外來語 kan-na 兩光 ê 英語，這兩光 hōo 我押尾學習 ê 葡萄牙語交西班牙語齊認捌著一件代誌，世間無論佗一个語言齊有伊 ê 烏面賊，像 m̄ 捌拉丁語 ê 我 tī 伊 ê 文獻看著德文 ê 影 mā 看著法語 ê 影，然後向時認為 ê 譀呱呱成做我認捌語言 ê 天線。像丹麥語聽起來像英國英語，德國 Sächsisch 聽起來交英國 Wales 語 mā bueh 相𫝛，荷蘭語交德語是互相比較 tsiâ-ê 喉嚨空較短，不而過猶是無法度互相理解，像 gún 翁 ê 朋友若講巴登語 gún 就完全捎無摠，不而過迵過文字猶是有才調理解意思，像法語聽無半句，看文字猶是無法度大約仔理解意思，像 Regionaux 是當地 ê 14 意思，起因英語交德語 mā 是 Regional。

若跤帛 ê 起頭交《大士爺厚火氣》有啥物相關？無任何相關，不而過這本小說引𤆬我斟酌繩家己 ê 青光眼交外甥仔點燈火，一照照舊 ê 像 gún 翁捷講 ê「著啦，abcdefg 齊英語，準做我已經清楚表示我是德國人，Schön 佮 Schon 減彼兩蕊目睭就是無仝人，恁猶是齊認為伊仝一人，然後講英語無這个辭。」

Gún 翁 ê 心情就是我 ê 讀書感想，我明明知影伊是台文小說卻一直讀 uī 華文過，這件代誌 hōo 我想著台文通訊Bong報創辦人之一鄭良光先生 ê 分享，「ê」是台文 ê 靈魂。像德語 ê ÄÖÜß 法語 ê 帽仔倒撇正撇交牽尾溜 ê 符號。

Gún 翁仔姐真佮意嘉義，總是見到嘉義隨 kā 民雄準過，畢竟我 tuì 鬼仔厝交聽講是台灣上媠 ê Starbucks mā 無興趣，所致從來 m̄ 捌 uī 伊停跤，這斗迵過這本小說我決定 bueh 跟綴挩窗 ê 跤步探訪打貓民雄。

跟綴作者探訪打貓，讀著拍字盤戰士彼篇 hōo 我認真燃茶鈷 ê 哭呻文隨成做糞埽擲挕捒，紲落來斟一杯茶剾洗家己呔 m̄ 較早讀這本小說，總是「早若知」mā 是需要緣份，所致有緣比無緣閣較重要。