亂皂𥴊仔店 ⓂⒺⒾⓃⓀⒾⓄⓈⓀ

你敢有遮 ê 問題，你跟綴健康資訊過日子，押尾煞行入雺煙散霧行 buē 出來？我有這个症頭。

M̄ 通按呢食，你 ê 盤無肉，肉是卵白質掌管筋肉，無食肉筋肉就 buē 生，無筋肉舒魂就無氣力。M̄ 通按呢食，你 ê 盤已經有豆仔佮米，這兩項是含水碳素，含水碳素食過頭，醣份會過額，按呢 tuì 健康無好閣 tuì 體重管理無幫贊。

我想 bueh 按呢食 kā 豆仔做肉食，畢竟豆仔是素肉，不過豆仔 mā 是含水碳素......呔討遮 ê 問題 ē 遮爾仔石磨仔心我捎無一扇寮仔門，總是我又閣清楚知機遮 ê 問題 tuì 我來講窮實無遐爾仔重要，畢竟目今 ê 我 kā 家己照顧甲猶原 buē 䆀無 hōo 高血壓、高血油、高血糖來挨拶，m̄-koh 一想著年歲沓沓仔行到換年，一个無細膩體重 mā 纏綴伊換年，我就叨撚家己，這款人生小事一點仔攏無才調忌喙，誠實了然。

我敢誠實了然，我家己非常知機，一屑仔攏無，我若正港了然 gún 翁 buē 褒嗦講自牽手徙岫到德國，我 ê 健康檢查 m̄ 捌閣浮紅字，體重 mā 順利仔落崎到今 m̄ 捌翻頭重新𬦰崎過。

德國衛教療節目捷講厝內有健康 ê 扞鼎者 tsiah 有健康 ê 厝內人，這點我非常同意，gún 翁按無同意 mā 轉做百分之兩百 ê 同意，起因自伊離開自學生時代就 tī 遐實習 ê 公司，伊無想 bueh kā 日子全數投入工課就開始揣小工，伊目前做上久 ê 小工是𤆬養老院佮療養院 ê 人去看醫生，自伊做這份小工，伊總算理解伊 ê 好字運，畢竟 m̄ 是逐个人有伊 ê 好字運，身體按呢匪類猶無致著歹物，像「彼个人猶未 50 歲因為糖尿病雙目青盲閣行動無啥方便，厝內人無時間照顧伊 m̄-tsiah hőng 送來養老院。」

較早聽我講糖尿病病人生活限制厚甲若蠓，伊齊 m̄ 信篤講「糖尿病食藥仔就會使得控制，驚啥物」，這久有法度家己量 ê 血壓骨力量，起因 tī 醫療環境做小工 hōo 伊見著 tsuē-tsuē 鐵齒 m̄ 寶惜天公伯大細心賜 hōo 伊比別人閣較勇健 ê 身體 ê 拖磨。

是講，我 mā 愛感謝伊 ê 好習慣，無薰無酒閣無𪜶爸母 A-ta-mah-khòng-ku-lī 性地 ê 伊，這久 ê 我 m̄-tsiah 免按牽手晉級到看護婦。雖罔按呢我猶是 tuì 伊講，我交你牽手，我無才調搭胸坎保證我 buē 造成你 ê 負擔，總是我 ē 好好仔照顧我家己，像我照顧你按呢，起因我無興照顧 m̄ 願好好照顧家己 ê 翁婿。

一日翁仔姐做陣看衛教節目，主持人問患者牽手是啥物因端 hōo 伊替翁婿報名衛教節目，這位體格交健康齊保持甲誠好勢 ê 德國太太回答「退休 ê 日子 m̄ 是照顧病人，特別是 m̄ 聽話 ê 人。」這段話 mā 成做 gún 翁牢 tī 手機仔 m̄ 睏隔轉日喝頭疼抑是無精神出門做小工，我上捷搬出來 ê 話「知影睏無飽頭 ē 疼，免數想我 ē 食恁勥母彼套，明明就是喙白造成 ê 關節炎，硬 bueh 講彼是風濕來成做你 ê 無料看護婦。」 

我有這个底氣跟綴彼位踮電視上大大典典講我 ê 退休生活 m̄ 是照顧病人 ê 德國太太，主要是我交伊相𫝛 gún 攏好好照顧家己 mā 認真面對問題，無 gún 翁兜勥母一隻蝨母嗙甲水牛大，真正搪著水牛嗙甲若蝨母。

比如講，我 tuì 齒科無好印象，來到德國喙齒沓沓仔又閣無爽快，我無想 bueh 看齒科，總是一想著細空 m̄ 補，大空叫苦隨請伊 kā 我鬥揣齒科先生看問題，發現台灣齒科講 ê 蛀齒是齒岸發癀免閣挽喙齒 m̄-koh 愛治療至少兩冬，治療期間，德國齒科先生 kan-ta 這句話「Gún 從來 m̄ 捌搪過嚴重性行到 7 ê 患者踅翻頭轉來到 3 而且保持到治療結束，大部份 ê 患者 tī 保險期結束就挽喙齒，紲落來消失去別國鬥假喙齒，搪著問題 tsiah 閣轉來揣我。」

食食是上天然 ê 藥方，好 ê 四常習慣是上天然 ê 保養，過額 ê 醫療資訊 hōo 我開始縛跤縛手 mā kā 一隻蚊子做大象舞，不過我是一位驚齷齪 ê 人 mā 無興 kā 家己捒入烏空 tuì 家己點磺火，所致我交磅仔徛遠遠，交意愛 ê 運動相放伴，過額 ê 資訊當做參考，有問題請教醫生 mā 家己做醫生，搪著無想 bueh 食肉 ê 日子，就莫食，搪著想 bueh 一盤齊齊豆仔、番薯遮 ê  hōo 健康資訊講全盤全全含水碳素 ē 歕雞胿 ê 料理，我就順我 ê 心隨我 ê 意享受我意愛 ê 喙斗。

鱷梨仔是油，無要緊。

荷蘭豆仁是含水碳素，無要緊。

白鳳豆是含水碳素，無要緊。

花豆是含水碳素，無要緊。

番薯是含水碳素，無要緊。

你 ê 盤仔齊齊是含水碳素佮菜蔬無半塊肉，m̄ 通。

哦，這个問題 tuì 我來講就若高麗菜 buē hōo 你大箍，無要意伊 ê 分類，畢竟科學是幫贊咱理解 m̄ 幫贊咱叨撚厚甲若蠓 ê 相踏黜。是，寫部落格是一件好代誌，搪著齷齪相踏黜 ê 問題，順家己 ê 跤痕看向時佮目今，隨理解順其自然 ê 自然就是你愛理解「自然食物」𤆬 hōo 你 ê 享受，你向望 ê 喙斗抑是健康 m̄-tsiah 有應效。

 

• Den Stil verbessern - das heißt den Gedanken verbessern, und gar nichts weiter!

提升風格，意思是革新思考按呢 niā-tiānn

Friedrich Nietzsche

 

聽公視台語台 Podcast 討論台語新辭庫研究員建中同學分張落落長 ê「苜宿芽」、「碗豆芽」遮 ê 華語辭按怎講，無面冊口座 ê 我無機會探訪，總是按烏白編分張，至少有揣著金花菜這个講法，這久順這个記持想著「碗豆芽」號做荷蘭豆穎佮荷蘭豆芽，我想著 gún 兜慣勢講 ê 三色菜，華語講 ê「三色丁」ê「碗豆仁」阿母講 ê 青豆仁 mā 會使得跟綴這个理路 kā 伊生湠做荷蘭豆仁。提升風格正港是革新思考按呢 niā-tiann。

 

鱷梨仔番薯豆沙拉

…… 材料 ……

罐頭花豆	1
罐頭白鳳豆	1
番薯，切橛	800g
鱷梨仔，切橛	200g
罐頭青豆仁	100g
瓜仔哖，切絲	100g
橄欖油	1EL
Lê-bóng 汁	1TL
油
紅洋蔥，刴幼
蒜頭，刴幼
芳料草
鹽、胡椒

…… 步數 ……

1. 蜂蜜、Lê-bóng 汁、橄欖油、鹽、胡椒濫做伙，抐 hōo 齊。

2. 番薯、油濫做伙落烘箱，捘200度烘35分鐘。

3. 瓜仔哖、蒜頭、紅洋蔥、白鳳豆、花豆、Sòo-sù、荷蘭豆仁濫做陣搜齊。

4. 番薯、鱷梨仔鋪落去，樂暢來食。

 

---

---

---

 

Haben Sie dieses Problem, Sie lesen die Information über die Gesundheit und du möchtest Gesund bleiben, aber Sie fühlen sich in Wolken und können nicht rausgehen?

Ich habe das Problem.

Oh, my dear, ich habe das Fleisch heute nicht gegessen, ich konnte nicht das Eiweiß bekommen.

Oh, my dear, ich habe die Bohnen und den Reis gegessen, ich habe heute so viele Kohlenhydrate gegessen, das ist nicht gut für den Körper, besonders zum abnehmen.

Oh, my dear, ich möchte nicht das Fleisch essen trotzdem die Bohnen, weil die Bohnen sind wie Fleisch. aber die Bohnen sind auch Kohlenhydrate.

Ja, ich habe dieses Problemen und ich weiß, ich muss auf diese Problemen nicht so aufgepassen, weil ich bin noch ok, nicht krank, aber leider dem Gewicht denken, hey you, Pass auf deine Wünsche auf.

Ich bin verrückt, ich weiß, deshalb muss ich weg von aus einer Muecke einen Elefanten machen.

Sind die Bohnen Kohlenhydrate, Eiweiß oder Gemüse, das macht den Kohl nicht fett, wichtiger ist das Essen ist angenehm.

Avocado ist Fett wie Öl, egal.

Erbsen sind Kohlenhydrate wie Reis, egal.

Riesenbohnen sind Kohlenhydrate wie Reis, egal.

Kidneybohnen sind Kohlenhydrate wie Reis, egal.

Süßkartoffel sind Kohlenhydrate wie Reis, egal.

Deine Teller keine Fleisch, nur das Gemüse, es ist mir egal, das Essen ist ein Widerspruch in sich.

Ja, alles ist egal, für mich wichtig ist sie sind natursache und ich finde sie sehr angenehm.

 

Bohnensalat mit Süßkartoffeln und Avocado

…… Zutaten ……

Kidneybohnen aus der Dose	1
Riesenbohnen aus der Dose	1
Süßkartoffel in Stücke geschnitten	800g
Avocado in Scheiben schneiden	200g
Erbsen aus der Dose	100g
Geraspelte Gurken	100g
Olivenöl	1EL
Zitronensaft	1TL
Öl
Fein gehackte rote Zwiebel
Fein gehackter Knoblauch
Kräuter
Salz & Pfeffer

…… Zubereitung ……

1. Zitronensaft, Salz, Honig, Öl und Pfeffer gut vermischen.

2. Süßkartoffel und Öl gut mischen, im Backofen auf 200 Grad 35 Minuten backen.

3. Kidneybohnen, Gurken, Riesenbohnen, Erbsen, Knoblauch, Zwiebel und Soße gut vermischen.

4. Süßkartoffeln mit Avocado hinzufügen. Guten Appetit!

 

---

---

---

 

Do you have this problem, you read information about health and you want to stay healthy, but you feel in clouds and can’t go out?

I habe the problem.

Oh, My Dear, I didn’t eat the meat today, I couldn’t get the protein.

Oh, My Dear, I ate the beans and the rice, I ate so many carbohydrates today, which is not good for the body, especially for losing weight.

Oh, My Dear, I still don’t want to eat the meat because the beans are like meat. But the beans are also carbohydrates.

Yes, I have this problems and I know I don’t have to take care of these problems because I’m still ok, not sick, but unfortunately think of weight, hey you, take care of your wishes.

I’m crazy, I know, that’s why I have to get rid of a drama queen like this, especially if it’s no big deal.

Are the beans carbohydrates, protein or vegetables, that does not make the cabbage fat(no so considerable), more importantly, do you enjoy the food?

Avocado is fat like oil, it doesn’t matter.

Peas are carbohydrates like rice, it doesn’t matter.

Jack beans are carbohydrates like rice, it doesn’t matter.

Kidney beans are carbohydrates like rice, it doesn’t matter.

Sweet potatoes are carbohydrates like rice, it doesn’t matter.

Your plate no meat, just the vegetables, I don’t care, the food is a contradiction.

Yes, everything doesn’t matter, it is important for me they are natural and I find them very pleasant.

 

Sweet Poato Bean Salad with Avocado

…… Ingredients ……

Canned Kidney Beans	1
Jack Beans	1
Sweet Potato cut into pieces	800g
Avocado cut into pieces	200g
Canned Peas	100g
Grated Cucumber	100g
Olive oil	1EL
Lemon Juice	1TL
Oil
Finely chopped red onion
Finely chopped garlic
Herbs
Salt & Pepper

…… Method ……

1. Mix the lemon juice, salt, honey, oil and pepper well.

2. Mix the sweet potato and oil well, bake in the oven at 200 degrees for 30 minutes.

3. Mix the peas, cucumber, red bean, riesenbohnen, garlic, onion and sauce well.

4. Add sweet potatoes and avocado. Enjoy your meal!