亂皂𥴊仔店 ⓂⒺⒾⓃⓀⒾⓄⓈⓀ

 等待回診報到時間 gún 翁問「敢有興趣 kā 這斗 ê 德國蹛院故事寫做一篇文章投稿？」

「我需要時間思考。」

「我相信出版者 ē 佮意你 ê 文體。」

「我無遐爾仔愛食褒」我笑應。

讀無臺灣牽手投稿攏寫寡啥故事 ê 德國翁，因為牽手 ê 䆀筆花有機會迵過大眾出版品成做大眾閱讀 ê 一部份隨成做搖櫓不斷鼓勵我向前划。大紅花 m̄ 知䆀，圓花仔䆀 m̄ 知 ê 我因為伊 ê 鼓勵開始風神開始虛華一四界投稿，總是寫作從來 m̄ 是我 ê 強項，所致風神 ê 虛華押尾 mā 是頭燒燒，尾冷冷 ê 結束。 

等待回診交翁 tī 附近街路探訪，見著聽翁婿講 gún 田庄 mā 有伊 ê 代辦所，我一聲 Ach so 原來如貓頭犁掣無出聲 hōo 伊掠做我斟酌繩批筒 ê 服務隨講「伊 kan-ta 服務德國，無國際服務」，我擔頭 kā 手機仔捎 hōo 伊讀，伊隨笑講「這屬當地俗諺，網路僫揣答案。」 

「我知影 Blau ist das neue gelb ê 意思，藍色是黃色（德國郵政），總是𪜶交 Tshì-sù 有啥相干？」 我問。

「意思就是 gún 做代誌較頂真 buē 重耽」翁笑應。

「原來如貓，這 mā 敆投稿 ê 過程，編輯永遠認為經過𪜶修改 ê 用辭較頂真 buē 重耽」我想著彼篇無說無聲 hōo 人直接 kā 我換名無四序 ê 投稿經驗。

「我無靠寫作食穿 mā 無認為家己會使得迵過這个箍仔得著啥物名聲，總是未來合該然 buē 閣繼續投稿」手機仔攑懸懸對批筒攝張相那講。

「按怎講？」翁問。

「Ich mache kein Käse」我笑應。

回診結束，翁某選擇坐輕鐵寬寬仔轉去市中心，我順街路 ê 變化雄雄想著家己按開刀到回診從來 m̄ 捌出現網路生份人分張 ê 無四序，二戰後 ê 醫療大躍進 hōo 我雄雄交懍恂卻閣感覺幸運 ê 相踏黜。

這斗臨時臨曜 ê 無四序 hōo 我理解啥物叫做 ē 哼免趕緊 ê 德國醫療。這斗 ê 無四序無事先揣家庭醫師 mā hōo 我理解，m̄ 管全民健保抑是商業健保齊有伊討論 ê 空間，只要你無放棄一直敲電話揣願意 hōo 你掛號 ê 醫生。

Tī gún 翁一四界敲電話問著我 ê 無四序會使得倚靠止痛藥來緩解之掛號時間上緊等半年，一間 gún 從來 m̄ 捌向望 ê 專科病院 tī gún 翁電子批寄出去無到半點鐘就回應「恁會使免迵過家庭醫師 tī 後禮拜佗一日來看診」，倒 tī 膨椅哼甲無目屎 ê 我隨大聲喝「Ja，我 bueh 隨掛號。」

按初診到安排開刀，無到 10 分鐘，醫生 mā 清楚交代伊講 ê 日期若是無法度配合，紲落來就愛等 3 個月，一想著這 m̄ 知底時 ē 閣來相揣 ê 症頭隨 tìm 頭講「就後日開刀 kā 提掉。」

遮爾仔順利 ê 看診過程到今猶是認為 Unglaublich ê 幸運。

動手術 ê 期間拄好搪著 Covid-19 病院禁止家屬陪伴病人 hōo 驚我聽無醫療德語 ê 翁婿一直交代「Gún 德國是商業醫療保險 m̄ 是全民健保，你會使得出錢 ê 人主意，下性命 kā 𪜶揤鈴。」

咱臺灣非商業醫療保險我 mā 做 buē 出這款代誌 hōo 照護我 ê 護理師目頭結結 tui 我講「你若 bueh 落床請揤鈴。」

後來看隔壁床 ê 態度，連食飯徙一下仔桌仔攏揤鈴請護理師 kā 撨，我 tsiah 理解照護我 ê 護理師呔討需要目頭結結兼膽膽交代我愛揤鈴 ê 因端，起因伊驚我寫客訴。是講 mā m̄ 是護理師按呢，連醫生看房 mā 若 teh 招呼貴客 hōo 我足 buē 慣勢，不而過我 ê 獨立交尊存兼無出錢 ê 人主意 ê 態度 tī 回診看空喙有得著非常友善 ê 服務。

至少換空喙無 hőng 換甲喈喈叫，像隔壁床若像 ê 太太。 

 

阿母向時開刀敢有囊長襪仔，我無印象，家己 uī-tio̍h 胳胴跤估門診手術 mā 無囊長襪仔，這斗開刀見著病人衫附一雙長襪仔 m̄ 知敢愛囊，隨請教交我仝時入病房 ê 2 床太太「請問咱開刀敢愛囊這長襪仔」，伊一面若見著田庄倯用鼻空應一句「當然 mā 愛」hōo 我 ê 心鑿一下，押尾見著伊 tuì 醫生交護理師 ê 態度心內 ê 無四序隨走甲無見人，畢竟一樣米飼百樣人，交你是啥物態度，彼个態度 mā-ē 迴向 hōo 你。

蹛院 ê 第一暝，第三病床 ê 小姐因為目睭問題來開刀，伊見著我食飯若坐禪 ê 姿勢誠有興趣就徛椅仔交我開講，第二暝是一位大腸癌末期湠到肝規魂舒若秋天楓仔葉黃 ê 序大，見我一个人恬靜落病床便所，恬靜食飯，隔轉工食起頓 kā 伊 ê 額提來分我講「我身體無爽快食無 tsuē，你按呢起起落落需要體力愛加食寡。」

序大 ê 友善 hōo 我想著伊交醫生佮護理師 ê 互動，紲落來又閣想著阿母 tī 人生尾溜搪著兩位無仝理心 ê 護理師交實習醫生，有一種身體若無照顧好勢，入院 ê 幸運交歹運 mā 是俄羅斯輪盤，m̄ 管有好基因抑是䆀基因攏愛好好照顧家己 m̄ 通一手好牌拍甲賰䆀牌像翁兜勥爸勥母按呢。

順輕鐵寬寬仔硞轉來到區間車站，我順 Wir machen kein Käse : Blau ist das neue gelb 想著《來自清水的孩子》ê 這段話「李登輝的民主改革讓我領悟到一件事，重要的不是革命，而是和平的改革佮天公伯仔留你這條命，應該是有誠要緊的任務愛你去完成。」人生每一段齷齪有伊 ê 智慧生，只要咱放下執硬自然 ē 理解別人 ê 草人幔棕蓑隨成做人是𪜶 ê 認為，咱交𪜶 ê 相拄搪是無法度掌控 ê 註定，起因天公伯相信咱知影愛按怎學習 Wir machen kein Käse。

Ruhe in Frieden 蔡焜霖前輩

我 m̄ 知影我 ê 任務是啥物，總是我學習成做一位有同理心 ê 人，並學習搪著問題 hōo 家己 buē 做 Käse 並放過家己迒 buē 過去 ê 硬鼻。畢竟人生短短，時間需要浪費 tī 有意義 ê 身上。

 順街路 ê 變化，我想著彼日開刀愛囊 ê 白長襪仔。

「進前無閒翻草蹛院閱讀問題，這久想著隔壁床太太我 tsiah 想著彼雙白長襪子，彼雙襪子有啥物用途」我問陪伴我回診 ê 翁婿。

「彼是 uī-tio̍h hōo 血壓 tī 開刀過程猶有法度正常上北落南 ê 壓力保護」西德猶原徵兵制，無興做兵選擇病院替代役 ê 翁婿解釋。

「原來如貓，我掠做彼是妝娗」我笑應。

Gún 阿母 tī 人生最後尾溜講「呔討閣 bueh hōo 醫生 tī 伊腹肚𠞭一刀」彼陣 ê 我無才調感受伊 ê 無四序，起因醫生交代閣拚一斗，我就聽專業--ê，經過這斗 ê 無四序我 tuì 翁婿講「醫生有伊救人 ê 堅持，總是成做家屬 ê 咱 mā 愛有智識知影啥物是有效醫療交無效醫療，所以有一日我愛先走你就 hōo 我先走 m̄ 通 kā 我當做挩鍊仔 hōo 人開來開去。」

「你 mā 是」gún 翁講。

順街路光景變化想著囡仔時 hőng 掠去做囡仔兵兼選擇逃兵 ê 厝邊序大分張 ê 一段話「好事䆀事攏是一陣風，一目𥍉就走甲無影跡。像我猶掠做我是囡仔，總是事實 ê 滇流交洘流(khó-lâu)是目一𥍉 hōo 我面對現實，我已經是人 ê 阿爸交阿公，而且閣是過了代 ê 行過 78 冬，人生無啥物無地放手 ê 牽牽一大拖。」

我無做 Tshì-sù m̄-koh 按別人請我做 ê Tshì-sù 體會著蔡焜霖前輩分張 ê 天公伯留 hōo 我 tsuē-tsuē 人生任務，合該然有伊 ê 用意，所致伐過 ê 人生 mā 宛然厝邊阿公分張 ê 飄撇人生無啥物無地放手 ê 牽牽一大拖，感謝請我做 Tshì-sù ê 人。

蹛院 ê 早起頓

翁𠞭膽 ê 病院是公立病院，伊 ê 蹛院飯頓 hōo 我無向望家己 ê 蹛院有才調腥臊甲啥物程度。

早時空腹開刀，下昏時食第一頓，彼陣 ê 我認為是枵過頭所致認為飯頓腥臊豐沛閣好味素，隔工 ê 飯頓 hōo 我誠實感受公立病院交私立病院 ê 差別。

Gún 翁蹛院 ê 飯頓永遠敢若一款菜色，彼就是勥母菜色，兩塊麭，兩片 Tshì-sù，兩片煙腸片，一塊 Bá-tah 敆一塊雞卵糕。

「我無確定德國私人病院敢攏按呢齊飯頓，不而過你蹛 ê 彼間𪜶 mā 拄好有 teh 提供 uī 人煮飯頓 ê 服務」gún 翁看我分張 ê 相片隨上網路揣資料那分張。

「原來如貓。」

 

 蹛院 ê 中晝頓

最後一斗檢查結束，四常抾拾 m̄ 甘食餐廳 ê 翁講咱來食餐廳，罕得食餐廳 ê 我 tuì 德國傳統料理 ê 字名齊按超市來，所致一見著 Fleischkäse（肉 Tshì-sù）隨掠伊做新食物興趣趣，押尾 tsiah 知影，伊交 Leberkäse（肝 Tshì-sù） 是仝兄弟姊妹，只不過伊 hőng 選去嫁皇室成做出名人。

Wir machen kein Käse

Mein Mann fragte mich, ob ich Interesse hätte, einen Artikel über den Krankenhausaufenthalt zu schreiben, nachdem ich einige Tage darüber nachgedacht habe, habe ich kein Interesse daran, über den Krankenhausaufenthalt zu schreiben, aber ich habe darüber nachgedacht, dieses deutsche Sprichwort lass ich in der Nähe des Krankenhauses.

＂Wir machen kein Käse＂

Medizinische Entwicklung in Deutschland, betrachten Sie es aus einem anderen Blickwinkel im Austausch für viele Menschen, denen wir nichts Böses getan haben.

Also, wenn wir alles für selbstverständlich halten.

Haben wir darüber nachgedacht diejenigen, die  " Wir machen kein Käse "?

Haben Sie wirklich " Wir machen kein Käse "?

Oder dieser Satz ist nur eine Entschuldigung, um ihre böse Entschuldigung zu verbergen, Ich weiß nicht, trotzdem bin ich dankbar für diese Reise, es brachte mich dazu, über die Bedeutung des Satzes nachzudenken, weil wir nie wissen, was wir denken, " Wir machen kein Käse " war eingetaucht in den Augen anderer getan wird.

Also im Angesicht dessen, was andere denken, abgesehen von unserer Wut und Enttäuschung.

Haben wir andere Möglichkeiten?

Ich denke an dieses Buch " Son of Formosa ", ein Austausch von Herrn Tshuà, Hūn-lîm, die demokratische Reform von Lí Ting-hui ließ mich eines erkennen ,was zählt, ist nicht Revolution, sondern friedliche Reform und Gott hat dir dieses Leben gegeben, es muss wichtige Dinge geben, die du ausführen musst, dieser Satz erinnert mich an diesen Tag.

Als ich dachte, die ganze Welt wäre nicht nett zu mir, dieses Lied kommt von SWR3 aus Online Bitte hör nicht auf zu träumen,Ich bin nur ein gewöhnlicher Mensch, so gewöhnlich, dass selbst ein Sandkorn auffälliger ist als ich, aber ich weiß, dass ich ein glückliches Kind bin, denn jede Enttäuschung ist ein Weg, sich selbst neu zu verstehen, genau wie als ich ein Kind war, dachte ich, der Freund meines Vaters hat sich tätowieren lassen, weil er patriotisch war.

Als ich aufwuchs und dieses Buch Son of Formosa lesen, wurde mir klar, dass dies der Weg war, um in einer Umgebung zu überleben, die ich mir nicht aussuchen konnte.

Wann und wo wir geboren wurden, können wir uns nicht aussuchen, aber erinnere dich nicht jeder hat die Chance, die Sterne und den Sonne noch einmal am Himmel zu sehen, glauben und Optimismus bewahren auch wenn es vielleicht nicht wahr wird.

Du hast Gottes Geschenk an dich immer noch nicht verschwendet, das hat mir sehr gut gefallen, die Erzählung des alten Großvaters der als Kind als Soldat und später als Kriegsgefangener von der französischen Armee gefangen genommen wurde.

Ja, Das sind Windböen, gut oder schlecht ist ein Windstoß, diese Winde sind genau wie er selbst. Im Handumdrehen sind 78 Jahre vergangen und sie sind alle Opas.

Wie viele Menschen werden sich an diese Dinge erinnern oder sich darum kümmern, es ist ihm egal, weil er seine eigene Geschichte und die Geschichte anderer genießt wie dieses Gericht, wie auch immer es heißt, Leberkäse oder Fleischkäse, er wird immer er selbst sein, sich nie ändern.

Also mach dir keine Sorgen darüber, wer er ist, weil er weiß, wer er ist, er braucht nicht, dass wir auf ihn zeigen und sagen, ob Sie diesen oder diesen Namen haben.