守衛 Maria Konopnicka 老厝 ê 矮仔精靈
Unser Vaterland geben wir nicht auf.
Gún buē 放棄家己 ê 祖國
Unsere Sprache lassen wir nicht untergehen,
Gún buē 放棄家己 ê 語言
Wir sind die polnische Nation, das polnische Volk,
Gún 是波蘭人，波蘭 ê 子民
der königlichen Piasten Erben.
皇家 ê 子民
Wir lassen uns nicht vom Feinde quälen.
Gún buē 放任敵人 kā gún 蹧蹋損蕩
Dazu verhelf uns Gott der Herr!
主啊，請你 kā gún 鬥幫贊
Dazu verhelf uns Gott der Herr!
主啊，請你 kā gún 鬥幫贊
Bis zum letzten Aders Blutstropfen
一直到最後一滴血
werden wir den Geist verteidigen,
Gún 將保衛聖靈
Bis sich zu Pulver und Staub zerschlug
直到塗烌交坱埃碎鹽鹽
der Kreuzritter Meute.
十字軍 ê 軍揹仔
Jede Schwelle (des Hauses) sei unsere Festungswehr!
每一个厝宅門喙是咱 ê 堡寨
Dazu verhelf uns Gott der Herr!
主啊，請你 kā gún 鬥幫贊
Dazu verhelf uns Gott der Herr!
主啊，請你 kā gún 鬥幫贊
Der Deutsche wird uns nicht ins Gesicht spucken,
德國人 buē tuì 咱呸瀾
Nicht unsere Kinder germanisieren,
咱 ê 囡仔 buē 日耳曼化
Auferstehen wird unsere bewaffnete Heerschar,
咱 ê 國防 ē 徛起
Der Geist wird uns anführen.
聖靈將𤆬領咱
Wo das goldene Horn erklingt, dorthin brechen wir auf.
金色號頭響起 ê 角勢，就是咱出發 ê 所在
Dazu verhelf uns Gott der Herr!
主啊，請你 kā gún 鬥幫贊
Dazu verhelf uns Gott der Herr!
主啊，請你 kā gún 鬥幫贊
Wir lassen die Würde Polens nicht erdrücken.
Gún buē hōo 德國成做波蘭 ê 剪蟲
Lebendig besteigen wir nicht den Sarg.
Gún buē 活活爬入去大厝
Und im Namen Polens, und seiner Hochachtung,
以波蘭之名交伊 ê 榮譽(îng-ū)
bieten wir die stolze Stirn
奉獻咱驕傲 ê 頭殼額仔
Zurückerlangen wird der Enkel der Grossväter Land
祖先 ê 土地將歸還伊 ê 囝孫
Dazu verhelf uns Gott der Herr!
主啊，請你 kā gún 鬥幫贊
Dazu verhelf uns Gott der Herr!
主啊，請你 kā gún 鬥幫贊
資料來源 --- Wikipedia Rota (Lied)
✠ die Würde 尊嚴，Wir lassen die Würde Polens nicht erdrücken 照字面翻譯是 gún buē hōo 波蘭尊嚴碎鹽鹽，總是我翻頭愖這件代誌，書面德文整合到今猶原 teh 討論愛按怎調整，這个 die Würde 敢正經是 kan-ta 尊嚴一項通解釋？我無清楚總是一想著德文老師以 Die Fantastischen Vier ê Die Da 問 gún Die ê 情境變化。 我個人就認為這个 W 是大寫抑是小寫攏無重要，重要 tī Die，像 Die Da ê Die。
Hanse 城市 Elbląg/Elbing
徛位東海線倚 Kopernik 百年厝 Frombrok 大約 30 公里，條頓騎士團起造 ê Malbrok(Marienburg)馬林堡 30 公里，平靜捒倒牆 ê Gdańsk(Danzig)格但斯格 60 公里 ê Elbląg，是徛位 tī 波羅的海原部落 Pruzzischen(Prußen) ê 領土(Pogesanien)，伊 tī 13 世紀成做條頓騎士團 ê 扞權地，紲落來德國化並跟綴德國行政地區規劃成做 Provinz Westpreußen 西普魯士交 Ostpreußen 東普魯士省到 1945 劃入波蘭扞權地。
1237 條頓騎士團按自身徛位地徙位到倚 Elbląg 5 公里 ê Drausensee(See = 湖) 起造堡寨，按 Lübeck 呂北克來 ê 各路手工藝匠交生理人 mā 順條頓騎士團起造 ê 堡寨建立城市。伊押尾成做往復(óng-ho̍k)尪姨餅交 Kopernik 哥白尼故鄉 Toruń(Thorn)托倫 hām Samland ê 貿易路線。Tī Nikolaikirche 聖尼古拉斯主教座堂起造進前，扞權 ê 條頓騎士踮遮已經起造 Dominikanerkloster➀交 Liebfrauenkirche 教堂。
1246 年 Elbląg 按 Lübisches Recht 呂北克律法得著城市權利交鑄錢權，這座城市 ê 呂北克人 mā 勻勻仔增加，其他 ê 城市建築像病院 mā tī 這段時間起造。
➀ 起造 1239，1542 修道院最後兩位僧侶 kā 伊交 hōo 市政府，1945 損蕩嚴重，1960 ~ 1980 循原圖翻新起造，目今是博物館。
目今重要地標，起造 tī 1247 年 ê Nikolaikirche 聖尼古拉斯主教座堂➁
14 世紀 ê Elbląg 交 Gdańsk(Danzig) hām Toruń(Thorn)成做 Hansestädte 漢薩城市➂ tī 中東歐地區上主要 ê 角勢 mā 因為徛位東海交𫝛款丹麥、挪威捷相罵無揀喙，相拍揀東海。
1360 年鳥鼠仔症(Pest, Plague) kā 城市百分之九十 ê 人𤆬去塗州賣鴨卵。
1367 年 Elbląg 交 Chełmno(Kulm)海烏姆諾 hām Toruń(Thorn)做陣加入 Kölner Konföderation 科隆聯邦，1397 成立四跤杜定聯盟，貴族交城市開始反抗條頓騎士團。
Elbląg tī Schlacht bei Tannenberg (1410)坦能堡之役結束，換波蘭扞權八禮拜。1414 波蘭軍隊閣一斗向 Elbinger Ordensschloss 條頓騎士城堡進軍，不過無成功。
1440 年 Elbląg 交 Preußischen Hansestädte 普魯士漢薩城市 hām 田庄做陣成立 Preußischen Bund 普魯士聯邦反抗條頓騎士團，𫝛時揣求 tī 波蘭王國 ê 主權之下自治。
1452 年𪜶 ê 要求按皇帝 Friedrich 三世得著確定，tī Dreizehnjähriger Krieg 13 冬戰爭(1453 ~ 1466)，當地居民 mā 做陣加入圍城並 tī 圍城成功之日 kā 條頓騎士團堡寨(Burg Elbing)規个損蕩，目今 ê 伊順遺址重新起造並成立博物館。
十三冬戰爭結束，波蘭國王 Kasimir IV 交伊 ê 接任者接續向時 ê 城市權利 mā 賜 Elbląg 厚突突 ê 城市權。1478 年，新舊 Elbląg 敆做一个城市。條頓騎士團 tī Zweiter Frieden von Thorn 第二斗托倫和約 hōo 要求放棄 Pommerellen 東波美拉尼亞(代表城市 Gdańsk)、Kulmerland(代表城市 Chełmno)、Ermland(代表城市 Elbląg)，準做伊屬普魯士領土 mā 愛轉做波蘭領地， 並遵守波蘭律法。這个和平條約 mā 成做地理 khi̍t-kho̍k 板 ê 德國人家己捎無摠，我這个外國人愈揣無摠 --- 准過。
1579 遮交英格蘭展開密切 ê 貿易來往，鬧熱 ê 市草 mā 引𤆬英格蘭交蘇格蘭人來遮釘根生湠。
➁ 參觀規定：禁止短褲、䘥仔、ランニング、戴帽仔
➂ 華語號做漢薩同盟
➃ 德語號做 Ostsee(東海)，華語號做波羅的海
➄ 對抗「丹麥挪威」ê 聯盟
友好城市 - 台南
交英格蘭 ê 貿易沓沓仔增加並穩定 ê 1620，Elbląg 按 Hansestädte 漢薩城市退出。1620 烏鼠仔症行跤到，1626 ~ 1635(1618 ~ 1648 三十冬戰爭) 瑞典 kā Elbląg 當做抵抗新教抗爭 ê 總部，並 tî 這段時間 kā 伊有興趣 ê 文物款轉去瑞典，紲落來 ê 第二斗北方戰爭(1655 ~ 1661)瑞典 mā 是目睭掛斗概，看人物就愛。這場戰爭 mā 改變領土若鬥片仔 ê Mark Brandenburg 布蘭登堡候選國 ê 領土佮歷史➅。1698.11月 Brandenburgisch-preußischen 布蘭登堡 - 普魯士直接入城宣示主權，波蘭抵抗，1699.12月根據 Tractatus retraditae Elbingae (Elbinger Rückgabevertrag 歸還條約) ，Elbląg 掛但書(tān-su)歸還波蘭 --- 1700.2.1 開始 ê 3月日波蘭無根據韋勞合約 kā 後謝清數，Elbląg 交附近 ê 城鎮屬布蘭登堡 - 普魯士領土。這時 ê 後謝金按猶未清數 ê 150,000 Talern 起價到 300,000 Talern。波蘭因為北方戰爭國家財政倒攤，1703 Elbląg 成做德國人。1758 ~1762 Siebenjähriger Krieg 7冬戰爭 Elbląg 按德國人成做露西亞人 tī 這段期間，天主教交新教 ê 分 buē 平，拍到二十九暝 mā 一直 teh 餾。行過拿破崙戰爭，行過露西亞再次 kā 手伸過來 ê Elbląg tī 19 世紀 mā 跟綴工業革命 Great again。經過一段市草交易徛家 mā 確定 ê 日子，歐洲又閣分 buē 平，拍到二九暝 hōo 又閣翻頭行入往過，這時徛這搭，彼久徛彼搭 ê 無奈何(ta-uâ)。
➅ Vertrag von Wehlau 韋勞合約(1657)：布蘭登堡幫贊波蘭抵抗瑞典所簽 ê 合同，合同內容承認布蘭登堡 tuì Elbląg 交附近 ê 城鎮徛有主權並後謝 400,00 Talern(德國舊貨幣 huè-pè)，不過這个合同並無兌現。
Solidarność 團結工聯紀念碑
低路人 m̄ 捌波蘭歷史，總是順遮 ê 城市行讀歷史，頭殼內 ê 海馬總愛泅水到非洲大陸並 kā 波蘭想做彼隻下性命四處走 hōo 獅虎豹逐 ê 羚羊 mā 想著彼隻 hōo 鱷魚咬絚絚猶原下性命按河岸泅 ê 非洲水牛。
二戰蘇聯按反抗者成做威權獨裁者 ê 戰車一四界駛，tī Solidarność 成做捒倒蘇聯圍牆 ê 1970 Elbląg 交 Gdańsk, Szczecin(Stettin)什切青 mā 共同徛出來反抗波蘭共產政府。
蘇聯離開，波蘭行入民主，Elbląg mā 沓沓仔按塗炭仔行向皇后 ê 面容 kā 舊城按原圖一瓦一磚疊轉來。有久長歷史交豐沛文物 ê Elbląg 交德國 Schloss Sanssouci 無愁宮仝款，珍貴歷史文物多數行入這座城市 ê 夢。
我 tuì Elbląg ê 記持無 Gdańsk ê 深，m̄-koh 這件代誌我一直撏牢牢。
交翁 tī 輕鐵等待車幫轉去露營區，一位波蘭序大行向 gún 手那指車幫表那 tuì 兩隻聽無波蘭語 m̄-koh 知影伊意思 ê 鴨仔講話。凡勢看 gún 有反應，伊隨越頭請一位少年媽媽 kā 伊鬥相共。我 m̄ 知影 gún 翁 ê 阿公阿媽按怎看待孫仔 buē 曉講家己話，總是我理解這位波蘭序大 ê 心情。
「我 ê 後生交恁仝款是海洋姻緣，𪜶後月日 bueh 轉來波蘭。我後生交愛呂蘭牽手生三个囡仔，三个囡仔一句波蘭語攏 buē 曉講....」波蘭序大那講那看我文文仔笑，我知影這个笑容有伊 ê 無奈何 m̄-koh m̄ 知影愛按怎安慰這位序大，只好 tī 車幫沓沓仔倚入月台手伸出來表示 bueh kā 攬一个，波蘭媽媽目乾含真珠交我恬靜享屬於 gún 兩人 ê 理解。上車了後，我按月台一路揲手到無法度見著短短緣份 ê 波蘭序大，波蘭序大 mā 跟綴車幫一路揲手到月台無位通行 ê 角勢。
我 ê 阿母轉去塗州十外冬，波蘭序大照後生年歲來算，伊應當交大我 14 歲 ê 大姊仝年歲，我 m̄ 知影若伊猶在世搪著這款問題，伊 ē 按怎反應，畢竟阿媽佮媽媽無相仝。Gún 大姊兩个後生娶兩个 m̄ 教囡仔講臺灣話 ê 臺灣某。所致𪜶真無佮意 kā 囡仔𤆬來見阿祖，因為阿姨我 ē 教歹囡仔講臺語。
Braniewo 布拉涅沃交 Immanuel Kant 康德 ê 家鄉 Königsberg 國王山➆齊屬德國歷史地名 Ostpreußen 東普魯士地區，目今 ê 國王山成做露西亞 ê 領地 Kaliningrad，Braniewo 就成做伊 ê 柴杙城市。
這个城市 ê 起源有三个，一个是按條頓騎士團遐來(1254)，一个是按 Bruno von Schauenburg 主教遐來。
➆ 華語號做柯尼斯堡
這座城市交 Elbląg 𫝛款 tī 北方戰爭成做瑞典 ê 領土，tī 拿破崙戰爭成做法國 ê 領土，紲落來 ê 歷史跤跡，伊一直徛位 tī 普魯士領土一直到 1945 進前。
Tī 普魯士年間，伊 mā 是市草上交易 ê 城市之一。
這座歷史久長 ê 城市，因為徛踮戰爭要位 hōo 伊跟綴咱祖先流傳 ê 俗諺語起厝千日，拆厝一陣風，規个舊城成做烌。
1945 後 ê 居民人口按德國人轉做波蘭人交烏克蘭人。
舊城目今 ê 古蹟面肉 mā 是戰後一瓦一磚疊轉來。
倚 Kaliningrad 6 公里 ê Braniewo m̄ 知是受蘇聯影響抑是倚露西亞傷過近，行踏這个城市我一感覺若踅轉來臺灣，跟綴歷史跤跡看臺灣藝術 1949 ê 前後變化，並理解「頂樓加蓋」m̄ 是臺灣 ê 特有種。
德國 mā 有 tsuē-tsuē 違建，總是人 ê 違建是順歷史 ê 線條沓沓仔一瓦一磚 kā 疊做無宛 2 體，紲落來閣按違建成做觀光景點，遮是交臺灣仝款，一个有歷史 ê 厝宅頂懸是亞鉛鉼(a-iân-phiánn) ê 䆀。
按呢比並 mā 無公平，畢竟伊 ê 櫳(lông)比臺灣 ê 櫳仔媠甲 m̄ 是重倍(tîng-puē)是百倍。遮 ê 櫳仔是百冬教堂改妝。無斟酌看頂懸 ê 鐵網仔 ē 掠做是博物館。
目今 ê Braniewo 市草倚靠露西亞，烏露戰爭進前行踏這座城市 ē 掠做人 tī 露西亞，烏露戰爭開始連中國人 mā 想 bueh 關店轉家鄉。
「中國人?」扞店 ê 中國太太以波蘭語問我。
我幌頭表示 m̄ 是，見著伊失望 ê 眼神，我感覺家己無應當遮爾仔堅持「中國人?」這句話，因為伊凡勢 teh 問「普通話?」
「我臺灣人」聽著我講華語，這位中國太太 tshan-tshiūnn 人 tī 葡萄牙搪著 ê 中國員工仝款，那工課那以伊上四序 ê 語言開講。
語言是一種溫暖 mā 是反抗，tī Braniewo 我感受著溫暖 mā 感謝這位中國太太願意主動交我冇談，畢竟 m̄ 是每一个中國出外人攏願意交你挨拶話自在。
愛讀書 ê 四跤仔 - Węgorzewo/Angerburg
Węgorzewo 文戈熱沃交 Elbląg, Braniewo 𫝛款屬德國歷史地名 Ostpreußen 東普魯士地區，倚露西亞 Kaliningrad 北爿 20 公里。
Węgorzewo tī 1335 年已經按 Angirburg 這个字名出現 tī 神奇符號內底，並記錄伊 ê 城市面肉 --- 有柴厝、圍牆、望高樓 mā 有另外一个講法這是條頓騎士團 1341 年賜 hōo 普魯士王子 ê 獎勵。
1363 年 Węgorzewo 按立陶宛王子手頭成做烌，三十冬後條頓騎士團 tī 遮起造全新 ê 石頭堡寨交建立市草。
1450 年遮 ê 人口交市草已經有法度成做一个鎮，斯當時伊號做 Neudorf 新庄。
普魯士公國建立，新庄成做普魯士公國 ê 首都並定名做 Angerburg(1571)並提著權市權。
榮華富貴永遠捙拚 buē 過火燒，1608 ê 火厄 kā 城市建設燒甲 kiōng-bueh 見無肉幼仔，包括重要 ê 市政廳。
接紲 ê 歷史就交伊 ê 東普魯士兄弟仝款，齊行過北方戰爭、七冬戰爭、拿破崙戰爭交瘟疫。
Węgorzewo ê 人口變化 mā 跟綴軍隊 teh 變化。駐軍 tsuē 人口增加，駐軍離開人口減少，不過人口開始沓沓仔固定是按歐戰開始 ê 1914 年前幾冬，彼時陣 ê 人口大多數是德國人。
二戰結束，蘇聯 kā 這个無啥受著二戰傷害 tī 城市毁甲 hōo 人認 buē 出伊是 tsiâ，紲落來安排 Beskiden 馬鞍山烏克蘭人來遮生湠。
紀念出世 tī 這个城市 ê 德國阿公 Opa
Węgorzewo ê 人口變化 mā 跟綴軍隊 teh 變化。駐軍 tsuē 人口增加，駐軍離開人口減少，不過人口開始沓沓仔固定是按歐戰開始 ê 1914 年前幾冬，彼時陣 ê 人口大多數是德國人。
二戰結束，蘇聯 kā 這个無啥受著二戰傷害 tī 城市毁甲 hōo 人認 buē 出伊是 tsiâ，紲落來安排 Beskiden 馬鞍山烏克蘭人來遮生湠。
目今 ê Węgorzewo 上出名 ê 觀光行程是帆船旅行。
Fairy tale or not, you can think what you want.
But i tell you that, Gnomes are in the world.
Maria Konopnicka ê 家鄉 Suwałki 蘇瓦烏基
倚立陶宛 30 公里 ê Suwałki 蘇瓦烏基自鐵枝路按柏林楦闊到 Riga 里加(拉脫維亞首都)，伊按恬靜 ê 柴杙城市成做鬧熱市場 ê 角勢。
「恁敢有欠四常用品，若有這久上好出發去款物，起因歇睏日 ê 拜六交禮拜 gún 波蘭人 buē 去超市𤲍燒」停跤 ê 露營地主人家 tī gún 揣好角勢隨來提醒，隔日 ê 洘秫秫。
我鐵齒銅牙槽 m̄ 信篤，上北落南再次停跤 Suwałki，人猶未向露營地報到，我隨向超市報到。
使用歐元 ê 立陶宛城市人口除了首都，大多數無夠外資寄望 ê 額，所致真僫搪著 Lidl, Aldi, Intermarché 遮 ê 外國超市。遮 ê 外國超市交當地超市像 Rimi, Iki 窮實無宛 2 體，總是價數決定一切 hōo Suwałki ê 拜六交禮拜成做齊立陶宛人交拉脫維亞人 ê 添糧地。
交波蘭是厝邊 ê 立陶宛人到 Suwałki 添糧我理解，拉脫維亞人？這斗上北無孤行首都，我 tuì 翁講「一逝車錢 ē-tàng 滿足一月日 ê 喙斗並感受俗物 buē bué 破家，我 mā 願意走這逝路。」
波羅的海物價 tshan-tshiūnn 人 tī Eesti 愛沙尼亞寫問卷，問卷工作人員回答翁 ê 哭呻「你愛知影遮 ê 物價是德國 ê 重倍閣重倍。」
Maria Konopnicka 佮 Gnomes/zwerge/矮仔精靈
波蘭交立陶宛 tī 1569 ~ 1795 是 Rzeczpospolita Obojga Narodów 抑是 Abiejų Tautų Respublika ê 二元君主國，史稱波蘭立陶宛大公國(D:Polen-Litauen, E:Polish–Lithuanian Commonwealth) hōo 伊交歐洲 tsuē-tsuē 角勢有若彩色膨衫紗 ê 僫按紗線搝孤一色紗，總是 Suwałki ê 地名是按立陶宛語 ê su- (near)交valka (creek, marsh)生湠，意思是倚河溪抑是湳塗 ê 角勢。
Suwałki tī 往過徛位 Sudauer(Jatwinger➇)，Sudauer 屬西波羅的海普魯士一个部落，13 世紀 hōo 條頓騎士團征服。伊 ê 土地押尾分做兩爿，北爿成做東普魯士，南爿成做波蘭交立陶宛 ê 領土，紲落來條頓騎士交波蘭、立陶宛共同協議界限 hōo 伊成做立陶宛一部份，並定名做 Podolien。
1795 年進前 Suwałki 屬立陶宛 ê 領土，後來因為共同抵抗俄國 ê 普魯士斡向俄國➈，伊 tī 波蘭放棄戰鬥 ê 1795 ~ 1807 成做普魯士領土，1807 交華沙公國(1807 ~ 1815)敆做伙，並成做露西亞 ê 一部份。
1919 歐戰結束，Suwałki 成做波蘭 ê 領土，1920 交立陶宛發生界限衝突。1941 ~ 1944 德國第三帝國 kā 遮號做 Sudauen，二戰結束 Suwałki 劃入波蘭領土。
自露西亞侵佔 Krim 克里米亞 Suwałki 成做北約重要 ê 軍事走廊 - Suwałki corridor。
➇ 目今 ê 波蘭、立陶宛、白俄羅斯
➈ 波俄戰爭 1792 - 第二斗分割波蘭
自跤花開始栽向波蘭抑是捷克我捷感覺，囡仔時讀 ê 囡仔古交我認捌 ê 德國地理光景齊按波蘭抑是捷克來，特別是波蘭。
這斗行踏 Suwałki，因為大腸告小腸，因為步頻成做貧惰骨無想 bueh 扞鼎 hōo 我骨力按露營地划向一屑仔攏揣無心適興 ê 市中心。我搪著交 Wrocław 佛羅瓦茨夫(D: Breslau) ê 矮仔精靈，規𤺪人隨精神，不過我無照引路單揣矮仔精靈，畢竟腹肚無先 kā 顧好勢是 bueh 按怎顧 buē 止枵 ê 好玄。
矮仔精靈凡勢 mā 感受我 ê 枵過飢隨引𤆬 gún 翁仔姐行向在地灶跤食好料。
雞排馬鈴薯泥刺瓜仔生菜盤
讀無波蘭文 ê gún 有機會交這間連露營地主人家攏褒嗦我是好鼻師 ê 食堂相拄搪愛感謝共產年閣 ê 和齊。
Tuì Pizza 揣無食興，tuì hōo 露營地主人家剾洗家己 ê 城市是德國土耳其烘肉 ê 第一分公司 ê Kebab mā 相𫝛 ê 我 tī 我準備踅翻頭轉去骨力扞鼎，矮仔精露出現紲落來就是 hōo 我掠做是越南餐廳 ê 食堂。
菜蔬絞肉馬丸仔鈴薯泥刺瓜仔生菜盤
「你無興食亞洲料理無要緊，我要緊」手一指我 bueh 行踏 ê 角勢，綿豉喙白 ê 翁隨大步划做伙講「媠某主意，我出錢。」
翁仔姐划到店門口，見走廊無一葩電火想 bueh 斡頭向 Kebab 抑是 Pizza 投降，一聲 Ach so 成做 gún 大膽 kā 跤步踏出去 ê 引路人。
順告示行入食堂，我笑 tuì 翁講中國有一首詩按呢寫「柳暗花明又一春」遮 mā 是。
往過行踏波蘭感覺波蘭人 tuì 能源節約是一屑仔攏無要意 ê 一四界光映映，這斗行踏波蘭發見𪜶除了物價沓沓仔 teh 𬦰崎，往過 ê 街路日鬚赤煬煬店內 mā 光映映 ê 情景愈來愈少，甚至有行向德國店家 ê 感覺，規間店無細膩繩著一葩若番仔火油燈 ê 光 ē 掠做𪜶無開門做生理。
順熟似 ê 德語聲行入食堂，一位波蘭姑娘拄好 teh 紹介家鄉氣味 hōo 德國朋友，gún 翁仔姐就順波蘭姑娘 ê 紹介點菜，美味しい neh。
守衛 Maria Konopnicka 老厝 ê 矮仔精靈
Maria Konopnicka 瑪麗亞·科諾普尼卡 1842.08.23 出世 tī Suwałki，伊是詩人、散文、囡仔古作家。
讀無波蘭文，讀德英文，英文寫 You can help expand this article with text translated from the corresponding article in Polish. (08 2023) Click [show] for important translation instructions，讀德文，德文 tuì 伊 ê 紹介無蓋 tsuē。
不過我 tuì 德文翻譯 ê 這葩詩誠有感受，就 kā 伊記錄並小小翻譯踮遮。
提供行尞客歇睏食頓 ê 古錐歇睏站
我 tuì 波蘭無理解，總是自行踏波蘭森林捷搪著 Glückpliz(Fliegenpilz) 交 tsuē-tsuē 阿菇，我開始認為我讀 ê 囡仔古角勢是按波蘭來，波蘭 ê 阿菇 tsuē 甲我 ê SD 卡無夠貯。
是講，我遮爾仔愛看阿菇，呔討猶是無生 Olga Tokarczuk 0.1% 是 ê 智慧？
是講這自本 m̄ 免呔討，每一个人有伊家己 ê 天性，因為這个天性 m̄-tsiah 引𤆬咱 Kreis von Kreisen --- 按圓湠圓。
這个古錐 ê 歇睏站倚 Braniewo 佮 Frombrok
2024 翻頭看 2023，按 Blog 我生湠家己 ê 平靜，我 buē 閣無枷夯交椅舞死家甲，像一日愛一篇食譜記錄，一日愛有兩張相片，一日是早起頓，一日起下昏飯。
2025 翻頭看 2024，我接受家己 ê 頇顢 mā 生湠耐性 hōo 家己順時間引𤆬我開始交結束，像一開始創造神奇符號無 kā 伊當日來往結束，我 buē 放家己煞 ê 紅龜生蟲，龜怪。
2019 到 2025 我 tuì Blog 敢有人來行踏猶是𫝛款 ê 態度，這粒草花 buē hōo 我大箍 Das macht den Kohl nicht fett ê 一屑仔無要意，總是我非常清楚彼 m̄ 捌屬過我個人收藏 ê 今日事今日畢一直交我米糕𣻸 hōo 我真𠢕 tuì 家己情緒叨撚，紲落來心肝穎有一塊大石頭硩牢牢 ê 無四序。
我 m̄ 知影我呔有這款性地，總是搪著就愛好好仔 kā 處理，抑無這 hōo 我自在做議量 ê 角勢，有一日 ē 因為這个問題成做我個人 ê 妖魔鬼怪。
2025 我 buē 閣認為 Der frühe Vogel fängt den Wrom 早一步，有頭路，慢一步，無半步 ê 愛骨力 tsiah buē 三日無餾，𬦰上樹。
2025 ê 我 mā buē 閣認為記錄 ê 文章 buē-tàng 修改抑是洗汰。
2025 ê 我學著 Das Schicksal wollte es so ，運命愛伊是按呢生，時間 mā 是，有偌 tsuē 氣力就做偌 tsuē 代誌，m̄ 通 kā 家己箍 tī 口號。
2025 感謝家己願意翻頭巡田園，翻田塗，因為這个過程我學著學校 m̄ 捌教 ê 智慧。
按《波蘭ⓅⓁ露營》來去天文學家 Kopernik 哥白尼 ê 百年厝車日子 ⋯ 波蘭弗龍堡 ▪ Frombork, Polska 獨立 ê 2024 波羅的海露營文。
留言列表
冊 ▪ Bücher ▪ Books (4)
